١ ؤُڒَا ذ كنِّيوْ ثُوغَا ثمُّوثمْ س دّْنُوبْ نْومْ ؤُ س ثُوبُّوهڒْيَا نْومْ ◘2:‏1 رُوم. 5‏:‏6؛ كُول. 2‏:‏13. ٢ مِينْ ذِي ثُوغَا ثُويُورمْ عْلَاحْسَابْ ثُوذَارْثْ ن كُوڒْ أَسّْ ن دُّونشْثْ-أَ، عْلَاحْسَابْ ڒْْخَاضَارْ ن ؤُزدْجِيفْ ن صُّولْطَا خْ وَازَّايْ ن ڒعْوِينْ، ؤُ عْلَاحْسَابْ ڒْْخَاضَارْ ن أَرُّوحْ نِّي إِخدّْمنْ ذِي ثَارْوَا ن ڒْْمُوعْصِييّثْ. ◘2:‏2 يُوح. 12‏:‏31؛ 14‏:‏30؛ 16‏:‏11؛ 1 كُور. 6‏:‏11؛ أَفا. 6‏:‏12؛ كُول. 3‏:‏7؛ ثِيث. 3‏:‏3. ٣ ؤُڒَا ذ نشِّينْ ثُوغَا نْرُوحْ قْبڒْ ذِي شّْغُوڒَاثْ نِّي، ؤُمِي نضْفَارْ نّشْوَاثْ ن ويْسُومْ نّغْ، نڭَّا مِينْ إِخْسْ ويْسُومْ نّغْ ذ نّيّثْ نّغْ، ؤُ ثُوغَا أَنغْ ذ ثَارْوَا ن وغْضَابْ قَاعْ أَمْ إِنّغْنِي.

٤ مَاشَا أَربِّي إِشُّورْ س أَرّحْمثْ س ثَايْرِي نّسْ ثَامقّْرَانْثْ إِ زِي خَانغْ إِعِيزّْ. ٥ ڒَْامِي ثُوغَا أَنغْ عَاذْ ذ إِمتِّيننْ ذِي دّْنُوبْ نّغْ، أَقَا يَارّْ أَنغْ-د غَارْ ثُوذَارْثْ أَكْ-ذ لْمَاسِيحْ، ؤُ س أَرْضَا نّسْ إِسّنْجمْ أَنغْ ◘2:‏5 ڒخ. 15‏:‏11؛ رُوم. 6‏:‏8؛ 8‏:‏11؛ كُول. 3‏:‏1، 3؛ ثِيث. 3‏:‏5. ٦ ؤُ إِسّْنكَّارْ أَنغْ-د أَكِيذسْ ؤُشَا إِسّْغِيمَا أَنغْ أَكِيذسْ ذڭْ إِجنْوَانْ ذِي يَاسُوع لْمَاسِيحْ، ٧ حِيمَا أَذْ إِسّْشنْ أَفيّضْ ن وَاڭْڒَا ن أَرْضَا نّسْ ذ ثْشُونِي نّسْ ذِي زّْمَانَاثْ إِ د غَا يَاسنْ، ونِّي خَانغْ د-يُوسِينْ س يَاسُوع لْمَاسِيحْ. ٨ مِينْزِي س أَرْضَا نّسْ نتّْوَاسّنْجمْ، س لْ-إِيمَانْ، وَارْ إِدْجِي زَّايْومْ، أَقَا-ت ذ ثَاوْهِيبْثْ ن أَربِّي، ◘2:‏8 مت. 16‏:‏17؛ أَفا. 1‏:‏19. ٩ وَارْ ثدْجِي س ڒْْخذْمثْ، مَاحنْذْ وَارْ إِتُّوفّْ ؤُڒَا ذ إِجّْ. ◘2:‏9 رُوم. 3‏:‏27؛ 1 كُور. 1‏:‏29. ١٠ مَاغَارْ نشِّينْ ذ أَخڒْقِي نّسْ، نتّْوَاخْڒقْ-د ذِي يَاسُوع لْمَاسِيحْ حِيمَا أَذْ نڭّْ ڒخْذَايمْ ثِيصبْحَانِينْ نِّي ذ أَنغْ إِسّوْجذْ أَربِّي قْبڒْ، مَاحنْذْ أَذْ نُويُورْ ذَايْسنْثْ. ◘2:‏10 2 كُور. 5‏:‏17؛ أَفا. 1‏:‏4؛ 4‏:‏24؛ ثِيث. 2‏:‏14.

