1 ይኒ ግሾ፥ ናተ መሉንꬃላ አፋ ፍርድዛዮ፥ ነ ምክናተ ማህዘ ባያ። ነ መሉንꬃላ አፋ ፍርድተራ፥ የ ነ ፍርድዘ አꬄ ጋር ኦችኮ፥ ነ፥ ኔላ አፋ ፍርዳነ። 2 ይኒ ፋና ኦቻ ኦችዙንꬃላ አፋ ጾዘ ጽሎ ፍርዳ ፍርድዛኖ ኑ ኤራነ። ማቶ. 7:1፤ ሉቃ. 6:37 3 ናተ፥ ይኒ ጋር ኦቻ ኦችዙንꬃላ አፋ ፍርድዛዮ፥ ኡን ኦችዛን ጋር ኦችዛዮ፥ ነ ጾዝ ፍርዳፓ አቶደ ጋር አዛነ? 4 ዎይ ጾዘ ኬሃትꬅ፥ ገንጮን ዳንዳአ ዱረትꬅቶ ለቃነ? ጾዘ ኔስ ዳልጋ ማቅዳና ነና ናጋራፓ ማሆደስ ማቅዳኖ ኤሮሳነ?

5 የዝን ይንትስ ሹች ዎዝናን ስኦሰ Ꮉየ የነ። ይኒ ግሾ፥ ጾዘ Ꮉንቆን ጽሎ ፍርዳ ቆንጭዘ ቃማ፥ ኔላ አፋ ፍርዳ ሺሻነ። 6 ጾዘ ፈታይስ ፈታይስ ኤ ኦችት ጋር እንጎዳ። 7 ሎኦ ኦቻራ ሚንግ፥ ጋላታ፥ ቦንቾን ꬋቦሰ ደኦ ኮይዙንꬅስ ጾዘ መዽና ደኦ እንጎዳ። ማዝ. 62:12፤ አዝዜ 24:12 8 የዝን ፋና ሲቅዙንꬃና፥ ቱርቶ እጽዙንꬃና ኢታ ባዝ ኦቾደስ ኮይዙንꬃላ አፋ ጾዘ ካችን ቦሻ ዮኦዳ። 9 ኢታ ባዝ ኦችዘ አሱንꬅ ኡባ፥ ቲኒ አይሁዱንꬃና፥ ካሊ ግርኩንꬃና ማꬋን ዋየን የሎዳ። 10 የዝን ጾዘ ሎኦ ኦቻ ኦችዘ ኡቡንꬅስ፥ ቲኒ አይሁዱንꬅ፥ ካሊ ግርኩንꬅስ ጋላታ፥ ቦንቾን ሳሮትꬅ እንግንቶዳ። 11 ጾዚ ስኖ ብእ አስ ሻኮስ።

12 ህገ ባይዝን ናጋራ ኦችደ ኡቡንꬅ ህገ ባይꬅ ꬋቦዳ። ህገ የዝን፥ ናጋራ ኦችደ ኡቡንꬅ ህገራ ፍርድንቶዳ። ማሄ 10:17 13 ጾዘ ቲንተ ጽልዙንꬅ ህገ ናግዙንꬃፕ አትን ህገ ስኤ ጻላላ ስእዙንꬃና ባያ። 14 ህገ ባይዘ አይሁደ ማቆሰ አሱንꬅ መꬎ ህገ ኪትዛኖ ኦቻነ። ኡንትስ ጻፍንትደ ህገ ባይዝንን ኡን ፋ ዎዝንተ ህገ ኤራነ። 15 ኡን Ꮉኖትꬅታ፥ ህገ ኪታ ኡን ዎዝንተ ጻፍንትዳኖ ቤዛነ። ማህ ኡን ዎዝንታ ኡንታላ አፋ ማርክꬋነ። ኡን ዎዝንታ ፈቲ ፈቲ ቶሄ ኡንታና ባልዳ ጋነ፤ ፈቲ ፈቲ ቶሄ ኡንታና ቱሮ ጋነ። 16 ታ ታማርስደ ዎንገለ ፋና ጾዘ የሱስ ክርስቶሳ ባጋራ አስ ዎዝንተ አችንትደ ቆፍታ ፍርድዘ ዎደ ኤርንቶዳ።

