1 የ ዎደ ፋስካ ያጋዘ ቦራ ባአለ ኡክዳ። ከዘ 12:1 2 ካህኑንꬅ Ꮉላቁንꬅን ህገ አስታማሩንꬅ አሱንꬅስ ዣሽትደ ግሾ ዋይዝ የሱሳ ፋ ግዳፓ ꬋብሶድየዛኮ ኦገ ኮያነ። 3 ጻላሄ ታጶ ላምኡንꬃፓ ፈታ ማቅደ አስቆሮቱ ይሁዳ ጋእንትዘ ግዳ ገልዳ። 4 ይሁዳ ካህኑንꬅ Ꮉላቁንꬅስን ጾዘ ኬꬃ ናግዙንꬅ Ꮉላቁንꬃጎ Ꮉንግ የሱሳ ዋይዝ አꬂ እማድየዛኮ ኡንታራ ዞርንትዳ። 5 ኡንትን ይነ ኡፋይት ብራ እማደስ ኤራ ዞርንትዳ። 6 ኤዝን ዞርንትዳነ ጊግዳ። አꬂ ኡንትስ እማደስ አስ ባይዘ ዎትዘ ዎደ ናግተራ የነ።

7 ይንፓ ሱባ፥ ፋስካ ዱሮ ሹክንትዘ ቦራ ባአለ የልዳ። 8 የሱሳ፥ «ፋስካ ካዎ ማአደ ጋር Ꮉንግ ኑስ ጊግዞተ» ያጋእ ጴጥሮሳን ዋሐንሳን ኪትዳ። 9 ኡን፥ «ኑ አባ ጊግሳደ ጋር ነ ኮየ» ያጋእ ኦጭዳ። 10 ኤ ኡንታጎ፥ «ይኬ ይን ካታማ ገሎደራ Ꮉꬅ ኦታራ ቶክደ አꬄ ይንታራ የልንቶዳ። ኤ Ꮉንግ ገልዘ ኬꬅተ ኤዛ ካሊ ገሎተ። 11 ካርትአደጎ አስታማርዘ፥ ‹ታ ታ ታማሩንꬃራ ዎላ ፋስካ ካዎ ማአደስ ዛቆ ኬꬅታ አባ የነ? ያጋይዳ› ጋኦተ። 12 ኤ ፎቀላ አፋ ዪጽንት ጊጊ የዘ ዳልጋ ክፍለ ይንታና ቤሳዳ፥ የይጋ ጊግዞተ» ያጋይዳ። 13 ኡን Ꮉንግ የሱሳ ጋእዳን ጋራ Ꮉንን ደንግዳ። ፋስካ ባአለ ካዎ የይጋ ጊግዝዳ።

14 ሳታን የልደ ዎደ የሱሳ ሐዋሩንꬃራ ዎላ ካዎላ በትዳ። 15 ኤ ኡንታጎ፥ «ታ ማꬋ ኤኮዳንፓ ቲኒ Ꮉና ፋስካ ካዉቶ ይንታራ ማአደስ ጋማ አሙꬍዳ። 16 ይኬ፥ ስኦተ! ጾዘ ካእቱምተ Ꮉንስ ብልꬅታ ፎልንቶደ ዎንꬅስ Ꮉና ካዉቶ ማህ ሞኦስ» ያጋይዳ። 17 ኡሽቶ ኤኪ ጋላቲ ማቂ፥ «Ꮉተ Ꮉኖ ይን ግዳ ግሽንቶተ። 18 ስኦተ! ጾዘ ካእቱሞ የኦደ ዎንꬅስ Ꮉይኖፓ አይኪ Ꮉና ዎይነ ኡሽትፓ ማህ ኡዦስ» ያጋይዳ።

