1 ታኒ ክለ ሳሎን ክለ ሳአ ብእዳ። ቲኖ ሳሎን ቲኖ ሳአ ኣꬍዳ፤ አባን ይኬፓ ጎደ የዞስ። ኢሳ. 65:17፤ 66:22፤ 2 ጴጥ. 3:13 2 ጌሽ ካታምታን፥ ክለ የሩሳላመ፥ አዝኒ ገሎደስ ፋና ሎይꬂ ጊጊ የዘ ማች ፋና ሳሎፓ ጾዘ ካለፓ ዎꬍዝን ብእዳ። ኢሳ. 52:1፤ ቆን. 3:12፤ ኢሳ. 61:10

3 አራትዘፓ Ꮉንጋራ ያጋእ፥ ኦህዘ ዳማ ቃላ ስእዳ፤ «ጾዘ ኬꬅታ አሱንꬅ ግዳ የነ፤ ኡንታራ ዎላ አቆዳ፥ ኡንትን ኤ ዎርዣ ማቃዳ፤ ጾዚ ፋ ኦምተ ኡንታራ የሳዳ፤ ኤ ኡንትስ ጾዝ ማቃዳ። ሕዝ. 37:27፤ ሌዌ 26:11 4 ጾዚ ኡን ኣፍትፓ አፉꬅቶ ኡባ ኡጮዳ። ይኬፓ Ꮉይቆ ዎይ አዛኖ ዎይ ዉይሰ ዎይ ዋየ የዞስ። ቲኖ ዎግታ ኡባ አꬍዳ» ጋይዳ። ኢሳ. 25:8፤ ኢሳ. 35:10፤ 65:19

5 አራትዘላ በትደ፥ «ታኒ ኡባኖ ክለ ማሆዳ» ያጋይዳ። ማህ ታጎ፥ «ታኒ ኦህዳና አማንꬅዛኖን ቱሮ ማቅደ ግሾ ጻፎ» ያጋይዳ። 6 ማህ ታጎ፥ «ፎልንትዳ! ታኒ አልፋን ኦመጋ፤ ቲኖን ዉርሱꬅ።ኢሳ. 55:1 ባርꬍደ ኦደስን ደኦ Ꮉꬅ ኣፈፓ ታ Ꮉሪ ኡሾዳ። 7 ጋምደ ኦደን ይኖ ኡባ ላቶዳ፤ ታኒ ኤስ ጾዝ ማቃዳ፤ ኤዝን ታስ ናአ ማቃዳ። 2 ሳመ. 7:14፤ ማዝ. 89:26 8 የዝን ዣሽትዙንꬅን፥ አማኖሱንꬅ፥ ቱኑንꬅ፥ ሸምፖ ዎꬍዙንꬅ፥ ኦላልዙንꬅ፥ አሙꬍዙንꬅ፥ ብትዙንꬅ፥ ኤቃ ጎይንዙንꬅን ዎርድꬍዙንꬅ ኡቡንꬅ እጽታ ዲነ ኤጽዘ ታማ አባ ማቃዳ። ይና ላምእንꬃ Ꮉይቆ» ያጋይዳ።

9 ላፑን ዉርሱꬅ Ꮉንቆ ኩምደ ላፑን ጹኡቶ አይክደ ላፑን ኪታንቹንꬃፓ ፈታይ ታጎ ይእ፥ «ዮኦ፥ ገሎደስ ጊግደ ዱርዘ ማችቶ ቤሳዳ» ያጋይዳ። 10 ኪታንችዘ ታና ዳማ ꬎቃ ደረ ኦማ አያናራ ኬሲ፥ ጌሽ ካታማ፥ የሩሳላመ፥ ሳሎ ጾዘ ካለፓ ዎꬎደራ ቤዝዳ። ሕዝ. 40:1 11 ይና ካታምታ ጾዘ ቦንቾራ ፎአነ። ፎእታን እያስጲደ ጋዘ አልኦ ሹቼ ፋናን፤ ክለ ጌሽ ብርለ ፋና። 12 ዳማን ꬎቃ ጋሰ የነ። ይና ጋስትስ ታጶ ላምእ ፉርꬅ የነ። ይና ፉርꬅቶ ናግዘ ታጶ ላምእ ኪታንቹንꬅ የነ። ፉርꬁንꬃላ አፋ ታጶ ላምእ እስራኤለ ዛሩንꬅ ሱንꬅታ ጻፍንት የነ። ሕዝ. 48:30-35 13 አዋ ኬስ ዛላራ Ꮉይꬕ ፉርꬁንꬅ፥ ዎካ ዛላራ Ꮉይꬕ ፉርꬁንꬅ፥ ዬካ ዛላር Ꮉይꬕ ፉርꬁንꬅን አዋ ገሎ ዛላራ Ꮉይꬕ ፉርꬁንꬅ የነ። 14 ካታማ ጋስትስ ታጶ ላምእ ባሳ የነ። ኡንታላ አፋ ታጶ ላምእ ዱርዘ ሐዋሩንꬅ ሱንꬅታ ጻፍንት የነ።

