28
የሱሳ Ꮉይቆፓ ደንደ
(ማር. 16:1-10፤ ሉቃ. 24:1-12፤ ዋሐ. 20:1-10)
1 ሳምባታ ኣꬍን ዎጋ ዎደ ዎንታ ጎዳ፥ ማግደላ ማይራምራን Ꮉንኮ ማይራማ የሱሳ ሞጉንትደ ቦዝቶ በአደስ Ꮉንግዳ። 2 ቆፕካይዝን ዎልቃማ ሳአ ኤንኤ ማቅዳ። ላꬄ ኪታንቾ ሳሎፓ ዎꬊ ቦዛ ዶንተ የዘ ሹችቶ ጎልእዝ ካታራ በትዳ። 3 ኤ ብሽታ ዜልንꬅ አዛነ። ኤ አፉልታን ሻች ፋና ቦꬅ። 4 ናግዙንꬅ ኪታንችዛ ብእ፥ ዣሽቲ ጎቂ፥ Ꮉይቂደ አስ ፋና ዪእዳ።
5 ኪታንችዘ ማቹንꬃጎ፥ «ይን ማስቃላላ አፋ ሱጹንትደ የሱሳ ኮይዛኖ ታኒ ኤርዘ ግሾ ዣሽትፐተ። 6 ኤ ካሰ ኦህዳን ፋና Ꮉይቆፓ ደንድዳ፤ Ꮉነ ባያ። Ꮉይጋ ይእ ኤዛ ሞግደ በስቶ ቦኦተ። 7 ይን Ꮉተ ኤልሲ Ꮉንግ፥ ኤ ታማሩንꬅስ፥ ‹የሱሳ Ꮉይቆፓ ደንድዳ። ማህ ኤ ይንታፓ ቲንꬊ ጋልላ ቅቶዳ፤ ይን ኤዛ የይጋ በአዳ› ያጋእ ኦሆተ። ታኒ ይንትስ Ꮉኖ ኦሆደስ ይእዳ» ያጋይዳ።
8 ኡን ዣሽትተራን ጋማ ኡፋይትተራ፥ ቦዝት ካለፓ ኤልሲ Ꮉንግ፥ ኤ ታማሩንꬅስ ኦሆደስ ዎጽዳ።
9 ቆፕካይዝን የሱሳ ኡንታራ የልንት ኡንታጎ፥ «ሳሮ ይንትስ ማቀ» ያጋይዳ። ኡን ኤጎ ሺቂ፥ ኤ ቶህቶ አይኪ ኤስ ጎይንዳ። 10 የ ዎደ የሱሳ ኡንታጎ፥ «ዣሽትፐተ፤ Ꮉንግ ታ ታማሩንꬅ ጋልላ Ꮉንጎደ ጋር ኡንትስ ኦሆተ። ኡን እዘ ታና በአዳ» ያጋይዳ።
11 የንꬅ ማቹንꬅ Ꮉንጎደራ፥ ቦዝቶ ናግዘ ዎታዳሩንꬃፓ ባጉንꬅ ካታማ Ꮉንግ፥ Ꮉንደ ባዝቶ ኡባ ካህኑንꬅ Ꮉላቁንꬅስ ኦህዳ። 12 ካህኑንꬅ Ꮉላቁንꬅን ጭሙንꬅ ሺቂ ዞርንት፥ ዎታዳሩንꬅስ ጋማ ብራ እንግ፥ 13 «‹ኑ ገንተዝን ኤ ታማሩንꬅ ቃማ ይእ፥ ኤ አህቶ ካይስትዳ› ያጋኦተ። 14 Ꮉና ኦህቶ ጋደ አህዛይ ስእኮ፥ ይና ይን ባላ ባይዛኖ ኑ ኤስ ኦህ አማንꬆዳ። ይንታና አኮን ይርግዝፐ» ያጋይዳ።
15 ዎታዳሩንꬅ ብርቶ ኤኪ፥ ኦህዳን ጋር ኦችዳ። Ꮉና ኦህታ አይሁዱንꬅ ካለ Ꮉይኖ የሎደስ ኦህንትተራ የነ።
ዳማ ዎንገለ ኪታ
(ማር. 16:14-18፤ ሉቃ. 24:36-49፤ ዋሐ. 20:19-23፤ ሐዋ. 1:6-8፤ 1 ቆሮ. 15:3-8)
16 ታጶ ፈቲ ታማሩንꬅ የሱሳ ኪትደ ጋልላ የዘ ደረጎ ቅትዳ። 17 እዘ ኡን ኤዛ ብእደ ዎደ ኤስ ጎይንዳ፥ የዝን ኡንታፓ ፈተ ፈተ ሶእዳ። ማቶ. 26:32፤ ማር. 14:28
18 የሱሳ ኡንታጎ ሺቂ፥ «ሳሎን ሳአን አደትꬅ ዎልቃ ኡባ ታስ እንግንትዳ። 19 ይኬ፥ ይን ኡባ በሳ ቅቶተ፥ አዳይ፥ ናአይ፥ ጌሽ አያና ሱንꬅተ አስ ኡባ ታማርስ፥ ጻማቅ ታ ኪትዳኖ ኡባ ናጎደ ፋና ታማርስተራ ታና ካልዙንꬃና ማሆተ። 20 ታኒ ይንታና ኪትደባዝ ኡባ ኡን ናጎደ ፋና ኡንታና ታማርሶተ። ታኒ ዎደ ዉርሱꬅ የሎደስ ኡባ ዎደ ይንታራ የነ» ያጋይዳ። ሐዋ. 1:8