8
Tayta Diospis runapis alli cashan
David isquirbishan alabansa.
1 Llapanpaj munayniyoj Tayta Dios,
¡Cay pachachöga gamllatami fiyupa rispitashunqui!
Cantu-cantu syëluchöga munayniyoj captiqui*Sal. 57.5, 11; 108.5
2 tacsha wamracunami, chuchuycaj wamracunami alabashunqui.*Mat. 21.16
Chayno alabashunqui contrayqui jatarejcunata, chiquishojcunata upällachinanpaj illgächinanpämi.
3 Syëluta, goyllarta, quillata camashayquita ricashpä
4 yarpachacö: «¿Imaraj runaga?
Runataga ¿imanir-raj cuyapanqui?» nir.*Job 7.17–18; Sal. 133.3; Heb. 2.6–8
5 Runataga anjilcunapita mas mënus munayniyojllatami rurarayqui.
Chaypis camacächishcanqui munayniyoj rispitasha cananpämi.
6 Camashayquicunapa duyñun cananpaj aunishcanqui.
Camashayquicunapita mas munayniyoj cananpämi churashcanqui.*1Cor. 15.27; Efe. 1.22; Heb. 2.8
7 Uyshacunapita, wäcacunapita, jirca animalcunapita,
8 päriypa purejcunapita, lamarcho tiyaj pescäducunapita,
lamarcho caycajcunapita mas munayniyoj cananpämi churashcanqui.
9 Llapanpaj munayniyoj Tayta Dios,
¡cay pachachöga gamllami fiyupa rispitasha canqui!