8
የሱሳ ኦይዲ ሙኩል አሱንꬃና ሙዝዳ
(ማቶ. 15:32-39)
1 ኤራꬅ ዎደፓ ሱባ፥ ጋማ አሱንꬅ የሱሳጎ ሺቅዳ። አሱንꬅስ ሙእዘባዝ ꬋብን የሱሳ ፋ ታማሩንꬃና ፋጎ ጼጊ፥ 2 «Ꮉንꬅ አሱንꬅ ታራ Ꮉይꬕ ቃማ የሎደስ ጋምእ፥ አኮን ሙእዘ ባዝ ደንግካይዘ ግሾ ታና አሱንꬅ ባዝታ ይቅሳነ። 3 ታኒ አሱንꬃና ናየራ ካራ ዳክኮ አሱንꬅ Ꮉንግተራ ኦገ ላቢ ጎልኦዳ፥ ባገ አሱንꬅ Ꮉኮ በሳፓ ይእዳ» ያጋይዳ።
4 የሱሳ ታማሩንꬅ ማህ፥ «Ꮉና አኮ ባይዘ ጋናሳ Ꮉንꬅ አሱንꬃና ኡባ ሙሳደስ ማቃደ ካꬃ ደንጎደስ ዳንዳኦደ ኦደ?» ያጋይዳ።
5 የሱሳ ኡንታጎ፥ «ይን ካለ ዋንꬅ ቦራ የዘ?» ጋእ ኦጭዳ።
ኡን ማህ፥ «ላፑን ቦራ የነ» ያጋይዳ።
6 የሱሳ አሱንꬅ ሳአላ በቶደ ጋር ኪትዳ። የይዝ፥ ላፑን ቦርቶ ኤኪ ጾዝ ጋላቲ ማቂ ቦርቶ ባጽ፥ አሱንꬃና የልꬆደ ጋር ፋ ታማሩንꬅስ እንግዳ። ኤ ታማሩንꬅ አሱንꬅስ ግዥዳ። 7 ኡንትስ ማህ ኤራꬅን ይሻ ሞሉንꬅ የነ። የሱሳ ይና ሞሉንꬅ ግሾ ጾዝ ጋላቲ፥ አሱንꬅስ የልꬆደ ጋር ፋ ታማሩንꬃና ኪትዳ። 8 አሱንꬅ ኡቡንꬅ ሙእ ምዥዳ። ኤ ታማሩንꬅ ሙእን አትደ ጉፋ ላፑን ሌማተ ኩሙꬅ ደንꬅዳ። 9 ካꬃ ሙእደ አሱንꬅ ፋይድታ ኦይዲ ሙኩል ማቃዳ። ይንፓ ሱባ፥ የሱሳ አሱንꬃና ሞይዝዳ። 10 ኤ ማህ ፋ ታማሩንꬃራ ኤልሲ ጎንገ ገሊ ዳልማኑታ ጋዘ ሳአ ቅትዳ።
ማላ ኦችንቶደ ጋር ኦጭዳ
(ማቶ. 16:1-4)
11 ፋርሳዉንꬅ ይእ የሱሳ ኦጮደስ ኮይ፥ ሳሎፓ ፋና ማላ ቤሳደ ጋር የሱሳራ ላለ አይክዳ። ማቶ. 12:38፤ ሉቃ. 11:16
12 የሱሳ ጋዲ ሸምፒ፥ «Ꮉና ዎደ አሱንꬅ አኮስ ማላ ኮየ? ታኒ ይንትስ ቱሮ ኦህነ፤ Ꮉና ዎደ አሱንꬅስ አኮ ማላን እንግንቶስ» ያጋይዳ። ማቶ. 12:39፤ ሉቃ. 11:29 13 ኤ ኡንታና እዘ ኦሊ አሺ ማህ ጎንገ ገሊ አባፓ ሰኮ ፍንꬃ ፊንግዳ።
ፋርሳዉንꬅን ሄሮድሳ እርሾ
(ማቶ. 16:5-12)
