20
የሱሳ አደትꬅ ዎልቅታ አይሁዱንꬅስ ኦች ማቅዳ
(ማቶ. 21:23-27፤ ማር. 11:27-33)
1 ፈቲ ቃማ የሱሳ ጾዘ ኬꬃ አሱንꬃና ታማርስተራን ዎንገለ ማርክꬍተ፥ ካህኑንꬅ Ꮉላቁንꬅ፥ ህገ አስታማሩንꬅን ጋደ ጭሙንꬅ ፈትላ ኤጎ ይእ፥ 2 «ነ Ꮉንሳና አኮ አደትꬅ ወልቃራ ኦችዛኮ ኑስ ኦሆ። Ꮉና አደትꬅ ዎልቅቶ ኔስ እንግደ ኦደ?» ያጋእ ኦጭዳ።
3 ኤ ኡንታጎ፥ «ታንን ይንታና ፈትባዝ ኦጮዳ፥ አነ ታስ ማሆተ። 4 ጻማቅዘ ዋሐንሳ ጽንቃታ ጾዛፓነ አሳፓ?» ያጋይዳ።
5 ኡን ዎል ግዳ ያጋእ ዞርንትዳ፦ «ጾዛፓ ጋይኮ ዬዝን፥ አኮስ አማናንጽዶ?» ያጋኦዳ።
6 «አሳፓ ጋይኮ፥ አሱንꬅ ኡባና ዋሐንሳ ናበ ማቅዛኖ አማንዘ ግሾ ኑና ሹቻራ ꬎጎዳ።»
7 ይኒ ግሾ፥ «አባፕ የዛኮ ኑ ኤሮስ» ያጋእ ማህዳ።
8 የሱሳ ማህ፥ «ይኬ፥ ታንን አኮ አደትꬅ ወልቃራ Ꮉንሳና ኦችዛኮ ይንትስ ኦሆስ» ያጋይዳ።
ዎይነ ኦችዙንꬅ አዝዘ
(ማቶ. 21:33-46፤ ማር. 12:1-12)
9 ይንፓ ሱባ፥ የሱሳ ያጋእ Ꮉና አዝዝቶ አሱንꬅስ ኦህዳ፦ «ፈቲ አስ ዎይነ ቱክዳ። ኦችዙንꬅስ ኮꬄ እንግ ጋማ ዎደ ጋምእ ዮኦደስ መለ ሳአ ቅትዳ። ኢሳ. 5:1 10 ዎይነ ኣፍቶ ማጽዘ ዎደ የልን ዎይነ ኣፍትፓ ኤስ ዳኮደ ፋና ኦችዙንꬃጎ ፋ አርዛ ኪትዳ። የዝን ኦችዙንꬅ የ አርዛ አይኪ Ꮉꬊ Ꮉሪ ኩሸ ዳክዳ። 11 ማህን መለ አርዛ ኪትዳ። ማህ ኦችዙንꬅ ኤዛ Ꮉꬊ፥ ካዉሽዚ Ꮉሪ ኩሸ ዳክዳ። 12 Ꮉተን ማህ Ꮉይꬕንꬃ አርዛ ኪትዳ። ዎትዙንꬅ ኤዛን Ꮉꬊ Ꮉርግዚ ዎይነ ግዳፓ ጋጻ ኬሲ ኦልዳ።
13 «ዎይነ ላꬄ፥ ‹ዬዝን ታ አኮ ኦቾ? አነ ማህ ታ ካዽዘ ታ ናአያ ዳኮዳ፤ ኦደ ኤሮደ ኡን ኤዛ ቦንችካይዛራ አታማ› ያጋይዳ።
14 «የዝን ኦችዙንꬅ አꬄ ናአያ ብእደ ዎደ ‹Ꮉይኒ ኤዛ ላቶዳያ፥ Ꮉይጋ ዮኦተ ኤዛ ዎꬎዳ፥ የይዝኮ ላትታ ኑስ ማቃዳ› ያጋእ ዞርንትዳ። 15 ዎይነ ግዳፓ ጋጻ ኬሲ ዎꬍዳ።
