11
ጾዚ እስራኤሉንꬃና ኦልካያ
1 አነ ታ ኦጮ፦ ዬዝን፥ ጾዚ ፋ አሱንꬃና ኦልዳነ? ኦልካያ! ታኒ ታ ኦምተ እስራኤለ፤ አብራሃማ ኮች፤ ብንያመ ኮች። 2 ጾዚ ቲኖ ዶርደ ፋ አሱንꬃና ኦልካያ። ጌሽ ማጻፍተ፥ ኤልያሳ እስራኤሉንꬃና ጾዘ ቲኖ ዋይዝ ሞተዛኮ፥ ይን ኤሮሶ?ፍልፕ. 3:5 3 ኤልያሳ፥ «ላꬆ፥ ኡን ነ ናቡንꬃና ዎꬍዳ፥ ነ ዣርሾ በስቶን ላልዳ። ታ ታ ጻላላ አትዳ፤ ኡን ታናን ዎꬎደስ ኮያነ» ያጋይዳ። 1 ካት 19:10፥ 14
4 ጾዚ ኤስ ዋጋእ ማህዶ? «ባኣለ ኤቃስ ጎይንካይዘ ላፑን ሙኩል አሱንꬃና ታስ አሽዳ» ያጋይዳ። 1 ካት 19:18
5 ይኒ ጋራን፥ Ꮉና ዎድተ ጾዚ ፋ አꬎ ኬሃትꬅተ ዶርዱንꬃፓ አትደ (እስራኤሉንꬅ) የነ። 6 ኤ ኡንታና ዶርደ ፋ አꬎ ኬሃትꬅተፕ አትን ኡን ኦቻራ ባያ። ዶረ ኦቻራ ማቅኮ፥ ኤ አꬎ ከሃትꬅታ አꬎ ኬሃትꬅ ማቆስ።
7 ዬዝን፥ ዋይዶ? እስራኤለ ፋ ኮይዛኖ ደንግካያ፥ የዝን ጾዚ ዶርዱንꬂ ደንግዳ። አትዱንꬅ ፋ ዎዝንቶ ሙምዝዳ። 8 የዝን፥ ጌሽ ማጻፍተ፥
«ኡን ፋ ኣፍተ በአመ ፋና
ፋ Ꮉይተ ስአመ ፋና፥
Ꮉኖ የሎደስ ኡንትስ
ጾዚ ዶጭዘ አያና እንግዳ»
ማሄ 29:4፤ ኢሳ. 29:10ጋእንት ጻፍንትደ ጋር Ꮉንዳ። 9 ማህ ዳዉተ፥
«ኡን ሙእዘ ጋብታ ኡንታና ጽኬ ፋና አይኮ፤
ኡንታና ጎልእዘ ጋጋ ማቆ፤
ኡን ኢታትꬅታ ኡንታና የሎ።
10 ኡን በአመ ፋና ኡን ኣፍታ ጎዝንቶ፤ ማዝ. 69:22-23
ኡባ ዎደ ዋየፓ ደንድ ይን ባንታ ኩኒ የዞ» ያጋይዳ።
11 ዬዝን፥ አይሁዱንꬅ ማህ ደንዳመ ፋና ጎልእዳነ? ባያ! ኡን ጎልእታ አይሁደ ማቆሰ አሱንꬅ አቶደ ፋና ምክናተ ማቅዳ። ይናን አይሁዱንꬅ ኡንታላ አፋ ቃናኦደ ፋና ኦችዳ። 12 አይሁዱꬅ ናጋርታ አላምትስ ጋማ አንጆ ክእዳ፤ ማህ ኡን ጎልእታ አይሁደ ማቆሰ አሱንꬅስ ጋማ አንጆ ማቅዳ። ዬዝን፥ ዶርንትደ አይሁዱንꬅ ኩሙꬅ አትዘ ዎደ አንጆ አኮ ፋና ጋንጎድ የሻ!
