3
አይሁዱንꬅ አማናንጺ እጸ
1 ዬዝን፥ አይሁደ ማቅዛና አኮ ማደ? ዎይ ጋራዝንተስ አኮ ማድዘ ባዝ የዘ? 2 ኡባፓ ቲኖ ጾዚ ፋ ቃላ Ꮉዳርቶ አይሁዱንꬅስ እንግዳ።
3 ዬዝን፥ ኡንታፓ ፈታይ ፈታያ ቃላ አማናንጺ እጽኮ፥ ኡን እጽዛና ጾዚ አማንንትደ ጾዝ ማቅዛኖ ካያነነ? 4 ካዮስ! አስ ኡባ ዎርዶ ማቅኮን ጾዚ ቱሮ ማቀ። ጌሽ ማጻፍተ፥
«ነ ቃልተ ነ ጽላነ፤
ነና ሞትዛያ ፍርዳራ ላꬃነ»
ጋእንት ጻፍንትዳ።
5 ዬዝን፥ ኑ ናጋርታ ጾዘ ጽሎ ማቅዛኖ ቤዝዘ ባዝ ማቅኮን፥ ኑ ዋጋዉደ? ጾዚ ኑ ናጋርት ግሾ ኑላ አፋ ፍርድኮ፥ ልከ ባነ? ይኖ ታኒ አስ ቆፋ ፋና ጋነ። 6 ይኒ ፋና Ꮉንፐተ። ይኒ ጋር Ꮉንኮ፥ ጾዚ Ꮉና አላምትላ አፋ ዋይዝ ፍርዶደ?
7 የዝን ታ ዎርዶትꬅታ ጾዘ ቱርቶ ቆንጭዝ፥ ኤ ቦንችቶ ጋንꬅ ቤዘባዝ ማቅኮ፥ ዬዝን፥ አኮስ ታላ ፋና ናጋራንቾ ፋና ፍርደ? 8 ፈቲ ፈቲ አሱንꬅ፥ «ሎኦ ዮኦደ ፋና ኢታ ኦቾዳ?» ያጋእ ታማርስዘ አስ ፋና ማህ ታና ሞታነ። ይኒ ግሾ ያጋዘ አሳላ አፋ የእዘ ጾዘ ፍርድታ ልከ።
አስ ኡባ ናጋራንቾ
9 ዬዝን፥ ኑ ዋጋዉደ? ኑ አይሁዱንꬅ፥ ግርኬፓ አꬋነነ? አደ! አይሁደ ማቅን፥ አይሁደ ማቃንጽን ኡቡንꬅ ናጋራንቾ ማቅዛኖ ታኒ ቲኒ ይንትስ ኦህዳ።
10 ጌሽ ማጻፍተ፥
«ጽሎ አስ ፈቶን ባያ።
11 አካክዘ አስ ባያ፥
ጾዛ ኮይዘ ኦንን ባያ።
12 አስ ኡባ ባልንትዳ፤
ኡቡንꬅ ፈትፓ ማዶሰ ባዝ ማቅዳ።
ሎኦ ኦችዘ ኦንን ባያ፤
ፈቲ አስን ባያ።
13 ኡን ዶንታ፥
ቡጉንትደ ቦዛ ፋና፤
ፋ እልአንꬅተ ዎርድꬋነ።
ኡን ዶንትፓ አስ ዎꬍዘ፥
ሾሽ ማርዘ ከዛነ።
14 ኡን ዶንተ ጫሞን ባድꬅ ኩምዳ።
15 ኡን ቶህታ ሱꬅ ላሎደስ ኤልሳነ።
16 ኡን ኦግተ ꬋበን ቆሄ የነ።
17 ኡን ሳሮ ኦገ ኤሮስ።
18 ፋ ደእተ ጾዝስ ዣሽቶስ»
ጋእንት ጻፍንትዳ።
19 አስ ኡባ ዶና ጎርድንቶደ ፋና ኩሙꬅ አላምቶ ጾዘ ፍርዳፓ ኦሞራ ሺሾደስ፥ ህገ እንግንትደ ህገፓ ኦሞራ የዙንꬅስ ማቅዳኖ ኑ ኤራነ። 20 ይኒ ግሾ፥ ኦደን ህገስ ኪትንቲ ጾዘ ቲኖ ጽሎደስ ዳንዳኦስ። ህገ አስ ኡባ ናጋራንቾ ማቅዛኖ ቤዛነ። ማዝ. 143:2፤ ጋላ. 2:16
ጽሎትꬅ አማኖራ
21 የዝን Ꮉተ ጾዚ አስ ጽልዘ ኦገ ህገ ባይꬅ ቆንጭዝዳ። ይና ኦግቶ ሙሴ ህገን ናቡንꬅን ማርክꬍዳ። 22 ይና አማንዘ ኡባስ Ꮉንዳ፥ ጾዚ የሱስ ክርስቶሳ ባጋራ አስ ኡባስ ሻኮ ባይꬅ እንግዳ።
23 አስ ኡባ ናጋራ ኦችዳ፤ ጾዘ ቦንቾ ፋጭዝዳ። 24 የዝን ኡን ጾዘ አꬎ ኬሃትꬃራ፥ አሽዘ ክርስቶሳ የሱሳ ባጋራ ጨር ጽልዳ። 25 ጾዚ የሱስ ክርስቶሳ ዣርሾ ማህ እንግዳ፥ ኤዛ አማንዘ ኡባ ኤ ሱꬅተ ናጋራ አቶትꬅ ደንጎደ ፋና። ጾዚ ይኖ ኦችደ ፋ ዳንዳአራ ዛጋ ናጋርቶ ፋይድካይዛራ አሺ፥ ፋ ጽሎትꬅቶ ቤሳደስ። 26 የሱሳ አማንዘ ኡባ ጽሎደ ፋና Ꮉተ ዎደ ጾዘ ፋ ኦምተ ጽሎ ማቅዛኖ ቤሳደስ።
27 ዬዝን፥ ኑ ጬቅንትዘ ባዝ አኮ የዘ? አኮን ባያ። ኑኒ ጬቅንትዛና ህገስ ኪትንትዘ ግሾነ? አደ! አማኖ ህገራ። 28 ጾዚ አስ ጽልዘ አማኖራፕ አትን ህገስ ኪትንተራ ባይዛኖ ኑ ቆፓነ።
29 ዎይ ጾዚ አይሁዱንꬅ ጻላላ ጾዞነ? አይሁደ ማቆሱንꬅስን ጾዚ ባነ? ቱሮ፥ አይሁደ ማቆሱንꬅስን ኤ ጾዚ። 30 ጾዚ ፈቶ፤ አይሁዱንꬃናን አይሁደ ማቆሱንꬃና አማኖራ ጽልዘ ኤዛ። 31 ዬዝን፥ ኑኒ ህገ አማኖ ግሾ ꬋብሶዳነ? አደ! ህግቶ ምንꬃነፕ አትን። ማሄ 6:4፤ ጋላ. 3:20