15 ታስ ኦህዘስ ኪታንችዘስ፥ ካታምቶን፥ እ ፉርꬅቶን እ ጋስቶ Ꮉꬍዘ ዎርቃ ጉፈ የነ። ሕዝ. 40:3 16 ካታምትስ ኦይዲ ዛላ የነ፤ ጳርጎትꬅታን እ ዳልጋትꬅት ፋና። ካታምቶ ፋ ጉፍዘራ Ꮉꬍን፥ ላምእ ሙኩል ኦይዲ ጼት ክሎ ምትረ ማቅዳ፤ ጳርጎትꬅታ፥ ዳልጋትꬅታን ꬎቃትꬅታ ዎልከ። 17 ጋስቶ Ꮉꬍን፥ አስ ኩሸራ ፈቲ ጼት ኦይታም ኦይዲ Ꮉꬋ ማቅዳ ይናን ኪታንቾ Ꮉꬋስ ኤክዛኖ።

18 ጋስታ እያስጲደ ጋዘ ሹቻራ ጋስንትዳ። ካታምታ ቡርጩቆ ፋና ጌሽ ዎርቃራ ኦችንትዳ። 19 ካታምት ጋስታ ባሳራን ቦንቾ ሹቻራ ኡባ ሎእዳ። ቲኖ ባስዘ እያስጲደ፥ ላምእንꬅዘ ሳንፔረ፥ Ꮉይꬓንꬅዘ ኬልቀዶነ፥ ኦይዳንꬅዘ መረግድ፥ 20 እችንꬅዘ ሳርዶንክሰ፥ እዝፑንꬅዘ ሳርድዮነ፥ ላፑንꬅዘ ክርስትሎበ፥ ኦስፑንꬅዘ ብርለ፥ ኡዱፉንꬅዘ ዉራዉረ፥ ታጵንꬅዘ ክርስጵራስሰ፥ ታጶ ፈትንꬅዘ ያክንተ፥ ታጶ ላምአንꬅዘ አመተስጥኖሰ።

21 ታጶ ላምእ ፉርꬁንꬅስ ታጶ ላምእ እንቆ የነ። ፉርꬁንꬅ ፈተ ፈተ እንቆራ ኦችንትዳ። ካታምት ፉርꬅታ ቡርጩቆ ፋና ፎእዘ ጌሽ ዎርቃፓ ኦችንትዳ። ኢሳ. 54:11-12

22 ኡባ አህዘ ላꬅ ጾዘ ዱርዘ ጾዘ ኬꬅ፥ ይነ ጾዘ ኬꬂ ብእካያ። 23 ጾዘ ቦንችታ ይና ካታምትስ ፎእዘ ግሾን ዱርዘ ኢስ ጾምፐ ማቅደ ግሾ ካታምትስ አዋ ዎይ አግና ፎኦ ኮሾስ። ኢሳ. 60:19 24 ወርꬕታ ካታምት ፎእተ Ꮉንቶዳ፤ ሳአ ካቱንꬅን ፋ ቦንችቶ Ꮉንካ ኢጎ ኮኦዳ። ኢሳ. 60:3 25 ቃማ እዘ ባይዘ ግሾ ካታምት ፉርꬁንꬅ ኡባ ዎደ ቡጉꬅ ማቃዳ፤ ጎርድንቶስ። ኢሳ. 60:11 26 ካእቱሞ ሳባን ቦንቾ ኢጎ ኮኦዳ። 27 ዱርዘስ ማቅደ ደኦ ማጻፍተ ሱንꬅታ ጻፍንትዱንꬃና ጻላላ ፋትን ቱና ባዝ ዎይ ዬልዘ ባዝ ኦችዘ ዎይ ዎርዳንቾ ኦደን ይና ካታምተ ሙሎ ገሎስ። ኢሳ. 52:1፤ ሕዝ. 44:9