22
1 ይንፓ ሱባ፥ ኪታንችዘ ታና ጾዘፓን ዱርዘ አራትዘፓ ከዝዘ ቡርጩቆ ፋና ፎእዘ ደኦ Ꮉꬅ ቦርካ ቤዝዳ። ሕዝ. 47:1፤ ዛካ. 14:8 2 የ Ꮉꬅዘ ካታማ ኦግትስ ግዳራ ጎጋነ፤ ቦርክትስ ሴካን Ꮉንካ ዛላ አግና አግና አፊ በረ ታጶ ላምእ ቶሄ ኣፈ እንግዘ ደኦ ምንጻ የነ። *ግርኬ ማጻፈ ምንጽዘ ቦርካስን ኦገስ ግዳ የነ። የ ምንጽዘ Ꮉይታ Ꮉርገፓ ፋꬃነ።መꬎ 2:9
3 ይኬፓ ጎደ ባድꬅ የዞስ። ጾዘን ዱርዘ አራትዘ እዘ ማቃዳ። አሩንꬂ ጾዘስ ጎይኖዳ። ዛካ. 14:10 4 ኤዛን በአዳ፤ ኤ ሱንꬅታ ኡን ስንተ ማቃዳ። 5 ይኬፓ ቃማ ባያ፤ ላꬄ ጾዘ ኡንትስ ጾምፐ ማቅደ ግሾ ኡንትስ ጾምፐ ዎይ አዋ ፎኦ ኮሾስ። ኡን መꬍ መꬍናስ ካእቶዳ። ኢሳ. 60:19፤ ዳነ. 7:18
የሱሳ የኤ
6 ኪታንችዘ ታጎ፥ «Ꮉና ታ ኦህዘ ቃልታ አማንንትዳኖን ቱሮን። ላꬄ ጾዘ ጌሽ አያና ፋ ናቡንꬅስ እንግደ፥ ኤለራ Ꮉኖደባዝ ፋ አሩንꬃና ቤሳደስ ፋ ኪታንቾ ኪትዳ» ጋይዳ። 7 የሱሳ፥ «ይኬ ታ ኤልሲ ዮኦዳ፤ Ꮉና ማጻፍተ የዘ ትንቢተ ቃልቶ ናግዘ ኦደን አንጅንትዳያ» ያጋይዳ።
8 ታኒ፥ ዋሐንሳ፥ ይኖ ስእዳ፤ ብእዳ። ታኒ ይኖ ስእደ ዎደን ብእደ ዎደ ታና ቤዝደ ኪታንችዘስ ጎይኖደስ ኤ ቶህትላ አፋ ጎልእዳ። 9 የዝን ኤዝን ታጎ፥ «ይኖ ዪዝፐ! ታኒ ነ ፋና፥ ናቡንꬅ ፋናን ነ እሹንꬅ ፋና Ꮉና ማጻፍተ የዘ ቃላ ናግዘ አሱንꬃራ ዎላ አሮ፤ ጾዘስ ጎይኖ» ያጋይዳ።
10 ኪታንችዘ ታጎ፥ «ዎደ ኡክዳ Ꮉና ማጻፍተ ጻፍንትደ ትንቢተ ቃልቶ ማታመራ ጎርድፐ። 11 ይኬፓ ኢታ ኦችዘ ጉጂ ኢታ ኦቾ፤ ቱንዘ ጉጂ ቱኖ። ጽልዘን ጉጂ ጽሎ፤ ጌዥዛይ ጉጂ ጌዦ» ያጋይዳ። ዳነ. 12:10
12 «ይኬ፥ ታኒ ኤለራ ዮኦዳ። ፈተስ ፈተስ ኤ ኦችት ጋር እማደስ ዋጋ ታራ የነ። ኢሳ. 40:10፤ 62:11፤ ማዝ. 28:4፤ ኤር. 17:10 13 አልፋን ኦመጋን፤ ቲንዘን ውርሱꬅዘን ደንꬅዘን ፎልዘን፤ ታና። ቆን. 1:8፥ 17፤ 2:8፤ ኢሳ. 44:6፤ 48:12
14 «ደኦ ምንጻጎ የሎደስ አደትꬅ ዎልቃ የሳደ ፋናን፥ ፉርꬃራ ካታምቶ ገሎደስ ፋ ማእቶ ሜጭዙንꬅ አንጅንትዱንꬃና።መꬎ 2:9፤ 3:22 15 የዝን ካኑንꬅ፥ ብትዙንꬅ፥ ኦላለ ኦችዙንꬅ፥ ሸምፖ ዎꬍዙንꬅ፥ ኤቃ ጎይንዙንꬅ፥ ዎርዶ ዶስዙንꬅን ኦችዙንꬅ ኡባ ባለ የነ።
16 «ታኒ፥ የሱሳ፥ Ꮉና ማርካትꬅቶ ይንትስ፥ ዎሳ ኬꬁንꬅስ ኦሆደ ፋና ታ ኪታንችዛ ኪትዳ። ታኒ ዳዉተ ጻጶን ኮች። ታኒ ፎእዘ ዎንታ ጎልጸ» ያጋይዳ። ኢሳ. 11:1
17 ጌሽ አያናን ገሎደስ ጊግደ ማችታ፥ «ዮኦ» ጋኦ። ስእዘ «Ꮉንካ ዮኦ» ባርꬍደ Ꮉንካ ዮኦ፤ ኮይዘ ኦደን ደኦ Ꮉꬅ Ꮉሪ ኤኮ። ኢሳ. 55:1
18 Ꮉና ማጻፍተ ጻፍንትደ ትንቢተ ቃልቶ ስእዘ ኦደስን ታ ማርክꬋዳ። ኦደን Ꮉና ቃልትላ አፋ ፈትባዝ ጉጅኮ፥ ጾዚ Ꮉና ማጻፍተ ጻፍንትደ Ꮉንቅቶ ኤላ አፋ ጉጆዳ። ማሄ 4:2፤ 12:32 19 ኦደን Ꮉና ትንቢተ ማጻፍተ ጻፍንትደ ቃላፓ ፈትባዝ ፋጭዝኮ፥ ጾዚ Ꮉና ማጻፍተ ጻፍንትደ ደኦ ምንጻ አፍትፓን ጌሽ ካታምትፓ ኤ እጽቶ ፋጭሳዳ።
20 Ꮉና ኡባ ማርክꬍዘ፥ «ቱሮ፥ ታኒ ኤለራ ዮኦዳ» ያጋነ።
አምንኤ፤ ላꬅ የሱሳ፥ ዮኦ።
21 ላꬅ የሱስ ክርስቶሳ አꬎ ከሃትꬅታ ይን ኡቡንꬃራ ማቀ። አምንኤ።