13
የሱሳ ፋ ታማሩንꬅ ቶህቶ ሜጭዳ
1 ፋስጋ ቦንችዘ ቃምታ የሎዳንፓ ቲኖ Ꮉና አላምቶ አሺ አደጎ ቅትዘ ዎደ የልዳኖ የሱሳ ኤራነ። Ꮉና አላምተ የዘ ፋ አሱንꬃና ኡባ ዎደ ካꬋነ፤ ዉርሱꬅ የሎደስ ኡንታና ካꬋነ።
2 የሱሳራን ኤ ታማሩንꬃራ ዎላ ካዎ ሙነ። ይንፓ ቲኖ ጻላሄ ስሞና ናአ አስቆሮቱ ይሁዳ የሱሳ አꬂ እንጎደጋራ ኤ ዎዝንተ ኢታ ቆፋ ጋድዳ። 3 የሱሳ አዳይ ኡባባዝቶ ኤ ኩሽተ ጋድዳኖ፥ ኤ ጾዘ ካለፓ ይእዳኖን ማቂ ኤጎ ኡዶዳኖ ኤራነ። 4 የሱሳ ካዎፓ ደንዲ ካታራ የዘ ማእቶ ቃሪ ጋዲ፥ አፉላ ሎዶ ኤኪ ፋ ቃዝንተ ዳንጭዳ። 5 ይንፓ ማቂ፥ Ꮉꬅ ጋባተ ፋቅ፥ ፋ ታማሩንꬅ ቶህቶ ሜጭዳ፤ ማህ ፋ ቃዝንተ ዳንጭደ አፉላ ሎዶራ ኡጭዳ።
6 የሱሳ ስሞን ጴጥሮሳጎ የልደ ዎደ ጴጥሮሳ፥ «ላꬆ፥ ነ ታ ቶህቶ ሜጮዳነ?» ያጋይዳ።
7 የሱሳ ማህ ኤጎ፥ «ታ ኦችዛኖ ነ Ꮉተ ኤሮስ፥ የዝን ሱባፓ ቲሮዳ» ያጋይዳ።
8 ዬዝን፥ ጴጥሮሳ፥ «ነ ታ ቶህቶ መꬍናስ ሜጫማ» ያጋይዳ።
የሱሳ ኤጎ፥ «ታ ነ ቶህቶ ሜጫንጽኮ ኔስን ታስ ፈተትꬅ ባያ» ያጋይዳ።
9 ጴጥሮሳ የሱሳጎ፥ «ላꬆ፥ ዬዛኮ፥ ታ ቶህቶ ጻላላ ማቅካይዝን ታ ኩሽቶን ታ ኦምቶን ኡባ ሜጮ» ያጋይዳ።
10 የሱሳ ማህ፥ «ጋላ ማትንትደ ኦደን ቶሄፓ መለባዝ ማትንቶደስ ቤዞስ፤ ኤስ ኡባ ጋልታ ጌሽ። ይን ጌሽ፥ የዝን ኡቡንꬅ ጌሽ ባያ» ያጋይዳ። 11 የሱሳ ፋና አꬂ እማደ አꬄ ኦና የዛኮ ኤርዘ ግሾ «ይን ኡቡንꬅ ጌሽ ባያ» ያጋይዳ።
12 ኡን ቶህቶ ሜጭዳንፓ ማቂ የሱሳ ፋ ማእቶ ማህ ማእዳ። ማቂ ኡን ግዳ በቲ ኡንታጎ፥ «ታኒ ይንትስ ኦችዳኖ ቲራነ?ሉቃ. 22:27 13 ይን ታና አስታማረን ላꬅን ጋነ፤ ታኒ ይን ጋዛን ፋና ማቅደ ግሾ ሎኦ ጋይዳ። 14 ታ ይንትስ ላꬅን አስታማረ ማቅተራ ይን ቶህቶ ሜጭኮ ይንትን ፈተ ፈተስ ይኒ ጋራ ኦቾደስ ቤዛነ። 15 ይኬ፥ ታ ይንትስ ኦችዳን ጋር ይንትን ኦቾደ ጋር ታ ይንትስ አዝዘ እንግዳ። 16 ታ ይንትስ ቱሮ ቱሮ ጋነ፤ አሮ ፋ ላꬄፓ፥ ኪትንትዘን ኪትደፓ አꬎኦስ።ማቶ. 10:24፤ ሉቃ. 6:40፤ ዋሐ. 15:20 17 ይን ይኖ ኤሪ ኦችዛ ማቅኮ አንጅንትዱንꬃና።
18 «ታ ይን ኡቡንꬃና ጋኦስ፤ ታ ዶርዱንꬃና ታ ኤራነ። የዝን ጌሽ ማጻፍተ፥ ‹ታ ቦርዛ ሙይደ ታላ ደንድዳ› ጋእንትዳና ቱሮ ማቃደስ ቤዛነ። ማዝ. 41:9 19 ታኒ ታና ማቅዛኖ ይን አማኖደ ጋር ይና Ꮉኖዳንፓ ቲኖ ይንትስ ኦህነ። 20 ታ ይንትስ ቱሮ ቱሮ ጋነ፤ ታ ኪትደ አꬃ ሞክዘ ታና ሞካነ። ታና ሞክዘ ኦደን ታና ኪተዛ ሞካነ» ያጋይዳ። ማቶ. 10:40፤ ማር. 9:37፤ ሉቃ. 9:48፤ 10:16