«ዬዝን፥ ዎይነ ላꬄ የንꬅ አሱንꬃና ዋይሳደ? 16 ይእ የንꬅ ኦችዙንꬃና ꬋብሶዳ፥ ዎይነ በስቶ መለ አሱንꬅስ እንጎዳ። አሱንꬅ ይኖ ስኤዘ ዎደ ‹ሽንቻለ ይኒ ጋርዘባዝ ክእፐ› » ያጋይዳ።
17 የሱሳ ኡንታና ዳኪ ብእ፥
ዬዝን «ግምበ ኬጽዘ አሱንꬅ ቦርደ ሹችዘ፥
ኬꬅስ ምንꬅን ጻላትꬅ እንግዘ ኡባንፓ አꬍዘ ሹች ማቅዳ»
«ጋእንት ጻፍንትዳን ብልꬅታ አኮ?ማዝ. 118:22 18 የ ሹችዘላ አፋ ጎልእዘ ኡባና መቆዳ፥ ሹችዘ ኤላ አፋ ዎꬍዘ ኡባና ጋጭንቶዳ» ያጋይዳ።
19 ህገ አስታማሩንꬅን ካህኑንꬅ Ꮉላቁንꬅ ይና አዝዝታ ኦህንትዳና ኡንታላ አፋ ማቅዳኖ ኤሪ የ ዎደ ኤዛ አይኮደስ ኮይዳ፥ የዝን አሱንꬅስ ዣሽትዳ።
ጊራ ባዝ
(ማቶ. 22:15-22፤ ማር. 12:13-17)
20 ይኒ ግሾ፥ የሱሳ ዎርዥቶ አህዘ ሮመ ካትዘስ አꬂ እማደስ ኮይ ኤ ዶንትፓ ባላ ቃላ ናጋነ። ይኖ ፎልሳደስ ጽሎ ጋራ ይእ ጭምዘ አሱንꬃና ኤጎ ኪትዳ። 21 ኪትንቲ Ꮉንግደ አሱንꬅ፥ «አስታማርዛዮ፥ ኔኒ ኦህዛናን ታማርስዛና ልከ ማቅዛኖ፥ ማህ ጾዘ ኦግቶ ቱርራ ታማርስዛኖን ኦናን ሻጎሳኖ ኑ ኤራነ። 22 ይኦ የዝን፥ ሮመ ካትስ ጊራ ጊሮደስ ቤዛነነ ቤዞሳ?» ያጋእ ኤዛ ኦጭዳ።
23 የዝን ኤ ኡን ዎዝና ኢታትꬅቶ ኤርደ ግሾ 24 «አነ ታና ፈቲ ሳንትመ ቤዞተ፥ ኤላ የዘ ምስልታን ሱንꬅታ ኦደባዞ?» ያጋይዳ።
ኡን ማህ፥ «ሮመ ካት» ያጋይዳ።
25 ኤ ማህ፥ «ዬዛኮ፥ ቄሳረስቶ ቄሳረስ፥ ጾዘስቶ ጾዝስ እንጎተ» ያጋይዳ።
26 ይኒ ግሾ፥ ኤ ማህደ ማህተ አሱንꬅ ቲንተ ባላ ደንጎደስ ዳንዳእካያ። ኤ ማህተ ጋማ ቆፒ ስእ ጋይዳ።
Ꮉይቆፓ ደንደባዝ
(ማቶ. 22:23-33፤ ማር. 12:18-27)