19 ቦርዛ ኤኪ፥ ጋላቲ ማቂ፥ «Ꮉና ይንትስ እንግንትዳና ታ አሽቶ። Ꮉኖ ኦችታራ ታና ቲሮተ» ያጋእ ባጽ ኡንትስ እንግዳ።

20 ይኒ ፋና፥ ካዉትፓ ሱባ ኡሽቶ ኤኪ፥ «Ꮉና ኡሽታ ይንትስ ጎግደ ታ ሱꬅተ ፎልንትዘ ክለ ጫቆ። ኤር. 31:31 21 ማቅኮን፥ ታና አꬂ እንጎደ አꬄ ኩሽታ ታራ ፈትላ ጋባተ። ማዝ. 41:9 22 አስ ናአይ ኤስ ጾዚ ጋይደ ፋና Ꮉይቆደስ የነ፥ የዝን ኤዛ አꬂ እንግዘ አꬃ ባደ» ያጋይዳ። 23 ኡን ፋ ግዳ፥ «Ꮉኖ ኦኒ ኦቾደ» ጋእ ዎል ኦጭዳ።

24 ማህ ኡን ግዳ ዳማ ማቃደ ኦደ ጋዘ ላለ መꬍንትዳ።ማቶ. 18:1፤ ማር. 9:34፤ ሉቃ. 9:46 25 የሱሳ ኡንታጎ፥ «አላመ ካቱንꬅ ፋ አሱንꬃና ዎልቃራ አሃነ፤ ፋ ደርትላ አፋ ላꬅꬍዙንꬃናን ፋና፥ ‹ሎኦ ኦችዙንꬃና› ያጋእ ጼጋነ። ማቶ. 20:25-27፤ ማር. 10:42-44 26 የዝን ይን ግዳ ይኒ ፋና ማቅፐ። ይን ግዳ አንግስዘ ጌዘ ፋና ይኦ፤ ማቶ. 23:11፤ ማር. 9:35 ካልꬅዘ ካልዘፋና ይኦ። 27 ዬዝን፥ ሞክዘፓን ሞክንትዘፓ አየ አ? ሞክንትዛ ባነ? የዝን ታኒ ይን ግዳ ሞክዘ ፋና። ቆን. 13:12

28 «ይንትን ታ ማꬍተ ታፓ ሻክንትካይዛር ታራ ሚንግ ኤቅዱንꬃና። 29-30 ይን ታ ሌማትፓ ማአደ ፋና፥ ኡሻደ ፋናን አራታላ አፋ በቲ ታጶ ላምእ እስራኤለ ሼሹንꬃላ አፋ ፍርዶደ ጋር ታ አዳይ ታና ሹምደ ፋና ታንን ይንታና ታ ካእቱምተ ሹሞዳ» ያጋይዳ። ማቶ. 19:28

31 ካሊ የሱሳ፥ «ስሞና፥ ስሞና፥ ጻላሄ ይንታና ዛርጋ ፋና Ꮉርቆደስ ዎስዳ። 32 የዝን ታ ነ አማንታ ꬋባመ ፋና ኔስ ጭምꬋነ። ኔንን ማቅደ ዎደ ነ እሹንꬃና ሚንꬆ» ያጋይዳ።

33 ስሞና፥ «ላꬆ፥ ታ ኔራ አጭንቶደስን Ꮉይቆደስ ጊግንትዳ» ያጋይዳ።

34 የሱሳ ጴጥሮሳጎ፥ «ታ ኔስ ኦህነ፤ Ꮉይኖ ሉኩለ ኦሎዳንፓ ቲኖ ነ ታና Ꮉይꬕ ቶሄ ካዶዳ» ያጋይዳ። 35 ካሊ፥ የሱሳ ኡንታጎ፥ «ታኒ ይንታና ኮሮጆ፥ ካርጽተን ጫማ ባይዝን ኪተዘ ዎደ ይንትስ ፋጭደባዝ የነ?» ያጋእ ኦጭዳ። ማቶ. 10:9-10፤ ማር. 6:8-9፤ ሉቃ. 9:3

