١ بُولُوسْ، رَّاسُولْ ن يَاسُوع لْمَاسِيحْ عْلَاحْسَابْ ڒْْخَاضَارْ ن أَربِّي، عْلَاحْسَابْ لْوَاعْذْ ن ثُوذَارْثْ إِ ذِينْ إِدْجَانْ ذِي يَاسُوع لْمَاسِيحْ. ◼1:‏1 ’رَّاسُولْ‘ - نِيغْ ’أَمَازَانْ‘.

٢ إِ ثِيمُوثِييُو، مِّي إِعِيزّنْ: أَرْضَا ذ أَرّحْمثْ ذ ڒهْنَا زِي أَربِّي، بَابَاثْنغْ، ؤُ زِي يَاسُوع لْمَاسِيحْ، سِيذِيثْنغْ. ◘1:‏2 ڭال. 1‏:‏3؛ 1 تِيم. 1‏:‏2؛ 1 بُط. 1‏:‏2.

٣ نشّْ تّْقَاذِيغْ أَربِّي ونِّي ؤُمِيعبْذغْ أَمْ ڒجْذُوذْ إِنُو س ثْنفْسشْثْ ثزْذڭْ، أَمْ تِّيذَارغْ شكْ بْڒَا قطُّو ذِي ثْژَادْجِيثِينْ إِنُو أَسّْ ذ دْجِيڒثْ. ◘1:‏3 ڒخ. 22‏:‏3؛ رُوم. 1‏:‏9؛ 1 تس. 1‏:‏2؛ 3‏:‏10. ٤ وحّْشغْ أَذْ شكْ ژَترغْ، خْمِي تّْفكَّارغْ ذڭْ إِمطَّاونْ نّشْ ؤُ تّْوَاشُّورغْ س ڒفْرَاحثْ، ٥ ؤُمِي تِّيذَارغْ ذِي لْ-إِيمَانْ نّشْ بْڒَا نِّيفَاقْ، لْ-إِيمَانْ نِّي ثُوغَا إِزدّْغنْ أَمزْوَارْ ذِي حنَّاشْ لُووِيسْ ؤُ ذڭْ يمَّاشْ ؤُنِيكِي، ؤُشَا، أَقَا سّْنغْ نِيشَانْ بلِّي إِزْذغْ ذَايكْ عَاوذْ. ٦ س ؤُينِّي سّْعقْڒغْ شكْ أَذْ ثسّكَّارذْ ثَاوْهِيبْثْ ن أَربِّي ثنِّي ذَايكْ س وبْرِيذْ ن وسْرُوسِي ن إِفَاسّنْ إِنُو خَاكْ. ◘1:‏6 ڒخ. 6‏:‏6؛ 8‏:‏17؛ 13‏:‏3؛ 19‏:‏6، 7؛ 1 تِيم. 4‏:‏14؛ 5‏:‏22.

