1 የሱሳ ኡንትስ አዝዘራ ያጋእ ኦህዳ፤ «ፈቲ አꬄ ዎይነ አታክልተ ቱኪ፥ ጋጽቶ ዉቱꬂ ጋሰ ጋስዳ። ማህ የ ዎይንዛ ጭጭዘ ኦላን ቦክዳ። ኤዛ ካፎደስ ጳርጎ ሻኮ ሻክዳ። ይንፓ ሱባ፥ ኮꬄ ኦችዘ አሱንꬅስ እንግ፥ መለ ሳአ ቅትዳ። ኢሳ. 5:1 2 ዎይነ ኣፍታ ዲሊ ማጽዘ ዎደ የልን፥ ፋና የልዛኖ ኤኪ የኦደ ጋር፥ ፈቲ ፋ አርዛ ኮꬄ አዱንꬃጎ ኪትዳ። 3 ኮꬄ ኤክደ አሱንꬅ ኤ አርዛ አይኪ Ꮉꬊ፥ Ꮉሪ ኩሸ ዳክዳ። 4 ላምእንꬃ መለ አሮ ኡንታጎ ኪትን፥ ኡን የ አርዘስ ኦምቶ ሹቻራ ቃዉጺ ካዉሽዚ ዳክዳ። 5 ዎይነ አታክልተ ላꬃይ ማህን መለ አሮ ኪትዳ። የ አርዛ ዎꬍዳ፥ ማህ መለ ጋሙንꬃና ይኒ ጋራ የይዝዳ፥ ፈታ ፈታ Ꮉꬊ፥ መሉንꬃና ዎꬍዳ።

6 «ዎይነ አታክልተ ላꬄስ ኪቶደስ ኡባፓ ላስተ ኤ ጋማ ካዽዘ ፋ ናአያ ዳኮዳና ጻላላ አትዳ። ኤ፥ ‹ኡን ታ ናአያ ቦንችካይዛራ አሻማ› ጋእ፥ ፋ ናአያ ኡንታጎ ኪትዳ።

7 «የዝን ኮꬄ አዱንꬅ ፋ ግዳ፥ ‹ላቶዳይ Ꮉያ፤ የꬎተ ኤዛ ዎላ ዎꬎዳ፤ ኤ ላትታ ኑስ ማቃዳ!› ያጋይዳ። 8 ናአያ አይኪ ዎꬊ፥ ኤ አህቶ ዎይነ አታክልተ ግዳፓ ጋጻ ኬሲ ኦልዳ።

9 «ይኬ፥ ዎይነ አታክልተ ላꬃይ ዋይሳደ? ይእ የንꬅ ኮꬄ አዱንꬃና ዎꬊ Ꮉሲ፥ ዎይነ ኮꬄ ኦችዘ መለ አስስ እንጎዳ።

12 ካህኑንꬅ Ꮉላቁንꬅ፥ ህገ አስታማሩንꬅን ጭሙንꬅ የሱሳ ይና አዝዝቶ ኡንታላ አፋ ኦህዳኖ ኤርደ ግሾ ኤዛ አይኮደስ ኮይዳ፥ የዝን አሱንꬅስ ዣሽቲ፥ አሺ ቅትዳ።

13 ማህ ይና ኦህትፓ ባላ ደንግ፥ ኤዛ አይኮደ ጋር፥ ፋርሳዉንꬃፓ ሄሮድሳ ባጉንꬃፓ ኤራꬅ አሱንꬃና ኤጎ ኪትዳ። 14 ኡንቲ ኤጎ ይእ፥ «አስታማርዛዮ፥ ኔኒ ቱርባዝ ኦህንትዛኖ አሳፓ አስ ሻኮሳኖ ኑኒ ኤራነ። ኔኒ አስ ሻኮስ፤ ማህ ጾዘ ኦግቶ ቱረትꬃራ ታማርሳነ። ኑኒ ሮመ ጋደ ካት ቄሳረስ ጊራ ጊርዛና ልከን ልከ ባ? ጊራ ጊሮነነ አሾነ?» ያጋይዳ።

15 የዝን ኡን ጩቦትꬅቶ የሱሳ ኤሪ፥ «ታና አኮስ ፋታነ? አነ ፈቲ ሳንትመ ታና ቤዞተ» ያጋይዳ። 16 ኡንቲ ኤስ ክእዳ፥ «Ꮉና ብሽታን ሱንꬅታ ኦደሶ?» ያጋእ ኡንታና ኦጭዳ።