ኡን ማህ፥ «አኮን ፋጭካያ» ያጋይዳ።

36 ኤ ኡንታጎ፥ «Ꮉተ ኮሮጆን ካርጥተ የዘ አይኮ፤ ማሻ ባይዘ ፋ አፉልቶ ባይዝ ማሻ ዎንጎ። 37 Ꮉኖ ስኦተ! ‹ገኑንꬃራ ፋይድንትዳ› ጋእንት ጻፍንትዳና ታ ግዳ ፎልንቶደስ ቤዛነ። ዬ፥ ታ ግሾ ጻፍንትዳና ፎልንትዛና ቱርꬍዳ» ያጋይዳ። ኢሳ. 53:12

38 ኤ ታማሩንꬅ፥ «ላꬆ Ꮉነ ላምእ ማሻ የነ» ያጋይዳ።

ኤ፥ «ማቃዳ» ያጋይዳ።

39 የሱሳ ትኖፓ ከዝዛን ጋራ ደንዲ ሻማሄ ደርዘላ ከዝዳ። ኤ ታማሩንꬅ ኤዛ ካልዳ። 40 ይና በስተ የልደ ዎደ «ማꬋ ገላመ ፋና ዎሶተ» ያጋይዳ። 41 ኡንታፓ ሹች ꬎግን የሎደ በሲ ጋር Ꮉኪ ቡንቁንቲ ዎስዳ። 42 «ታ አዳዮ፥ ነ ቆፋ ማቅኮ Ꮉና ማꬋ ጹኡቶ ታፓ ኣꬆ። የዝን ታ ቆፋ ማቅፐ ነ ቆፋ Ꮉኖ» ያጋእ ዎስዳ። 43 ኪታንቾ ሳሎፓ በንቲ ምንꬅꬅዳ። 44 ጋማ ኡንእንት ምንꬂ ዎሳነ። ኤ ጫዉታን ሱꬅ ጾክዘ ጋር ሳእተ ጾካነ።

45 የሱሳ ዎሳ ፖሊ ፋ ታማሩንꬃጎ ይእዳ። ኡን፥ አዛኖፓ ደንዲ ላቢ ገንተዝን ደንግ፥ 46 «አኮስ ገንተ? ፋታና ገላመ ፋና ደንዲ ዎሶተ» ያጋይዳ።

47 ኤ Ꮉጋ ኦሄላ አፋ የዝን ጋማ አሱንꬅ ይእዳ። ታጶ ላምኡንꬃፓ ፈተ ይሁዳ ጋእንትዘ ኡንታና ካልꬃነ። ኤ የሱሳ ዬሮደስ ካለ ሺቅዳ። 48 የዝን የሱሳ፥ «ይሁዳ፥ አስ ናአያ ዬሪ አꬂ እንጎዳ?» ያጋይዳ።

49 የሱሳ ታማሩንꬅ ይና Ꮉንዛኖ ብእ፥ «ላꬆ ማሻራ ጋቾ?» ያጋይዳ። 50 ኡን ግዳፓ ፈተ ካህኑንꬅ Ꮉላቅዛ ጉዲ ምዛቅ Ꮉይዛ ጋቺ ኦልዳ።

51 የዝን የሱሳ፥ «አሾ! ካይፐተ»*አሾ! ካይፐተ፦ የሱሳ Ꮉና በስተ አሾ ጋይዳና ኤዛ አሾደስ ጋእ አሱንꬅ አꬄ Ꮉይዛ ጋችዳኖ አሾ ጋችፐ ጋእዳኖን፥ መሉንꬅ ኤዛ አይኮደስ ይእዱንꬃና ካይፐተ Ꮉና ኡን ዎደ ያጋይዳኖ ላምእ ቆፉንꬃና ዎል የልꬅ አይክዳ። ያጋይዳ። አꬄ Ꮉይዛ ቦቺ ፋꬅዳ።

52 ይንፓ ሱባ፥ የሱሳ ፋና አይኮደስ ይእደ ካህኑንꬅ Ꮉላቁንꬃጎ፥ ጾዘ ኬꬃ ናግዙንꬅ ሹሙንꬃጎን ጭሙንꬃጎ፥ «ፋኖ አይክዘ አስ ፋና ማሻን ጉፈ አይኪ ይእዳተ? 53 ኡባ ዎደ ጾዘ ኬꬅተ ታ ይንታራ የዘ ዎደ ታላ አፋ ኩሸ ጋድካያ። የዝን Ꮉና ꬉማ ካእቱሞ አህዘ ዎደን ይን ዎደን» ያጋይዳ። ሉቃ. 19:47፤ 21:37

