15
መሉንꬃና ኡፋይሶደስ ቤዛነ
1 ኑኒ ምንግዱንꬅ ላቢዱንꬅ ቶፍቶ ቶኮደስ ቤዛነ። ኑኒ ኑና ኡፋይሶደስ ቤዞስ። 2 ኑኒ ኑ ዶꬅዛ ምንꬅꬆደስ ማዶደስን ኡፋይሶደስ ቤዛነ። 3 ክርስቶሳ ፋና ኡፋይስካያ። የዝን ጌሽ ማጻፍተ፥ «ነና ቦርደ ቦርታ ኑና የልዳ» ጋእንት ጻፍንትዳን ጋር Ꮉንዳ። ማዝ. 69:9 4 ጌሽ ማጻፍተ እንግዘ ገንጮን ምንꬅራ ኑ ኡፋይስቶ ኤኮደ ፋና ጌሽ ማጻፍተ ጻፍንትደ ኡባና ኑና ታማርሶደስ ጻፍንትዳ።
5 ገንጮን ምንꬅትሞ እንግዘ ላꬄ ይን ክርስቶስ የሱሳ ካልዘ ዎደ ፈተትꬅ ይንትስ እመ። 6 ይናን፥ ኑ ላꬄ የሱስ ክርስቶሳ አዳያ፥ ጾዛ፥ ፈተትꬃራን ፈቲ ቃላራ ይን ቦንቾደ ፋና።
ዎንገለ አስ ኡባስ
7 ክርስቶሳ ይንታና ኤክዳን ፋና ጾዘ ቦንቾስ ፈታይ ፈታያ ኤኮተ። 8 ጾዚ ዛጋ አዱንꬅስ እንግደ ኡፋይስታ ፎልንቶደ ፋናን ኤ ቱረትꬅታ ኤርንቶደ ፋና ክርስቶሳ አይሁዱንꬅ ጋራዘ ዎጋ ፎለራ አሮ ማቂ ይእዳኖ ታ ይንትስ ኦህነ። 9 ክርስቶሳ አይሁዱንꬅ ጋራዘ ዎጋ አሮ ማቅደ መለ ምክናታ ማህ አይሁደ ማቆሰ አሱንꬅ ጾዘ ማሮትꬅት ግሾ ጋላቶደ ፋና። ጌሽ ማጻፍተ፥
«ታ ነና አይሁደ ማቆሰ አሱንꬅ ግዳ ጋላቶዳ፤
ነ ሱንꬅቶ ማዝሙረር ሳቦዳ»
2 ሳመ. 22:50፤ ማዝ. 18:49ጋእንት ጻፍንትደ ጋር Ꮉንዳ።
10 ማህ፥
«አይሁደ ማቆሰ አሱንꬆ፥
ጾዘ አሱንꬃራ ኡፋይቶተ»
ማሄ 32:43ያጋይዳ።
11 Ꮉተን ማህ፥
«አይሁደ ማቆሰ አሱንꬆ፥
ላꬃ ጋላቶተ፤
ዎርዣ ኡባ ኤዛ ሳቦተ»
ማዝ. 117:1ያጋይዳ።
12 ይኒ ጋር ኢሳያሳ፥
«እሰይ ኮቻፓ የልንትደ ፈታይ የኦዳ፤
ኤ ካእቱሞ ኡባ አሆዳ።
ኡን ፋ ኡፋይስቶ ኤላ አፋ ጋዶዳ»
ኢሳ. 11:10ያጋይዳ።
13 ጌሽ አያና ዎልቃራ ይን ድጮደ ፋና ኡፋይስ እንግደ ጾዘ፥ ይን አማንቲ ባጋራ ይንትስ ኡፋይስን ሳሮትꬅ ኩሙꬅ እመ።
ጳዉሎሳ ጻፍደ ምክናተ
14 ታ እሹንꬆ፥ ይንታራ ሎኦትꬅን ኤራትꬅ ኩምዱንꬃና ማህ ፈታይ ፈታያ ዞሮደስ ዳንዳእዛኖ ታ ሎይꬂ ኤራነ። 15 ታኒ ይንታና ፈቲ ፈትባዝ ቆፍሳደስ ኮይ ዣሽትካይዛራ ጾዘ አꬎ ኬሃትꬃራ ይንትስ ጻፍዳ። 16 ታኒ ክርስቶስ የሱሳ አሮ ማቂ፥ አይሁደ ማቆሱንꬅስ ካህነ ፋና ማቂ፥ ዎንገለ ኦሆደ ፋና ጾዚ ታስ አꬎ ኬሃትꬅ እንግዳ። አይሁደ ማቆሰ አሱንꬅ ጌሽ አያናራ ጌዥ፥ ጾዝ ኡፋይስዘ ዣርሾ ማቆደ ፋና ጾዚ ይኖ ኦችዳ።
