١ بُولُوسْ، رَّاسُولْ ن يَاسُوع لْمَاسِيحْ عْلَاحْسَابْ ڒْْخَاضَارْ ن أَربِّي، إِ يِينِّي إِدْجَانْ ذِي أَفَاسُوسْ، إِ إِمْقدَّاسنْ ذ يِينِّي يُومْننْ ذِي يَاسُوع لْمَاسِيحْ ◼1:‏1 ’رَّاسُولْ‘ - نِيغْ ’أَمَازَانْ‘.  ◘1:‏1 رُوم. 1‏:‏7؛ 1 كُور. 1‏:‏2؛ 2 كُور. 1‏:‏1. ٢ أَرْضَا ذ ڒهْنَا أَذْ كِيذْومْ إِڒِينْ زِي أَربِّي، بَابَاثْنغْ، ؤُ زِي سِيذِيثْنغْ يَاسُوع لْمَاسِيحْ. ◘1:‏2 ڭال. 1‏:‏3؛ 1 بُط. 1‏:‏2.

٣ أَذْ إِتّْوَابَاركْ أَربِّي، بَابَاسْ ن سِيذِيثْنغْ يَاسُوع لْمَاسِيحْ، ونِّي ذ أَنغْ إِبَارْكنْ س مَارَّا لْبَارَاكَاثْ ن أَرُّوحْ إِ إِدْجَانْ ذڭْ إِجنْوَانْ ذِي لْمَاسِيحْ، ◘1:‏3 2 كُور. 1‏:‏3؛ 1 بُط. 1‏:‏3. ٤ أَمْ مَامّشْ إِخْضَارْ أَنغْ ذَايسْ، ذڭْ ؤُمزْوَارُو قْبڒْ مَا أَذْ إِتّْوَاڭّْ ذْسَاسْ ن دُّونشْثْ، حِيمَا أَذْ نِيڒِي ذ إِمْقدَّاسنْ بْڒَا ڒْْعِيبْ قِيبَاتْشْ نّسْ. ◘1:‏4 لك. 1‏:‏75؛ يُوح. 15‏:‏16؛ أَفا. 5‏:‏27؛ كُول. 1‏:‏22؛ 2 تِيم. 1‏:‏9؛ ثِيث. 2‏:‏12.

٥ ذِي ثَايْرِي إِزْوَارْ أَذْ أَنغْ يَارْشمْ إِ يِيخفْ نّسْ ؤُشَا أَقَا إِڭَّا أَنغْ ذ أَرَّاونْ ذِي يَاسُوع لْمَاسِيحْ أَمْ مَامّشْ ث إِخْسْ ڒْْخَاضَارْ نّسْ، ٦ إِ ؤُسمْغَارْ ن ؤُعُودْجِي ن أَرْضَا نّسْ إِ خَانغْ إِفَارّغْ ذڭْ ؤُمْعِيزّْ نّسْ. ◘1:‏6 مت. 3‏:‏17.

٧ ذَايسْ غَارْنغْ أَسنْجمْ ذ وغْفَارْ ن دّْنُوبْ س إِذَامّنْ نّسْ عْلَاحْسَابْ أَڭْڒَا ن أَرْضَا نّسْ ◘1:‏7 ڒخ. 20‏:‏28؛ كُول. 1‏:‏14؛ عبر. 9‏:‏12؛ 1 بُط. 1‏:‏18. ٨ إِ ذَايْنغْ إِدْجَانْ س ؤُفيّضْ، ذِي مَارَّا ثِيغِيثْ ذ مَارَّا ڒفْهَامثْ. ٩ أَقَا إِسَّارْڭبْ أَنغْ خْ سِّيرّْ ن ڒْْخَاضَارْ نّسْ، إِ ثُوغَا إِزْعمْ قْبڒْ مَاحنْذْ أَذْ ث إِكمّڒْ ذڭْ يِيخفْ نّسْ، ◘1:‏9 رُوم. 16‏:‏25؛ أَفا. 3‏:‏9؛ كُول. 1‏:‏26؛ 2 تِيم. 1‏:‏9؛ ثِيث. 1‏:‏2؛ 1 بُط. 1‏:‏20. ١٠ حِيمَا، إِ ڒحْكَامثْ ن ؤُعمَّارْ ن زّْمَانَاثْ، أَذْ د-إِخْڒقْ مَارَّا مِينْ إِدْجَانْ ذڭْ إِجنْوَانْ ؤُ خْ ثمُّورْثْ ذ جْذِيذْ زڭْ ؤُزدْجِيفْ س لْمَاسِيحْ. ◘1:‏10 أَمز. 49‏:‏10؛ دَان. 9‏:‏24؛ ڭال. 4‏:‏4.

١١ أَقَا نتّْوَاخْضَارْ ذَايسْ، أَمْ مَامّشْ إِ إِزْوَارْ أَذْ إِمَّارْسْ إِ نشِّينْ ؤُ ثُوغَا إِخْسْ أَذْ زَّايْنغْ إِڭّْ، نتَّا ذ ونِّي إِتّڭّنْ مَارَّا عْلَاحْسَابْ لْقَارَارْ ن أَرَّايْ نّسْ، ◘1:‏11 رُوم. 8‏:‏17. ١٢ حِيمَا نشِّينْ أَذْ نِيڒِي ذ إِمزْوُورَا إِ غَا إِسِّيثِيمنْ ذِي لْمَاسِيحْ إِ ؤُسمْغَارْ ن ؤُعُودْجِي نّسْ.

