1 የ ዎደ፥ ሳምባታ ቃማ፥ የሱሳ ጋደ ግዳራ ኣꬍዳ። የሱሳ ታማሩንꬅ ናይꬍደ ግሾ ትዣ ባንጋ ሽጭ ꬋአነ። 2 የዝን ፋርሳዉንꬅ ይኖ ብእ የሱሳጎ፥ «Ꮉይቼ፥ ነ ታማሩንꬅ ሳምባታ ቃማ ኦቾደስ ቤዞሰ ባዝ ኦቻነ» ያጋይዳ። ማሄ 23:25

3 የሱሳ ኡንታጎ ማህ፥ «ዳዉተ ናይꬍደ ዎደ ኤራ የዙንꬃራ አኮ ኦቼዛኮ ናባብካተ? 4 ዳዉተ ጾዘ ኬꬃ ገሊ ካህኑንꬅ ጻላላፕ አትን ኤስን ኤራ የዙንꬅስ ቤዞሰ ጌሽ ዳቦ ሙእዳ። 1 ሳመ. 21:1-6 5 ዎይ ካህኑንꬅ ሳምባታ ዎጋ ሻሪ ጾዘ ኬꬃ ሳምባታ ቃማ ኦቻ ኦችኮ ኡንትስ ባላ ባይዛኖ ሙሴ ህገፓ ናባብካተ?ሌዌ 24:9 6 የዝን ታ ኦህነ! ጾዘ ኬꬃፓ ኣꬍዘ Ꮉነ የነ። ፋይዶ 28:9-10 7 ‹ታኒ ይን ዣርሽቶ ባይዝን ይን መሉንꬃና ማሮደ ፋና ኮይዳ› ጋዘ ቃልታ ዋግዛኮ ይን ኤረዛኮ ጌሽ አሱንꬃላ አፋ ፍርዳማ የሻ። 8 አስ ናአይ ሳምባታ ላꬂ» ያጋይዳ። ማቶ. 9:13፤ ሆሴ. 6:6

9 የሱሳ የይጋፓ ኬዚ አይሁደ ዎሳ ኬꬃ ገልዳ። 10 እዘ ኩሸ ዎቦ ፈቲ አስ የነ። የሱሳ ሞቶደስ ምክናተ ኮይዘ አሱንꬅ፥ «ሳምባታ ቃማ ፋꬆደስ ቤዛነነ ቤዞሶ?» ያጋእ ኦጭዳ።

11 ኤ ኡንታጎ፥ «ይን ግዳፓ ፈታይስ ዱሮ ሳምባታ ቃማ ጋጋ ቅትኮ፥ ጎቺ ከሶሰ ኦደ? 12 ዬዝን አስ ዱሮፓ ዋይዝ ጋማ አꬎሶ? ይኒ ግሾ፥ ሳምባታ ቃማ ኡባ ሎኦ ባዝ ኦቸ ቤዛነ» ያጋይዳ። ሉቃ. 14:5

13 ይንፓ ሱባ፥ የሱሳ አꬄጎ፥ «ነ ኩሽቶ ሉልዞ ያጋእን፥» አꬄ ሉልዝዳ። ኤ ኩሽዘ ፋጺ Ꮉንካይ ኩሸ ፋና ይእዳ። 14 የዝን ፋርሳዉንꬅ የይጋፓ ባለ ኬዚ፥ የሱሳ ዋይዝ ዎꬎድ የዛኮ ዞርንትዳ።

15 የሱሳ ኡን ቆፍቶ ኤሪ ይና በስቶ አሺ መለ በሳ ቅትዳ። ጋማ አሱንꬅ ኤዛ ካሊ ቅትዳ፥ Ꮉርጋንቹንꬃና ኡባ ፋꬅዳ። 16 የሱሳ፥ «ታ ባዝ መለ ኦደስን ኦህፐተ» ያጋእ ምንꬂ ኦህዳ። 17 ይናን ናብዘ ኢሳያሳ፥

22 ይንፓ ሱባ፥ ቱና አያናራ አይክንትደ ቆቀን ዶና ሙመ አስ የዛያ ኤጎ ክእዳ። የሱሳ አꬃ ፋꬅን፥ አꬄ በእነን ኦህንታነ። 23 አሱንꬅ ኡቡንꬅ ጋማ ቆፒ፥ «Ꮉይ ዳዉተ ናአ ማቃዳ የሳነ?» ያጋይዳ።

