11
ላምእ ማርኩንꬃና
1 ጉፈ አዝዘ Ꮉꬍዘ ባዝ ታስ እንግዳ፥ «Ꮉንግ ጾዘ ኬꬅቶን ዣርሾ በስቶ Ꮉꬎ፤ እዘ ጎይንዘ አሱንꬃናን ፋይዶ። ሕዝ. 40:3፤ ዛካ. 2:1 2 የዝን ጾዘ ኬꬃ ባለ ቡጭታ አይሁደ ማቆሰ አሱንꬅስ እንግንትደ ግሾ ምጽፔ አሺ አꬎ። ኡንትን ኦይታም ላምእ አግና ጌሽ ካታማ አሆዳ። ሉቃ. 21:24 3 ታኒ ላምእ ማርኩንꬅ አዛኖ ማኦ ማእ 1,260 ቃማ ትንቢተ ኦሆደ ፋና ዎልቃ እንጎዳ»።
4 የንስ አላመ ላꬄ ቲኖ ኤቅዘ ላምእ ሻማሄ ምንጻን ላምእ ጾምፐ ጋድዘ ኮጩንꬃና።ዛካ. 4:3 5 ኦደን ኡንታና ቆሆደስ ኮይኮ ኡን ዶንትፓ ታማ ከሳዳ፥ ኡን ሞርኩንꬃና ሞኦዳ። ኦደን ቆሆደስ ኮይኮ ይኒ ፋና Ꮉይቆ Ꮉይቆዳ። 6 ኡን ትንቢተ ኦህዘ ይና ቃምተ እራ ቡካመ ፋና ሳሎ ጎርዶደስ ኡንትስ አደትꬅ ዎልቃ የነ። ኡንትስ Ꮉꬅ ሱꬅ ላሞደስን፥ ማህ ኡን ኮይደ ዎደ ኡባ ፋ ኮይደ Ꮉንቆራ ሳእቶ ꬋብሶደስ ኡንትስ አደትꬅ ዎልቃ የነ። 1 ካት 17:1፤ ከዘ 7:17
7 ኡን ፋ ማርካትꬅቶ Ꮉስዳንፓ ሱባ፥ ዶቻፓ ከዝዘ ጾꬅዘ ኡንታራ ኦልንት፥ ጫዶዳ፥ ጋሞዳ፥ ዎꬎዳ።ዳነ. 7:7፤ ቆን. 13:5 8 ኡን ላꬄ ማስቃላላ አፋ ሱጽንትደ ዳማ ካታማ ኦግትላ አፋ ኡን አህታ ኦልንቶዳ። ይና ካታምታ አዝዘራ ሶዶመ ዎይ ግብጸ ጋእንት ጼግንታነ። ኢሳ. 1:9 9 ማህ ባጋ ኡባፓ፥ ኮች ኡባፓ፥ ዱማ ዱማ ዶናፓን ዎርዣ ኡባፓ ይእደ አሱንꬅ ኡን አህቶ Ꮉይꬕ ቃማን ባጋ የሎደስ በአዳ። ኡን አህታ ሞግንታመ ፋና አሱንꬅ ካዮዳ። 10 Ꮉንꬅ ላምእ ናቡንꬅ ሳአ የዘ አሱንꬃና ኡንእꬅደ ግሾ አሱንꬅ ኡን Ꮉይቅተ ኡፋይቶዳ። ፋ ኡፋይስትስ ባአለ ኦቾዳ ፈተ ፈተስ እሞን እንጎዳ።
11 Ꮉይꬕ ቃማ ባገፓ ሱባ፥ ደኦ አያና ጾዘ ካለፓ ይእ ኡን ግዳ ገልን፥ ኡን ደንዲ ኤቅዳ። ኡንታና ብእደ ኡባ ዳማ ዣሽሞ ዣሽትዳ። ሕዝ. 37:10 12 ይንፓ ሱባ፥ የንꬅ ላምእ ናቡንꬅ፥ «ኡደ ከዞተ» ጋዘ ቃላ ሳሎፓ ስእዳ። ኡን ሞርኩንꬅ ኡንታና ቤዝን፥ ꬎነ ግዳ ገሊ ኡደ ሳሎ ከዝዳ። 2 ካት 2:11
13 ይና ሳተ ሳአ ዳማ ኤንኤ ኤንእን፥ ካታማፓ ታጵ ኩሸ ማቃደ ꬋብዳ። ማህ ሳአ ኤንእተ ላፑን ሙኩል አስ Ꮉይቂዳ። አትደ አሱንꬅ ጋማ ጎቂ ዣሽቲ፤ ሳሎ ጾዝስ ቦንቾ እንግዳ። ቆን. 6:12፤ 16:18
14 ላምእንꬃ ባድዘ አꬍዳ፥ የዝን Ꮉይቼ Ꮉይꬒንꬃ ባድዘ ኤልሲ ዮኦዳ።
ላፑንꬆ ሞይዘ
15 ላፑንꬃ ኪታንችዘ ፋ ሞይዛ ኦልዳ። ሳሎፓ፥ «ሳአ ካእቱሞ ኑ ላꬄስን ክርስቶሳስ ማቅዳ፤ ኤ መꬍናፓ መዽና የሎደስ ካእቶዳ» ጋዘ ዳማ ግርሱንꬅ ስንትዳ። ከዘ 15:18፤ ዳነ. 2:44፤ 7:14 16 ጾዘ ቲኖ፥ ፋ አራቱንꬃላ በትደ ላምእታም ኦይዲ ጭሙንꬅ ዙጊ፥ ጾዘስ ጎይኒ፥
17 «የዘን የዝደ፥
ላꬆ፥ ኡባፓ ዳማ ጾዛዮ፥
ኔኒ ዳማ ዎልቃ አይክዳ።
ኔኒ ካእትደ ግሾ
ኑኒ ነና ጋላታነ። ከዘ 3:14
18 አይሁደ ማቆሰ አሱንꬅ Ꮉንቅንትዳ፥ የዝን ነ Ꮉንቅታን ይእዳ። ማዝ. 2:5፤ 110:5፤ 115:13
Ꮉይቂዱንꬃላ ነ ፍርድዘ ዎደ ይእዳ።
ኔኒ ኔስ ኦችዙንꬅስ፥ ናቡንꬅስ
ጌሹንꬅስን ነ ሱንꬅትስ ዣሽትዙንꬅስ፥
ኤራꬁንꬅስን ዳሙንꬅስ፥ ኡን ኦችት ጋር እንግዘ ዎደ የልዳ።
አላመ ꬋብስዙንꬃና ꬋብስዘ ዎደ ይእዳ»
ያጋይዳ።
19 ሳሎ የዘ ጾዘ ኬꬅታ ቡጉንትዳ፤ እ ግዳ ጾዘ ጫቆ ታቦተ በንትዳ። ማህ ዜልንꬅ ዜልንግዳ፥ ꬎገ ꬎግዳ፤ ዳዳ ꬉቂዳ፤ ሳአ ኤንእዳ፤ ሻች ቡክዳ። ቆን. 8:5፤ 16:18፤ 21