1 ይኬ፥ ታ እሹንꬆ፥ ጾዛ ኡፋይስዘ፥ ደኦን ጌሽ ዣርሾ ማህ፥ ይን ጋልቶ ሺሾደ ፋና ታኒ ይንታና ጾዘ ማሮትꬅተ ዎሳነ። ይናን ጾዛ ይን ጎይኖደስ ቤዝዘ ቱሪ ኦገ። 2 ሎኦ፥ ኡፋይስዘን ፎሎ ማቅደ ጾዘ ቆፋ ሻኪ ኤሮደስ ይን ዎዝንተ ላምንቶተፕ አትን Ꮉና አላምቶ አዝፐተ።

3 ጾዚ ይን ፈታይስ ፈታይስ እንግደ አማንቲ ፋና ዎዝናማ አስ ፋና ቆፖተ። ቆፖደስ ቤዝዛንፓ አꬂ ይንታና ዱሙዚ፥ ኡቱራራ ቆፕፐተ ጋእ ታስ እንግንትደ አꬎ ኬሃትꬅተ ይንትስ ኦህነ። 4 ኑ ፈቲ ጋልቲ ግዳ ዱማ ዱማ ብልቱንꬅ የነ፤ ይና ዱማ ዱማ ብልቱንꬅስ ዱማ ዱማ ኦቻ የነ። 5 ይኒ ጋር፥ ኑኒ ጋማ አስ ማቅኮን ክርስቶሳራ ፈቲ ጋላ ማቅዳ። ኑኒ ፈቲ ጋላ ማቂ ዱማ ዱማ ብልተ ፈታይ ፈታይራ አይክንትዳ። 6 ኑስ እንግንትደ አꬎ ኬሃትꬅተ ዱማ ዱማ እሞ የነ። ኑ እሞታ ትንቢተ ኦሄ ማቅኮ፥ ኑስ የዘ አማንቲ ጋር ኦሆደስ ቤዛነ። 7 ኑ እሞታ መሉንꬃና ማደ ማቅኮ፥ ይና ኦችተ ምንጎደስ ቤዛነ፤ ታማርሰ ማቅኮ፥ ይና ታማርስተ ምንጎደስ ቤዛነ። 8 ኑ እሞታ መሉንꬃና ምንꬅ ማቅኮ፥ ሚንግ ምንꬅꬆደስ ቤዛነ። ኑ እሞታ ኑስ የዘ ባዛፓ መሉንꬅስ እንገ ማቅኮ፥ ዎዝናፓ እንጎደስ ቤዛነ። ኑ እሞታ አሄ ማቅኮ፥ ሚንግ አሆደስ ቤዛነ። ኑ እሞታ መሉንꬅስ ኬሄ ማቅኮ፥ ኡፋይሳራ ኬሆደስ ቤዛነ።

9 ይን ሲቅታ አፉራፓ ካታራ ማቆደስ ቤዞስ። ኢታ ባዝ እጾተ፤ ሎኦ ባዝ ምንꬂ አይኮተ። 10 ፈታይ ፋታይራ እሸ ፋና ሲቅንቶተ፤ ፈታይ ፈታያ ቦንቾተ። 11 አዛልእፐተ፤ ይን አያናር ሚንግ ላꬅስ ኦቾተ። 12 ጾዚ እንግደ ኡፋይሳራ ኡፋይቶተ፤ ማꬋ ዳንዳኦተ፤ ኡባ ዎደ ጾዝ ዎሶተ። 13 አማንዘ ጌሹንꬃና ኮሽዘ ባዛራ ማዶተ፤ ዛቆ ሞኮተ።

14 ይንታና ባይእዙንꬃና አንጆተ፤ አንጆተፕ አትን ባድፐተ። 15 ኡፋይትዙንꬃራ ኡፋይቶተ፤ ዬክዙንꬃራ ዬኮተ። 16 ፈታይ ፈታይራ ፈቲ ቆፍተ የዞተ። ኡቱራ ቆፋ አሺ፥ ይንታና ዝቂ ዪዚ፥ አዳ አሱንꬃራ ዎላ የዞተ። ይን ይንታና ኤራ ጋእ ቆፕፐተ።

17 ኦደን ይንትስ ኢታ ባዝ ኦችኮ፥ የ አꬄስ ኢታ ማህፐተ። አስ ኡባ ቲኖ ናሽዘ ሎኦ ኦቻ ኦቾተ። 18 ዳንዳእንትኮ አስ ኡባራ ሳሮ የሳደስ ይንትስ ዳንዳእንትዛኖ ኡባ ኦቾተ። 19 ታ እሹንꬆ፥ ይን፥ ይን ኦምተ አስስ ቅመ ማህፐተ። ጾዚ ቅመ ማሆደ ፋና ኤስ አሾተ። ጌሽ ማጻፍተ፥

20 የዝን ጌሽ ማጻፍተ፥

21 ኢታ ሎኦር ጋሞተፕ አትን ኢታራ ጋምንትፐ።