1 ፋስጋ ቦንችዘ እዝፑን ቃማፓ ቲኖ፥ የሱሳ Ꮉይቆፓ ደንꬅደ አላዛረ የዘ ጉታ፥ ብታንያ Ꮉንግዳ። 2 ይና በስተ ኡን ኤስ ካዎ ጊግዝዳ። አላዛረ የሱሳራ ዎላ ሌማተላ በቴዝን ማርታ ኡንትስ ኪትንታነ። 3 ማይራማ ናርዶሳ ጋዘ ጋማ አልኦ ጌሽ ሽቶ ክእ የሱሳ ቶህትላ ጉስዳ። ፋ ኦምትራ ኤ ቶህቶ ኡጭዳ፤ ኬꬅተ ኡባ ሽቶ ሳዎራ ቶንኩ ጋይዳ። ሉቃ. 7:37-38

4 የዝን የሱሳ ታማሩንꬃፓ ፈተ፥ የሱሳ አꬂ እንጎደስ የዘ፥ አስቆሮቱ ይሁዳ፥ 5 «Ꮉና ሽትታ Ꮉይꬕ ጼት ድናረስ ባይዝንቲ፥ ሚሽታ ዳሁንꬅስ እንግንቶሳ?» ያጋይዳ። 6 ኤ ካይዞ ማቅደ ግሾ ይኖ ጋይዳፕ አትን ዳሃስ ይቅስንቲ ጋይካያ። ኤ ብራ አይክዛ ማቅደ ግሾ ኡባ ዎደ ኢፓ ፋስ ኤካነ።

7 የሱሳ፥ «እዛ ፋስ የዘ ባዝ ታ ሞግንትዘ ቃማስ ምንጅደ ግሾ እዞ አሺ አሾተ። 8 ዳሁንꬅ ኡባ ዎደ ይንታራ የሳዳ፥ የዝን ታ ኡባ ዎደ ይንታራ የዞስ» ያጋይዳ። ማሄ 15:11

9 የ ዎደ ጋማ አሱንꬅ የሱሳ ብታንያ የዛኖ ስእ እዘ ይእዳ። ኡን የሱሳ ጻላላ ማቅካይዝን ኤ Ꮉይቆፓ ደንꬅደ አላዛረን በአደስ ይእዳ። 10 ይኒ ግሾ፥ ካህኑንꬅ Ꮉላቁንꬅ አላዛረን ጉጂ ዎꬎደስ ዞርንትዳ። 11 አኮስ ጋይኮ፥ አላዛረ ባጋራ ጋማ አይሁዱንꬅ ኡንታና እጺ የሱሳ አማንዘ ግሾ።

12 ዎንትስት ዎደ ፋስጋ ቦንችዘ በስተ የእዘ ጋማ አሱንꬅ የሱሳ የሩሳላመ ይእዛኖ ስእ፥ 13 ቂለ Ꮉየ ኤኪ ኤዛ ሞኮደስ ከዝዳ። ኡን ፋ ቃልቶ ꬎቅ ዪዚ፥

14-15 ጌሽ ማጻፍተ፥

16 የሱሳ ታማሩንꬅ ይኖ ቲኖ ቲሪካያ። የዝን የሱሳ ቦንችንትዳንፓ ሱባ ኡን ይኖ ኡባ ቲርዳ። ይና ኡባ ጌሽ ማጻፍታ ጋይዳንጋራ Ꮉንዳ።

17 የሱሳ አላዛረ ቦዛፓ ጼጊ፥ Ꮉይቆፓ ደንꬅደ ዎደ ኤራ የዘ ጋማ አሱንꬅ የሱሳ ባዝ ማርክꬍዳ። 18 ጋማ አሱንꬅ ኤዛ ሞኮደስ ከዝደ፥ ኤ ይና ክለ ባዝቶ ኦቼዛኖ ስእደ ግሾ። 19 ይኒ ግሾ፥ ፋርሳዉንꬅ ፈተ ፈተጎ፥ «ኑ አኮን ኦቾደስ ዳንዳኦሳኖ ቦኦተ፤ ዎርዥታ ኡባ ኤዛ ካልዳ» ያጋይዳ።

20 ፋስጋ ቦንችዘ ዎደ ጎይኖደስ የሩሳላመ Ꮉንገዙንꬅ ግዳ ፈቲ ፈቲ ግርኬ አሱንꬅ የነ። 21 ኡንትን ጋልላ ሳአ ቤተሳይዳ ካታማፓ ይእደ ፍልጶሳጎ ይእ፥ «ላꬆ፥ ኑኒ የሱሳ በአደስ ኮያነ» ያጋእ ዎስዳ። 22 ፍልጶሳ Ꮉንግ እንድርያሰስ ኦህን ላምኡንꬅ Ꮉንግ፥ የሱሳስ ኦህዳ።

23 የሱሳ ኡንታጎ፥ «አስ ናአይ፥ ቦንችንትዘ ዎደ የልዳ። 24 ታ ይንትስ ቱሮ ቱሮ ጋነ፤ ፈቲ ዛርጋ ኣፈ ሳአ ዎꬊ ዶላንጽኮ ፋስ አታነ። የዝን የ ዛርጋ ኣፍዘ ዶልኮ ጋማ ኣፈ አፋነ። 25 ፋ ሸምፕቶ ካዽዘ ኦደን ꬋብሳነ፤ ፋ ሸምፕቶ Ꮉና አላምተ እጽዘ ኦደን መዽና ደኦስ ናጋነ። ማቶ. 10:39፤ 16:25፤ ማር. 8:35፤ ሉቃ. 9:24፤ 17:33 26 ታ የዘ በስተ ታራ የሳደ ጋር ታስ ኦቾደስ ኮየዘ ኦደን ታና ካሎደስ ቤዛነ። ታስ ኦችዛ ኦናን ታ አዳይ ቦንቾዳ።