24 የዝን ፋርሳዉንꬅ ይኖ ስእ፥ «Ꮉይ አꬄ ቱና አያኑንꬃና ኬስዘ ቱና አያኑንꬅ Ꮉላቃ ብኤልዘቡላ ዎልቃራ» ያጋይዳ።

25 የሱሳ ኡን ቆፍቶ ኤሪ፥ «ዎል ግዳ ሻክንትዘ ካእቱሞ ኡባ ጎልኦዳ፤ ማህ ዎል ግዳ ሻክንትዘ ካታምታ ዎይ ኬꬅታ ሚንግ ኤቆስ። ማቶ. 9:34፤ 10:25 26 ጻላሄ ጻላሄ ኬስዘባዝ ማቅኮ ፋ ግዳ ሻክንታነ ጋእንተ። ይኒ ፋና Ꮉንዘባዝ ማቅኮ ኤ ካእቱምታ ዋይዝ ሚንግ ኤቆደስ ዳንዳኤ? 27 ታኒ ቱና አያና ኬስዘ ብኤልዘቡላ ዎልቃራ ማቅኮ ይንታና ካልዘ አሱንꬅ ኦደ ዎልቃራ ከሶደ? ይኒ ግሾ፥ ይንታና ካልዘ አሱንꬅ ይንታና ፍርዶዳ። 28 የዝን ታኒ ቱና አያና ኬስዘ ጾዝ አያናራ ማቅኮ፥ ጾዘ ካእቱሞ ይንታጎ ይእዳ።

29 «ዎይ ፈቲ አስ ዎልቃራ የዘ አꬄ ካራ ገሊ ኤ ቆልቶ ቦንቆደስ ኮይኮ ቲኒ የ አꬃ አጫንጽኮ ዋይዝ ቦንቆደስ ዳንዳኦደ? የይዝኮ ኤ ቆልቶ ቦንቆደስ ዳንዳአነ።

30 «ታራ ማቆሰ ኦደን ታና እጻነ፤ ማህ ታራ ፈትላ ሺሾሰ ኡባ ላላነ። 31 ይኒ ግሾ፥ ኦህነ፤ አሱንꬅ ኦችዘ አኮ ናጋራን ጫሽ ቃላ ኡባ አቶ ጋእንቶዳ፥ የዝን ጌሽ አያና ጫዥዘ ኦደስን ኤ ናጋርታ አቶ ጋእንታማ። ማር. 9:40 32 ኦደን አስ ናአላ አፋ ኢታ ባዝ ኦህኮ ኤስ አቶ ጋእንቶዳ፥ የዝን ጌሽ አያናላ አፋ ኢታ ባዝ ኦህዘ ኦደስን Ꮉነ ሳእተ ማቅኮን ዮኦደ አላምተ ኤ ናጋርታ አቶ ጋእንታማ። ሉቃ. 12:10

33 «ሎኦ ምንጻ ሎኦ ኣፈ አፋነ፤ ማህ ኢታ ምንጻ ኢታ አፋነ። ይኬ፥ ምንጻ ኤርንትዘ ፋ ኣፍተ። ሉቃ. 12:10 34 ይን፥ ሾሽ ናኡንꬆ፥ ይን ኢታ ማቅተራ ዋይዝ ሎኦ ባዝ ኦቾደስ ዳንዳኤ? አስ ፋ ዎዝና ኩምዳኖ ዶናራ ኦህነ። 35 ሎኦ አስ ፋ ዎዝንትፓ፥ ሎኦ ባዝ ከሳነ፤ ኢታ አስ ፋ ዎዝናፓ፥ ኢታ ባዝ ከሳነ። ማቶ. 3:7፤ 23:33፤ ሉቃ. 3:7፤ ማቶ. 15:18፤ ሉቃ. 6:45 36 የዝን ስኦተ፥ አሱንꬅ ኦህንትዘ ጨር ኦሄ ኡባስ ፍርዳ ቃማ ማሄ እንጎዳ። 37 አኮስ ጋይኮ፥ ነ ኦህዘ ነ ቃልተ ጽሎዳ፤ ነ ኦህዘ ነ ቃልተ ኔላ አፋ ፍርዶዳ» ያጋይዳ።

