1 ኡን የሩሳላመ ኡክተራ፥ ሻማሄ ደርዘ ካለ የዘ ቤተፋገን ብታንያ ካታምቶ የሊዳ። የሱሳ ፋ ታማሩንꬃፓ ላምኡንꬃና ቲኖ ዳኪ፥ 2 «ይንታፓ ቲኖ የዘ ካራ ጋንጨ ቅቶተ፤ እዘ ገልደ ጋር ኦደን ቶጊ ብእካይዘ አጭንቲ የዘ Ꮉረ ናአ ይን ደንጎዳ፥ ኤዛ ብሊ፥ Ꮉይጋ ኤኪ ዮኦተ። 3 ኦደን ይንታና፥ ‹Ꮉኖ አኮስ ኦቼ?› ያጋእ ኦጭኮ፥ ‹ላꬂ ኤዛ ኮያነ፥ ኤልሲ ኤዛ Ꮉንካ ዳኮዳ› ጋኦተ» ያጋይዳ።

4 ኡን Ꮉንግ፥ Ꮉረ ናአያ ባለ ኦገ ካለ አጭንቲ የዛያ ደንግ ብልዳ። 5 ይና በስተ ኤቅደ ፈቲ ፈቲ አሱንꬅ ኡንታጎ፥ «Ꮉረ ናአያ ዋይሳደስ ብለ?» ያጋይዳ። 6 ኤ ታማሩንꬅ የሱሳ ፋና ኪተዛኖ ኦህን፥ አሱንꬅ አሺ አሽዳ። 7 ኡንቲ Ꮉረ ናአያ የሱሳጎ ክእ፥ ፋ ማእቶ ኤ ባንተ ዪጽን የሱሳ የ Ꮉረ ናአያ ቶግዳ። 8 ጋማ አሱንꬅ ፋ ማእቶ ኦግተ ዪጽዳ፤ ማህ መሉንꬅ ምንጻ ታሸ ሻቂ፥ ኦግተ ዪጽዳ። 9 የሱሳፓ ቲኖ የꬍዘ አሱንꬅን ኤዛ ካልዘ አሱንꬅ ፋ ቃልቶ ꬎቅ ዪዚ፥

11 የሱሳ የሩሳላመ Ꮉንግ፥ ጾዘ ኬꬃ ገልዳ። ማህ ኡባባዝቶ ዉቲ ብእዳንፓ ሱባ፥ ሳእታ ቃምዘ ግሾ ታጶ ላምእ ታማሩንꬃራ ብታንያ ካታማ ቅትዳ።

12 ዎንትስት ዎደ ኡን ብታንያፓ ኬዚ Ꮉማደራ፥ የሱሳ ናይዝዳ። 13 Ꮉኮራ ፈቲ በለሰ ምንጽትስ ዥልኦ Ꮉየ የዛኖ ብእ፥ ኢላ አፋ ኣፈ በንትኮ ጋእ፥ በአደስ እዝጎ Ꮉንግዳ፥ የዝን እዝጎ ኤ Ꮉንግዘ ዎደ Ꮉየ ጻላላፕ አትን ፈቲ ኣፈን ደንግካያ፤ አኮስ ጋይኮ፥ በለሰ ኣፍዘ ዎደ የልካይዘ ግሾ። 14 የሱሳ ይና በለስቶ፥ «ይኬ፥ ኔፓ አስ ኣፈ ሚፐ» ያጋይዳ። ኤ ታማሩንꬅ ኤ ጋዛኖ ስእዳ።

15 ኡን የሩሳላመ ቅትዳ፤ የሱሳ ጾዘ ኬꬃ ገሊ፥ እዘ ባይዝዙንꬃናን ዎንግዙንꬃና ባለ ባይኤ አይክዳ፤ ማህ ብራ ላምዙንꬃና ጠርጴዛን ዎለ ባይዝዙንꬃና ኦይዳ ዳኪ ኦሊ፥ 16 አስ አኮ ባዝን ቶኪ፥ ጾዘ ኬꬃ ግዳራ አꬋመ ፋና ካይዳ። 17 የሱሳ አሱንꬃና Ꮉንጋራ ያጋእ ታማርስዳ፦ «ጌሽ ማጻፍተ፥ ‹ታ ኬꬅታ አስ ኡባ ጾዝ ዎስዘ ኬꬂ ማቃዳ› ጋእንት ጻፍንትዳ። የዝን ይንቲ እዞ ፋኖ አችንትዘ ዎምኦ ማህዳ» ያጋይዳ። ኢሳ. 56:7፤ ኤር. 7:11