14 ኤ ታማሩንꬅ ካꬃ አይኮዳኖ ቦትዳ፤ ኡንትስ ጎንገ ግዳ ፈቲ ቦራፓ መለ ባያ። 15 የሱሳ ኡንታጎ፥ «ይንታና ኤሮተ። ፋርሳዉንꬅ እርሽትፓን ሄሮድሳ እርሽትፓ ናግንቶተ» ያጋእ ኪትዳ። ሉቃ. 12:1
16 ኡን ዎል ግዳ፥ «ኤ Ꮉኖ ጋዛና ኑስ ቦራ ባይዘ ግሾ» ያጋይዳ።
17 የሱሳ ኡን ጋዛኖ ኤሪ ኡንታጎ፥ «ይንትስ ቦራ ባይዘ ግሾ አኮስ ኦህንተ? Ꮉተን ኤሮስተ? ዎይ ቲሮስተ? ይን ዎዝንታ ዶጭዳ? 18 ይንትስ ኣፈ የዝን ቦኦስተ? Ꮉየ የዝን ስኦስተ? ይን ቲራነ?ኤር. 5:21፤ ሕዝ. 12:2፤ ማር. 4:12 19 ታኒ እችን ቦራ እችን ሙኩል አሱንꬅስ የልꬅዘ ዎደ ዋንꬅ ሌማተ ኩሙꬅ ጉፋ ደንꬅዶ?» ያጋይዳ።
ኡንትን፥ «ታጶ ላምእ ሌማተ ኩሙꬅ» ያጋይዳ።
20 «ይኒ ጋራ፥ ታኒ ላፑን ቦራ ኦይዲ ሙኩል አሱንꬅስ የልꬅደ ዎደ ዋንꬅ ሌማተ ኩሙꬅ ጉፋ ደንꬅዶ?» ያጋይዳ።
ኡን፥ «ላፑን ሌማተ ኩሙꬅ ደንꬅዳ» ያጋይዳ።
21 ዬዝን፥ «Ꮉተን ቲሪካነ?» ያጋይዳ።
የሱሳ ቤተሳይዳ ፈቲ ቆቀ ፋꬅዳ
22 ኡንቲ ቤተሳይዳ ካታማ ቅትዳ። ኤራꬅ አሱንꬅ ቆቀ አꬃ የሱሳጎ ክእ የ አꬃ ግርሞደ ጋር ኤዛ ዎስዳ። 23 የሱሳ ቆቀ አꬄ ኩሽቶ አይኪ ካታማፓ ጋጻ ከስዳ። ኤ ኣፍተ ጩቲ ፋ ኩሽቶ ኣፍትላ አፋ ጋዲ፥ «ኔስ አኮ በንታነ?» ያጋእ ኦጭዳ።
24 አꬃይ ꬎቅ ጋእ ብእ፥ «ታስ አሱንꬅ በንታነ፥ የዝን አሱንꬅ ምንጻ ጋር ኤንአነ» ያጋይዳ።
25 ይንፓ ሱባ፥ የሱሳ ማህ፥ አꬄ ኣፍተ ፋ ኩሽቶ ጋድዳ። አꬃይን ሎይꬂ ብእዳ፥ ፋጽን ኡባ ባዝ ሻኪ ብእዳ። 26 የሱሳ አꬄጎ፥ «ነ ካራ ቅቶ፥ የዝን ካታማ ገልፐ» ያጋእ ኪትዳ።
ጴጥሮሳ ማርካትꬅቶ
(ማቶ. 16:13-20፤ ሉቃ. 9:18-21)
27 የሱሳ ፋ ታማሩንꬃራ ቂሳርያ ፍልጶሳ ካለ የዘ ካራ ጋንጨ ቅትዳ። ኡንቲ Ꮉማደራ ኦገላ የዝን የሱሳ፥ «ታና አሱንꬅ ኦና ጋኤ?» ያጋእ ፋ ታማሩንꬃና ኦጭዳ።