٧ مِينْزِي أَربِّي وَارْ ذ أَنغْ إِوْشِي أَرُّوحْ ن ڒْْعُورّثْ، مَاشَا أَرُّوحْ ن جّهْذْ ذ ثَايْرِي ذ ؤُثبّثْ. ◘1:‏7 رُوم. 8‏:‏15. ٨ س ؤُيَا وَارْ تّْسضْحِي شَا حِيمَا أَذْ ثوْشذْ شّْهَاذثْ خْ سِيذِيثْنغْ، ؤُ وَارْ تّْسضْحِي زَّايِي نشّْ، ونِّي ذ أَمحْبُوسْ نّسْ، مَاشَا كْسِيمْ مَارَّا ڒْْغَارْ ذِي طّْوعْ ن لْ-إِنْجِيلْ س جّهْذْ ن أَربِّي، ◘1:‏8 ڒخ. 21‏:‏33؛ رُوم.1‏:‏16؛ أَفا. 3‏:‏1؛ 4‏:‏1؛ كُول. 4‏:‏18؛ فلمن. 1، 9، 13. ٩ ونِّي أَقَا إِوْشَا أَنغْ ثُوذَارْثْ ؤُشَا إِڒَاغَا أَنغْ-د س ثْڒَاغِيثْ إِقدّْسنْ، وَارْ إِدْجِي عْلَاحْسَابْ ڒخْذَايمْ نّغْ، مَاشَا عْلَاحْسَابْ ڒْْخَاضَارْ نّسْ ذ أَرْضَا نِّي إِ ذ أَنغْ إِمّوْشنْ ذِي يَاسُوع لْمَاسِيحْ قْبڒْ ڒْْوقْثْ ن زّْمَانَاثْ. ◘1:‏9 أَفا. 1‏:‏3؛ ثِيث. 3‏:‏4، 5، 6. ١٠ أَقَا أَرْضَا-يَا إِتّْوَاسّضْهَارْ ڒخُّو س ؤُخشِّي ن ونِّي ذ أَنغْ إِتِّيشنْ ثُوذَارْثْ، يَاسُوع لْمَاسِيحْ، ونِّي ثُوغَا إِبضْڒنْ ڒْْموْثْ ؤُشَا إِسّضْهَارْ ثُوذَارْثْ وَارْ إِفنِّينْ س لْ-إِنْجِيلْ. ◘1:‏10 إِشا. 25‏:‏8؛ رُوم. 16‏:‏25؛ أَفا. 1‏:‏9؛ 3‏:‏9؛ كُول. 1‏:‏26؛ ثِيث. 1‏:‏2؛ عبر. 2‏:‏14؛ 1 بُط. 1‏:‏20. ١١ زَّايسْ تّْوَاسّْڭعّْذغْ نشّْ ذ أَمْبَارّحْ ذ رَّاسُولْ ذ ؤُمْسڒْمَاذْ ن ڒڭْنُوسْ. ◘1:‏11 ڒخ. 9‏:‏15؛ 13‏:‏2؛ 22‏:‏21؛ ڭال. 1‏:‏15؛ 2‏:‏8؛ أَفا. 3‏:‏8؛ 1 تِيم. 2‏:‏7. ١٢ خْ سِّيبّثْ-أَ عَاوذْ كْسِيغْ أَرْمحْ ؤُ وَارْ تّْسضْحِيغْ شَا، مِينْزِي سّْنغْ مَانْ ونْ إِ زِي تَّامْنغْ ؤُشَا أَقَا تّْوَاسّْقنْعغْ بلِّي نتَّا أَقَا غَارسْ صُّولْطَا، مَاحنْذْ أَذْ إِحْضَا إِ نشّْ أَضْمَانْ إِنُو أَڒْ أَسّْ نِّي. ١٣ أجّْ أَذْ غَاركْ إِقِّيمْ لْمِيثَالْ ن وَاوَاڒنْ إِصحّنْ إِ زَّايِي ثسْڒِيذْ س لْ-إِيمَانْ ذ ثَايْرِي إِ إِدْجَانْ ذِي يَاسُوع لْمَاسِيحْ. ◘1:‏13 2 تِيم. 3‏:‏14. ١٤ حْضَا أَضْمَانْ أَصبْحَانْ إِ ذ أَشْ إِتّْوَاوكّْڒنْ س أَرُّوحْ إِقدّْسنْ نِّي ذَايْنغْ إِزدّْغنْ.

١٥ أَقَا ثسّْنذْ بلِّي مَارَّا إِنِّي إِدْجَانْ ذِي أَسِييَا جِّينْ أَيِي، زَّايْسنْ فِيخِيلُوسْ ذ هِيرْمُوخِينِيسْ. ◘1:‏15 ڒخ. 19‏:‏10. ١٦ أَذْ يَارْزفْ سِيذِيثْنغْ س أَرّحْمثْ ذِي ثَادَّارْثْ ن ؤُنِيسِيفُورُوسْ، مِينْزِي ثُوغَا إِسَّاريّحْ أَيِي أَطَّاسْ ن ثْوَاڒَاوِينْ ؤُشَا وَارْ إِسضْحِي شَا زِي سّْنَاسڒْ ن ثْمحْبَاسْثْ إِنُو. ◘1:‏16 2 تِيم. 4‏:‏19. ١٧ مَاغَارْ ڒَْامِي د-يُوسَا غَارْ رُومَا، ثُوغَا يَارزُّو خَافِي س شْضَارثْ أَطَّاسْ ؤُشَا يُوفَا أَيِي. ١٨ أَذْ أَسْ إِوْشْ سِيذِيثْنغْ، أَقَا أَذْ يَافْ أَرّحْمثْ غَارْ سِيذِيثْنغْ ذڭْ وَاسّْ نِّي. ؤُشَا مشْحَاڒْ إِسخَّارْ أَيِي ذِي أَفَاسُوسْ، شكْ ثسّْنذْ كْثَارْ.