18 ካህኑንꬅ Ꮉላቁንꬅን ህገ አስታማሩንꬅ ይኖ ስእ፥ ኤዛ ዎꬎደስ ኦገ ኮየ አይክዳ። የዝን ጋማ አሱንꬅ ኤ ትምርትተ ጋማ ቆፕዘ ግሾ ኤስ ዣሽትዳ።

19 ሳእታ ኡጉርዘ ዎደ የሱሳን ኤ ታማሩንꬅን ካታማፓ ጋጻ ከዝዳ።

20 ኡን ዎንትስት ዎደ ይና ኦግትራ ኣꬍተራ፥ ይና በለስታ ጻጶራ መልዳኖ ብእዳ። 21 ጴጥሮሳ ቲሪ፥ «አስታማርዛዮ፥ ይኬ፥ ኔኒ ባድደ በለስታ መልዳ» ያጋይዳ።

22 የሱሳ ማህ፥ «ጾዛ አማኖተ። 23 ታኒ ይንትስ ቱሮ ኦህነ፤ ኦደን ፋ ዎዝንተ ሶእካይዛራ ጋይደባዝ Ꮉኖዳኖ አማኒ፥ Ꮉይ ደርዛ፥ ‹ደንዲ አባ ዎꬎ› ያጋይኮ ኤስ Ꮉኖዳ። ማቶ. 17:20፤ 1 ቆሮ. 13:2 24 ይኒ ግሾ፥ ታኒ ይንትስ ኦህነ፤ ጾዛ ይን ዎስዘ ባዝን ኦጭዘባዝ አኮ ማቅኮን ኤክደ ጋር አማኖተ፥ ይን ኤኮዳ። 25 ጾዝ ዎሶደስ ይን ኤቅዘ ዎደ ሳሎ የዘ ይን አዳይ ይን ናጋርቶ አቶ ጋዉደ ፋና፥ ኦደን ይንታና ናቂደባዝ የዝኮ፥ ኤስ አቶ ጋኦተ። 26 [የዝን አስ ናጋራ ይን አቶ ጋአንጽ እጽኮ፥ ሳሎ የዘ ይን አዳይን ይን ናጋርቶ ይንትስ አቶ ጋኦስ» ያጋይዳ]።

27 ኡን ማህ የሩሳላመ Ꮉንግዳ። የሱሳ ጾዘ ኬꬃ Ꮉንቶደራ፥ ካህኑንꬅ Ꮉላቁንꬅ፥ ህገ አስታማሩንꬅን ጭሙንꬅ ኤጎ ይእ፥ 28 «ኔኒ Ꮉኖ ኦቾደስ ኔስ አኮ አደትꬅ ዎልቃ የዘ? ዎይ ኔስ Ꮉና አደትꬅ ዎልቅቶ እንግደ ኦደ?» ያጋይዳ።

29 የሱሳ ማህ ኡንታጎ፥ «ታ ይንታና ፈትባዝ ኦጮዳ፥ ታስ ኦሆተ። ታ ማህ Ꮉኖ አኮ አደትꬅ ዎልቃራ ኦችዛኮ፥ ይንትስ ኦሆዳ። 30 ዋሐንሳ ጽንቃታ ጾዛፓነ ዎይ አሳፓ? ታስ ኦሆተ» ያጋይዳ።

31 ኡንቲ ፋ ግዳ ላለ አይኪ፥ «ኑኒ፥ ‹ጾዛፓ› ጋይኮ፥ ኤ ኑጎ፥ ‹ዬዝን፥ ዋሐንሳ ኦህዛኖ አኮስ አማናንጽዶ?› ያጋዉዳ። 32 ‹አሳፓ ጋይኮ› አስ ኡባ ዋሐንሳ ናበ ማቅዛኖ ኤራነ።» ማቅደ ግሾ አሱንꬅስ ዣሽትዳ። 33 ይኒ ግሾ፥ ኡንቲ የሱሳጎ፥ «ኑኒ ኤሮስ» ያጋእ ማህዳ፤

የሱሳ፥ «ታንን Ꮉኖ አኮ አደትꬅ ዎልቃራ ኦችዛኮ፥ ይንትስ ኦሆስ» ያጋይዳ።