9
(ማቶ. 17:1-13፤ ሉቃ. 9:28-36)
1 የሱሳ ኡንታጎ፥ «ታኒ ይንትስ ቱሮ ኦህነ፤ ጾዘ ካእቱሞ ዎልቃራ ይእዛኖ ብእካይዛራ Ꮉይቃመ ፈቲ ፈቲ አሱንꬅ Ꮉነ የነ» ያጋይዳ።
የሱሳ ብሽታ ላምንትዳ
2 የሱሳ እዝፑን ቃማፓ ሱባ፥ ፋራ ጴጥሮሳ፥ ያይቆባን ዋሐንሳ ኤኪ፥ ኡንታና ጻላላ ዳማ ደረላ አፋ ኬሲ ኡን ቲኖ ላምንትዳ። 2 ጴጥ. 1:17-18 3 ኤ ማእታን ፎጭዳ፤ ሳአላ ማኦ ሜጭዘ ኦደን ጌሾደስ ዳንዳኦሰ ፋና ጋማ ቦጽዳ። 4 ኤልያሳን ሙሴን የሱሳራ ኦህንቶደራ ኡን ብእዳ።
5 ጴጥሮሳ የሱሳ፥ «አስታማርዛዮ፥ ኑኒ Ꮉነ የዛና ኑስ ሎኦ፤ ኑ Ꮉይꬕ ጋባ ፈታ ኔስ፥ ፈታ ሙሴስ፥ ማህ ፈታ ኤልያሳስ ጋቦዳ» ያጋይዳ። 6 Ꮉንኩንꬅ ጋማ ታንደ ግሾ ኤ አኮ ጋዛኮን ኤርካያ።
7 ይንፓ ሱባ፥ ꬎነ ይእ ኡንታና ጎዝን ꬎነ ጋርሳፓ፥ «Ꮉይኒ ታ ካዽዘ፥ ታ ናአያ፥ ኤ ጋዛኖ ስኦተ» ጋዘ ቃላ ይእዳ። 8 ኤልሲ ኡንቲ ዉቱꬂ ዳኪ በእዘ ዎደ የሱሳፕ አትን መለ ኦደን ፋ ካለ ብእካያ። ማቶ. 3:17፤ ማር. 1:11፤ ሉቃ. 3:22
9 ኡንቲ ደርዘፓ ዎꬎደራ፥ የሱሳ ኡንታጎ፥ «አስ ናአይ፥ Ꮉይቆፓ ደንዶደ ዎንꬅስ፥ ይን ብእዳኖ ኦደስን ኦህፐተ» ያጋእ ኪትዳ።
10 ኤ ኪትዳኖ ኡን፥ «የኤ» ጋእ፥ «Ꮉና Ꮉይቆፓ ደንደ ጋዛና አኮ ጋኤ» ጋእ፥ ዎል ግዳ ኦህንትዳ።
11 ኡን ማህ፥ «ህገ አስታማሩንꬅ፥ ‹ኤልያሳ ቲንꬊ ዮኦደስ ቤዛነ› አኮስ ጋኤ?» ያጋእ ኦጭዳ። ሚል. 4:5፤ ማቶ. 11:14
12 የሱሳ ማህ «ኤልያሳ ቲንꬊ ይእ፥ ኡባባዝቶ ሎይꬆዳ፤ ዬዝን፥ አኮስ ጌሽ ማጻፍተ፥ ‹አስ ናአይ ጋማ ዋይንቶዳ እጽንቶዳ› ያጋነ ጋእ ኦጭዳ። 13 የዝን ታኒ ይንትስ ኦህነ፤ ኤልያሳ ይእዳ፤ ማህ ኤ ባዝ ጌሽ ማጻፍተ ጻፍንትዳንጋራ፥ አሱንꬅ ኤላ አፋ ፋ ኮይዳኖ ኦችዳ» ያጋይዳ።
የሱሳ ቱና አያና አይክደ ናአ ፋꬅዳ
(ማቶ. 17:14-21፤ ሉቃ. 9:37-43)
14 የሱሳን፥ Ꮉይꬑንꬅ ታማሩንꬃጎ ማቂ የእዘ ዎደ ጋማ አሱንꬅ ኡን ካለ ኤቅዱንꬃናን ህገ አስታማረ ማቅደ ኤራꬅ አሱንꬅ ኡንታራ ላልዛኖ ብእዳ። 15 ይና ጋማ አሱንꬅ የሱሳ ብእደ ዎደ ጋማ ቆፒ፥ ኤልሲ ኤጎ ዎጺ ይእ፥ ኤዛ ሳሮꬅዳ። 16 የሱሳ፥ ጻፉንꬃጎ «ኡንታራ አኮ ላለ?» ያጋእ ኦጭዳ።