38 ይንፓ ሱባ፥ ፈቲ ፈቲ ፋርሳዉንꬅን ህገ አስታማሩንꬅ የሱሳጎ፥ «አስታማርዛዮ፥ ኔፓ ክሌ ባዝ በአደስ ኮያነ» ያጋይዳ።

39 የዝን የሱሳ ማህ፥ «አማንንቶሰን ኢታ የለቱንꬅ ክሌ ባዝ ኮያነ። የዝን ናበ ዮናሳ ክለ ባዛፓ መለ ክሌ ባዝ ኡንትስ እንግንቶስ። ማቶ. 16:1፤ ማር. 8:11፤ ሉቃ. 11:16 40 ዮናሳ ሞሎ ሳዛ Ꮉይꬕ አዋራን Ꮉይꬕ ቃማ ጋምእዳን ፋና አስ ናአ Ꮉይꬕ አዋራን Ꮉይꬕ ቃማ ሳአ ጋꬃ ጋምኦዳ። ማቶ. 16:4፤ ማር. 8:12 41 ነነዌ አሱንꬅ ፍርዳ ቃማ ደንዲ Ꮉና የለቱንꬃራ ዎላ ኡንታላ አፋ ፍርዶዳ፤ አኮስ ጋይኮ፥ ኡን ዮናሳ ስብከቶ ስእ ፋ ናጋርትፓ ማቅዳ። ይኬ፥ ዮናሳፓ ኣꬍዘ Ꮉነ የነ። ዋሐ. 1:17 42 ፍርዳ ቃማ ዬካ ካትታ ደንዲ Ꮉና የለቱንꬃራ ዎላ ኡንታላ አፋ ፍርዶዳ፤ አኮስ ጋይኮ፥ እዛ ሶሎሞነ ጭንጫትꬅቶ ስኦደስ ሳአ ጋጻፓ ይእዳ። Ꮉይቼ፥ ሶሎሞናፓ ኣꬍዘ Ꮉነ የነ። ዋሐ. 3:5

43 «ቱና አያና አꬄፓ ኬዝደፓ ሱባ ፋስ ሸምፕዘ በሲ ኮይ Ꮉꬅ ባይዘ በሳ Ꮉንታነ፥ የዝን ፋ ኮይዘ ሸምፖ ደንጎስ። 1 ካት 10:1-10፤ 2 ዜና 9:1-12 44 የዝን፥ ‹ታ አሺ ከዝደ ኬꬅተ ማቂ Ꮉንጎዳ› ያጋነ። ኤ ማቅዘ ዎደ ኬꬅታ ካይስ ማቅዳኖን ፍጽንቲ ሎእ በትዳኖ ደንጋነ። 45 ይኬ፥ ማቂ Ꮉንግ፥ ፋፓ ኢታ መለ ላፑን ኢታ አያኑንꬃና ኤኪ የእነ፤ ኡንትን እዘ ገሊ የዛነ። የ አꬄስ ቲኖስትፓ ሱባና ጋማ ኢታነ። የ ኢታ የለቱንꬃላ አፋ ይኒ ፋና ይአዳ» ያጋይዳ።

46 የሱሳ ዎርዥትስ ኦሄላ አፋ የዝን ኤ እንታን ኤ እሹንꬅ ኤዛ ኦህሳደስ ኮይ ባለ ኤቅዳ። 47 ፈቲ አስ ኤጎ፥ «ነ እንታን ነ እሹንꬅን ነና ኦህሳደስ ኮይ ባለ ኤቅዳ» ያጋይዳ።

48 የሱሳ ማህ፥ «ታ እንታ ኦደ? ታ እሹንꬅን ኦደ?» ያጋይዳ። 49 ፋ ኩሽትራ ታማሩንꬃና ማልተራ፥ «ቦኦተ፥ ታ እንታን ታ እሹንꬅን Ꮉንሳና። 50 ሳሎ የዘ ታ አዳይ ቆፍቶ ኦችዘ ኡቡንꬅ ታስ እሸ፥ ታስ ምሾን ታስ እንዶ» ያጋይዳ።