ኡንቲ፥ «ቄሳረስ*ቄሳረ ሮመ ካት » ያጋይዳ።

17 የሱሳ ማህ፥ «ዬዛኮ፥ ቄሳረስቶ ቄሳረስ፥ ጾዘስቶ ጾዝስ እንጎተ» ያጋእን ኡን ኤ ባዝ ጋማ ቆፕዳ።

18 Ꮉይቂደ አስ ደንዶስ ጋዘ ሳዱቃዉንꬃፓ ፈቲ ፈቲ አሱንꬅ የሱሳጎ ይእ፥ Ꮉንጋራ ያጋእ፥ ኤዛ ኦጭዳ። ሐዋ. 23:8 19 «አስታማርዛዮ፥ ሙሴ ኑስ ህገ ጻፍተራ፥ ‹ማቾ ኤክደ አስ ናአ የልካይዛራ Ꮉይቂኮ፥ የ Ꮉይቂደ እሸ ኤ ማችቶ ኤኪ፥ ፋ እሸስ ናአ የሎደስ ቤዛነ› ያጋዛኖ ጻፍዳ። ማሄ 25:5 20 ዛጋ ዎደ ላፑን እሹንꬅ የዙንꬃፓ አንግሰ ማቾ ኤኪ፥ ናአ የልካይዛራ Ꮉይቂዳ። 21 ላምአንꬅዘ እዞ ኤክዳ፥ ኤዝን ናአ የልካይዛራ Ꮉይቂዳ። Ꮉይꬓንꬅዘ ይኒ ጋር ይእዳ። 22 ላፑኑንꬅን ይኒ ጋራ እዞ ኤኪ፥ ናአ የልካይዛራ Ꮉይቂዳ። ኡባፓ ሱባ፥ ማህ ይና ማችታ Ꮉይቂዳ። 23 ዬዝን፥ ላፑኑንꬅ ሙሎ እዞ ኤክደ ግሾ Ꮉይቂደ አሱንꬅ Ꮉይቆፓ ደንድደ ዎደ፥ እዛ ኡንታፓ አየስ ማቾ ማቃደ?» ያጋይዳ።

24 የሱሳ ማህ፥ «ይንቲ ባልንትዛና፥ ጌሽ ማጻፍቶ ዎይ ጾዘ ዎልቃ ኤርካይዘ ግሾ! 25 Ꮉይቂደ አሱንꬅ Ꮉይቆፓ ደንድደ ዎደ፥ ሳሎ የዘ ኪታንቾ ማቃነፕ አትን ꬊራꬅን ኤኮስ፤ ማቻን ገሎስ። 26 የዝን Ꮉይቂዱንꬅ ደንደባዝ ማቅኮ፥ ሙሴ ማጻፍተ ጻፍንትደ ኤጽዘ Ꮉቡርቱትባዝ ኦህዘ በስተ፥ ጾዚ ሙሴጎ፥ ‹ታኒ፥ አብራሃማ ጾዚ፥ ይሳቃ ጾዚ፥ ያይቆባ ጾዚ› ጋይዳኖ ናባብካተ?ከዘ 3:6 27 ይኒ ግሾ፥ ኤ፥ ሸምፖራ የዙንꬅ ጾዛፕ አትን Ꮉይቂዱንꬅ ጾዚ ባያ። ይን ጋማ ባልዳ» ያጋይዳ።

28 ህገ አስታማሩንꬃፓ ፈተ ኡን ላልዛኖ ሺቂ ስእዳ። ማህ የሱሳ ኡንትስ ሎይꬂ ማህዳኖ ስእ፥ «ኪታ ኡባፓ አꬍዘ ኪታ አኖ?» ያጋእ የሱሳ ኦጭዳ። ሉቃ. 10:25-28

