١ مَاشَا أَرُّوحْ إِقَّارْ نِيشَانْ بلِّي ذِي زّْمَانَاثْ ثِينڭُّورَا شَا أَذْ حيّْذنْ خْ لْ-إِيمَانْ ؤُمِي غَا ضْفَارنْ ڒَْارْيَاحْ إِسّْغكّْوَانْ ذ ثْغُورِي ن شّْوَاطنْ. ◘4:‏1 مت. 24‏:‏23؛ 2 تس. 2‏:‏3؛ 2 تِيم. 3‏:‏1؛ 2 بُط. 3‏:‏3؛ يَاه. 18. ٢ نِيثْنِي سْغكّْوَانْ أَمْ سّْنِيعْمِيڒنْ إِخفْ نْسنْ، سّْخَارِّيقنْ ؤُ تّقّْذنْ ثَانفْسشْثْ نْسنْ. ٣ نِيثْنِي تّطّْفنْ ڒمْڒَاشْ ؤُشَا تَّامَارنْ أَسْبعّذْ خْ مَاشَّا نِّي د-إِتّْوَاخڒْقنْ زِي أَربِّي مَاحنْذْ أَذْ ثِيڒِي إِ نّْفعْ ذ ؤُقَاذِي إِ يِينِّي يُومْننْ ؤُ سّْننْ ثِيذتّْ. ◘4:‏3 أَمز. 1‏:‏29؛ 9‏:‏3؛ رُوم. 14‏:‏6؛ 1 كُور. 10‏:‏30. ٤ مِينْزِي مَارَّا مِينْ د-إِتّْوَاخڒْقنْ زِي أَربِّي إِصْبحْ ؤُشَا وَارْ ذَايسْ مِينْ غَا نَاڭِي مَاڒَا نقْبڒْ زَّايسْ س ؤُقَاذِي، ◘4:‏4 أَمز. 1‏:‏31؛ ڒخ. 10‏:‏15؛ رُوم. 14‏:‏14. ٥ مِينْزِي أَذْ إِتّْوَاقدّسْ س وَاوَاڒْ ن أَربِّي ذ ثْژَادْجِيثْ.

٦ مَاڒَا ثسّْڒمْذذْ مَانْ أَيَا إِ وَاوْمَاثنْ نّشْ، أَذْ ثِيڒِيذْ ذ أَمْسخَّارْ ن يَاسُوع لْمَاسِيحْ، أَقَا ثتّْوَاربِّيذْ ذڭْ وَاوَاڒنْ ن لْ-إِيمَانْ ؤُ ثتّْوَاسّْڒمْذذْ ذِي ثْغُورِي ن صَّاحْ. ◘4:‏6 2 تِيم. 1‏:‏5؛ 3‏:‏14، 15. ٧ مَاشَا أَڭّْوجْ خْ ثْحُوجَا إِخْوَانْ ن ثْوسُّورَا ؤُ مَارّسْ إِخفْ نّشْ ذِي ثْسڭْذَا. ◘4:‏7 1 تِيم. 1‏:‏4؛ 6‏:‏20؛ 2 تِيم. 2‏:‏16؛ ثِيث. 1‏:‏14؛ 3‏:‏9. ٨ مِينْزِي أَرِّييَاضَا ن أَرِّيمثْ ثتَّاوِي غَارْ نّْفَاعْ إِ ذْرُوسْ ن ڒْْوقْثْ وَاهَا، مَاشَا ثَاسڭْذَا ثْنفّعْ ڒبْذَا، ؤُشَا أَقَا غَارسْ لْوَاعْذْ ن ثُوذَارْثْ إِ يِيضَا ؤُ إِ ڒْْوقْثْ إِ د غَا يَاسنْ. ◘4:‏8 كُول. 2‏:‏23.

٩ وَا ذ أَوَاڒْ ذَايسْ ڒَْامَانْ، إِسْذَاهدْجْ أَذْ إِتّْوَاقْبڒْ. ١٠ مِينْزِي إِ مَانْ أَيَا ؤُمِي نْخدّمْ ؤُ نتّْوَاسّحْقَارَا عَاوذْ، مِينْزِي أَسِيثمْ نّغْ أَقَا-ث ذِي أَربِّي إِدَّارنْ، ونِّي إِتِّيشنْ ثُوذَارْثْ إِ مَارَّا إِوْذَانْ، أَمزْوَارُو إِ يِينِّي يُومْننْ. ١١ سڒْمذْ، ثُومُورذْ س مَانْ أَيَا.

١٢ أجّْ ؤُڒَا ذ إِجّْ وَارْ شكْ إِسّحْقِيرِي شَا خْ ثمْژِي نّشْ، مَاشَا إِڒِي ذ لْمِيثَالْ إِ يِينِّي يُومْننْ، س وَاوَاڒْ، س ونْذَاهْ، س ثَايْرِي، س لْ-إِيمَانْ ؤُ س ثَازْذُوڭِي. ◘4:‏12 ثِيث. 2‏:‏7، 15؛ 1 بُط. 5‏:‏3. ١٣ إِڒِي ثشْضَارذْ ذِي ثْغُورِي إِ ثْمسْمُونْثْ، ذِي طْژَادْجِيثْ ؤُ ذڭْ ؤُسڒْمذْ أَڒْ د غَا يَاسغْ. ١٤ وَارْ سْحقَّارَا شَا ثَاوْهِيبْثْ إِ ذَايكْ، ثنِّي إِ ذ أَشْ إِمّوْشنْ ؤُمِي ثُوغَا تّْنَابّنْ ؤُ سَّارْسنْ إِمْغَارنْ خَاكْ إِفَاسّنْ. ◘4:‏14 ڒخ. 6‏:‏6؛ 8‏:‏17؛ 13‏:‏3؛ 19‏:‏6؛ 1 تِيم. 5‏:‏22؛ 2 تِيم. 1‏:‏6. ١٥ عْقڒْ خْ ثْمسْڒَايِينْ-أَ، شبَّارْ ذَايْسنْثْ، حِيمَا ثِيشْڒِي نّشْ غَارْ زَّاثْ أَذْ ثْبَانْ إِ مَارَّا. ١٦ حْضَا إِخفْ نّشْ ؤُ حْضَا خْ ؤُسڒْمذْ، صْبَارْ ذِي مَانْ أَيَا، مِينْزِي مَاڒَا ثڭِّيذْ دّڭَّا، أَذْ ثحْضِيذْ إِخفْ نّشْ ذِي ثُوذَارْثْ ؤُڒَا ذ إِنِّي ذ أَشْ إِتّسْڒَانْ.