21
ቡዳንት ሙጻተ
(ማር. 12:41-44)
1 ዱረ አስ ጾዘ ኬꬃ ሙጻተ ሳጥንተ ኦሎደራ የሱሳ ꬎቅ ጋእ አሱንꬃና ብእዳ። 2 ማህ ፈቲ ዳሃ ቡዳንታ ላምእ ስክና ኦሎደራ ብእ፥ 3 «ታ ይንትስ ቱሮ ኦህነ፤ Ꮉና ዳሃ ቡዳንታ ኡባንፓ አꬂ እንግዳ። 4 አኮስ ጋይኮ፥ Ꮉንꬅ አሱንꬅ ኡባና ፋስ የዘ ባዛፓ እንግዳ፥ የዝን እዛ ፋ ፋጭትፓ፥ ፋስ የዘ የስቶ ሙሎ እንግዳ» ያጋይዳ።
ዉርሱꬅ ዎደ ማላ
(ማቶ. 24:3-14፤ ማር. 13:3-23)
5 የሱሳ ታማሩንꬃፓ ፈተ ፈተ ጾዘ ኬꬅታ ጋማ ሎእዘ ሹቻራን አስ ጾዝስ እንግደ እሞራ ሎእዳኖ ኦህንታነ። 6 የዝን የሱሳ፥ «Ꮉና ይን በእዘ ባዝታ ኡባና ላንትካይዛራ፥ ሹች ሹቻላ አፋ ግምቢንትደ ፋና Ꮉንራ አቶሰ ዎደ የኦዳ» ያጋይዳ።
7 ኡንትን፥ «አስታማርዛዮ፥ Ꮉና ኡባና Ꮉኖዳና አይደ? ማህ Ꮉና Ꮉኖዳንስ ማልታ አኮ?» ያጋእ ኦጭዳ።
8 የሱሳ ያጋእ ኡንትስ ማሄ እንግዳ፦ «ባልንታመ ጋር ናግንቶተ። ጋሙንꬅ ፋና፥ ‹ታ ክርስቶሳ፥ ዎድታ ኡክዳ› ያጋእተ ታ ሱንꬅተ የኦዳ፥ የዝን ይን ኡንታና ካልፐተ። 9 ይን ኦላባዝን አስ ኢታትꬅ ስእዘ ዎደ ታንፐተ። ይና ቲንꬊ ይኦዳና አታመባዝ ማቃደ ግሾ ዎደ ዉርሱꬅታ ኤልሲ የኦስ» ያጋይዳ።
10 ካልን፥ «ዎርዣ ዎርዣላ አፋ፥ ካእቱሞ ካእቱሞላ አፋ ደንዶዳ። 11 ዳማ ሳአ ኤንኤ Ꮉኖዳ፥ ጋዶ Ꮉርገ ናየ ባይኤን ዱማ ዱማ በሳ ጋማዳ፥ ዣሽዘባዝን ዳማ ማላ ሳሎፓ በንቶዳ። 12 የዝን Ꮉና ኡባና Ꮉኖዳንፓ ቲኖ ታ ሱንꬅት ግሾ ጋእ አስ ይንታና ባይꬆዳ አይኮዳ። አይሁደ ዎሳ ኬꬃ ፍርድ አች ኬꬃ ይንታና ኦሎዳ። ካት ቲኖን ዎርዣ አህዙንꬂ ቲኖ ይንታና ካንጎዳ። 13 ይናን ታ ባዝ ይን ኡንትስ ማርክꬋደስ ሎኦ ኦገ ማቃዳ። 14 ይኒ ግሾ፥ ይን ኦጭንትዘ ዎደ ዋጋእ ማሄ እማደ ጋእ ይን ዎዝንተ ኡንእንታመ ፋና ቆፖተ። ሉቃ. 12:11-12 15 አኮስ ጋይኮ፥ ይን ሞርኩንꬅ ይንታራ ኤቅንቶደስን ላሎደስ ዳንዳኦሰ ዶናን ጭንጫትꬅ ታ ይንትስ እንጎዳ። 16 መለ አቶ የዝን፥ ይንታና የልዱንꬅ፥ ይን እሹንꬅ፥ ይን እግኑንꬅ ላጉንꬅ ይንታና አꬂ እንጎዳ። ይን ግዳፓ ፈታ ፈታ ዎꬎዳ። 17 ታ ሱንꬅት ግሾ አስ ኡባ ቲንተ ይን እጽንትዱንꬃና ማቃዳ። 18 የዝን መለ አቶ የዝን፥ ይን ኦማ እስንꬅትፓ ፈተን ꬋቦስ። 19 ምንꬂ ዳንዳአራ ይን፥ ይን ሸምፕቶ አሾዳ።»