27 «Ꮉተ ታ ሸምፕታ ጋማ ኡንእንትዳ፤ ዬዝን ዋጎ? ‹ታ አዳዮ፥ ታና Ꮉና ሳትፓ አሾ› ያጋዉነ? አደ፥ ታ ይእዳና Ꮉና ማꬋ ሳትስ። 28 ታ አዳዮ፥ ነ ሱንꬅቶ ቦንቾ» ያጋይዳ።

የ ዎደ ሳሎፓ፥ «ታኒ ታ ሱንꬅቶ ቦንችዳ፤ ማህን ቦንቾዳ» ያጋዘ ቃላ ይእዳ።

29 ይና በስተ ኤቅደ ጋማ አሱንꬅ ይና ቃልቶ ስእ፥ «ይና ዳዳ ꬎገ» ያጋይዳ።

መሉንꬅ ማህ፥ «ኪታንቾ ኤስ ኦህዳ» ያጋይዳ።

30 የሱሳ ማህ ኡንታጎ፥ «Ꮉይ ኦꬅዘ ይን ግሾ ይእዳፕ አትን ታ ግሾ ባያ። 31 Ꮉና አላምታ ፍርድንትዘ ዎድታ Ꮉተ፤ Ꮉና አላምቶ አህዘ ካትዘ Ꮉተ ባለ ኦልንቶዳ። 32 ማህ ታ ሳአፓ ꬎቅ ꬎቅ ጋይደ ዎደ አስ ኡባ ታጎ ኮኦዳ» ያጋይዳ። 33 ኤ ይኖ ጋይዳና አኮ ጋር Ꮉይቆ Ꮉይቆድየዛኮ ኡንትስ ቆንጭሳደስ።

34 ጋማ አሱንꬅ ማህ፥ «ኑ ህግታ ክርስቶሳ መዽና የዛኖ ኦህነ። ዬዝን፥ ነ ዋጋእ፥ ‹አስ ናአይ ꬎቅ ꬎቅ ጋዉደስ ቤዛነ› ጋኤ? ‹ኤ፥ አስ ናአይ ኦደ?› » ያጋይዳ። ማዝ. 110:4፤ ኢሳ. 9:7፤ ሕዝ. 37:25፤ ዳነ. 7:14

35 የሱሳ፥ «ፎኦ ይንታራ ኤራꬅ ዎደ ጋምኦዳ። ይንትስ ꬉማመ ጋር ፎኦ የዝን፥ ፎእተ Ꮉንቶተ። ꬉማ የꬍዘ አስ አና ቅትዛኮ ኤሮስ። 36 ፎኦ ናኡንꬃና ማቃደ ጋር ፎኦ የዝን ፎእዛ አማኖተ» ያጋይዳ።

የሱሳ ይኖ ኦህዳንፓ ማቂ Ꮉንግ ኡንታፓ ገንግዳ። 37 ኤ ይኒ ፋና ክለ ባዝ ኡን ቲኖ ኦችንን አማንካያ። 38 ናበ ኢሳያሳ፥

39-40 ማህን ኢሳያሳ፥

41 ኢሳያሳ ይኖ ጋይዳና፥ የሱሳ ቦንችቶ ብእደ ግሾነ ኤባዝን ኦህደ ግሾ።

42 ማቅኮን፥ አይሁደ Ꮉላቁንꬃፓ ጋሙንꬅ የሱሳ አማንዳ። የዝን ፋርሳዉንꬅ ፋና አይሁዱንꬅ ዎሳ ኬꬃፓ ከሶዳ ጋእ ዣሽትደ ግሾ አማንዳ ጋእ ቆንጨ ማርክꬍካያ። 43 ይኖ ኡን ኦችደ፥ ጾዘ ቦንቾፓ አꬊ አስ ቦንቾ ካꬍደ ግሾ።

44 የሱሳ ፋ ቃልቶ ꬎቅ ዪዚ፥ «ታና አማንዘ ኦደን ታና ኪተዛን አማናነፕ አትን ታና ጻላላ አማኖስ። 45 ታና በእዘ ኦደን ታና ኪተዛን በእነ። 46 ታና አማንዘ ኡባ ꬉማ የዛመ ፋና ታ ፎኦ ማቂ አላመ ይእዳ። 47 ታ ቃልቶ ስእ ኪትንቶሳ ኦናን ታ ፍርዶስ። አኮስ ጋይኮ፥ ታ አላምቶ አሾደስ ይእዳፕ አትን ፍርዶደስ ይእካያ። 48 ታና እጽዛያን ታ ቃልቶ ኤኮሳ ኦናን ፍርድዘ የነ። ታ ኦህደ ቃልታ ዉርሱꬅ ቃማ የ አꬃ ፍርዶዳ። 49 አኮስ ጋይኮ፥ ታ ይኖ ታፓ ኦሆስ፥ የዝን ታና ኪተዘ ታ አዳይ ታ ጋዉዳኖን ኦሆዳኖ ኪትዳ። 50 ማህ ኤ ኪታን መዽና ደኦ ማቅዳኖ ታ ኤራነ። ይኒ ግሾ፥ ታ ኦህዛና ታ አዳይ ታስ ኦህዳኖ» ያጋይዳ።