7
ዛጋ አዱንꬅ ዎጋ
(ማቶ. 15:1-9)
1 የሩሳላመፓ ይእደ ፈቲ ፈቲ ፋርሳዉንꬅን ህገ አስታማሩንꬅን የሱሳ ካለ ሺቅዳ። 2 የሱሳ ታማሩንꬃፓ ፈተ ፈተ ጌዥካይዘ ኩሸራ፥ ይናን ኩሸ ሜጭካይዛራ ካꬃ ሙዙንꬃና ኡን ብእዳ።
3 ፋርሳዉንꬅን አይሁደ አሱንꬅ ኡባ ፋ አዱንꬅ ዎግት ጋር ፋ ኩሽቶ ሜጭካይዛራ ሞኦስ። 4 ይኒ ጋራ፥ ኡን ጋበፓ ዎንግ ማቂ ሜጭንትካይዛር ሞኦስ። ማህ ኡን ፋ አዱንꬃፓ ኤክደ መለ ጋማ ዎጋ የነ፦ ይናን ስነ፥ ጻሮ፥ መቆ ሚሸ ዳꬃን ጌሽዘ ዎጋ ናጋነ።
5 ፋርሳዉንꬅን ህገ አስታማሩንꬅን የሱሳ፥ «ነ ታማሩንꬅ አኮስ አዱንꬅ ዎጋ መንꬂ ፋ ኩሽቶ ሜጭካይዛራ ካꬃ መኤ?» ያጋእ ኦጭዳ።
6 የሱሳ ኡንታጎ፥ «ኢሳያሳ ይን ጩቡንꬆ፥
«Ꮉንꬅ አሱንꬅ ታና ፋ ዶናራ ጻላላ ቦንቻነፕ፥
አትን ኡን ዎዝንታ ታፓ Ꮉኮ የነ። ኢሳ. 29:13
7 አስ መꬍደ ዎጋ ጾዘ ህገ አዝዝ ታማርስዘ ግሾ
ኡን ታና Ꮉፖ ጎይናነ»
ጋእ ጻፍደ ትንቢታ ቱሮ።
8 «ይንቲ ጾዘ ኪታ አሺ አስ ዎጋ ናጋነ» ያጋይዳ።
9 ማህን የሱሳ፥ «ይን ይን ዎጋ ናጊ ጾዘ ኪቶ ኦሊ አሾደስ ሎኦ ኦገ ደንግዳ። 10 ሙሴ፥ ‹ነ አዳያን ነ እንቶን ቦንቾ›፥ ማህ ‹ፋ አዳያን ዎይ ፋ እንቶ ጫዥደ Ꮉይቆደስ ቤዛነ› ያጋይዳ። ከዘ 20:12፤ ማሄ 5:16፤ ከዘ 21:17፤ ሌዌ 20:9 11 የዝን ፈቲ አስ ፋ አዳያን ዎይ ፋ እንቶን ማዶዳኖ አሺ፥ ‹ይና ጾዘ ዣርሾ› ጋእኮ፥ 12 ኤ ፋ አዳያን ዎይ ፋ እንቶን ማዳመ ጋር ኦቻነ። 13 ይኒ ጋራ፥ ይን መሉንꬃና ታማርስደ ይን ዎግትራ ጾዘ ቃላ ለቂዳ። ይኒ ፋና መለ ጋማ ባዝ ኦቻነ» ያጋይዳ።
አስ ቱንዘ ባዝ
(ማቶ. 15:10-20)
14 የሱሳ ጋማ አሱንꬃና ማህ ፋጎ ጼጊ፥ «ኡቡንꬅ ታ ኦህዛኖ ስኦተ ቲሮተ። 15 አስ ዎዝናፓ ከዘ ባዝ አስ ቱንዛነፕ አትን ባለፓ አስ ሳዛ ገሊ አስ ቱንዘ አኮን ባያ። 16 ስእዘ Ꮉየ የዘ ኦደን ስኦ» ያጋይዳ። *ፋይዶ 16 ግርኬ ማጻፈ ባያ።
17 የሱሳ ጋማ አሱንꬃና አሺ አሺ ኬꬃ ገልን ኤ ታማሩንꬅ ይና አዝዝቲ ባዝ ኤዛ ኦጭዳ። 18 ኤ ኡንታጎ፥ «ይንትስን ማህ ገልካነ? ባለፓ አስ ዎዝና ገልዘ አኮ ባዝን አስ ቱንሳደስ ዳንዳኦሳና ገሎሳነ? 19 አኮስ ጋይኮ፥ ካꬃ አስ ሳዛ ግዳ ገሊ ፋ ኦግትራ አꬋነፕ አትን አስ ዎዝና ግዳ ገሎስ» ያጋይዳ። ይነ የሱሳ ካꬃ ኡባ ጌሽ ማቅዛኖ ኤርስዳ።