የሩሳላመ ꬋበ ባዝ
20 «የሩሳላመ ካታምታ አላጋ ዎታዳረራ ጋስንት በቴዝን ይን ብእኮ ኢስ ꬋበ ኡክዳኖ ኤሮተ። 21 የ ዎደ ይሁዳ የዘ ኡባና ደረጎ ዎጺ ꬋቦ፥ ካታምተ የዙንꬅ የይጋፓ ከዞ፥ ጋጻረ የዙንꬅ ካታማ ገልፐ። 22 አኮስ ጋይኮ፥ Ꮉና ጻፍንትዳና ፎልንቶደ ጋር ይና ጾዘ ኩሸ ማህዘ ዎደ። ሆሴ. 9:7 23 ሳአላ አፋ ዳማ ማꬋ የኦዳ፥ Ꮉነን አሳላ አፋ ጾዘ ባድꬅ የኦዳ። ይኒ ግሾ፥ ዎዳꬅ ማቹንꬃናን ꬋንꬅዙንꬃና ባደ። 24 ኡን ማሻራ Ꮉይቆዳ፥ አስ ኡባና አላጋ ሳአ የሳዳ። አይሁደ ማቆሰ አሱንꬅ ዎድታ ፎልንቶደ ዎንꬅስ የሩሳላመ ኡንታራ የዽንትዳኖ ማቃዳ።
አስ ናአይ ማህ ዮኦዳ
25 «አዋን፥ አግናን፥ ጾልንቶላ አፋ ማላ በንቶዳ። አባፓን ዙሉንተ ኤንኤ ደንድዳንፓ ሳአ የዘ አስ ኡንእንቶዳ ይርጎዳ። ኢሳ. 13:10፤ ሕዝ. 32:7፤ ኤር. 2:31፤ ቆን. 6:12 26 ሳሎ ዎልቅታ ቡቁንቶደ ግሾ አስ ዣሽሞራን ሳአላ አፋ አኮ ይአድየሳ ጋእ ናጎራ ታኖዳ። 27 የ ዎደ አስ ናአይ ዎልቃራን ዳማ ቦንቾራን ꬎነራ የኦደራ ኡን በአዳ። ዳነ. 7:13፤ ቆን. 1:7 28 ይንታና አሽዘ ኡክደ ግሾ Ꮉና Ꮉንዛና ፎልንቶደስ አይክዘ ዎደ ጊግንቲ ኤቆተ፥ ይን ኦምቶ ꬎቅ ዪዚ ቦኦተ» ያጋይዳ።
29 ካልን፥ Ꮉንጋራ ጋእ አዝዘ ኦህዳ፦ «በለሰ ምንጻን መለ ምንጻ ኡባ ቦኦተ። 30 ኡን አጭዘ ዎደ ቶርቼ ኡክዳኖ ይን ኤራነ። 31 ይኒ ጋራ Ꮉና Ꮉንዛና ፎልንቶደራ ይን ብእኮ ጾዘ ካእቱሞ ኡክዳኖ ኤሮተ።
32 «ታ ይንትስ ቱሮ ኦህነ፤ Ꮉና ኡባና ፎልንቶደ ዎንꬅስ Ꮉና የለትꬅታ አꬎኦስ። 33 ሳሎን ሳአን አꬎዳ፥ የዝን ታ ቃልታ አꬎኦስ።
34 «ይኬ፥ ቦረ ባይዘ የሳራ፥ ኡሽ ጋንራ የስ ባዝስ ኡንእንተራ ይን ዎዝንታ አይክንታመ ጋራን ይና ቃምታ ቲርካይዝን ጽኬ ፋና ይንታና አይካመ ፋና ናግንቶተ። 35 ይና ቃምታ ሳአ ኩሙꬅተ የዘ ኡቡንꬃላ አፋ የሎዳ። 36 ይኒ ግሾ፥ የእዘ ባዝ ኡባፓ አቶደስን አስ ናአ ቲንተ ኤቆደስ ዳንዳእንቶደ ፋና ኡባ ዎደ ሚንግ ዎሶተ» ያጋይዳ።
37 አዋራ አዋራ የሱሳ ጾዘ ኬꬅተ ታማርስተ፥ ቃማ ቃማ ሻማሄ ደርዘላ አፋ ኬዚ አቃነ። ሉቃ. 19:47 38 አስ ኡባ ኤዛ ስኦደስ ዎንታ ጎዳ ኤጎ ጾዘ ኬꬃ የእነ።