27 Ꮉይቆፓ ደንዶ ባያ ያጋዘ ሳዱቃዉንꬃፓ ፈተ ፈተ የሱሳጎ ይእ፥ ሐዋ. 23:8 28 «አስታማርዛዮ፥ ፈቲ አስ ማቾ ኤኪ ናአ የልካይዛራ Ꮉይቂኮ፥ ኤ እሸ ይና ማችቶ ኤኪ ናአ የሊ ፋ እሸስ ኮች አሾደ ፋና ሙሴ ጻፍዳ። ማሄ 25:5 29 ይኬ ላፑን እሹንꬅ የነ። አንግሰ ማቾ ኤኪ ናአ የልካይዛራ Ꮉይቂዳ። 30 ላምአንꬅዘ እዞ ኤኪ ናአ የልካይዛራ Ꮉይቂዳ። 31 Ꮉይꬓንꬅዘ ይኒ ፋና ይእዳ። ላፑኑንꬅ ኡባና ይኒ ጋራ ይእ እዞ ኤክዳ፥ የዝን ናአ የልካይዛራ Ꮉይቂዳ። 32 ኡባፓ ሱባ ማችታ Ꮉይቂዳ። 33 ይኬ፥ ላፑን ꬊራꬅ እዞ ኤክደ ግሾ Ꮉይቆፓ ደንድዘ ዎደ እዛ ኦደ ማቾ ማቃደ?» ያጋእ ኦጭዳ።
34 የሱሳ ማህ፥ «አስ Ꮉና ዎድተ ኤካነ ገላነ። 35 የዝን Ꮉይቆፓ ደንዲ የኦደ አላምተ የሳደስ ቤዙንꬂ ኤኮስ ገሎስ። 36 ኡን ኪታንቾ ፋና ማቅዘ ግሾ ቲኖፓ Ꮉይቆስ። Ꮉይቆፓ ደንድደ ግሾ ኡን ጾዘ ናአ። 37 ሙሴ ላꬂ፥ ‹አብራሃማ ላꬂ፥ ይሳቃ ላꬂ፥ ያይቆባ ላꬂ› ጋእ ጭልኦ ግዳ ኤጽዘ ታማ ታሪክቶ ጻፍዳነ Ꮉይቂደ አሱንꬅ ደንድዛኖ ቤዛነ። ከዘ 3:6 38 ኡቡንꬅ ኤስ ፋጻ የዙንꬃና ማቃደ ግሾ ኤ ፋጻ የዙንꬅ ላꬃፕ አትን Ꮉይቂዱንꬅ ላꬂ ባያ» ያጋእ ማህዳ።
39 ህገ አስታማሩንꬃፓ ፈተ ፈተ፥ «አስታማርዛዮ፥ ሎኦ ባዝ ኦህዳ» ያጋይዳ። 40 ይንፓ ሱባ፥ መለ ኦጨ ኦጮደስ ዣሽትዳ።
ክርስቶሳ ኦደ ናአ
(ማቶ. 22:41-46፤ ማር. 12:35-37)
41 ይንፓ ካሊ የሱሳ ኡንታጎ፥ «አሱንꬅ ክርስቶሳ ዋይዝ ዳዉተ ናአ ጋኤ? 42-43 አኮስ ጋይኮ፥ ዳዉተ ፋ ኦምተ ማዝሙረ ማጻፍተ፥
« ‹ጾዚ ታ ላꬄጎ «ታ ነ ሞርኩንꬃና
ነ ቶህታ የꬍዘ በሲ ማሆደ ዎንꬅስ
ታፓ ምዛቅ ዛላራ በቶ» ጋይዳ ያጋይዳ። ማዝ. 110:1
44 «ይኬ፥ ዳዉተ ክርስቶሳ፥ ‹ላꬆ ጋእ ጼግተራ ኤስ ናአ ዋይዝ ማቀ?› » ያጋይዳ።
45 አስ ኡባ ስአደራ ፋ ታማሩንꬃጎ፥ 46 «ጳርጎ ማኦ ማእ ዉታ ካꬍዙንꬃፓ፥ ጋበ ቦንቾ ሳሮ፥ አይሁደ ዎሳ ኬꬅተ ቦንቾ ኦይዳ፥ ሞኩንትዘ ኬꬃን ቦንቾ በሲ ኮይዘ ህገ አስታማሩንꬃፓ ናግንቶተ። 47 ኡን ቡዳን ኬꬂ ካሎ አሽዙንꬃና፥ ጽሎ አስ ጋር ይእ ዎሳ ጳርግዛነ። ኡን ኢታ ፍርዳ ኤኮዳ» ያጋይዳ።