28 ኤ ታማሩንꬅ፥ «ፈቲ ፈቲ አሱንꬅ ነና፥ ‹ጻማቅዘ ዋሐንሳ› ጋነ፤ መሉንꬅ፥ ‹ኤልያሳ ጋነ› ማህ መሉንꬅ፥ ‹ናቡንꬃፓ ፈታ› ጋነ» ያጋይዳ። ማር. 6:14
29 የሱሳ ኡንታጎ፥ «ዬዝን ይን ታና ኦና ጋኤ?» ያጋእ ኦጭዳ።
ጴጥሮሳ፥ «ኔኒ ክርስቶሳ *ክርስቶሳ ጋእንትዛና ሜሲ ብልꬅታን ትዥንትዳያ ጋኤ » ያጋእ ማህዳ።
30 የሱሳ፥ «ታ ባዝ ኦደስን ኦህፐተ» ያጋእ ኡንታና ኪትዳ።
የሱሳ ፋና የሎደ ማꬋን ዋየ ኦህዳ
(ማቶ. 16:21-28፤ ሉቃ. 9:22-27)
31 የሱሳ ፋ ታማሩንꬃጎ፥ «አስ ናአይ፥ ጋማ ማꬋ ኤኮደስ ቤዛነ፤ ጭሙንꬅ፥ ካህኑንꬅ Ꮉላቁንꬅን ህገ አስታማሩንꬅ ኤዛ እጾደስ ቤዛነ። ኡንቲ ኤዛ ዎꬎደስን Ꮉይꬕ ቃማፓ ሱባ፥ ኤ Ꮉይቆፓ ደንዶደስ ቤዛነ» ያጋእ ኡንታና ታማርስዳ። 32 ኤ ይኖ ኡንትስ ሎይꬂ ኦህዳ። ጴጥሮሳ ኤዛ ፈቲ ዛላ ማህ ካጭዳ።
33 የዝን የሱሳ ሱባ ማቂ፥ ፋ ታማሩንꬃና ብእ፥ ጴጥሮሳ ካጪ፥ «Ꮉይ ጻላህዛይ፥ ታፓ Ꮉኮ። ኔኒ አስ ካꬍዘባዝ ቆፓነፕ አትን ጾዚ ካꬍዘባዝ ቆፖስ» ያጋይዳ።
የሱሳ ካሎደስ ፋና ዣርሸ ቤዛነ
(ማቶ. 10:38-39፤ 16:24-28፤ ሉቃ. 9:23-27፤ 14:26-27)
34 ማህካ የሱሳ ጋማ አስን ፋ ታማሩንꬃና ፋጎ ጼጊ፥ «ታና ካሎደስ ኮይዘ ኦደን ፋና ካዶ፤ ፋ ማስቃልቶ ቶኪ ታና ካሎ። ማቶ. 10:38፤ ሉቃ. 14:27 35 ፋ ሸምፕቶ አሾደስ ኮይዘ አꬄ ꬋብሶዳ። የዝን ታ ግሾን ዎንገለ ግሾን ፋ ሸምፕቶ ꬋብስዘ አꬄ አሾዳ። ማቶ. 10:39፤ ሉቃ. 17:33፤ ዋሐ. 12:25 36 አስ ሳአላ የዘ አላምቶ ትርፍዛኮ፥ ፋ ሸምፕቶ ꬋብስኮ ኤዛ አኮ ማዶደ? 37 አስ ፋ ሸምፕቶ ዎዞደስ አኮ እማደስ ዳንዳኤ? 38 ጾዝ አማኖሰ Ꮉና ኢታ የለቱንꬃፓ፥ ፈቲ አስ ታ ግዳን ታ ቃልተን ዬልꬍኮ፥ አስ ናአይ፥ ማህ ፋ አዳይ ቦንቾራ ጌሽ ኪታንቹንꬃራ የእዘ ዎደ የይጋ ዬልꬎዳ» ያጋይዳ።