12
ማችቶን ዳውዛ
1 ይንፓ ሱባ፥ ሳሎ ዳማ ማላ በንትዳ። አዋ ማእደ፥ አግናላ ኤቅደ፥ ታጶ ላምእ ጾልንቶ ዎርቃ ዛዉደ ፋ ኦምተ ጋድደ፥ ፈቲ ማችታ የነ። 2 ይና ማችታ ዎዳꬅ የዝን፥ እዞ የሎ ꬋኤ አይክን ኡንእንት ኡክዳ።
3 ማህ መለ ማላ ሳሎ በንትዳ። ላፑን ኦማን ታጵ ጉሙር የዘ ዳማ ዞቆ ዳዋ በንትዳ። ኤ ፋ ኦሙንꬃላ አፋ ላፑን ዎርቃ ዛዉዱንꬃና ጋድዳ። ዳነ. 7:7 4 የ ዳውዘ ፋ ኡንክተ ጾሉንቶ Ꮉይꬓፓ ፈቲ ኩሽቶ ሳሎፓ ጎች ሳአ ኦልዳ። የ ዳውዘ ናአይ የልንት ዎꬍደ ፋና ቆꬎደስ ኮይ፥ የሎደስ ꬋእንትዘ ማችት ቲንተ ኤቅዳ። ዳነ. 8:10
5 ይና ማችታ ካእቱሞ ኡባ መቆ ጉፈራ አሆደስ የዘ ꬊራꬅ ናአ የልዳ። ናአይ ጾዛጎን ኤ አራትዘጎ ሳሎ ኤክንትዳ። ኢሳ. 66:7፤ ማዝ. 2:9 6 ማችታ 1,260 ቃማ የሎደስ እዞ ናጎደ ፋና ጾዚ ኢስ ጊግዚ ጋድደ በሳ አኮ ባይዘ ሳአ አችንትዳ።
7 ሳሎ ኦላ መꬍንትዳ። ሚካኤለ ፋ ኪታንቹንꬃራ ዎላ ዳዋራ ኦልንትዳ፤ ዳውዘ ፋ ኪታንቹንꬃራ ማቂ ማህ ኦልንትዳ። ዳነ. 10:13 8 የዝን ዳውዘ ጋምንትን ሳሎ ኡንትስ የዘ በሲ ꬋብዳ። 9 ዳማ ዳውዘ፥ ዛጋ ሾሸ፥ ሳአ ኦልንትዳ። ኤዝን ዳቡሎሳ ዎይ ጻላሄ ጋእንትዘ አላመ ባልꬅዛያ። ኤ ፋ ኪታንቹንꬃራ ዎላ ሱለ አላመ ኦልንትዳ። መꬎ 3:1፤ ሉቃ. 10:18
10 ይንፓ ሱባ፥ ሳሎ Ꮉንጋራ ያጋዘ ቃላ ስእዳ።
«Ꮉተ አቶትꬅ፥ ዎልቃን ካእቱሞ፥ ኑ ጾዘስ፤
አደትꬅ ዎልቃ ክርስቶሳስ ማቅዳ።
ይኬ፥ ቃማን አዋራ ጾዘ ቲንተ፥
ኑ እሹንꬃና ሞትዛይ ሳሎፓ ሱለ ኦልንትዳ። ኢዮ. 1:9
11 ኡን ዱርዘ ሱꬅተን ፋ ማርካትꬅ ቃልተ፥
ኤዛ ኦሊ ጋምዳ።
ኡን ፋ ሸምፕትስ ይቅስንትካይዛራ
ፋና Ꮉይቆስ አꬂ እንግዳ።
12 ይኒ ግሾ፥ ሳሎን ኤ ግዳ የዙንꬆ ኡፋይቶተ።
የዝን ሳአን አባን ባደ!
ይኬ፥ ዳቡሎሳ ፋስ ኤራꬅ ዎደ አትዳኖ ኤርደ ግሾ
ዳማ Ꮉንቆራ ይንታጎ ዎꬍዳ»
ያጋይዳ።
13 ማህ ዳውዘ ፋና ሳአ ኦልዳኖ ብእደ ዎደ ꬊራꬅ ናአ የልደ ማችቶ ባይእዳ። 14 ማችቶ ሾሸ ቆሀመ ጋር Ꮉይꬕ በረን ባጋ ሙእተራን ኡዥተራ እዛ ናግንትዘ በሲ አኮ ባይዘ ጋናሳ ፍሪ ቅቶደ ጋር ላምእ ዳማ አንኮ ቀፈ ኢስ እንግንትዳ። ዳነ. 7:25፤ 12:7
15 የይዝ፥ ማችቶ Ꮉሮ ጎጊ ሾኪ ኤኮደ ፋና ዳውዘ ቦርካ Ꮉꬅ ፋና ፋ ዶናፓ ማችት ሱባራ ጮዥዳ። 16 የዝን ሳእታ ማችቶ ማድዳ፤ ሳእታ ፋ ዶንቶ ቡጊ ዳውዘ ዶናፓ ከዝደ Ꮉꬅቶ ቆꬍዳ። 17 የ ዳውዘ ማችትላ አፋ ጋማ ሸንꬊ፥ እ ዛሩንꬃና፥ ጾዘ ኪታ ናግዙንꬃናን የሱሳ ቆንጭዝደ ቱረትꬅትስ አማንትዱንꬃና ኦሎደስ Ꮉንግ፥ 18 ዳውዘ አባ ጋጻ የዘ ሻፍተ ኤቅዳ። *ግርኬ ማጻፍተ ኤ ኤቅዳ፤ መሉንꬅ ማጻፍተ ታ ኤቅዳ ጋነ።