1 የ ዎደ የሱሳ ካራፓ ኬዚ አባ ጋጻ በትዳ። 2 ጋማ አሱንꬅ ኤ ካለ ሺቅን አሱንꬃና አባ ጋጻ አሺ አሺ ጎንገ ገሊ በትዳ አሱንꬅን ኡባ አባ ጋጻ ኤቅዳ። 3 አሱንꬅስ ጋማ ባዝ አዝዘራ ያጋእ ኦህዳ:ሉቃ. 5:1

«ፈቲ ቡዱꬅ ቡድዘ ቡዱꬅ ቡዶደስ ከዝዳ። 4 ኤ ቡድዘ ዎደ ፈቲ ፈቲ ቡዱꬅታ ኦገ ጋጻላ ዎꬍዳ፤ ኡንታና ላንዱንꬅ ይእ ማጺ ሙይዳ። 5 ፈቲ ፈቲ ቡዱꬅታ ኦሞራ ላላ የዘ ሳአ ዎꬍዳ። ጋማ ሳአ ባይዘ ግሾ ኤልሲ ዶልዳ። 6 የዝን አዋ ከዝን ሹልዳ፤ ጻጶ ባይዘ ግሾ መልዳ። 7 ፈቲ ፈቲ ቡዱꬅታ አንጋꬅ ግዳ ዎꬍዳ፤ አንጋꬅታ ድጪ ይና ዶልቶ ጩልዳ። 8 መሉንꬅ ማህ አራዳ ሳአላ ዎꬍዳ፤ ዶሊ ኣፈ ኣፍዳ። ፈታይ ጼት፥ ፈታይ እዝፑንታም፥ ፈታይ ማህ Ꮉስታም ኣፍዳ። 9 ስእዘ Ꮉየ የዘ ስኦ» ያጋይዳ።

10 የሱሳ ታማሩንꬅ ኤጎ ሺቂ፥ «አኮስ ነ ዎርዥትስ አዝዘራ ኦሄ?» ያጋእ ኦጭዳ።

11 ኤ ማህ፥ ይንትስ ሳሎ ካእቱሞ ጋꬅ ቆፋ ኤራ እንግንትዳ፥ የዝን ኡንትስ እንግንትካያ። 12 የዘ ኡቡንꬅስ ጉጁንቶዳ፥ ኤስ ጋማዳ፥ የዝን ባይዘፓ መለ አቶ የዝን ኤስ የዛይን ኤክንቶዳ። 13 ይኒ ግሾ፥ ታኒ ኡን፥ ብእተራ ደንጋመ ፋና፥ ስእተራ ስአመ ፋና ዎይ ቆፓመ ፋና ኡንትስ አዝዘራ ኦህነ። ማቶ. 25:29፤ ማር. 4:25፤ ሉቃ. 8:18፤ 19:26

14 ኢሳያሳ ፋ ማጻፍተ ኦህዳና ኡንታላ አፋ ፎልንትዳ። ኤ ኦህተራ፥

16 «የዝን ይን ኣፍታ በእዘ ግሾን ይን Ꮉይታ ስእዘ ግሾ አንጅንትዱንꬃና። 17 ታ ይንትስ ቱሮ ኦህነ፤ ጋማ ናቡንꬅን ጽሎ አሱንꬅ ይን በእዛኖ በአደስ ይን ስእዛኖ ስኦደስ አሙꬍዳ፥ የዝን ኡንትስ Ꮉንካያ። ሉቃ. 10:23-24

18 «ይኬ፥ Ꮉይ ቡዱꬅቶ ቡድዘ አꬄ አዝዝቶ ስኦተ። 19 ኦገ ጋጻ ዎꬍደ ቡዱꬅት አዝዝታ Ꮉኖ፤ ሳሎ ካእቱሞ ቃላ ስእ ቲሮሰ አꬄ ዎዝንትፓ ጻላሄ ይእ ኤ ዎዝንተ የዘ ቡዱꬅቶ ማጺ Ꮉሳነ። 20 ላላ ኦሞ የዘ ሳአላ ቡድንትደ ቃላ ስእ ኤልሲ ኡፋይት ኤክዙንꬃና። 21 የዝን ጻጶ ዳኮደስ ዳንዳኦሰ ግሾ ጋምኦስ። ቃላ ግሾ ማꬋ ዎይ ባይꬅ የእዘ ዎደ ኤልሲ ꬉብንታነ። 22 አንጋꬅ ግዳ ቡድንትደ ቃላ ስእነ፥ የዝን Ꮉና አላመ የስ ይርጋፓን ዱርቱሞ ቆፋፓ ቃልቶ ጩልደ ግሾ ኣፈ አፋንጺ አትዳ። 23 የዝን አራዳ ሳአ ቡዱንንትደ ቡዱ ቆፋራ ቃልቶ ስእዘ አስ። ኤ ኣፈ አፋነ፤ ፈታይ ጼት፥ ፈታይ እዝፑንታም ፈታይ ማህ Ꮉስታም አፋነ» ያጋይዳ።