54 ይንፓ ሱባ፥ የሱሳ አይኪ ካህኑንꬅ Ꮉላቅዘ ዎፋ ካንግዳ። ጴጥሮሳ Ꮉኮራ የሱሳ ካላነ። 55 አሱንꬅ ካህኑንꬅ Ꮉላቅዘ ዎፋ ታማ ኤꬂ ዎላ በቴዝን ጴጥሮሳ ኡንታራ ፈትላ በትዳ። 56 ፈቲ አርታ ጴጥሮሳ ታማ ካለ በትዳኖ ዳኪ ብእ፥ «Ꮉይ አꬄ ኤራ የነ» ያጋይዳ።

57 የዝን ጴጥሮሳ፥ «Ꮉና ማችተ ታ የ አꬃ ኤሮስ» ያጋእ ካድዳ።

58 ኤራꬅ ዎደፓ ሱባ ፈቲ መለ አስ ኤዛ ብእ፥ «ኔንን ኡንታፓ ፈታ» ያጋይዳ።

የዝን ጴጥሮሳ፥ «Ꮉይ አꬃዮ ታና ባያ» ያጋይዳ።

59 ፈቲ ሳተ ጋር ጋምእዳንፓ ሱባ ፈቲ መለ አꬄ ሎይꬂ፥ «Ꮉይ አꬃይ ጋልላፓ ማቃደ ግሾ ሶኤ ባይዝን ኤራ የነ» ያጋይዳ።

60 የዝን ጴጥሮሳ፥ «Ꮉይ አꬃዮ፥ ነ ጋዛያ ታ ኤሮስ» ያጋይዳ። ኤ ይና ኦህቶ Ꮉስካይዝን ሉኩለ ኦልዳ።

61 ላꬂ ሱባ ማቂ ጴጥሮሳ ብእዳ። ጴጥሮሳ፥ «Ꮉይኖ ሉኩለ ኦሎዳንፓ ቲኖ ነ ታና Ꮉይꬕ ቶሄ ካዶዳ» ያጋእ፥ ላꬂ ኦህደ ቃልቶ ቲርዳ። 62 ጴጥሮሳ ባለ ኬዚ ጋማ ጎቂ ዬክዳ።

63 የሱሳ ናግዘ አሱንꬅ ኤዛ ለቀን Ꮉ አይክዳ። 64 ኤ ኣፍቶ ጎዚ «አነ ትንቢተ ኦሆ፤ ነና Ꮉꬍደ ኦደ?» ያጋእ ኦጫነ። 65 መለ ጋማ ለቂ ጫዣነ።

66 ሳአ ዎንትዘ ዎደ አይሁደ ሳአ ጭሙንꬅ፥ ካህኑንꬅ Ꮉላቁንꬅን ህገ አስታማሩንꬃጎን ሻንጉንꬃጎ ሺቂ፥ የሱሳ ፋ ቲኖ ሺሽዳ። 67 ኡን፥ «ነ ክርስቶሳ? አነ ኑስ ኦሆ?» ያጋእ ኦጭዳ።

የሱሳ፥ «ታ ኦህዛኮ አማኖስ። 68 ታ ኦጭዛኮ ማሆስ። 69 የዝን አስ ናአይ Ꮉንፓ ጎደ ባጋ ዎልቃማ ጾዘ ምዛቅ ባጋ በቶዳ» ያጋይዳ።

70 የ ዎደ ኡባና፥ «ዬዝን፥ ነ ጾዝ ናአ?» ያጋይዳ።

ኤ፥ «ታ ጾዘ ናአ ይን ጋይዳን ፋና» ያጋይዳ።

71 ኡን፥ «ይኬ፥ መለ ማርካ አኮ ኮሸ? ኤ ፋ እልአንꬅተ ኦሆደራ ኑ ስእዳ» ያጋይዳ።