١٣ ذَايسْ أَقَا ثسْڒِيمْ أَوَاڒْ ن ثِيذتّْ، ڒخْبَارْ أَصبْحَانْ ن ؤُسنْجمْ نْومْ، خنِّي ثُومْنمْ ذَايسْ ؤُشَا ثكْسِيمْ أَشمِّيعْ ن أَرُّوحْ إِقدّْسنْ إِ ذ أَنغْ إِوَاعْذْ، ◘1:‏13 رُوم. 8‏:‏15؛ 2 كُور. 1‏:‏22؛ 5‏:‏5؛ أَفا. 4‏:‏30. ١٤ ونِّي ذ ڒْْعَارْبُونْ ن ڒْْوَارْثْ نّغْ إِ ؤُسنْجمْ ن يِينِّي إِدَّارنْ ؤُ إِ ؤُسمْغَارْ ن ؤُعُودْجِي نّسْ. ◘1:‏14 ؤُف. 19‏:‏5؛ أَعَوذ. 7‏:‏6؛ 14‏:‏2؛ 26‏:‏18؛ رُوم. 8‏:‏23؛ 1 بُط. 2‏:‏9.

١٥ خْزَارْ، س ؤُينِّي نشّْ، ڒَْامِي سْڒِيغْ خْ لْ-إِيمَانْ نْومْ ذِي سِيذِيثْنغْ يَاسُوع لْمَاسِيحْ ؤُ خْ ثَايْرِي نْومْ إِ مَارَّا إِمْقدَّاسنْ، ◘1:‏15 فِيل. 1‏:‏3؛ كُول. 1‏:‏3؛ 1 تس. 1‏:‏2؛ 2 تس. 1‏:‏3. ١٦ وَارْ بدّغْ شَا أَذْ قَاذِيغْ إِ كنِّيوْ نِيغْ أَذْ ذَايْومْ فكَّارغْ ذِي ثْژِيدْجَاثِينْ إِنُو، ١٧ حِيمَا أَربِّي ن سِيذِيثْنغْ يَاسُوع لْمَاسِيحْ، بَابَاسْ ن ؤُعُودْجِي، أَذْ أَومْ إِوْشْ أَرُّوحْ ن ثِيغِيثْ ذ ؤُسَارْڭبْ حِيمَا أَذْ ث ثسّْنمْ، ١٨ ؤُشَا أَذْ أَومْ إِوْشْ ثِيفَاوْثْ ذِي ثِيطَّاوِينْ ن وُوڒَاونْ نْومْ، حِيمَا أَذْ ثسّْنمْ مَانْ أَسِيثمْ ن ثْڒَاغِيثْ نّسْ ذ مَامّشْ إِمْغَارْ أَڭْڒَا ن ؤُعُودْجِي ن ڒْْوَارْثْ نّسْ ذِي مَارَّا إِمْقدَّاسنْ، ١٩ ؤُ مَامّشْ إِمْغَارْ أَطَّاسْ إِ يدْجَا جّهْذْ نّسْ ذَايْنغْ، ذڭْ إِنِّي يُومْننْ عْلَاحْسَابْ أَقَارُّو ن جّهْذْ ن صُّولْطَا نّسْ ◘1:‏19 كُول. 2‏:‏12. ٢٠ إِ إِخدّْمنْ ذِي لْمَاسِيحْ ؤُمِي ث-إِ-د-إِسّْنكَّارْ زِي ثَادَّارْثْ ن إِمتِّيننْ ؤُشَا إِڭَّا إِ-ث غَارْ ؤُغزْذِيسْ أَفُوسِي نّسْ ذڭْ إِجنْوَانْ، ◘1:‏20 إِزهد. 110‏:‏1؛ ڒخ. 2‏:‏34؛ 1 كُور. 15‏:‏25؛ كُول. 3‏:‏1؛ عبر. 1‏:‏3؛ 10‏:‏12؛ 1 بُط. 3‏:‏22. ٢١ سنّجْ إِ كُوڒْ أَزدْجِيفْ ذ صُّولْطَا ذ جّهْذْ ذ ڒحْكَامثْ ذ مَارَّا إِسمْ إِتّْوَاسمَّانْ، وَارْ إِدْجِي ذِي دُّونشْثْ-أَ وَاهَا، مَاشَا عَاوذْ ذِي ثنِّي إِ د غَا يَاسنْ. ٢٢ أَقَا نتَّا يَارَّا أَسْ-د مَارَّا سَاذُو إِضَارنْ نّسْ ؤُ ونِّي إِدْجَانْ سنّجْ إِ مَارَّا، أَقَا إِڭَّا إِ-ث ذ أَزدْجِيفْ إِ ثْمسْمُونْثْ، ◘1:‏22 إِزهد. 8‏:‏7؛ مت. 28‏:‏18؛ 1 كُور. 15‏:‏27؛ عبر. 2‏:‏8. ٢٣ ثنِّي ذ أَرِّيمثْ نّسْ ؤُڒَا ذ أَعمَّارْ ن ونِّي إِتّْعمَّارنْ كُوڒْشِي ذِي مَارَّا. ◼1:‏23 ’أَعمَّارْ‘ -نِيغْ ’ثَاشُورّثْ‘. ’إِتّْعمَّارنْ‘ -نِيغْ ’إِتّْشُورَّانْ‘.  ◘1:‏23 رُوم. 12‏:‏5؛ 1 كُور. 12‏:‏27؛ أَفا. 4‏:‏16؛ 5‏:‏23.