1 ውርሱꬅ ባይዘ ኦላ ቁልፈን ዳማ ሳንꬃላታ ፋ ኩሽተ አይክደ ፈቲ ኪታንችዘ ሳሎፓ ዎꬎደራ ብእዳ። 2 ኤ ዳውዛ አይኪ ሙኩል በረስ አጭዳ። የ ዳውዘን ዛጋ ሾሻ፥ ዳቡሎሳ ዎይ ጻላሄ። መꬎ 3:1 3 ኪታንችዘ ውርሱꬅ ባይዘ ኦላ ኤዛ ኦሊ፥ ሙኩል በረ Ꮉልኦደ ዎንꬅስ ዎርዣ ማህ ባልꬃመ ፋና ጎርዲ አታምዳ። ይንፓ ሱባ፥ ዳውዘ ኤራꬅ ዎደስ ብልንቶደስ ቤዛነ።

4 ይንፓ ሱባ፥ አራቱንꬃና ብእዳ። ኡንታላ አፋ በትዱንꬅስ አደትꬅ ዎልቃ እንግንትዳ። የሱሳ ማርካትꬅስን ጾዘ ቃላ ግሾ ፋ ኦምቶ ጋችንትደ አሱንꬅ ሸምፖ፥ ጾꬅዘስ ዎይ ጾꬅዘ ምስልቶ ጎይንካይዙንꬃናን ማላ ፋ ስንተ ዎይ ፋ ኩሽተ አይክካይዙንꬃና ብእዳ። ኡንትን ኤራ Ꮉይቆፓ ደንዲ ክርስቶሳራ ዎላ ሙኩል በረ ካእትዳ። ዳነ. 7:9 5 ይና ቲኖ ደንዶ፤ አትደ Ꮉይቂዱንꬅ ሙኩል በረ Ꮉልኦደ ዎንꬅስ Ꮉይቆፓ ደንድካያ። 6 ቲኖ ደንደስ እጻ የዙንꬅ አንጅንትዱንꬃናን ጌሹንꬃና። ኡንታላ አፋ ላምእንꬃ Ꮉይቆ አደትꬅ ዎልቃ ባያ። ኡን ጾዘስን ክርስቶሳስ ካህኑንꬃና ማቃዳ፤ ኤራ ዎላ ሙኩል በረ ካእቶዳ።

7 ሙኩል በረ Ꮉልእዳንፓ ሱባ ጻላሄ አቻፓ ብልንቶዳ። 8 ኦይዲ ሳአ ዛላ የሎደስ የዘ ዎርዣ፥ ኡንትን፥ ጎገን ማጎገ ጋእንትዙንꬃና ባልꬂ ኦላስ ሺሾደስ ከሳዳ። ኡን ፋይድታ አባ ጋጻ የዘ ሻፈ ፋና። ሕዝ. 38:2 9 ኡን ሳአ ኡባ ኬዚ፥ ጌሹንꬅ ጉታን ጾዚ ካꬍደ ካታምቶ ዉቲ አይክዳ። የዝን ታማ ሳሎፓ ዎꬊ ኡንታና ሙእዳ።

10 ኡንታና ባልꬅደ ጻላህዘ፥ ጾꬅዘን ዎርዶ ናብዘ ኦልንትደ ታማን ኤጽዘ ዲነ አባ ኦልንትዳ። ኡን ቃማን አዋራ መꬍናስ ፋጻ ካእንቶዳ።

11 ይንፓ ሱባ፥ ዳማ ቦꬅ አራታላ አፋ በትዳያ ብእዳ። ሳአን ሳሎን ኤ ቲኖፓ አችንትዳ፤ ማህ በንትካያ። ዳነ. 7:9-10 12 Ꮉይቂዱንꬅ፥ ዳሙንꬅን ኤራꬁንꬅ አራትዘ ቲኖ ኤቀዝን ብእዳ፤ ማጻፈን ቡጉንትዳ፤ ማህ መለ ማጻፈን ቡጉንትዳ ኤዝን ደኦ ማጻፈ፥ Ꮉይቂዱንꬅ ማጻፍተ ጻፍንት የዛን ፋና ፋ ኦችትጋራ ፍርዳ ኤክዳ። 13 አባ ፋ ግዳ የዘ Ꮉይቂዱንꬃና እንግዳ፤ Ꮉይቆን ስኦለ ፋ ግዳ የዘ Ꮉይቂዱንꬃና እንግዳ። ፈተ ፈተ ፋ ኦችትጋራ ፍርዳ ኤክዳ። 14 Ꮉይቆን ስኦለ ታማ አባ ኦልንትዳ። ይናን ታማ አቢታ ላምእንꬃ Ꮉይቆ። 15 ደኦ ማጻፍተ ኤ ሱንꬅታ ጻፍንትካይዘ ኦደን ታማ አባ ኦልንትዳ።