4
አብራሃማ አማኖራ ጽልዳ
1 ዬዝን፥ ኑ አዳይ አብራሃማ አኮ ደንግዶ? 2 አብራሃማ ኦቻራ ጽልደባዝ ማቅኮ፥ ኤ ጬቅንትዘ ባዝ የነ፥ የዝን፥ ጾዘ ቲኖ ጬቅንቶደስ ዳንዳኦስ። 3 ጌሽ ማጻፍተ፥ «አብራሃማ ጾዝ አማንዳ፤ ጾዚ ይኖ ኤስ ጽሎትꬅ ማህ ፋይድዳ» ጋይዳ።
4 ኦችዘ አꬄስ ኤክዘ ዳሞዝታ፥ ኤ ኦቻ ዎልቂትስ ጭግንትዘ ጋለፕ አትን ኤስ እሞ ባያ። መꬎ 15:6፤ ጋላ. 3:6 5 የዝን ኦቻ ኦቾሰ ኦንን ናጋራንቾ ጽልዘ ጾዛ አማንኮ፥ ኤ አማንታ ኤስ ጽሎትꬅ ማቂ ፋይድንታነ። 6 ጌሽ ማጻፍተ ዳዉተ፥ ኦቻ ባይꬅ ጾዚ ጽልዘ አሱንꬅ አኮ ጋር አንጅንተዛኮ Ꮉኒ ጋር ያጋእ ቆንጭዝዳ፦
7 «ኡን ባልታ አቶ ጋእንትዱንꬅ
ኡን ናጋርታ ካምንትዱንꬅ አንጅንትዳ።
8 ላꬂ ኤ ናጋርቶ ፋይዶሰ አꬄ አንጅንትዳ» ያጋይዳ። ማዝ. 32:1-2
9 ዬዝን፥ ዳዉተ ኦህደ አንጅታ ጋራዝንትደ አሱንꬅስ ጻላላሶነ? ዎይ ጋራዝንትካይዘ አሱንꬅሶ? ኑኒ፥ «ጌሽ ማጻፍታ፥ ‹አብራሃማ ጾዝ አማንዳ፤ ጾዚ ይኖ ኤስ ጽሎትꬅ ማህ ፋይድዳ› ጋነ» ኑ ያጋይዳ። 10 ዬዝን፥ ይና አይደ Ꮉንዶ? አብራሃማ ጋራዝንትንነ? ዎይ ጋራዝንትካይዝን? ጋራዝንተፓ ቲኖ Ꮉንዳፕ አትን ሱባ ባያ።
11 አብራሃማ ጋራዝንቶዳንፓ ቲኖ ኤ አማንታ ኤስ ጽሎተꬅ ማቂ ፋይድንትዳኖ ኤርሶደስ፥ ኤ ጋራዝንታ ማላ ማቅዳ። ይኒ ግሾ፥ አብራሃማ ጋራዝንትካይዛራ አማንዙንꬅስን አማኖራ ጽልዙንꬅስ ኡባ አደ ማቅዳ። 12 ኤ ጋራዝንተዙንꬅስን አደ። አብራሃማ ኡንትስ አደ ማቅደ ኡን ጋራዝንትደ ግሾ ጻላላ ባይዝን ኤ ጋራዝንቶዳንፓ ቲኖ አማንደ አማንተ ኡን ካልደ ግሾስ። መꬎ 17:10
ጾዘ ኡፋይስታ አማኖራ ኤክንትዳ
13 አብራሃማስን ኤ ዛርትስ፥ «አላምቶ ታ ይንትስ እንጎዳ» ያጋይደ ኡፋይስታ፥ አብራሃማ አማኖራ ጽልደ ግሾስ ፋትን ህገ ናጊ ፎልደ ግሾ ባያ። 14 ህገስ ኪትንትዱንꬅ ጾዘ ኡፋይስቶ ላትዙንꬃና ማቅኮ፥ አማኖ ማዶስ፤ ጾዘ ኡፋይስታን ጨር ማቃነ። መꬎ 17:4-6፤ 22:17-18፤ ጋላ. 3:29 15 ህገ ጾዘ ካች ከእነ፥ የዝን ህገ ባይዘ በሳ ህገ አን አሸን ባያ። ጋላ. 3:18
16 ይኒ ግሾ፥ ጾዚ እንግደ ኡፋይስታ አማኖራ ኤክንታነ። Ꮉና ኡፋይስታ አብራሃማ ኮች ኡባስ ጾዘ አꬎ ኬሃትꬅ ባጋራ እንግንትዳኖ ቆንጭዛነ። ይናን ህገ ናግዙንꬅስ ጻላላስ ባይዝን አብራሃማ ፋና አማንደ ኡቡንꬅስ። አብራሃማ ኑ ኡቡንꬅስ አደ። 17 ጌሽ ማጻፍተ፥ «ታ ነና ጋማ ዎርዣስ አደ ማህዳ» ጋእንት አብራሃማ ግሾ ጻፍንትዳ። ይና ኡፋይስታ አብራሃማስ እንግንትደ Ꮉይቂዱንꬅስ ደኦ እንግዘን ባይዘ ባዝ የዝዘ ጾዘ ኤዛ ማቅዳኖ ኤ አማንደ ግሾስ። ጋላ. 3:7
18 ጾዚ አብራሃማስ ነ ኮችታ ጋንጎዳ ጋይዳና፥ ኡፋይስ ጋዶደስ አኮን ዳንዳእንቶሰ ዎደ አብራሃማ ጾዝ አማንደ ግሾን ኡፋይስ ጋድደ ግሾ ጋማ ዎርዣስ አደ ማቅዳ። መꬎ 17:5 19 አብራሃማስ ጼት በረ ኩምደ ባዝ ማቅኮን፥ ፋ ጭንግደ አሽተን ሳራ ናአ የሎደስ ዳንዳኦሳኖ ኤርተራ ፋ አማንተ ላቢካያ። መꬎ 15:5
20 ኤ ፋ አማንተ ሚንግ ጾዝስ ቦንቾ እንግዳፕ አትን ጾዚ እንግደ ኡፋይስቶ አማናንጺ፥ ሶእካያ። መꬎ 17:17 21 አብራሃማ፥ ጾዚ እንግደ ኡፋይስቶ ፎሎዳኖ ፋ ኩሙꬅ ዎዝንተ አማንዳ። 22 ይኒ ግሾ፥ ጾዚ ኤ አማንቶ ጽሎትꬅ ማህ ፋይድዳ።
23 የዝን፥ «ፋይድንትዳ» ጋዘ ቃልዘ አብራሃማስ ጻላላ ጻፍንትካያ። 24 የ ቃልዘ ኑ ላꬄ የሱሳ Ꮉይቆፓ ደንꬅደ ጾዛ አማንዘ ኑስን ኑ አማንታ ጽሎትꬅ ማቂ ፋይድንቶደ ጋር ጻፍንትዳ። 25 ጾዚ ኤዛ ኑ ናጋርት ግሾ Ꮉይቆስ አꬂ እንግዳ፤ ኤ ኑና ጽልሳደስ Ꮉይቆፓ ደንድዳ።