19
ዎታዳሩንꬅ የሱሳ ለቂዳ
(ማቶ. 27:27-32፤ ማር. 15:15-21)
1 ይንፓ ሱባ፥ ጵላጦሳ የሱሳ ካንግ ጋራፍስዳ። 2 ዎታዳሩንꬅ አንጋꬅ ባርኔጻ መꬊ ኤ ኦምተ ጋድዳ። ማህ ዞቆ ማኦ ኤዛ ማእስዳ። 3 ኤጎ ይእተራ፥ «አይሁደ ካትዛዮ፥ ሳሮ ኔስ ማቀ» ያጋእ ኤዛ ባቂዳ።
4 ጵላጦሳ ማህ ባለ ኬዚ፥ አይሁዱንꬃጎ፥ «ይኬ፥ ታኒ ኤፓ አኮ ኢታባዝን ደንግካይዛኖ ይን ኤሮደ ጋር ኤዛ ይንታጎ ባለ ከሶዳ» ያጋይዳ። 5 ይንፓ ማቂ፥ የሱሳ አንጋꬅ ባርኔጻ ፋ ኦምተ ጋዲ፥ ዞቆ ማኦ ማእ፥ ባለ ከዝዳ። ጵላጦሳ አይሁዱንꬃጎ፥ «አꬃ Ꮉያ ቦኦተ» ያጋይዳ።
6 ካህኑንꬅ Ꮉላቁንꬅን ጾዘ ኬꬅቶ ናግዙንꬅ ኤዛ ብእደ ዎደ ፋ ቃልቶ ꬎቅ ዪዚ፥ «ማስቃላላ ሱጾ! ሱጾ!» ያጋይዳ።
ጵላጦሳ ኡንታጎ፥ «ይን ኤዛ ካንግ፥ ማስቃላላ ሱጾ። ታ ኤፓ አኮ ኢታባዝን ደንግካያ» ያጋይዳ።
7 አይሁዱንꬅ ማህ፥ «ኑስ ህገ የነ። ኤ ፋና ጾዘ ናአ ማህደ ግሾ ኑ ህግትጋራ ኤ Ꮉይቆደስ ቤዛነ» ያጋይዳ።
8 ጵላጦሳ ይኖ ስእደ ዎደ ቲኖንፓ ጋማ ዣሽትዳ። 9 ማህን ጵላጦሳ ፋ ኦቻ ኬꬅተ ማቂ ገሊ የሱሳጎ፥ «ነ አባፓ ይእዶ?» ያጋእ ኦጭዳ። የዝን የሱሳ ኤስ አኮን ማህካያ። 10 ይኒ ግሾ፥ ጵላጦሳ፥ «ታስ ኦሆሶ? ነና ብሎደስ ዎይ ማስቃላላ ሱጾደስ ታስ አደትꬅ ዎልቃ የዛኖ ኤሮሶ?» ያጋይዳ።
11 የሱሳ፥ «ጾዚ ኔስ አደትꬅ ዎልቃ እንግካይዛኮ ታላ አደትꬅ ዎልቃ ኔስ የዛማየሻ። ይኒ ግሾ፥ ታና ኔስ አꬂ እንግደ አꬍዘ ናጋራ ኦችዳ» ያጋይዳ።
የሱሳላ Ꮉይቆ ፍርድዳ
(ማቶ. 27:15-31፤ ማር. 15:6-20፤ ሉቃ. 23:13-25)
12 ጵላጦሳ ይኖ ስኤዘ ዎደ የሱሳ ብሎደስ ኦገ ኮይዳ። የዝን አይሁዱንꬅ ፋ ቃልቶ ꬎቅ ዪዚ፥ «ነ ኤዛ ብልዘባዝ ማቅኮ ካት ቄሳረ ነ ባጋ ባያ። ፋና ካት ጋዘ ኦደን ቄሳረ እጽዛያ» ያጋይዳ።
13 ጵላጦሳ ይኖ ስእ የሱሳ ባለ ከስዳ። የይዝ፥ «ሎቼ ሹች» ጋዘ በሳ ፍርዳ ኦይዳላ በትዳ። እብራይስጠ ቃላራ ይና በስታ «ገበታ» ጋእንታነ። 14 ይና ቃምታ ፋስጋ ባአለ ቦንቾደስ ጊግዘ ዎደ። የ ዎደ ሳእታን አዋራፓ እዝፑን ሳተ ጋር። ጵላጦሳ አይሁዱንꬃጎ፥ «ይን ካት Ꮉያ ቦኦተ» ጋይዳ።
15 አይሁዱንꬅ ፋ ቃልቶ ꬎቅ ዪዚ፥ «Ꮉሶ! Ꮉሶ! ማስቃላላ ሱጾ» ያጋይዳ።
