2
11 Evus, Elkanah keitel telva ris teim en taon ten out Ramah. Ka Samuel, kei ro nges en taon ten out Saeloh ka mul mum min Iahova suval eiloheh onen pris Ilae.
19 Ka en sua keil vasi, mama onen rili eisin tamuoh hau tai onen Samuel suval koa pris keil amusin eni. Ka avong koa musil meatin onen luva keke iha netan min Iahova ka avasan sanien one mini, Hanah kur eisin enek ka sani mini. 20 Ka avong koa Ilae les Elkanah keilu Hanah, san tokolkatien tai min keilu ka viteni min Elkanah vit, “Navisi keke Iahova hesan ehon sav keil emun minuk heka en ahin koanek keke keil ikur vulin ehon koa milsani mini.” Evus, Elkanah ka onen keil uva ris teim se.
21 Ka Iahova san heite ten hisien koanek en usite onen Hanah, ka maeni kur ehon etel emun ka atouli elu. Ka Samuel mul moul ka mul mum en Eim Tavolin onen Iahova.
26 Ka avong koa Samuel mul moul, aven mai keih ka Iahova ral min meatin keil asi keil veni.✡Luk 2:52
En Eim Tavolin onen Ahi, natin pris Ilae keilu luvi pris. Ka keilu lumul lumum tisa houlu en meten Ahi, ka pris Ilae roring koetei sakien tatisa keil onealu. Sakini en avong tai, Ahi sila provet tai va ven Ilae koa viteni mini vit, “Ven koa korring koetei ehon onom keilu ven sakien keil koa tisa, Iahova hou vasi keilu luhemat en avong hetas. Ka vatiamal keil vasi onom imatmat navong avi meatin hau veah.”