13 ታኒ፥ Ꮉተ ይንትስ አይሁደ ማቆሰ አሱንꬅስ ኦህነ። አይሁደ ማቆሰ አሱንꬅ ሐዋረ ማቂ ኦችዛነ ታኒ ጋማ ጬቅንታነ። 14 ታ ይኖ ኦችዳና ታስ አሾ ኮች ማቅዘ እስራኤሉንꬃና ቂርዝዳና ኡንታፓ ኤራꬅቶ አሾደስ። 15 ጾዚ ኡንታና ኦሊ አሽደ ዎደ Ꮉና አላምታ ጾዛራ ጊግዳ። ጾዚ ኡንታና ሺሺ ኤክዘ ዎደ Ꮉይቅደ አስ Ꮉይቆፓ ደንድዘ ፋና ማቅዳ።
16 ቲኖ ምንጻ ኣፍዘ ጾዝስ ዣርሽንትደ ጌሽ ማቅኮ፥ ሙሎ ምንጻ አፍታን ጌሽ። ምንጻዘስ ጻጵታ ጌሽ ማቅኮ፥ ዣንግታን ጌሽ። 17 ጋደ ቱክደ ሻማሄ ዣንገ ማቅደ አይሁዱንꬅ መቂኮ፥ ይን ጉርደ ዶልደ ሻማሄ ዣንገ ማቅዘ አይሁደ ማቆሱንꬅን ኡን በሳ ꬋንꬅንቲ ኡን ኣፈ አንጅቶን ዱረትꬅቶ ሻክንትዳ። 18 ይኬ፥ ይን ዣንገ ፋና ሳርፍንቲ ዎꬍደ አይሁዱንꬃላ አፋ ኡቱርትፐተ። ይን ኡቱርትዘ ባዝ ማቅኮ፥ ጻጶ ይንታና ቶክዳፕ አትን ይን ጻጶ ቶኮሳኖ ቆፖተ።
19 ኔኒ፥ «ይኬ ታ ኡን በስተ ገሎደ ፋና» ጋእ ቆፖዳ። 20 ይና ቱሮ። ኡን አማንካይዘ ግሾ ሳርፍንትዳ። ነ አማንደ ግሾ ይና በስተ ኤቅዳ። ነ ዣሽቶደስ ቤዛነፕ አትን ኡቱርቶደስ ቤዞስ። 21 ጾዚ መꬎ ዣንገ ማቅዘ አይሁዱንꬅስ ይቅስንታንጽኮ ይንትስን ይቅስንቶስ።
22 ይኬ፥ ጾዚ አኮ ጋር ዳልጋን አኮ ጋር ዣሽዛኮ ቦኦ። ኤ ዣሽዛና ኪትንቶሱንꬃላ፥ ማህ ኤ ዳልጋትꬅታ ይን አማኒ ሚንግ ኤቅኮ ይንትስ። ሚንግ ኤቃንጽኮ ይንትን ሳርፍንቶዳ። 23 አይሁዱንꬅ አማንኮ፥ ዛጋ የዘ በስተ ማቃዳ። ጾዚ ኡንታና ማህ፥ ገልꬆደስ ዳንዳአነ። 24 ይንታና ጉርደ የዘ ሻማሄ ማቅደ አይሁደ ማቅካይዙንꬃና ጋቺ፥ ጋደ ቱክደ ሻማሄላ አፋ ይንታና ꬋንꬅኮ፥ መꬎ ጋደ ሻማሄ ማቅደ አይሁዱንꬃና ፋ ቲኖ በሳ ማህ ቱኮደስ ዋይዝ ዳንዳእንቶሳ?
ጾዘ ማሮትꬅታ ኡባስ
25 ታ እሹንꬆ፥ ይን ይንታና ኤራንቻ ጋእ ጬቅንትፐተ። ታ ይንትስ ኦህዘ ፈቲ ሳዛ ቆፋ የነ። ይናን እስራኤሉንꬅ ስአንጽ እጽዳና ዉርሱꬅ የሎደስ ማቅካይዝን አቶደስ የዘ አይሁደ ማቆሰ አሱንꬅ ኩሙꬅ ጾዛጎ የኦደ ዎንꬅስ። 26 ይኒ ጋር፥ እስራኤለ አሱንꬅ ኡባና አቶዳ። ጌሽ ማጻፍተ፥
«ኑና አሽዛይ ጽዮነፓ ዮኦዳ፤
ያይቆባ ኮቻፓ ኢታ ኡባ Ꮉሶዳ።
27 ታኒ ኡን ናጋርቶ አቶ ጋዘ ዎደ ኢሳ. 59:20-21
ኡንታራ ገልዘ ጫቅታ Ꮉኖ»
ኢሳ. 27:9ጋእንት ጻፍንትዳ።
28 አይሁዱንꬅ ዎንገለ ኤካንጽደ ግሾ ይንታራ ሞርከ። ማቆየዝን፥ Ꮉተን ኡን ዶርንትደ ግሾን፥ ጾዚ ኡን አዱንꬅ ግሾ ኡንታና ካꬋነ። 29 ጾዚ ፋ እሞተን ፋ ጼግተን ቂርꬎስ። 30 ይን አይሁደ ማቆሱንꬅ ዛጋ ጾዝስ ኪትንትካያ። የዝን Ꮉተ አይሁዱንꬅ ኪትንታንጽ እጽን፥ ይን ጾዘ ማሮትꬅቶ ኤክዳ። 31 ይኒ ጋር፥ ይን ኤክደ ማሮትꬅቶ አይሁዱንꬅ ኤኮደ ፋና Ꮉተ ጾዝስ ኪትንታንጽ እጽዳ። 32 ጾዚ አስ ኡቡንꬅስ ፋ ማሮትꬅቶ ቤዞደስ ኮይ፥ አስ ኡባ ኪትንቶሱንꬃና ጋእ ፋይድዳ።
«ላꬄ ቆፋ ኤርዘ ኦደ?
ኤዛ ዞሮደስ ዳንዳእዘ ኦደ?
35 ጾዝስ ታልእዘን ኢሳ. 40:13
ታልእዳኖ ማህ ኤክዘ ኦደ?»
ኢዮ. 41:11ያጋይዳ።
36 ኡባና ኤፓ፤ ኤራን ኤስ። ኤስ መꬍናስ ቦንቾ ማቀ። አምንኤ።