2
ኤፈሶነ ዎሳ ኬꬅትስ ኪትንትደ ኪታ
1 «ኤፈሶነ ዎሳ ኬꬃ ኪታንቾስ Ꮉኒ ጋር ጋእ ጻፎ።
ፋ ምዛቅ ኩሽተ ላፑን ጾልንቶ አይክዳይን ላፑን ዎርቃ ጾምፐ ጋድዘ በስ ግዳራ Ꮉንትዛይ Ꮉንጋራ ያጋነ፦ 2 ታኒ ነ ኦችቶ፥ ነ ላቢꬅቶን ነ ገንጭቶ ኤራነ። ኔኒ ኢታ አሱንꬅባዝ ገንጮደስ ዳንዳእካይዛኖ ኤራነ። ማህ ሐዋረ ማቅካይዛራ ፋና፥ ሐዋረ ጋዙንꬃና ቁርች ኤሪ ኡን ዎርዳንቾ ማቅን ደንግዳኖ ታ ኤራነ። 3 ኔኒ ገንጭዳ፤ ታ ሱንꬅት ግሾ ማꬋ ዳንዳእዳ፤ ጋምንትካያ። 4 ማቅኮን፥ Ꮉተ ታ ነና ቦርዘባዝ የነ፤ ይናን ኔኒ ቲኖ ሲቅቶ አሽዳ። 5 ይኬ፥ ነ አኮ ጋር ꬎቃ በሳፓ ጎልኤዛኮ ቆፖ! ነ ናጋርትፓ ማቆ፤ ኔኒ ቲኖ ኦችዘ ኦችቶ ኦቾ። ኔኒ ነ ናጋርትፓ ማቃንጽኮ፥ ታ ኔጎ ዮኦዳ፥ ነ ጾምፐ ጋድዘ በስቶ እዛ በስትፓ ኤኮዳ። 6 Ꮉተ ታ ነና ናሽዘ ፈቲ ባዝ የነ፤ ታ እጽዘ ንቆላዉንꬅ ኦችቶ ኔንን እጽዳ።
7 ጌሽ አያና ዎሳ ኬꬁንꬂስ ጋዘባዝ ስኦደስ Ꮉየ የዘ ኦደን ስኦ። ጋሚ ደንድደ ኦደን ጾዘ ጋናተ የዘ ደኦ ምንጻ ኣፈፓ ማአደ ፋና አደትꬅ ዎልቃ እንጎዳ። መꬎ 2:9፤ ቆን. 22:2፤ ሕዝ. 28:13፤ 31:8
ሰምርኔሰ ዎሳ ኬꬅትስ ኪትንትደ ኪታ
8 «ሳምርኔሳ ዎሳ ኬꬃ ኪታንቾስ Ꮉንጋር ጋእ ጻፎ።
ቲኖን ዉርሱꬅዘ፥ Ꮉይቅደን Ꮉይቆፓ ደንድዳይ Ꮉንጋራ ያጋነ:ኢሳ. 44:6፤ 48:12፤ ቆን. 1:17፤ 22:13
9 ታኒ ነ ዋይቶን ነ ዳሃትꬅቶን ኤራነ፤ ማቅኮን ነ ዱረ። አይሁደ ባይዛራ ፋና አይሁደ ጋዙንꬅ ጫዥዘ ጫሽቶ ታ ኤራነ፥ የዝን ኡን ጻላሄ ማባራ የነ። 10 ኔኒ ኤኮደስ የዘ ማꬍቶ ዣሽትፐ። ጻላሄ ይንታፓ ፈታያ ፈታያ ፋታኖደስ አች ኬꬃ ኦሎዳ፤ ታጵ ቃማ የሎደስ ይን ማꬍꬎዳ። Ꮉይቆደ ዎንꬅስ አማንንትዳያ ማቆ፤ ታ ኔስ ደኦ ባርኔጻ እንጎዳ።
11 ጌሽ አያና ዎሳ ኬꬁንꬅስ ጋዘባዝ ስኦደስ Ꮉየ የዘ ኦደን ስኦ። ጋምደ ኦደን ላምእንꬃ Ꮉይቆ ቆህንቶስ። ቆን. 20:14፤ 21:8
ጰርጋሞነ ዎሳ ኬꬅትስ ኪትንትደ ኪታ
12 «ጰርጋሞና ዎሳ ኬꬃ ኪታንቾስ Ꮉንጋር ጋእ ጻፎ።
ላምእ ዛላራ ሌፍንትደ ማሻ የዛይ Ꮉንጋራ ያጋነ፦ 13 ታኒ ነ የዘ በስቶ ኤራነ፤ ነ ጻላሄ አራታ የዘ በሳ የነ፤ ታ ሱንꬅቶ ምንꬂ ናግዳ። መለ አቶ የዝን፥ ጻላሄ የዘ ይን ካታምተ Ꮉይቂደ ታስ አማንንትደ ማርካ፥ አንትጳሳ፥ የዘ ዎደን አማኖ ካድካያ።
