١ مِينْزِي نسّنْ، بلِّي، خْمِي غَا ثفْنَا ثَادَّارْثْ نّغْ ن ثمُّورْثْ إِ يدْجَانْ ذ أَرِّيمثْ، أَذْ غَارْنغْ يِيڒِي إِجّْ ن ڒبْنِي ن أَربِّي إِ ڒبْذَا ذڭْ إِجنْوَانْ، إِشْثْ ن ثَادَّارْثْ وَارْ ثتّْوَاڭّْ شَا س إِفَاسّنْ. ◘5:‏1 2 كُور. 4‏:‏7. ٢ خْ مَانْ أَيَا إِ نْزهَّارْ ؤُ ذَايْنغْ مژْرِي، حِيمَا أَذْ نَارْضْ ثَادَّارْثْ نّغْ ثنِّي إِدْجَانْ زڭْ ؤُجنَّا، ◘5:‏2 رُوم. 8‏:‏23. ٣ معْلِيكْ قَاعْ إِ غَا نِيڒِي نْيَارْضْ، وَارْ ذ أَنغْ تِّيفنْ ذ إِعرْيَاننْ. ◘5:‏3 أَسَا. 3‏:‏18؛ 16‏:‏15. ٤ مَاشَا مِينْ مَا غَا نكّْ عَاذْ ذِي ثَادَّارْثْ-أَ، أَذْ نقِّيمْ نْزهَّارْ س دّْقڒْ نّسْ، مِينْزِي وَارْ نخْسْ أَذْ ت نجّْ، مَاشَا نخْسْ أَذْ ت نْيَارْضْ، حِيمَا مِينْ إِفنَّانْ أَذْ إِتّْوَاصَارْذْ زِي ثُوذَارْثْ. ◘5:‏4 رُوم. 8‏:‏11؛ 1 كُور. 15‏:‏53. ٥ ونِّي ذ أَنغْ د-إِسّْوجْذنْ إِ مَانْ أَيَا ذ نتَّا ذ أَربِّي ونِّي ذ أَنغْ إِوْشِينْ أَرُّوحْ نّسْ ذ ڒْْعَارْبُونْ. ◘5:‏5 رُوم. 8‏:‏16؛ 2 كُور. 1‏:‏22؛ أَفا. 1‏:‏13؛ 4‏:‏30.

٦ س ؤُينِّي نسّنْ ؤُ غَارْنغْ تِّيقّثْ، أَقَا خنِّي مِينْ غَا نكّْ نْزدّغْ ذِي أَرِّيمثْ، أَذْ نِيڒِي نڭّْوجْ خْ سِيذِيثْنغْ، ٧ مِينْزِي س لْ-إِيمَانْ إِ نڭُّورْ، وَارْ إِدْجِي س مِينْ إِتّْبَاننْ.◘5:‏7 1 كُور. 13‏:‏12؛ 2 كُور. 3‏:‏18. ٨ س ؤُينِّي نتِّيقَّا ؤُشَا ذَايْنغْ مژْرِي، مَاحنْذْ أَذْ نسْمحْ ذِي أَرِّيمثْ حِيمَا أَذْ نِيڒِي أَكْ-ذ سِيذِيثْنغْ. ٩ نتّْشطَّارْ حِيمَا أَذْ أَسْ أَرْضَانْ، مَا ندْجْ نڭّْوجْ خْ ثَادَّارْثْ نِيغْ ذِي ثَادَّارْثْ. ١٠ مِينْزِي مَارَّا إِذْنغْ أَذْ نضْهَارْ زَّاثْ إِ ڒْْكُورْسِي ن شّْرعْ ن لْمَاسِيحْ، حِيمَا كُوڒْ إِجّنْ أَذْ إِطّفْ ذِي أَرِّيمثْ نّسْ عْلَاحْسَابْ مِينْ إِڭَّا س أَرِّيمثْ، ثْشُونِي نِيغْ ثُوعفّْنَا. ◘5:‏10 إِزهد. 62‏:‏13؛ إِرْم. 17‏:‏10؛ 32‏:‏19؛ مت. 16‏:‏27؛ 25‏:‏32؛ رُوم. 2‏:‏6؛ 14‏:‏10، 12؛ 1 كُور. 3‏:‏8؛ ڭال. 6‏:‏5؛ أَسَا. 2‏:‏23؛ 22‏:‏12.

