1 Yikke, woosa keetstsa cimuntsara cima maaqqide, Kiristtoosa madhito markkidhize qonccodes yeze bonchcho shaakkinttodes yeze taanii, yin gidda yeze cimuntsana zorane. 2 Yinttis adetitsara ingginttide Xoozze wudito yenggote. Xoozii koyzanni fana kadhera fattin un7itsera yenggippete. Mahi miishe koyi baayzin kadhii maaddoda ga7i lo77o qofara yenggote. 3 Yin adetitsappa oomora yeze wuduntsis aazize maaqqote fattin laatstsii maaqqippete.Waha. 21:15-17 4 Yenggizunts aday qonccize wode dhaboose bonchcho worqqa zawude yin ekkoda.

5 Yinnii fanan, na7atitsuntso, cimuntsis aqote. Yin fetay fetays aada maaqqote. Geeshi Maxaafite, «Xoozii uturtizuntsana ixxane, yezin aaduntsis aadho keehatitsi inggane» yagayda. 6 Xoozii fa wode yinttana bonchchode fana damma Xoozze kushefa oomora yinttana ziqqii yiizote.Maato. 23:12; Luqa. 14:11; 18:14 7 E yinttis qoppize gisho yinttana yirggizebaz ubba Eella afa olote.Maato. 23:12; Luqa. 14:11; 18:14

8 Yin morkkize Xalahe, qoodhdhizebaz koyi, gaammo fana dhazitera yin kalera wutize gisho yinttana naagoten barkkote. 9 Alame yeze yin ishuntsi yinnii gaar madha ekkizanno erii, ammanora miinggi, Xalahe ixxote. 10 Fa medhina bonchchos Kiristtoosa Yesuusa baggara yinttana xeegide aadho keehatitsi ubba Xoozze, Eerats wodes yin madha ekkideppa suuba, E fa ommite yinttana ashshoda, katissada, mintsii essoda, xaalissada. 11 Medhinappa medhina yellodes Xoozii ka7ito. Amin77e.

12 Ammaninttide ishe ga7i ta ekkize Sillaase baggara hyay kiitiza yinttis hyaatara xaafida. Ta yinno yinttis xaafidanna, yinttana zorodesin Xoozze aadho keehatitsita turo maaqqizanno markkidhades. Yinna aadho keehatitsite miinggi eqqote.

13 Yinttara wolla doorinttide Baabiloone*Baabiloone: Hyanna besite Baabiloone ga7inttide Roome katama maaqqikaayzara attoos. yeze woosa keetstsa asuntsin ta na7ay Marqqoosa yinttana, «Saro saro» yagaane.Hawa. 15:22, 40 14 Siiqo yeerintte yeerinttitera, fetay fetaya saritsote.Hawa. 12:12, 25; 13:13; 15:37-39; Qola. 4:10; Filmo. 24

Kiristtoosa gidda yeze yin ubbuntsis saro maaqqe. Amin77e.