29 የሱሳ ማህ፥ ኤጎ Ꮉንጋራ ያጋይዳ፦ «ኪታ ኡባፓ አꬍዘ ኪታ ስኦተ፤ ‹እስራኤለ አሱንꬆ፥ ላꬄ ኑ ጾዘ ፈቲ ላꬂ።ማሄ 6:4-5 30 ነ ላꬃ ነ ጾዛ ነ ኩሙꬅ ዎዝናፓ፥ ነ ኩሙꬅ ሸምፖፓ፥ ነ ኩሙꬅ ቆፋፓ፥ ነ ኩሙꬅ ዎልቃፓ ካꬎ› ያጋይዳ። 31 ማህ ኪታ ኡባፓ አꬍዘ ላምእንꬃ ኪትዘ፤ ‹አስ ኡባ ነ ኦምት ጋር ካꬎ› ያጋዛኖ፤ Ꮉንሳፓ አꬍዘ መለ ኪታ ባያ» ያጋይዳ። ሌዌ 19:18

32 ህገ አስታማርዘ የሱሳጎ፥ «አስታማርዛዮ፥ ቱሮ ጋይዳ፤ ኔኒ ‹ጾዚ ፈቲ ጾዚ ጻላላ። ኤፓ መለ ባያ› ጋይዳና ቱሮ። ማሄ 4:35 33 ጾዛ ኩሙꬅ ዎዝናፓ፥ ኩሙꬅ ቆፋፓ ኩሙꬅ ዎልቃፓ ካꬍዛኖን ማህ አስ ኡባ ፋ ኦምት ጋር ካꬍዛና፥ ምችዘ ዣርሾፓን መለ ዣርሾ ኡባፓ አꬋነ» ያጋይዳ። ሆሴ. 6:6

34 የሱሳ ህገ አስታማርዘ ማህዳና አꬍዘ ኤራ አስ ማሄ ማቅዳኖ ብእ፥ «ኔኒ ጾዘ ካእቱሞፓ Ꮉክካያ» ያጋይዳ፤ ይንፓ ሱባ፥ የሱሳ መለባዝ ኦጮደስ ኦደን ሚንግካያ። ሉቃ. 10:25-28

35 የሱሳ ጾዘ ኬꬃ ታማርስተ፥ Ꮉንጋራ ያጋይዳ፦ «ህገ አስታማሩንꬅ ክርስቶሳ ‹ዋይዝ ዳዉተ ናአ ጋኤ?› 36 ዳዉተ ጌሽ አያናራ ካሊ፥

ጋማ አሱንꬅ የሱሳ ጋዛኖ ኡፋይት ስእዳ።

38 የሱሳ ታማርስተራ፥ Ꮉንጋራ ያጋይዳ፦ «ህገ አስታማሩንꬃፓ ናግንቶተ፤ ኡን ጳርጎ ማኦ ማእ ዉትዛኖን ጋበን አስ ኡንታና ቦንቺ ሳሮꬅዛኖ ኮያነ። 39 ኡንቲ አይሁደ ዎሳ ኬꬃ ጋማ ሎኦ ኦይዳ ኮያነ፤ ማህ አስ ፋና ሞክዘ በሳ ቦንቾ በሲ ኮያነ። 40 ኡን ቡዳን ኬꬂ ቦንቂ፥ ፋና ቤሳደስ ጳርግዚ ዎሳነ፤ ኡን ኡባፓ አꬍዘ ፍርዳ ኤኮዳ» ያጋይዳ።

41 የሱሳ ጾዘ ኬꬃ ሙጻተ ኦልዘ ሳጥነ ካለ በቲ፥ አሱንꬅ ፋ ብርቶ ይና ሳጥንተ ኦልዛኖ ብእዳ፤ ጋማ ዱረ አሱንꬅ ጋማ ብራ ይና ሳጥንተ ኦላነ። 42 ፈቲ ዳሃ ቡዳንታ ይእ፥ ላምእ ስክና ይና ሳጥንተ ኦልዳ። 43 የሱሳ ፋ ታማሩንꬃና ጼጊ፥ «ታኒ ይንትስ ቱሮ ኦህነ፤ ሙጻተ ሳጥንተ ኦልደ አሱንꬅ ኡባፓ Ꮉና ዳሃ ቡዳንታ ጋንꬅ ኦልዳ። 44 አኮስ ጋይኮ፥ መሉንꬅ ኡባ ፋስ ኩሚ አትደ ብራፓ ኦላነ። የዝን እዛ ፋ ፋጭትፓ፥ ፋስ የዘ ቆልቶ ኡባ እንግዳ» ያጋይዳ።