1 ክንክርያ ካታማ የዘ ዎሳ ኬꬅተ ኦችዘ ኑ ምሽታ ፌበኖ ሎኦ ማቾ ማቅዳኖ ይን ኤሮደ ፋና ኮያነ። 2 ይን እዞ አማንዘ አሱንꬅ ላꬄ ሱንꬅተ ሞኮደስ ቤዝዘ አማንዘ አሱንꬃፓ ፈተ ፋና ሞኮተ። እዛ ይንታፓ ኮይዘ ባዝ ኡባ እዞ ማዶተ። እዛ ፋ ኦምተ ጋማ አስ ማድዳ፤ ማህ ታና ታ ኦምተ ጋማ ማድዳ።

3 ክርስቶስ የሱሳ ኦቻ ታራ ዎላ ኦችዘ ጵርስቅላን አቂላ ሳሮ ጋኦተ። 4 ኡን ታ ግሾ ፋ ሸምፕቶ አꬂ እንግዳ። ታ ጻላላስ ባይዝን አይሁደ ማቆሰ አሱንꬅ ዎሳ ኬꬁንꬅን ኡባ ኡንታና ጋላታነ። ሐዋ. 18:2 5 ኡን ካራ ሺቅዘ አማንዙንꬅ ሳሮ ጋኦተ።

እስያ ሳአ ክርስቶሳ ቲኖ አማንደ፥ ታ ካዽዘ ኤጳነጦሳስ ታ ሳርꬅቶ የልꬆተ።

6 ይኒ ግሾ ኦቻራ ጋማ ላቢደ ማይራሞ ሳሮ ጋኦተ። 7 ታራ አች ኬꬃ የዝደ ታ አይሁደ ላጉንꬃና አንድሮንቆሳን ዩንያሳ ሳሮ ጋኦተ። ኡን የሱሳ ሐዋሩንꬅ ግዳ ኤርንትዱንꬃና። ማህ ኡን ክርስቶሳ ታፓ ቲኖ አማንዳ።

8 ላꬄ አማንዘ ታ ሲቆ ላግዛ፥ አምጵልያጦሳ ሳሮ ጋኦተ። 9 ክርስቶሳ ኦቻ ኑራ ዎላ ኦችዘ ኡርባኖሳን ታ ካዽዘ እስታኩሳ ሳሮ ጋኦተ። 10 ክርስቶሳስ የዛና ፋታንንት አማንꬅዘ አጰሊሳ ሳሮ ጋኦተ። አርስጦቡሎሳ ካራ አሱንꬃና ሳሮ ጋኦተ። 11 ታ አይሁደ ላግዛ ሄሮድዮና ሳሮ ጋኦተ።

ናርስሳነን ኤ ካራ አሱንꬃፓ ክርስቶሳ አማንዱንꬃና ሳሮ ጋኦተ።

12 ላꬄ ኦቻ ላቢዘ ትሩፋይናን ትሩፎሳ ሳሮ ጋኦተ። ማህ ላꬅስ ጋማ ላቢ ኦችዘ፥ ታ ካዽዘ ጰርሲሶ ሳሮ ጋኦተ። 13 ላꬄ ኦቻራ ጋማ ኤርንትደ ሩፎሳስን ታና ፋ ናአ ፋና በእዘ ኤ እንቶ ሳሮ ጋኦተ። 14 አስንክርቶሳስ፥ ፍለጎናስ፥ ሄርሜሳስ፥ ፓትሮባሳስን ኡንታራ የዘ አማንዘ እሹንꬅ ኡቡንꬅስ ታ ሳርꬅቶ ኦሆተ። ማር. 15:21 15 ፍሎሎጉሳ፥ ዩልያ፥ ኔርያ፥ ኤ ምሽቶ፥ ኦሉምፖሳን ኡንታራ የዘ አማንዘ አሱንꬃና ኡባ ሳሮ ጋኦተ።

16 ጌሽ ዬርንተ ዬርንትተራ፥ ፈታይ ፈታያ ሳርꬆተ። ክርስቶሳ ዎሳ ኬꬂ ኡባ ይንታና ሳሮ ጋነ።

17 ታ እሹንꬆ፥ ይን ታማርደ ትምርትቶ እጺ፥ ይን ግዳ ሻክንተን ማꬋ መꬍዘ አሱንꬃፓ ናግንቶተ። ኡንታፓ Ꮉኮተ። 18 ይኒ ፋና የዘ አሱንꬅ ፋ ሳዛስፕ አትን ኑ ላꬄ ክርስቶሳስ ኦቾስ። ፋ ማልእዘ ዶናራን ይቅስዘ ቃላራ አኮ ኤሮሰ አሱንꬅ ዎዝንቶ ባልꬃነ። 19 ዎንገለስ ይን ኪትንትዳኖ አስ ኡባ ስእደ ግሾ ታና ኡፋይሳነ። የዝን ይን ሎኦ ባዝ ኤሮደ ፋና ኢታ ባዛፓ Ꮉኮደ ፋና ታ ኮያነ። 20 ሳሮትꬅ ጾዘ ጻላሄ ይን ቶህትፓ ኦሞራ ጋጪ ኦሎዳ።

ኑ ላꬄ የሱስ ክርስቶሳ አꬎ ከሃትꬅታ ይንታራ ማቀ።

21 ታራ ኦችዘ ጢሞትዮሳ ይንታና ሎኦ ያጋይዳ። ይኒ ጋራን፥ ታ እግኑንꬅ ሉቅዮሳ፥ ኢያሶነን ሶስጳጥሮሳ ይንታና ሳሮ ጋነ። ሐዋ. 16:1

22 Ꮉይ ዳብዳቢዛ ጳዉሎሳስ ጻፍደ ታኒ፥ ጻርጽዮሳ፥ ይንታና ላꬄ ሱንꬅተ ሳሮ ጋነ።

23 ታና ሞክዘ ዎሳ ኬꬅቶ ኡባ ኤ ካራ ሺቅዘ ጋዮሳ፥ ይንታና ሳሮ ጋይዳ። ካታማ ሚሸ አይክዘ ኤራስጾሳን ኑ እሸ ቃርጾሳ ይንታና ሳሮ ጋነ። [ 24 ኑ ላꬄ የሱስ ክርስቶሳ አꬎ ኬሃትꬅ ይን ኡባራ ማቀ። አምንኤ።]*ዛጋ ቲኖ ማጻፍተ ፋይዶ 24 ባያ።

25 ጾዝስ ጋላታ ማቀ። ታኒ፥ የሱስ ክርስቶሳ ባዝ ኦህዘ ዎንገለ ቃልተ ጋማ ዎደፓ አችንት ጋምእደ ቱረትꬃራ፥ ጾዚ ይንታና አማኖራ ምንꬂ ኤሶደስ ዳንዳአነ። ሐዋ. 19:29፤ 1 ቆሮ. 1:14፤ 2 ጢሞ. 4:20 26 የዝን Ꮉተ ይና ቱርታ ቆንጭዳ። ካእቱሞ ኡባ አማኒ ኪትንቶደ ፋና መዽና ጾዘ ኪተ ናቡንꬅ ይና ቱርትባዝ ጻፍዳ።

27 የሱስ ክርስቶሳ ባጋራ ጭንጫትꬅ ኤ ጻላላስ የዘ፥ ፈቲ ጾዘስ መꬍናስ ቦንቾ ማቀ። አምንኤ።