1 ጾዘ ቆፋ ባይዝን አደትꬅ ዎልቃ እንግንቶሰ ግሾን Ꮉተ የዘ ሹሙንꬅን ጾዘ ቆፋራ ሹሙንትደ ግሾ አስ ኡባ ዎርዣ አህዙንꬅስ ኪትንቶደስ ቤዛነ። 2 ይኒ ግሾ፥ አደትꬅ ዎልቃራ የዙንꬅስ ኪትንታንጽ እጽዘ ኦንን ጾዘ ኪታ እጻነ። ኪትንታንጽ እጽዘ ኦንን ፋላ አፋ ፍርዳ ከእነ። 3 አህዙንꬂ ኢታ ኦችዙንꬃና ፋትን ሎኦ ኦችዙንꬃና ዣሾስ። አህዙንꬅስ ዣሽታንጾደስ ኮያነ? ዬዛኮ ሎኦ ኦቾ፤ ኡን ነና ጋላቶዳ። 4 ኡን ሎኦ ባዝ ኦቾደስ ሹሙንትደ ጾዘ አሮ። የዝን ነ ኢታ ባዝ ኦችኮ፥ ኡን ኢታ ባዝ ኦችዛ ሴርዘ ማሻ አይክደ ግሾ ኡንትስ ዣሽቶ። ኡን ኢታ ኦችዙንꬃና ሴሪ፥ ጾዘ Ꮉንቆ ቆንጭዘ ጾዘ አሮ። 5 ይኒ ግሾ፥ ጾዘ ካች ጻላላስ ባይዝን ይን ቆፍታ ማርክꬍዘ ግሾ ዎርዣ አህዙንꬅስ ኪትንቶደስ ቤዛነ።

6 ይን ጊራ ጊርዛናን ይንስ። ዎርዣ አህዙንꬂ ይና ኦችቶ ኦችዛና፥ ኡን ጾዘ አሮ ማቅደ ግሾስ። 7 ማቶ. 22:21፤ ማር. 12:17፤ ሉቃ. 20:25ፈተስ ፈተስ ቤዛኖ እንጎተ። ጊራ ጊሮደስ ቤዛይስ ጊሮተ፤ ቃራጠ ጋቾደስ ቤዛይስ ቃራጠ ጋቾተ፤ ዣሽቶደስ ቤዛይስ ዣሽቶተ፤ ቦንቾ ቤዛያ ቦንቾተ።

8 ፈታይ ፈተራ ሲቅንቶተ። ሲቆ ጋለፕ አትን ይንታላ አፋ መለ ጋለ የዝፐ። አስ ሲቅዘ ኦንን ህገ ጋዛኖ ፎልዳ። 9 «ላምፐ፤ ዎꬍፐ፤ ካይስትፐ፤ አሙꬍፐ» ጋዘ ኪታን መሉንꬅን ኡባ፥ «አስ ነ ኦምት ፋና ካꬎ» ጋዘ ኪተ አጭንትዳ። 10 ከዘ 20:13-17፤ ማሄ 5:17-19፤ ሌዌ 19:18አስ ሲቅዘ ኦንን ኤዛላ አፋ ኢታ ባዝ ኦቾስ። ይኒ ግሾ፥ አስ ሲቅዘ ህገ ኪታ ፎልዳ።

11 ገንቶፓ ይን ባርክዘ ዎደ Ꮉተ የልዳኖ ኤሮተ። ኑ አማንደ ዎድትፓ አꬊ አቶትꬅ Ꮉተ ኑጎ ኡክዳ። 12 ቃማ አꬍዳ፤ ዎንታ ኡክዳ። ይኬ፥ ኑኒ ꬉማ ኦቻ አሺ ፎኦ ኦላ ሚሸ አይኮዳ። 13 አነ አዋራ ፎኦ የዘ አስ ፋና ዎጋራ የዞተ። ቤዞሰ የꬃራን ማꬄራ ማቅፐ ኦላለ Ꮉንተራን ቃይጸር አይክንትደ ዱማ ዱማ ቱና ኦቻ፥ *ኦላለ Ꮉንተራ የሊ ዱማ ዱማ ቱና ኦቻ፦ ዎይ የꬃራ፥ ማꬄራ፥ ኦላለ Ꮉንተራ፥ ቃይጸራ ማቅፈ ጋእ ብሎደስ ዳንዳእንታነ። ኦላለ Ꮉንታራ የልዘ ዱማ ዱማ ቱና ኦችታ አስ ጾዘ አሄፓ ባለ ኬዚ ጾꬅ ዎጋ ካሊ ፎልዘ ኦቻ ጋኤ። ላለራን ቅናተራ ማቅፐ። 14 ላꬄ የሱስ ክርስቶሳ ማኦተ፤ ይን ናጋራ አሾ ፋ አሙቶ ፎሎደ ፋና ቆፕፐተ።