١ ونِّي ثُوغَا ذِينْ زڭْ ؤُمزْوَارُو، ذ نتَّا إِ ذ أَومْ نتّْبَارّحْ: ونِّي نسْڒَا ذ ونِّي نژْرَا س ثِيطَّاوِينْ نّغْ، ذ ونِّي نثْوَاڒَا ؤُ نْحَاذَا ث س إِفَاسّنْ نّغْ ذ ونِّي إِدْجَانْ ذ أَوَاڒْ إِدَّارنْ. ◘1:‏1 لك. 24‏:‏39؛ يُوح. 20‏:‏27؛ يُوح. 1‏:‏1، 14؛ ڒخ. 13‏:‏26؛ 2 بُط. 1‏:‏16. ٢ أَقَا ثُوذَارْثْ ثضْهَارْ-د، نشِّينْ نژْرَا إِ-ت، ؤُشَا نْشهّذْ ؤُ نتّْبَارّحْ أَومْ ثُوذَارْثْ إِتّْذُومَانْ، ثنِّي ثُوغَا أَكْ-ذ بَابَاثْنغْ ؤُشَا ثتّْوَاسَّارْڭبْ-د إِ نشِّينْ. ٣ مِينْ نژْرَا ذ مِينْ نسْڒَا، أَذْ أَومْ ث-إِ-د-نسّْشنْ، حِيمَا عَاوذْ كنِّيوْ أَذْ ثِيڒِيمْ ذڭْ ؤُمُونِي أَكِيذْنغْ، ؤُشَا أَمُونِي نّغْ أَكْ-ذ بَابَاثْنغْ ؤُ أَكْ-ذ مِّيسْ يَاسُوع لْمَاسِيحْ. ٤ أَقَا نتَّارِي مَانْ أَيَا إِ كنِّيوْ، حِيمَا ڒفْرَاحثْ نّغْ أَذْ ثِيڒِي ثكْمڒْ.

٥ ذ وَا ذ ڒخْبَارْ أَصبْحَانْ إِ زَّايسْ نسْڒَا ؤُشَا أَذْ أَومْ نْبَارّحْ: أَربِّي ذ ثَافَاوْثْ، نتَّا وَارْ ذَايسْ بُو جُّورّثْ ن ثَادْجسْثْ. ◘1:‏5 يُوح. 1‏:‏9؛ 8‏:‏12؛ 9‏:‏5؛ 12‏:‏35، 36. ٦ مَاڒَا نقَّارْ، أَقَا غَارْنغْ أَمُونِي أَكِيذسْ، ؤُشَا نڭُّورْ ذِي ثَادْجسْثْ، أَقَا نسّْخَارِّيقْ، وَارْ نْضفَّارْ شَا ثِيذتّْ. ٧ مَاشَا مَاڒَا نُويُورْ ذِي ثْفَاوْثْ، أَمْ نتَّا ذِي ثْفَاوْثْ، غَارْنغْ أَمُونِي أَكْ-ذ وَايَاوْيَا، ؤُشَا أَذْ ثَافْ إِذَامّنْ ن يَاسُوع، مِّيسْ، أَذْ أَنغْ سِّيزْذڭنْ زِي مَارَّا دّْنُوبْ نّغْ. ◘1:‏7 عبر. 9‏:‏14؛ 1 بُط. 1‏:‏19؛ أَسَا. 1‏:‏5.

٨ مَاڒَا نقَّارْ، وَارْ ذَايْنغْ بُو دّْنُوبْ، أَقَا نسّْخَارِّيقْ خْ يِيخفْ نّغْ ؤُشَا ثِيذتّْ وَارْ ذَايْنغْ ثدْجِي. ◘1:‏8 1 إِج. 8‏:‏46؛ 2 إِم. 6‏:‏36؛ أَيُوبْ 9‏:‏2؛ إِزهد. 143‏:‏2؛ أَوڒن. 20‏:‏9؛ أَمب. 7‏:‏20. ٩ مَاشَا مَاڒَا ننْعمْ س دّْنُوبْ نّغْ، أَقَا نتَّا ذ أَمْثِيقِّي ذ أَمْسڭَّاذْ حِيمَا أَذْ أَنغْ إِغْفَارْ دّْنُوبْ نّغْ ؤُشَا أَذْ أَنغْ إِسِّيزْذڭْ زِي مَارَّا مِينْ وَارْ إِسڭّْذنْ. ◘1:‏9 إِزهد. 32‏:‏5؛ أَوڒن. 28‏:‏13. ١٠ مَاڒَا نقَّارْ: ’نشِّينْ وَارْ ذَايْنغْ بُو دّْنُوبْ!‘، نتَّارَّا إِ-ث ذ بُو-إِخَارِّيقنْ ؤُشَا أَوَاڒْ نّسْ وَارْ ذَايْنغْ إِدْجِي.