የሱሳ ፋና አꬂ እንጎደ ኦና የዛኮ ቲኒ ኦህዳ
(ማቶ. 26:20-25፤ ማር. 14:17-21፤ ሉቃ. 22:21-23)
21 የሱሳ ይኖ ኦህዳንፓ ማቂ ፋ ዎዝንተ ጋማ ኡንእንት፥ «ታ ይንትስ ቱሮ ቱሮ ጋነ፤ ታና ይንታፓ ፈተ አꬂ እንጎዳ» ጋእ ቆንጭዝ ኦህዳ።
22 ኤ ኦህዳና ታማሩንꬅስ ኤርንታንጽን ዎል ብእዳ። 23 ኤ ታማሩንꬃፓ ፈተ፥ የሱሳ ካዽዘ፥ የሱሳ ካለ በትዳ። 24 ይኒ ግሾ፥ ስሞን ጴጥሮሳ ኤዛ ማሊ፥ «ኤ ኦና ጋዛኮ አነ ኦጮ» ያጋይዳ።
25 ይኒ ግሾ፥ የ ታማርዘ የሱሳጎ ሺቂ፥ «ላꬆ፥ ኤ ኦደ?» ያጋይዳ።
26 የሱሳ ማህ፥ «ታ ቦራ ባጽ ቱሺ ባርስዛያ» ያጋይዳ። ማህን ቦራ ባጽ ኤኪ፥ ቱሺ፥ ስሞና ናአይ አስቆሮቱ ይሁዳስ እንግዳ። 27 ይሁዳ ቦርዛ ባርዳንፓ ማቂ ጻላሄ ኢራ ይሁዳ ግዳ ገልዳ። የሱሳ ኤጎ፥ «ነ ኦቾደስ ቆፐዛኖ ኤልሲ ኦቾ» ያጋይዳ። 28 የዝን በቴዙንꬃፓ ኦደን የሱሳ ይኖ አኮስ ኤጎ ጋኤዛኮ ኤርካያ። 29 ይሁዳ ብራ አይክዘ ግሾ ኤዛ ታማሩንꬃፓ ፈተ ፈተ የሱሳ ኤዛ፥ «ፋስጋ ቦንችዘ ቃማስ ፋስ ቤዝዘ ባዝ ዎንጎ ዎይ ዳሁንꬅ ሙጻተ እንጎ ጋይዳ» ያጋእ ቆፕዳ።
30 ይሁዳ ቦርዛ ኤክደ ፋና ኢራ ባለ ከዝዳ። የ ዎደ ሳእታ ቃማ።
ክለ ኪታ
31 ይሁዳ ባለ ከዝዳንፓ ማቂ፥ የሱሳ፥ «Ꮉተ አስ ናአይ ቦንችንትዳ፤ ጾዝን ኤ ባጋራ ቦንችንትዳ። 32 ጾዚ ኤ ባጋራ ቦንችንትን ኤ ፋ ኦምተ አስ ናአያ ቦንቾዳ፤ ማህ ኤ ይኖ ኤልሲ ዪሳዳ። 33 ታ ናኡንꬆ፥ ታ ይንታራ ጋማ ዎደ ጋምኦስ። ይን ታና ኮዮዳ፥ የዝን ታ አይሁዱንꬅስ ኦህዛን ጋር፥ ‹ይን ታኒ ቅትደ በስቶ ዮኦደስ ዳንዳኦስ።›ዋሐ. 7:34 34 ታ ይንትስ እንግዘ ክለ ኪታ Ꮉኖ፤ ፈተ ፈታ ካꬎተ። ታ ይንታና ካꬍዳንፋና ይን ፈተ ፈታ ካꬎደስ ቤዛነ። ዋሐ. 15:12፥ 17፤ 1 ዋሐ. 3:23፤ 2 ዋሐ. 5 35 ይን ፈተ ፈተራ ካꬍንትኮ ይን ታ ታማሩንꬃና ማቅዛኖ አስ ኡባ ይነ ኤሮዳ» ያጋይዳ።
ጴጥሮሳ ካዶዳኖ የሱሳ ቲኒ ኦህዳ
(ማቶ. 26:31-35፤ ማር. 14:27-31፤ ሉቃ. 22:31-34)
36 ስሞን ጴጥሮሳ የሱሳጎ፥ «ላꬆ፥ ነ አባ ቅተ?» ያጋይዳ።
የሱሳ ማህ፥ «ታ ቅትዘ በሳ ነ Ꮉተ ካሎደስ ዳንዳኦስ፥ የዝን ሱባፓ ታና ካሎዳ» ያጋይዳ።
37 ጴጥሮሳ፥ «ላꬆ፥ ታ ነና Ꮉተ ካሎደስ አኮስ ዳንዳኦሳ? ታ ነ ግሾ Ꮉይቆደስን ጊጊ በትዳ» ያጋይዳ።
38 የሱሳ ማህ፥ «ታ ግሾ Ꮉይቆደስ ቱሮ ጊጊ በትዳ? ታ ኔስ ቱሮ ቱሮ ጋነ፤ ሉኩለ ኡኮዳንፓ ቲኖ ነ ታና Ꮉይꬕ ቶሄ ካዶዳ» ያጋይዳ።