24 የሱሳ ኡንትስ መለ አዝዘ ኦህዳ፥ «ጾዘ ካእቱሞ ፋ ጋድተ ሎኦ ቡዱꬅ ቡድደ አꬃ አዛነ። 25 የዝን አስ ኡባ ገንትን ኤ ሞርክዘ ይእ ዛርግት ግዳ ዛርዶ ቡድ ቅትዳ። 26 ዛርግታ ድጪ አፎደራ ዛርድዘን የ ዎደ በንትዳ።

27 «ጋድቲ አዳይ አሩንꬂ አደጎ Ꮉንግ፥ ‹ላꬆ፥ ነ ጋድተ ነ ሎኦ ቡዱꬅ ቡድካ? ዬዝን፥ ዛርዶ አናፓ ይእዶ? ያጋይዳ።

28 «ኤ ኡንታጎ፥ ‹ይኖ ሞርከ ኦችዳ› ያጋይዳ።

«አሩንꬂ ላꬄጎ፥ ‹ኑ Ꮉንግ ዛርድቶ ሾዶደ ጋር ኮያነ?› ያጋይዳ።

29 «የዝን ኤ፥ ‹አቶ ቦችፐ፤ ይን ዛርድቶ ሾዳነ ጋዉደራ ዛርግታ ሾድንቶዳ። 30 ቦችፐተ፤ ማጽዘ ዎደ የሎደስ ዎላ ድጮ። የ ዎደ ማጽዙንꬅ ዛርድቶ ቲኒ ሾዲ ታማር ኤꬆደስ ምርቀራ ምርቀራ ጋዶተ። የዝን ዛርግቶ ሺሺ ታ ፋችተ ገልꬆተ› ጋውዳ» ያጋይዳ።

31 ማህ መለ አዝዘ ያጋእ ኦህዳ፤ «ሳሎ ካእቱሞ ፈቲ አስ ፋ ጋድተ ቡድደ ኤራꬅ ምንጻ ኣፈ አዛነ። 32 ይና ኣፍታ መለ ምንጻ ኣፈ ኡባፓ ኤራꬅ፥ የዝን ዶልታ ድጪ መለ ምንጻ ኡባፓ አꬊ ዳማነ። እ ዣንግትላ ላንዱንꬅ ኬጺ በቶደ ዎንꬅስ ዳማ ምንጻ ማቃነ» ያጋይዳ።

33 ማህን፥ የሱሳ መለ አዝዘ ኦህዳ፤ «ሳሎ ካእቱሞ ፈቲ ማችታ Ꮉይꬕ ጋባተ ꬊላ ኤኪ ሙኑቅደ፥ ሙኑቅታ ደንዶደ ፋና እዘ ጉጅደ እርሾ አዛነ» ያጋይዳ።

34 የሱሳ ዎርዥትስ ይና አዝዝቶ ኡባ ኦህዳ። አዝዘ ባይዝን ፈቲ ባዝን ኦህካያ። 35 ናብዘ ፋ ማጻፍተ፥

36 የሱሳ ዎርዥቶ ሞይዚ ኬꬃ ገልዳ። ኤ ታማሩንꬅ ኤጎ ሺቂ፥ «ጋደ የዘ ዛርዶ ብልꬅቶ ኑስ ኦሆ» ያጋይዳ።

37 ኤ ማህ፥ «ሎኦ ቡዱꬅቶ ቡድደ አስ ናአ። 38 ጋድታ Ꮉና አላምቶ። ሎኦ ቡዱꬅታ ሳሎ ካእቱሞ ናኡንꬃና። ዛርድዘ ጻላሄ ናኡንꬃና። 39 ዛርድዛ ቡድደ ሞርከ ጻላሄ። ማጽዘ ዎድታ፥ ዎደ ዉርሱꬅተ። ማጽዙንꬅ ኪታንቹንꬃና።