ጵላጦሳ ማህ፥ «ይን ካትዛ ታ ማስቃላላ ሱጾዳኖ ኮያነ?» ያጋእ ኦጭዳ።
ካህኑንꬅ Ꮉላቁንꬅ፥ «ቄሳረፓ መለ ካት ኑስ ባያ» ያጋይዳ።
16 ይንፓ ማቂ፥ ኡን የሱሳ ማስቃላላ ሱጾደ ፋና ጵላጦሳ ኡንትስ አꬂ እንግዳ።
የሱሳ ሱጽንተ
(ማቶ. 27:32-44፤ ማር. 15:21-32፤ ሉቃ. 23:26-43)
ኡን የሱሳ አይኪ ካንግዳ። 17 የሱሳ ፋ ማስቃልዛ ቶኪ፥ «የራስ ቅል» ጋዘ በሳ ከዝዳ። «የራስ ቅል» ጋእንትዛና እብራይስጠ ቃላራ «ጎልጎታ» ጋእንታነ። 18 ኡን ይና በስተ ማስቃላላ የሱሳ ሱጽዳ። ማህን ኤራ መለ ላምእ አሱንꬃና፥ ፈታ ሰኮ ዛላራ Ꮉንካያ Ꮉንካ ዛላራ ማስቃላላ ሱጽዳ። 19 ጵላጦሳ፥ «አይሁዱንꬅ ካት፥ ናዝረተ የሱሳ» ያጋዘ ጹፈ ጻፊ ማስቃላላ ጋድዳ። 20 የሱሳ ማስቃላላ ሱጹንትደ በስታ ካታማስ ካለ የዘ ግሾ ጋማ አይሁዱንꬅ ይና ጹፍቶ ናባብዳ። ጹፍዘ ጻፍንትዳና እብራይስጠ ዶናራ፥ ላትነ ዶናራን ግርኬ ዶናራ። 21 ይኒ ግሾ፥ ካህኑንꬅ Ꮉላቁንꬅ ጵላጦሳጎ፥ « ‹Ꮉይ አꬄ ፋና አይሁደ ካት ጋይዳን ጋር› ጋእ ጻፎፕ አትን ኤዛ ኤ ኦምተ ‹አይሁደ ካት› ጋእ ጻፍፐ ያጋይዳ።»
22 ዬዝን፥ ጵላጦሳ፥ «ታኒ ጻፍዳኖ ጻፍዳ» ያጋእ ማህዳ።
23 ዎታዳሩንꬅ ማስቃላላ ኤዛ ሱጽዳንፓ ሱባ ኤ ማእቶ ኤኪ፥ ኦይዲ በሳ ሻኪ፥ ፈቶ ፈቶ ኤክዳ። ዳክꬅ ማእንትዘ ጳርጎ ማኦ የሻ። 24 ዎታዳሩንꬅ፥ «ኦና የሎድየዛኮ፥ እጻ ኦልዳፕ አትን ማእዛ ፈርኦስ» ያጋይዳ። ይና Ꮉንዳና ጌሽ ማጻፍተ፥
«ታ ማእቶ ግዥንት ኤክዳ፤
ታ ጳርጎ ማእዘላን እጻ ኦልዳ»
ጋይንትዳና ፎልንቶደ ጋር። ማዝ. 22:18 ይኒ ግሾ፥ ዎታዳሩንꬅ ይኖ ዪዝዳ።
25 የዝን የሱሳ ማስቃላ ካለ ኤ እንታን፥ ኤ እንቲ ምሽታ፥ ቀልዮጳ ማችታ ማይራምራን ማግደላ ማይራማ ኤቅዳ። 26 የሱሳ ፋ እንቶን ኤ ካዽዘ ታማርዘ እዘ ኤቅዱንꬃና ብእ፥ ፋ እንትጎ፥ «ታ እንተ፥ ነ ናአያ Ꮉያ ቦኦ» ያጋይዳ።
27 ይንፓ ሱባ፥ የ ታማርዘጎ፥ «ነ እንቶ Ꮉኖ ቦኦ» ያጋይዳ። የ ታማርዘ እዞ ይና ዎድትፓ አይኪ ፋራ የሳደ ጋር ካራ ካንግዳ።
የሱሳ Ꮉይቆ
(ማቶ. 27:45-56፤ ማር. 15:33-41፤ ሉቃ. 23:44-49)