14 ማቅኮን፥ ታ ነና ቦርዘ ኤራꬅ ባዝ የነ። ይናን እስራኤለ አሱንꬅ ኤቃስ ዣርሽንትደ ካꬃ ሙእ ቱኖደ ፋናን ጎመ ዎይኤ ናጋራ ኦቾደ ፋና ባላቃ ማና ዞርደ ባላማ ትምርትቶ ኤክደ ፈቲ ፈቲ አሱንꬅ ኔራ የነ። ፋይዶ 22:5 15 ይኒ ፋና፥ ንቆላዉንꬅ ትምርትቶ ታማርዘ አሱንꬅ ኔራ የነ። 16 ይኒ ግሾ፥ ኔኒ ነ ናጋርትፓ ማቆ። ይና Ꮉናንጽኮ፥ ታ ኔጎ ኤለራ ይእ የንꬅ አሱንꬃና ታ ዶንትፓ ከዘ ማሻራ ጫዶዳ።
17 ጌሽ አያና ዎሳ ኬꬁንꬂስ ጋዘባዝ ስኦደስ Ꮉየ የዘ ኦደን ስኦ። ጋምደ ኦደስን አችቻ የዘ ማናፓ *ማና፦ እስራኤለ አሱንꬅ አኮ ባይዘ ሳአ የꬍዘ ዎደ ሳሎፓ ጾዚ ኡንትስ እንግደ ዱማ ካꬃ ዎይ ኪታንቾ ካꬃ። እንጎዳ። ማህ ኤክዘ አꬃፕ አትን መለ አስ ኤሮሰ ክለ ሱንꬅ ጻፍንትደ ቦꬅ ሹች ታ ኤስ እንጎዳ። ከዘ 16:14
ትያጥሮነ ዎሳ ኬꬅትስ ኪትንትደ ኪታ
18 «ትያትሮነ ዎሳ ኬꬃ ኪታንቾስ Ꮉንጋር ጋእ ጻፎ።
ታማ ሎጸ አዝዘ ኣፈ የዛይ፥ ማህ ታማራ ቴልደ ናሰ መቆ አዝዘ ቶሄ የዛይ፥ ጾዘ ናአይ፥ Ꮉንጋር ጋነ፦ 19 ታኒ ነ ኦችቶ፥ ነ ሲቅቶ፥ ነ አማንቶ፥ ነ ኦችቶን ነ ገንጭቶ ኤራነ። ነ ቲኖ ኦችዛንፓ Ꮉተ አꬂ ኦችዛኖ ኤራነ።
20 ማቅኮን፥ ታ ነና ቦርዘ ፈትባዝ የነ፤ ፋና ናበ ጋዘ ማችቶ፥ ኤልዛበሎ፥ ስእ ጋእ ብእ አኮን ጋይካያ። ይና ማችታ ኤቃስ ዣርሽንትደ ካꬃ ሙእ አሙꬎደ ፋና ቱኖደ ፋናን ኦላሎደ ፋና ኦቺ ታ አሩንꬃና ባልꬅዳ።1 ካት 16:31፤ 2 ካት 9:22 21 እዛ ፋ ናጋርትፓ ማቃደ ጋር ታ ኢስ ዎደ እንግዳ፥ የዝን እዛ ማቃደስ ኮይካያ። 22 ኡን እ ባላ ኦግትፓ ማቃንጽኮ፥ ታ እዞ ኢታ Ꮉርገላ ኦሎዳ፤ ኢራ ኦላለ Ꮉንትዙንꬅን ኢታ ዋየ ዋይንቶዳ። 23 ታ እ ናኡንꬃና ዎꬎዳ፤ ማህ ዎሳ ኬꬃ ኡባ ታ አስ ቆፋን አስ ዎዝና ኤርዛ ማቅዳኖ ኤሮዳ። ታ ፈተስ ፈተስ ይን ኦችትጋራ ኦችትጋራ እንጎዳ። ማዝ. 7:9፤ ኤር. 17:10፤ ማዝ. 62:12 24 የዝን ትያጥሮነ የዘ መሉንꬃና፥ ይና ኢታ ትምርትቶ ኤክካይዙንꬃና፥ «ጻላሄ ዳማ ጋꬅ ቆፋ» ጋእንትዘ Ꮉና ትምርትቶ ታማርካይዘ ይንታና መለ ዴጾ ቶፎ ቶሶስ። 25 ማቆየዝን፥ ታ የኦደ ዎንꬅስ ይንትስ የዘ ባዝ ምንꬂ ናጎተ።
26 ጋምደስን ዉርሱꬅ የሎደስ ታስ ኪትንትደ ኦደስን ካእቱምቶ አሆደ ጋር አደትꬅ ዎልቃ እማዳ። ማዝ. 2:8-9
27 «ኤ ኡንታና መቆ ጉፈራ አሆዳ፤
ሳአፓ መꬍዘ Ꮉይቅዘ ሚሸ ፋና ትንቾዳ።»
ይና አደትꬅ ዎልቅታ ታኒ ታ አደፓ ኤክደ ዎልቂት ፋና። 28 ማህ ታ ኤስ ጎልጸ ጾልንቶ እማዳ። 29 ጌሽ አያና ዎሳ ኬꬁንꬂስ ጋዘባዝ ስእዘ Ꮉየ የዘ ኦደን ስኦ።