1 ይንፓ ሱባ፥ ፈቲ ጾꬅዘ አባፕ ከሳደራ ብእዳ። ኤስ ታጵ ጉሙርን ላፑን ኦማ የነ። የንꬅ ታጵ ጉሙሩንꬃላ አፋ ታጵ ዛዉዱንꬅ የነ። የ ኦሙንꬃላ አፋ ባድꬅ ጫሽ ሱንꬅ የነ። ዳነ. 7:3፤ ቆን. 17:3 2 ታ ብእደ ጾꬅዘ ዎርባ አዛነ፤ ኤ ቶህታን ባባንꬅ ቶሄ አዛነ፤ ኤ ዶንታን ጋሞ ዶና አዛነ። ዳውዘ ፋ ዎልቅቶ፥ ፋ አራትዛን ፋ አደትꬅቶ የ ጾꬅዘስ እንግዳ። ዳነ. 7:4

3 የ ጾꬅዘ ኦምትፓ ፈተ Ꮉይቆስ የልꬅዘ Ꮉርግዘ በሲ የዛኖ ብእዳ፥ የዝን ይና Ꮉርግዘ በስታ ፋጽዳ። አላመ ኡባ ጋማ ቆፒ የ ጾꬅዛ ካልዳ። 4 ዳውዘ ፋ አደትꬅቶ ጾꬅዘስ እንግደ ግሾ አስ ኡባ ዳውዘስ ጎይንዳ። ማህ አሱንꬅ፥ «ጾꬅዛ አዝዘ ኦደ? ኤዛራ ኦልንቶደስ ዳንዳእዘ ኦደ?» ያጋእ ጾꬅዘስ ጎይንዳ።

5 የ ጾꬅዘስ ኡቱርቶደ ጋራን ጫሻደ ጋር ዶና እንግንትዳ፤ ኦይታም ላምእ አግና አሆደ ጋር ዎልቃ ኤስ እንግንትዳ። ዳነ. 7:8፥ 25፤ 11:36 6 የ ጾꬅዘ ጾዛ፥ ኤ ሱንꬅቶ፥ ኤ የዘ በስቶን ሳሎ የዙንꬃና ጫሽ አይክዳ። 7 የ ጾꬅዘ ጌሹንꬃና ኦሊ፥ ጋሞደ ጋር ዎልቃ ኤስ እንግንትዳ። ኮች ኡባ፥ ዎርዣ ኡባ፥ ዱማ ዱማ ዶና ኦህዘ ኡባን ዎርዣ ኡባላ አፋ አደትꬅ ኤስ እንግንትዳ። ዳነ. 7:21 8 አላመ መꬍንትዳንፓ አይኪ፥ ሹክንትደ ዱርዘ ደኦ ማጻፍተ ኡን ሱንꬅታ ጻፍንትካይዘ Ꮉና ሳእተ የዘ አስ ኡባ የ ጾꬅዘስ ጎይኖዳ። ማዝ. 69:28

9 ስእዘ Ꮉየ የዘ አስ ስኦ። 10 ኦደን ድእንቶደስ የዘ ድእንቶዳ። ማሻራ Ꮉይቆደስ የዘ ማሻራ Ꮉይቆዳ። ጌሹንꬅ ዳንዳእታን አማኖራ ኤርንቶደ ይነ። ኤር. 15:2፤ 43:11

11 ማህን፥ መለ ጾꬅ ሳአፓ ከሳደራ ብእዳ። ኤስ ዱሮ ጉሙር አዝዘ ላምእ ጉሙር የነ፤ ኤ ኦህዛና ዳውዘ ፋና። 12 ኤ ቲኖ ጾꬅዘ አደትꬅ ዎልቃራ ኦቻነ። ኤን Ꮉይቆስ የልꬅዘ Ꮉርግዘ በሳፓ ፋጽደ ቲኖ ጾꬅዘስ፤ ሳአ የዘ ኡባ ጎይኖደ ጋር ዪዛነ። 13 የ ላምእንꬃ ጾꬅዘ መለ አቶ የዝን፥ ታማ ሳሎፓ አስ ኡባ ቲኖ ከꬆደ ዎንꬅስ ዳማ ክለ ባዝ ኦችዳ። 14 ቲኖ ጾꬅዘ ቲንተ ኦቾደ ፋና፥ ኤስ እንግንትደ ክለ ባዝ ሳአ የዘ አስ ኡባ ባልꬅዳ። ማሻራ Ꮉርግዝደ በሲ ፋጽደ ጾꬅዘ ቦንቾስ ምስለ ጊግሳደ ፋና ኡንታና ኪትዳ። 15 ላምእንꬃ ጾꬅዘ ቲኖ ጾꬅዘ ምስልዘስ ሸምፖ እንግ ኦህንቶደ ፋናን ኤስ ጎይኖሱንꬅ Ꮉይቆደ ፋና ኦችዘ አደትꬅ እንግንትዳ።

16 የ ላምእንꬃ ጾꬅዘ ዳማን ኤራꬅ፥ ዳሃን ዱረ፥ ላꬅን አሮ ፋ ምዛቅ ኩሽተ ዎይ ፋ ስንተ ማላ ጋዶደ ፋና ዪዝዳ። 17 የ ጾꬅዘ ሱንꬅታ ዎይ ኤ ሱንꬅት ፋይድት ማላ ባይዘ አስ ኦደን ባይዞደስን ዎንጎደስ ዳንዳኦስ።

18 ጭንጫትꬅ ኮሽዘ Ꮉነ። ቆፋ የዘ ኦደን የ ጾꬅዘ ፋይድት ብልꬅቶ ኤሮ፤ ይና ፋይድታን አስ ፋይዶ። ይና ፋይድታ እዝፑን ጼት እዝፑንታም እዝፑን።