17 ታኒ ክርስቶስ የሱሳር ማቂ ታ ጾዘስ ኦችዘ ኦችተ ጬቅንታነ። 18 አይሁደ ማቆሰ አሱንꬅ ጾዝስ ኪትንቶደ ፋና፥ ክርስቶሳ ታ ቃልተን ታ ኦችት ባጋራ ኦችደ ኦችትፓ መለ ታ ጬቅንትዘ ባዝ ባያ። 19 ጾዚ ይኖ ክሌ ባዝ ኦቻራን ጌሽ አያና ዎልቃራ ዋይዝ ኦቼዛኮ ታ ይንትስ ኦሆዳ። ታኒ የሩሳላመፓ ደንꬂ፥ እልዋርቆነ የሎደስ ክርስቶሳ ዎንገለ ሳባክዳ። 20 ታኒ መለ አስ ባስደ ባሳላ ኬጾደስ ኮዮስ። ክርስቶሳ ሱንꬅታ ጼግንትካይዘ በሳ ዎንገለ ኦሆደስ አሙꬋነ። 21 ጌሽ ማጻፍተ፥
«ኤ ባዝ ኦህንትካይዘ አሱንꬅ ኤዛ በአዳ፤
ኤ ባዝ ስእካይዘ አሱንꬅ ቆፖዳ»
ኢሳ. 52:15ጋእንት ጻፍንትዳ።
ጳዉሎሳ ሮመ ቅቶደስ ቆፕዳ
22 ይኒ ምክናተራ፥ ታኒ ይንታጎ ዮኦደስ ዳንዳእካያ። 23 የዝን ታኒ Ꮉተ Ꮉና ጉቱቶ ኡባ ታ የሊ Ꮉስደ ግሾን ጋማ በረፓ ደንꬂ ይንታና በአደስ አሙꬍደ ግሾ ሮመ 1:13 24 ታኒ እስፔነ Ꮉንግተራ ይንታና በአደስ ቆፕዳ። ማህ ኤራꬅ ዎደ ይንታራ ኡፋይትደፓ ሱባ እስፔነ Ꮉንግዘ ዎደ ይን ኦገስ ታና ማዶደ ፋና ኮያነ።
25 የዝን Ꮉተ ታኒ ጾዘ አሱንꬃና ማዶደስ የሩሳላመ Ꮉንጎዳ። 26 መቀዶንያን አካያ ግዳ የዘ ጾዘ አሱንꬅ፥ የሩሳላመ የዘ ዳሁንꬃና ሚሸራ ማዶደስ ኮይደ ግሾ። 27 ኡን ዳሁንꬃና ማድዛና ኡንትስ አቶሰባዝ ማቅደ ግሾ ፋ ኦምተ ይኖ ኦቾደስ ቆፋ አጭዳ። አይሁዱንꬃራ አይሁደ ማቅካይዙንꬅን አያና አንጆ ሻግንትኮ፥ ኡን ማህ ኡንትስ የዘ ባዛራ አይሁዱንꬃና ማዶደስ ቤዛነ። 1 ቆሮ. 16:1-4 28 ይኒ ግሾ፥ ታኒ ይና ሺቅደ ሚሽቶ ኡንትስ እንግ ኡን ኤክዳኖ ኤርደፓ ሱባ እስፔነ Ꮉንግተራ ይን ካለራ አꬎዳ።1 ቆሮ. 9:11 29 ታኒ ይንታጎ Ꮉንግዘ ዎደ ክርስቶሳ አንጆ ኩሙꬅ ኤኪ Ꮉንጎዳኖ ኤራነ።
30 ታ እሹንꬆ፥ ታስ ጾዝ ዎስተራ ታ ቡቱንተ ታራ ኤቆደ ፋና ላꬄ የሱስ ክርስቶሳራን ጌሽ አያና ሲቅተ ይንታና ዎሳነ። 31 ጾዚ ታና ይሁዳ የዘ አማኖሰ አሱንꬃፓ አሾደ ፋና የሩሳላመ ታ ኦቾደ ኦችታ ጾዝ አሱንꬅ ካለ ኤክንቶደ ፋና ታስ ዎሶተ። 32 ማህ ጾዚ ጋይኮ፥ ታኒ ይንታጎ Ꮉንግ ኡፋይሳራ ይንታራ ሸምፖደ ፋና ታስ ዎሶተ። 33 ሳሮትꬅ ጾዘ ይን ኡቡንꬃራ ማቀ። አምንኤ።