40 «ዛርዶ ማጺ ታማ ኤꬅዛን ጋር ዎደ ዉርሱꬅተ ይኒ ጋር ማቃዳ። 41 አስ ናአይ ፋ ኪታንቹንꬃና ኪቶዳ። ኡን ናጋራስ ምክናተ ማቅዱንꬃና ኢታ ኦችዘ ኡባ ማጺ ኤ ካእቱምትፓ ከሶዳ። 42 ዬፎን አች ጋርጭንገ ኣꬊ ኤጽዘ ታማ ኦሎዳ። 43 የ ዎደ ጌሹንꬅ ፋ አዳይ ካእቱምተ አዋ ጋር ፎኦዳ። ስእዘ Ꮉየ የዘ ስኦ!

44 «ሳሎ ካእቱሞ ጋደ ሞጉንትደ ሚሸ ፋና። ፈቲ አስ ይና ሚሽቶ ደንግ ማህ ሞግዳ። ጋማ ኡፋይት Ꮉንግ ፋስ የዘ ባዝ ኡባ ባይዝ ይና ኦቻ ጋድቶ ዎንግዳ።

45 «ይኒ ጋራ፥ ማህ ሳሎ ካእቱሞ እንቆ ጋዘ አልኦ ሹች ኮይዘ ዛልአንቾ አዛነ። 46 ጋማ አልኦ እንቅዛ ደንግ Ꮉንግ ፋስ የዘ ባዝ ኡባ ባይዝ ኤዛ ዎንግዳ።

47 «ማህ ሳሎ ካእቱሞ አባ ኦልንትደ ዱማ ዱማ ሞሎ አይክዘ ግተ አዛነ። 48 ሞሎ አይክዘ አሱንꬅ ሞሎ ግትተ ኩምን አባፓ ጋጻ ከስዳ። እዘ በቲ ሎእቶ ቁሪ ቁሪ ዳቾ ኦልዳ፥ የዝን ኢቶ አላ ኦልዳ። 49 ዎደ ዉርሱꬅተ ይኒ ፋና Ꮉኖዳ። ኪታንቹንꬅ ይእ ናጋራንቹንꬃና ጽሉንሳፓ ሻኪ፥ 50 ዬፎ አች ጋርጭንገን አꬊ ኤጽዘ ታማ ኦሎዳ።

51 «Ꮉና ኡባና ይንትስ ገልዳ?» ያጋእ ኡንታና ኦጭዳ።

ኡን ማህ፥ «ዬ» ያጋይዳ።

52 የሱሳ፥ «ይኬ፥ ሳሎ ካእቱሞ ካልዘን ህገ ታማረ ኡባ፥ ፋ ምንጅደ ቆሎፓ ክለን ጋልአ ኬስዘ አስ አዛነ» ያጋይዳ።

53 የሱሳ ይና አዝዝቶ ኦህ Ꮉስዳንፓ ሱባ የይጋፓ ደንዲ ቅትዳ። 54 ፋ የልንትደ ሳአ Ꮉንግ አይሁደ ዎሳ ኬꬃ ዎርዥቶ ታማርስዳ። ኡን ጋማ ቆፒ፥ «Ꮉይ አꬄ Ꮉና ጭንጫትꬅቶን ዎልቃ ኩምደ ክለ ባዝቶ አናፓ ኤክዶ? 55 Ꮉይ አናጽዘ ናአ ባነ? ኤ እንቲ ሱንꬅታ ማይራሞ ባነ? ኤ እሹንꬅ ያይቆባ፥ ዮሰፋ፥ ስሞናን ይሁዳ ባነ? 56 ኤ ምሹንꬅ ኑራ የዙንꬃና ባነ? ዬዝን፥ Ꮉይ አꬄ Ꮉኖ ኡባኖ አናፓ ኤክዶ?» ያጋይዳ። 57 ይኒ ግሾ፥ ኤ ጋዘ ባዝቶ ኤካንጽ እጽዳ።

ዋሐ. 4:43የዝን የሱሳ፥ «ናበ ፋ የልንትደ ሳአን ፋ ካራ አሱንꬅ ካለ ቦንችንቶስ» ያጋይዳ። 58 ኡን አማናንጽደ ግሾ ጋማ ክሌ ባዝ ይና በስተ ኦችካያ።