17 የዝን ነ ነና አይሁደ ጋነ፤ ህገላ ካታነ፤ ጾዛላ ጬቃነ። 18 ነ ኦቾደ ጋር ጾዚ ኮይዘ ባዝ አኮ የዛኮ ኤራነ። ህገ ታማርደ ግሾ ቱሮ ማቅዘ ባዝ ሻኪ ኤራነ። 19 ነ ቆቁንꬃና ካልዛኖ፥ ማህ ꬉማ የዙንꬅስ ፎኦ ማቅዛኖ ሻኪ ኤራነ። 20 ነ ህገፋ ደንግደ ኤራትꬅን ቱረትꬃራ ቦዙንꬃና ኤርስዛያን ዦጉንꬃና ታማርስዛያ ማቅዳኖ ኤራነ። 21 ዬዝን፥ ነ መሉንꬃና ታማርስዛይ ነ ነና አኮስ ታማርሶሶ? ነ፥ «ካይስትፐ» ጋእተራ፥ ነ ነ ኦምተ ካይስታነን? 22 ነ፥ «ኦላለ Ꮉንትፐተ» ጋእተራ፥ ነ ነ ኦምተ ኦላለ Ꮉንታነ? ነ ኤቃ እጽተራ፥ ኤቃ የዘ ኬꬅቶ ቦንቃነ? 23 ነ ጾዘ ዎግተ ጬቅንታነ፥ የዝን ህግትስ ኪትንታንጽ እጺ ጾዛ ዬልዛነ? 24 ጌሽ ማጻፍተ፥ «ይን ምክናተር ጾዘ ሱንꬅታ አይሁደ ማቆሰ አሱንꬃራ ጫዥንታነ» ጋእንት ጻፍንትዳ።

25 ነ ህገስ ኪትንትኮ፥ ነ ጋራዝንትስ ማደ የነ፥ የዝን ነ ህግትስ ኪትንታንጽ እጽኮ ነ ጋራዝንትዳና ጋራዝንትካይዘ ፋና ማቃነ። ኢሳ. 59:7-8 26 አይሁደ ማቆሰ አሱንꬅ ጋራዝንትካይዛራ፥ ህግትስ ኪትንትኮ፥ ጾዚ ኤዛ ጋራዝንትደ ፋና ፋይዶሶነ? 27 ይን፥ አይሁደ አሱንꬅ፥ ይንትስ ጻፍንትደ ህግቶን ጋራዝንቲ ዬዝተራ፥ ይን ህገስ ኪትንታንጽ እጽኮ፥ አይሁደ ማቆሰ አሱንꬅ ጋራዝንታንጽ እጽኮን ህገስ ኪትንቲ፥ ይንታላ አፋ ፍርዶዳ። *ይንታላ አፋ ፍርዶዳ፦ ኡን Ꮉኖትꬅታ ዎይ ኡን ሎኦ ኦችታ ይንታላ አፋ ፍርዶዳ።

28 ይኬ፥ ሱንꬃራ አይሁደ ማቅደ ኡቡንꬅ ቱሪ አይሁደ ባያ። ማህ ባለ ጋላ ጋራዝዛና ቱሪ ጋራዘ ባያ። 29 የዝን ቱሪ አይሁደትꬅ ጋꬃ አይሁደ ማቅዛኖ። ቱሪ ጋራዝንተ ጾዘ አያናራ ኦጭንትዘ ዎዝና ጋራዝንተፕ አትን ጻፍንትደ ዎግተ ኦችንትዘ ጋላ ጋራዘ ባያ። የ አꬄ ጋላታ ጾዛፓ ኤካነፕ አትን አሳፓ ባያ።