20 ካሊ፥ የሱሳ፥ «አስ ቱንዘ ባዝ አስ ዎዝና ግዳፓ ከዘ ባዝ። 21 አስ ዎዝና ግዳፓ ከዘ ባዝ ኢታ ቆፋ፥ ጎመ ዎይኤ፥ ካይዞ፥ አስ ዎ፥ 22 ኦላለ፥ ዥንባርትሞ፥ ኢታትꬅ፥ ገነ፥ ቃይጸ፥ ጭሞ፥ ቃናኤ፥ ጫሽ፥ ኡቱራን ቦዛትꬅ። 23 Ꮉና ኢታባዝታ ኡባ አስ ዎዝና ግዳፓ ኬዚ አስ ቱንዛነ» ያጋይዳ።
ፈቲ ማችት አማኖ
(ማቶ. 15:21-28)
24 የሱሳ ይንፓ ኬዚ፥ ጢሮሳ ካታማ ካለ የዘ ሳአ ቅትዳ። ኤ ፈቲ ኬꬃ ገሊ እዘ የዛኖ ኦደን ኤሮደ ጋር ኮይካያ። ይኖ ማቅኮን አችንት ጋምኦደስ ዳንዳእካያ። 25 የዝን እ ኤራꬅ ናእቶ ቱና አያና አይክደ ፈቲ ማችታ የሱሳ ባዝ ስእ ኤልሲ ኤጎ ይእ ኤ ቶህትላ አፋ ጎልእዳ። 26 እዛ የልንትዳና ሶርያ ግዳ ፍንቀ ጋዘ ሳአ የልንትደ ግርኬ ማቾ። እዛ፥ ፋ ናትፓ ቱና አያንዛ ከሶደ ጋር የሱሳ ዎስዳ።
27 የዝን የሱሳ ማህ፥ «ናኡንꬅ ቲንꬊ ካꬃ ሙእ ምዦ፤ ናኡንꬅ ካꬅቶ ኤኪ ካኑንꬅስ ኦልዛና ሎኦ ማቆስ» ያጋይዳ።
28 ማችታ ማህ፥ «ታ ላꬃዮ ይና ቱሮ፥ የዝን ሌማተ ካለ የዘ ካኑንꬅ ናኡንꬃፓ ዎꬍደ ጉፍቶ ሙነ» ያጋይዳ።
29 የሱሳ ማህ ኢጎ፥ «Ꮉኖ ነ ኦህደ ግሾ ነ ካራ ቅቶ፤ ቱና አያንዘ ነ ናትፓ ከዝዳ» ያጋይዳ።
30 ማችታ ፋ ካራ Ꮉንግዘ ዎደ ቱና አያንዘ ናትፓ ከዝን ይꬃ ዎይእዳኖ ብእዳ።
የሱሳ ቱለን ዶና ሙመ አꬃ ፋꬅዳ
31 የሱሳ ጢሮሳ ካታማፓ ኬዚ፥ ስዶናራን ታጵ ካታማ ጋዘ ሳአራ አꬊ ጋልላ አባጎ ቅትዳ። 32 አሱንꬅ ቱለን ዶና ሙመ አስ የሱሳጎ ክእ፥ ፋ ኩሽቶ ኤላ ጋዶደ ጋር ኤዛ ዎስዳ። 33 የሱሳ ፋስ የ አꬃ ጋማ አሳፓ ጋጻ ኬሲ፥ ፋ ግልእዛ ኤ Ꮉይተ ዳክዳ። ማህ ጩች ጩቲ ኤ እልአንꬅቶ ቦችዳ። 34 ሳሎ ኡደ ብእ፥ ጋዲ ሸምፒ፥ «ኤፍታህ» ጋይዳ። ብልꬅታን «ቡጉንቶ» ጋኤ። 35 አꬄ Ꮉይታ ኤልሲ ቡጉንትዳ፥ አጭንትደ እልአንꬅታን ብልንትዳ፥ አꬄ ጌሽ ኦህንትዳ።
36 የሱሳ አሱንꬃጎ፥ «Ꮉኖ ኦደስን ኦህፐተ» ያጋይዳ። የዝን ኤ ጋማ ምንꬂ ኦህፐተ ጋእን፥ አሱንꬅ ኦህቶ ጎደ ጋንꬅዳ። 37 ይኖ ስእደ አሱንꬅ ኡባ ጋማ ቆፒ፥ «ኡባባዝቶ ኤ ሎይꬂ ኦቻነ። መለ አቶ የዝን፥ ቱልዛ ስሳነ፥ ሙምዛ ኦህዛነ» ያጋይዳ።