31
3 Mulamu, Iahova kistal min ir ka viteni vit,
“Inau, ek vat kami ral envatien koa keite teni tovuol.
Ral min tahosien koa narie lati min kami, naleh kami mimai vesesal venau.
31 “Sakini, inau, Iahova, naviteni keke avong tai mul mai
keke numon hatkatien hau takeih hetal min me-Isrel keil ka hetal min me-Sudah keil emun.✡Hib 8:8-12
32 Hatkatien hau koanek hersuvaltei hatkatien matu
koa namumoni ral min avu one keil telamu
en avong koa navuli kat he
ka namulamun keil alokovein kantri ten out Isip.
Inau nalei kat revi keil suval meatin tai mul lei kat revi ahin onen.
Ka avaseini, keil arali koteh hatkatien takeih koa amumoni ral minau.
33 Hatkatien hau koa numoni hetal min me-Isrel keil en avong enek hemukok:
Inau, Iahova, niling mengkatien onak keil il en rendemien one,
ka nitis kati hel en tine.✡Hib 10:16
Inau nihi Ahi one,
ka keil ihi meatin keil onak.
34 Hesakini, keil irviseintei mun tue keil availea en Iahova
veni keil vasi ilea enau,✡Hib 10:17
koakeil avi havipi heha hetokol koakeil amarite.
Anatin, keil ilea enau veni nirleletei mun hetisa en keil
ven tounah keil one koa romaltei amumoni.
Anatin, nirmundem usiltei mun tisaen keil one
koa va kat keil.
Inau, Iahova, nasan selusien vasi keilek.”