28 ይንፓ ሱባ፥ የሱሳ ኡባና Ꮉተ ፎልንትዳኖ ኤሪ፥ ጌሽ ማጻፍተ ጻፍንትዳና ፎልንቶደ ጋር «ታና ባርዳ» ያጋይዳ። ማዝ. 69:21፤ 22:15
29 ይና በስተ ፈቲ ጎንቦ ኩሙꬅ ጫላ ዎይነ የነ። ኡን ፉዛ ይና ዎይንተ ዳኪ፥ ህሶጰ ምንጻ በርꬃ ጋዲ፥ የሱሳ ዶናጎ ሺሽዳ። 30 የሱሳ ዎይንዛ ቃማስ ብእ፥ «ፍኦልንትዳ» ያጋይዳ።
ይንፓ ሱባ፥ ፋ ኦምቶ ሶጾር ዪዚ ፋ ሸምፕቶ እንግዳ።
የሱሳ ምልተ ቶራራ ጫደ
31 ይና ቃምታ ጊግንትዘ ቃማ ማቅደ ግሾን ዎንትዘ ቃምዘ ቦንቾ ሳምባታ ማቅደ ግሾ አሱንꬃና አህታ ማስቃላላ ሳምባታ ዎደ ፌዣመ ጋር ኡን ቡንቅቶ መንꬂ፥ ማስቃላፓ ኬꬆደ ጋር አይሁዱንꬅ ጵላጦሳ ዎስዳ። 32 ይኒ ግሾ፥ ዎታዳሩንꬅ Ꮉንግ፥ የሱሳራ ሱጹንትደ ላምእ አሱንꬅስ ቡንቅቶ መንꬅዳ። 33 የዝን የሱሳጎ ይእደ ዎደ ኤ Ꮉይቂዳኖ ብእ፥ ኤ ቡንቅቶ መንꬅካያ። 34 የዝን ዎታዳሩንꬃፓ ፈተ ኤ ምልተ ቶራራ ጫድን ኢራ ሱꬅን Ꮉꬅን ጎግዳ። 35 ይኖ አማኖደ ፋና ይኖ ብእደ ማርክꬍዳ። ኤ ማርካትꬅታን ቱሮ። ማህ ኤ Ꮉንዳና ቱሮ ማቅዛኖ ኤራነ። 36 ይና Ꮉንዳና ጌሽ ማጻፍተ፥ «ኤ መቃꬅትፓ ፈትን መቆስ» ጋይዳና ፎልንቶደ ፋና። ከዘ 12:46፤ ፋይዶ 9:12፤ ማዝ. 34:20 37 ማህን ጌሽ ማጻፍተ መለ በሳ፥ «ኡን ፋ ጫድዳኖ ቦኦዳ» ያጋይዳ። ዛካ. 12:10፤ ቆን. 1:7
የሱሳ ሞግንተ
(ማቶ. 27:57-61፤ ማር. 15:42-47፤ ሉቃ. 23:50-56)
38 ይንፓ ሱባ፥ አርማትያሳ ካታማፓ ይእደ ዮሰፋ የሱሳ አህቶ ኤኮደስ ጵላጦሳ ዎስዳ። ዮሰፋ አይሁዱንꬅስ ዣሽትደ ግሾ አችንት የሱሳ ካልዛያ።
ጵላጦሳ፥ «ኤኮ» ያጋይዳ። ይኒ ግሾ፥ ዮሰፋ Ꮉንግ የሱሳ አህቶ ኤክዳ። 39 ማህ ንቆድሞሳ፥ Ꮉንፓ ቲኖ የሱሳጎ ቃማ ይእዳይ፥ ካርበራን አርክንተራን ዎርቂንትደ Ꮉስታም ፈቲ ክሎ ጊራመ ማቃደ ሽቶ ኤኪ ዮሰፋራ ይእዳ። ዋሐ. 3:1-2 40 የንꬅ ላምእ አሱንꬅ የሱሳ አህቶ ኤኪ፥ አይሁዱንꬅ አሀ ዚꬍዘ ዎጋራ፥ ሽቶራ፥ ሞግዘ አፉላራ ጻጽዳ። 41 የሱሳ ማስቃላላ ሱጹንትደ በስተ ጋማ አታክልተ የነ። ይና አታክልትት ግዳ ሹቻፓ ዎጪ ጊግዝደ Ꮉጋ ኦደን ሞግንትካይዘ ክለ ቦዛ የነ። 42 የ ዎምእዘ ካለ የዘ ግሾን አይሁዱንꬅ ሳምባታስ ጊግንትዘ ዎደ ማቅደ ግሾ የሱሳ አህቶ እዘ ሞግዳ።