17 የንꬅ ጋማ አሱንꬅ ግዳፓ ፈቲ አꬄ ማህ፥ «አስታማርዛዮ፥ ታ ናአይላ አፋ ኦህንቶዳኖ ካይዘ ቱና አያና የዘ ግሾ ኤዛ ኔጎ ኤኪ ይእዳ። 18 Ꮉይ ቱና አያንዘ ኤዛ አይክደ ዎደ ኡባ፥ ኤዛ ጉዲ ኦላነ፤ ኤ ዶንትራ ዱባ የእነ፤ ማህ አች ጋርጭዛነ፤ ጋልታን ምንጋነ። ኤፓ Ꮉይ ቱና አያንዛ ከሶደ ጋር፥ ነ ታማሩንꬅስ ኦህዳ፥ የዝን ከሶደስ ኡን ዳንዳእካያ» ያጋይዳ።
19 የሱሳ ማህ ኡንታጎ፥ «አማኖሰ Ꮉና ዎደ አሱንꬆ! ታኒ ይንታራ አይደ የሎደስ የሳደ? ማህ ይንታና አይደ የሎደስ ዳንዳኦደ? ናአያ ታስ Ꮉንካ ኤኪ ዮኦተ» ያጋይዳ። 20 ኡንቲ ናአያ ኤጎ ክእዳ፤ የ ቱና አያንዘ የሱሳ ብእደ ፋና ናአያ ጎቅዝዳ፤ ናአይ ሳአ ጎልእ፥ ዶናራ ጎፑንቶ ጩትተራ ጎልእንትዳ። 21 የሱሳ የ ናአይ አዳይጎ፥ «Ꮉይ ነ ናአያ አይክዳንፓ ዋንꬅ ዎደ ማቃደ?» ያጋእ ኦጭዳ።
ናአይ አዳይ፥ «ኤ ኤራꬅ የዝን አይክዳ። 22 ኤዛ ዎꬎደስ ጋማ ዎደ ታማን Ꮉꬃን ኦላነ፥ የዝን ኔስ ዳንዳእንትኮ፥ ኑስ ይቅስንቶያ፥ ኑና ማዶያ» ያጋይዳ።
23 የሱሳ ኤጎ፥ « ‹ነ ዳንዳእኮ ጋነ?› አማንዘ ኦደስን ኡባ ባዝ ዳንዳእንታነ» ያጋይዳ።
24 ኤልሲ ናአይ አዳይ ፋ ቃልቶ ꬎቅ ዪዝ፥ «ታኒ አማናነ፥ የዝን ጉጂ አማኖደ ጋር ታና ማዶያ» ያጋይዳ።
25 የሱሳ አሱንꬅ ጋንግ ጋንግ Ꮉንግዛኖ ብእ፥ ቱና አያንዛ፥ «Ꮉይ ቱለን ሙመ አያንዛዮ፥ Ꮉይ ናአይፓ ከዞ ጋእ ነና ታ ኪታነ፤ ማህ ላምእንꬃ ኤ ግዳ ገልፐ» ያጋይዳ።
26 የ ቱና አያንዘ ኡክ፥ ናአያ ጋማ ጎቅዚ፥ ኤፓ ከዝዳ። ናአይ Ꮉይቂደ ጋራ ይእን፥ ጋማ አሱንꬅ፥ «ናአይ Ꮉይቂዳ» ያጋይዳ። 27 የዝን የሱሳ ናአይ ኩሽቶ አይኪ ደንꬅን፥ ናአይ ደንዲ ኤቅዳ።
28 የሱሳ ኬꬃ ገልዳንፓ ሱባ ኤ ታማሩንꬅ፥ «ኑኒ የ ቱና አያንዛ ኬሶደስ አኮስ ዳንዳእካያ?» ያጋእ የሱሳ ሻኪ ዱማ ኦጭዳ።
29 የሱሳ ማህ፥ «ይኒ ጋርዘ ዎሳራን [ጾማራን] ፋትን መለ ባዛራ ኬሳደስ ዳንዳኦስ» ያጋይዳ።
የሱሳ ፋና የሎደ ማꬍቶ ማህ ኦህዳ
(ማቶ. 17:22-23፤ ሉቃ. 9:43-45)
30 ኡንቲ ይና በስትፓ ደንዲ፥ ጋልላራ አꬊ ቅትዳ፤ የሱሳ ፋ የዘ በስቶ ኦደን ኤሮደ ጋር ኮይካያ። 31 ኤ ፋ ታማሩንꬃጎ፥ «አስ ናአያ፥ አስ አስስ አꬂ እንጎዳ ዎꬎዳ፤ ኤ Ꮉይꬕ ቃማፓ ሱባ፥ Ꮉይቆፓ ደንዶዳ» ያጋእ ታማርስተራ የነ።
32 የዝን ኡንትስ ኤ ጋዛና ገልካያ፤ ማህ ኤዛ ኦጮደስን ዣሽትዳ።
ኡባፓ አꬍዘ ኦደ?