١١ س ؤُينِّي، أَمْ نسّنْ أَقَا إِتّْخصَّا أَذْ نڭّْوذْ زِي سِيذِيثْنغْ، أَقَا نَارزُّو أَذْ نسّقْنعْ إِوْذَانْ، مَاشَا غَارْ أَربِّي أَقَا نشِّينْ نتّْوَاسّنْ غَارسْ، ؤُشَا سِّيثِيمغْ أَقَا نتّْوَاسّنْ غَارْومْ عَاوذْ ذِي ثْنفْسشْثْ نْومْ. ◘5:‏11 2 كُور. 11‏:‏6 ١٢ وَارْ نتّْوصِّي شَا إِخفْ نّغْ ثْوَاڒَا نّغْنِيثْ، مَاشَا أَذْ أَومْ نوْشْ لْفُورْصَا إِ ؤُسمْغَارْ ذَايْنغْ زَّاثْ إِ يِينِّي إِسّمْغَارَانْ ذِي مِينْ إِتّْبَاننْ، وَارْ إِدْجِي ذِي مِينْ إِدْجَانْ ذڭْ وُوڒْ. ◘5:‏12 2 كُور. 3‏:‏1؛ 10‏:‏8. ١٣ مِينْزِي مَاڒَا ثُوغَا نتّخْڒفْ، أَقَا مَانْ أَيَا إِ أَربِّي، مَاڒَا ثُوغَا أَنغْ س ڒعْقڒْ، أَقَا مَانْ أَيَا إِ كنِّيوْ. ١٤ مَاغَارْ ثَايْرِي ن لْمَاسِيحْ ثْعَارّنْ أَنغْ مَاحنْذْ أَذْ نْخَارّصْ أَمُّو: مَاڒَا إِجّنْ إِمُّوثْ ذڭْ ومْشَانْ ن مَارَّا، أَقَا مَارَّا مُّوثنْ أَكِيذسْ. ١٥ أَقَا نتَّا إِمُّوثْ ذڭْ ومْشَانْ ن مَارَّا، حِيمَا إِنِّي إِدَّارنْ، وَارْ دَّارنْ شَا عَاذْ إِ إِخفْ نْسنْ، مَاشَا إِ ونِّي إِمُّوثنْ ذ ونِّي د-إِتّْوَاسّْنكَّارنْ إِ نِيثْنِي. ◘5:‏15 رُوم. 14‏:‏7؛ ڭال. 2‏:‏20؛ 1 تس. 5‏:‏10؛ 1 بُط. 4‏:‏2.

١٦ س ؤُيَا وَارْ نسِّينْ شَا ؤُڒَا ذ إِجّْ عْلَاحْسَابْ أَرِّيمثْ. مَاڒَا ثُوغَا نسّنْ لْمَاسِيحْ ذِي أَرِّيمثْ، ڒخْذنِّي وَارْ إِتِّيڒِي عَاذْ نسّنْ ث أَمُّو ڒخُّو. ◘5:‏16 مت. 12‏:‏50؛ يُوح. 15‏:‏14؛ ڭال. 5‏:‏6؛ 6‏:‏15؛ كُول. 3‏:‏11. ١٧ س ؤُينِّي مَاڒَا حذْ ذِي لْمَاسِيحْ إِ إِدْجَا، أَقَا نتَّا إِتّْوَاخْڒقْ-د جْذِيذْ. خنِّي مِينْ إِدْجَانْ ذ أَقْذِيمْ إِعْذُو ◘5:‏17 إِشا. 43‏:‏18؛ أَسَا. 21‏:‏5. ١٨ ؤُ مَارَّا إِذْوڒْ ذ جْذِيذْ س أَربِّي، ونِّي ذ أَنغْ إِسّصْڒحْ أَكْ-ذ يِيخفْ نّسْ س لْمَاسِيحْ ؤُشَا إِوْشَا أَنغْ ثَاسخَّارْثْ ن وصْڒَاحْ. ◘5:‏18 كُول. 1‏:‏20؛ 1 يُوح. 2‏:‏2؛ 4‏:‏10. ١٩ مِينْزِي أَربِّي ثُوغَا إِسّصْڒحْ دُّونشْثْ أَكْ-ذ ڒمْغَارثْ نّسْ ذِي لْمَاسِيحْ ذِي مَانِي وَارْ ذ أَسنْ إِحْسِيبْ شَا إِخطَّانْ نْسنْ ؤُشَا إِسَّارْسْ ذَايْنغْ أَوَاڒْ ن وصْڒَاحْ. ◘5:‏19 رُوم. 3‏:‏24، 25؛ كُول. 1‏:‏20.

٢٠ س ؤُيَا إِ ندْجْ ذ إِمْسكَّانْ ن لْمَاسِيحْ، أَخْمِي خَاومْ د-إِڒَاغَا أَربِّي زَّايْنغْ. س ؤُيَا نتّْڒَاغَا نشِّينْ ذڭْ ومْشَانْ ن لْمَاسِيحْ: ”رُوحمْ أَذْ ثتّْوَاصڒْحمْ أَكْ-ذ أَربِّي!“ ◘5:‏20 2 كُور. 3‏:‏6. ٢١ مَاغَارْ ونِّي وَارْ إِسِّيننْ شَا دّنْبْ، إِڭَّا إِ-ث ذ دّنْبْ إِ كنِّيوْ، حِيمَا أَذْ نذْوڒْ ذ ثَاسڭْذَا ن أَربِّي ذَايسْ. ◘5:‏21 إِشا. 53‏:‏9، 12؛ رُوم. 8‏:‏3؛ ڭال. 3‏:‏13؛ 1 بُط. 2‏:‏22؛ 1 يُوح. 3‏:‏5.