19
1 ይንፓ ሱባ፥ ሳሎ ጋማ አሱንꬅ፥
«ጾዘ ጋላትንቶ!
አቶትꬅ፥ ቦንቾን ዎልቃ ኑ ጾዘስ ማቀ።
2 ኤ ፍርድታ ቱሮን ጽሎ።
ሳአ ቱንዝደ ዳማ ኦላልቶ ጾዚ ፍርድደ ግሾን
ፋ አሩንꬅ ሱꬅቶ ኢፓ ማህዳ»
ያጋዝን ስእዳ። ማሄ 32:43፤ 2 ካት 9:7
3 ማህን ፋ ቃልቶ ꬎቅ ዪዚ፥
«ጾዛ ጋላታ የሎ።
ጩግታን መꬍፓ መዽና የሎደስ ጩጎዳ»
ያጋይዳ።ኢሳ. 34:10
4 ላምእታም ኦይዲ ጭሙንꬅን ኦይዲ መቱንꬅ አራትዘላ በትደ ጾዘስ ቡንቅቲ፥
«አምንኤ! ጾዛ ጋላታ የሎ»
ያጋእ ጎይንዳ።
5 ይንፓ ሱባ ኦꬃራ፥
«አሩንꬆ፥
ኤዛ ዣሽትዙንꬆ ኤራꬁንꬆ ዳሙንꬆ፥
ኑ ጾዛ ጋላቶተ»
ያጋዘ ቃላ አራትዘፓ ከዝዳ። ማዝ. 115:13
6 ጋማ አሱንꬅ ኦꬅ ፋና፥ ዳማ ጎግዘ ቦርካ Ꮉꬅ ጉመ ፋና፥ ዳዳ ፋና ꬎግዘ ኦꬃራ፥
«ጾዛ ጋላታ የሎ፤
ኡባ አህዘ ኑ ላꬄ፥ ካእትዳ። ሕዝ. 1:24፤ ማዝ. 93:1፤ 97:1፤ 99:1
7 ኑ ኡፋይቶዳ፥ ጋላቶዳ ኤዛ ቦንቾዳ።
አኮስ ጋይኮ ዱርዘ ሳርገ የልደ ግሾን ኤዛ ገልዛና ጊግደ ግሾ።
8 ገሎደስ ጊግዳና ፎጭዛን ጌሽ ማቅደ
ሊኖ ማኦ ማኦደ ፋና ኢስ እንግንትዳ»
ጋዉደራ ታ ስእዳ። (ሊኖ ማኦ ጌሹንꬅ ጽሎ ኦቻ አዝዘ።)
9 ይንፓ ሱባ፥ ኪታንችዘ ታጎ፥ «ዱርዘ ሳርግቶ ጼግንትዱንꬅ አንጅንትዱንꬃና» ጋእ ጻፎ። ማህን፥ «Ꮉና ጾዘ ቱሪ ቃላ» ያጋይዳ። ማቶ. 22:2
10 የ ዎደ ታ ኤስ ጎይኖደስ ኤ ቶህትላ አፋ ጎልእዳ። የዝን ኤ፥ «ይኖ ኦቻመ ፋና ናግንቶ! ታኒ የሱሳ ባዝ ማርክꬍዘ ነ ፋናን ነ እሹንꬅ ፋና አሮ። ነ ጾዘስ ጎይኖ» ያጋይዳ። ይኬ፥ የሱሳ ማርካትꬅታ ናበትꬅ አያና።
ቦꬅ ፋራ ቶግዳያ
11 ሳሎ ቡጉንትን ብእዳ፥ Ꮉይቼ ቦꬅ ፋርዛ ቶግዳይ አማንንትዳያን ቱሪ አስ ጋእንታነ። ኤ ጽሎትꬃራ ፍርዳነን ኦልንታነ። ሕዝ. 1:1 12 ኤ ኣፍታ ታማ ሎጸ ፋና፤ ኤ ኦምተ ጋማ ዎርቃ ዛዉደ የነ። ኤፓ አትን መለ ኦደን ኤሮሰ ጻፍንትደ ሱንꬅ የነ። ዳነ. 10:6 13 ኤ ሱꬃር ዉጹርክንትደ ማኦ ማእዳ፤ ኤ ሱንꬅታን ጾዘ ቃላ ጋእንትዳ። 14 ፎጭዛን ጌሽ ማቅደ ሊኖ ማኦ ማእደ ሳሎ ኦላንቹንꬅ ቦꬅ ፋሩንꬃና ቶጊ ኤ ሱብቶ ካላነ። 15 ዎርዥቶ ጋችዘ ማሻ ኤ ዶንትፓ ከዛነ። ኤ መቆ ጉፈራ አሱንꬃና አሃነ። ኤዝን ኡባፓ ዳማ ጾዘ Ꮉንቆ ዎይነ ኡሽቶ ጉምእዘ በስቶ ኤ የꬎዳ።ማዝ. 2:9፤ ኢሳ. 63:3፤ ኢዩ. 3:13፤ ቆን. 14:20 16 ኤ ማእትላን ኤ ማጋꬅትላ አፋ፥ «ካቱንꬅ ካት ላꬁንꬅ ላꬂ» ያጋዘ ሱንꬅ ጻፍንትዳ።
17 ይንፓ ሱባ፥ ፈቲ ኪታንችዘ አዋላ አፋ ኤቅዳያ ብእዳ። ኤዝን ሳሎራ ፍርዘ ላንዳ ኡቡንꬅስ ፋ ቃልቶ ꬎቅ ዪዚ፥ «Ꮉይጋ ዮኦተ! ጾዘ ድግሳ ማአደስ ፈቲ በሳ ሺቆተ። ሕዝ. 39:17-20 18 ይእ ካቱንꬅ አሾ፥ ሻላቁንꬅ አሾ፥ ዎታዳሩንꬅ አሾ፥ ፋሩንꬅ አሾ፥ ፋሩንꬃና ቶግዙንꬅ አሾ፥ አስ ኡባ አሾ፥ አሩንꬅ አሾ፥ ላꬁንꬅ አሾ፥ ዳሙንꬅን ኤራꬁንꬅ አሾ ሞኦተ» ጋይዳ።
19 ፋርዛ ቶግዳይራን ኦልንትዙንꬃራ ኦልንቶደስ ሳአ ካቱንꬅን ኡንትስ ኦልንትዘ ኦላንቹንꬅ ፈቲ በሳ ሺቀዝን ብእዳ። 20 የዝን ጾꬅዘን ኤ ሱንꬅተ ክሌ ባዝ ኦችደ ጾꬅዘ ማላ ኤክደን ኤ ምስልቶ ጎይንዱንꬃና ባልꬅደ ዎርዶ ናብዘ ኤራ ዎላ አይክንትዳ። ላምኡንꬅን ዲነ ኤጽዘ ታማ አባ ፋጻ ኦልንትዳ። ቆን. 13:1-18 21 አትዱንꬅ ፋራ ቶግዳይ ዶናፓ ከዝዘ ማሻራ Ꮉይቂዳ። ላንዱንꬅ ኡባ ኡን አሽቶ ሙእ ምዥዳ።