(ማቶ. 18:1-5፤ ሉቃ. 9:46-48)
33 ኡንቲ ቅፍርናሆመ ካታማ Ꮉንግ ኬꬃ ገልዳንፓ ሱባ የሱሳ ኡንታጎ፥ «ኦገ አኮስ ላለ?» ያጋእ ኦጭዳ። 34 የዝን ኡን፥ «ኑ ግዳ ኡባፓ አꬎደ ኦደ?» ያጋእ ላልደ ግሾ ስእ ጋይዳ። ሉቃ. 22:24 35 የሱሳ በቲ፥ ታጶ ላምእ ታማሩንꬃና ጼጊ፥ «ኦደን ቲኖ አꬎደስ ኮይኮ፥ ኡባፓ ሱባ አꬊ፥ ኡቡንꬅስ አሮ ማቃደስ ቤዛነ» ያጋይዳ። ማቶ. 20:26
36 ፈቲ ኤራꬅ ናአ ኤኪ፥ ኡን ግዳ ኤስዳ፤ የ ኤራꬅ ናአያ እርንግ ኡንታጎ፥ 37 «Ꮉንስ ጋር ኤራꬅ ናኡንꬃፓ ፈታ ታ ሱንꬅተ ሞክዘ ኦደን ታና ሞካነ፤ ማህ ታና ሞክዘ ኦደን ታና ኪተዛያን ሞካነፕ አትን ታና ጻላላ ሞኮስ» ያጋይዳ። ማቶ. 10:40፤ ሉቃ. 10:16፤ ዋሐ. 13:20
ኑና እጾሰ አꬄ ኑ ባጋ
(ሉቃ. 9:49-50)
38 ዋሐንሳ፥ «አስታማርዛዮ፥ ፈቲ አስ ነ ሱንꬅተ ቱና አያና ከሶደራ ኑኒ ብእ፥ ኑ ባጋ ማቆሰ ግሾ ኤዛ ካይዳ» ያጋይዳ።
39 የዝን የሱሳ፥ «ኦደን ታ ሱንꬅተ ጾዚ ኦችዘ ጋማ ቆፍዘ ባዝ ኦቺ፥ ኤልሲ ታላ አፋ ኢታ ባዝ ኦህንቶደስ ዳንዳእዘ ባይዘ ግሾ ካይፐተ። 40 ኑ ባዝ እጾሰ አꬄ ኑ ባጋ። ማቶ. 12:30፤ ሉቃ. 11:23 41 ታኒ ይንትስ ቱሮ ኦህነ፤ ይን ታሱንꬃና ማቅደ ግሾ ኦደን ይንትስ ታ ሱንꬅተ Ꮉለ Ꮉꬅ ኡሻደስ እንግኮን፥ ፋ አንጅቶ ኤኮዳ። ማቶ. 10:42
ናጋራራ ፋታንንተ
(ማቶ. 18:6-9፤ ሉቃ. 17:1-2)
42 «ታና አማንዘ Ꮉንꬅ ኤራꬁንꬃፓ ፈታ ባልꬅዘ ኦደን፥ ጋጭዘ ዳማ ዎጻ ፋ አፉርተ አጪ፥ አባ ግዳ ገልዛኮ ኤስ ሎኦ። 43 ነ ኩሽታ ነና ባልꬅዛኮ፥ ጋቺ ኦሎ። ኔኒ ላምእ ኩሸራ ꬋቦሰ ጋናመ ታማ ኦልንቶዳንፓ፥ ዱጹꬅ ኩሸራ ደኦ ገልዛኮ ኔስ ሎኦ። ማቶ. 5:30 44 ጋናመ ዛቅልታ Ꮉይቆሰ ታማን ꬋቦሰ በሲ። 45 ነ ቶህታ ነና ባልꬅዛኮ፥ ጋቺ ኦሎ። ኔኒ ላምእ ቶሄራ ጋናመ ታማ ኦልንቶዳንፓ፥ ዱጻ ማቂ ደኦ ገልዛና ኔስ ሎኦ። 46 ጋናመ ዛቅልታ Ꮉይቆሰ ታማን ꬋቦሰ በሲ። 47 ነ ኣፍታ ነና ባልꬅዛኮ፥ ዎጪ ኬሲ ኦሎ። ኔኒ ላምእ ኣፈራ ጋናመ ታማ ኦልንቶዳንፓ፥ ፈቲ ኣፈራ ጾዘ ካእቱሞ ገልዛና ኔስ ሎኦ። ማቶ. 5:29 48 እዘ ዛቅልታን Ꮉይቆስ፥ ታምታን ꬋቦስ።ኢሳ. 66:24
49 «ዣርሾ ሶገራ ጌዣን ፋና አስ ኡባ ታማራ ጌሻዳ። 50 ሶገ ሎኦ፥ ዪኮን ኤ ማልአንጽ እጽኮ፥ ማህ ዋይዝ ማልእሳደ? ይን ግዳ ሶገ የሰ። ይእ ፈታይ ፈታይራ ሳሮራ የዞተ» ያጋይዳ። ማቶ. 5:13፤ ሉቃ. 14:34