١١ س ؤُينِّيعقْڒمْ، أَقَا زِيشْ ثُوغَا كنِّيوْ ذ ڒڭْنُوسْ عْلَاحْسَابْ جَّاذِيرَا ن أَرِّيمثْ، ثتّْوَاسمَّامْ ’نْبْڒَا أَخْثَانْ‘ زڭْ إِنِّي ثُوغَا س وخْثَانْ نِّي إِدْجَانْ ذ ڒْْخذْمثْ ن إِفَاسّنْ ذڭْ ويْسُومْ. ١٢ ذِي ڒْوقْثْ نِّي ثُوغَا كنِّيوْ بْڒَا لْمَاسِيحْ، ذ إِغْرِيبنْ زِي جِّيهثْ ن ڒحْكَامثْ ن إِسْرَائِيل، أَقَا ثِيڭّْوْجمْ أَمْ إِبَارَّانِييّنْ خْ ڒْْعَاهْذْ ن لْوَاعْذْ. ثُوغَا كنِّيوْ بْڒَا أَسِيثمْ ؤُ بْڒَا أَربِّي ذِي دُّونشْثْ. ◘2:‏12 رُوم. 9‏:‏4. ١٣ مَاشَا ڒخُّو، ذِي يَاسُوع لْمَاسِيحْ، أَقَا كنِّيوْ إِنِّي ثُوغَا إِڭّْوجنْ، أَقَا ڒخُّو ثُوذْسمْ-د س إِذَامّنْ ن لْمَاسِيحْ.

١٤ مَاغَارْ نتَّا ذ ڒهْنَا نّغْ أَمْ ذ يَارَّا ثْنَاينْ نِّي غَارْ يِيجّْ، أَقَا نتَّا إِهْذمْ أَغْبَارْ ن ڒقْوَارْ ونِّي ثُوغَا ثنْ إِبْضَانْ. ◘2:‏14 إِشا. 9‏:‏5؛ مِيخَا 5‏:‏4؛ يُوح. 16‏:‏33؛ ڒخ. 10‏:‏36؛ رُوم. 5‏:‏1؛ كُول. 1‏:‏20. ١٥ ذڭْ ويْسُومْ ن أَرِّيمثْ نّسْ إِبْضڒْ نتَّا ڒعْذَاوثْ ذ شَّارِيعَا ن ثْوصَّا أَكْ-ذ ثْوصَّا إِ-د-إِضْفَارنْ، حِيمَا أَذْ د-إِخْڒقْ ذِي طّْبِيعثْ ن يِيخفْ نّسْ ثْنَاينْ نِّي غَارْ إِجّْ ن بْنَاذمْ ن جْذِيذْ أَمْ إِتّڭّْ ڒهْنَا. ١٦ أَقَا نتَّا إِسّصْڒحْ ثْنَاينْ نِّي أَكْ-ذ أَربِّي ذڭْ إِشْثْ ن أَرِّيمثْ ؤُ إِنْغَا ڒعْذَاوثْ س صَّالِيبْ نّسْ. ١٧ يُوسَا-د حِيمَا أَذْ إِبَارّحْ س ڒخْبَارْ أَصبْحَانْ ن ڒهْنَا نِّي، إِ يِينِّي ثُوغَا إِڭّْوجنْ ؤُ إِ يِينِّي ثُوغَا يُوذْسنْ، ◘2:‏17 إِشا. 57‏:‏19؛ أَفا. 3‏:‏12. ١٨ مِينْزِي زَّايسْ نْزمَّارْ أَذْ نَاذفْ س ثْنَاينْ إِذْنغْ س يِيجّْ ن أَرُّوحْ غَارْ بَابَاثْنغْ. ◘2:‏18 يُوح. 10‏:‏9؛ 14‏:‏6؛ رُوم. 5‏:‏2؛ أَفا. 3‏:‏12؛ عبر. 10‏:‏19. ١٩ س ؤُيَا كنِّيوْ وَارْ ثدْجِيمْ ذ إِبَارَّانِييّنْ ؤُڒَا ذ إِمعْزَابْ، مَاشَا كنِّيوْ ذ إِمزْذَاغْ ن ثنْذِينْثْ ن إِمْقدَّاسنْ ذ ثَارْوَا ن ثَادَّارْثْ ن أَربِّي. ◘2:‏19 ڭال. 6‏:‏10؛ 1 تِيم. 3‏:‏1؛ عبر. 10‏:‏21؛ 1 بُط. 4‏:‏17 ٢٠ ثتّْوَابْنَامْ خْ ذْسَاسْ ن رُّوسُولْ ذ إِنَابِييّنْ، ؤُشَا نتَّا ذ أَژْرُو أَزدْجِيفْ ن ثغْمَارْثْ، أَقَا-ث ذ يَاسُوع لْمَاسِيحْ. ◼2:‏20 ’رُّوسُولْ‘ - نِيغْ ’إِمَازَاننْ‘.  ◘2:‏20 إِشا. 28‏:‏16؛ مت. 16‏:‏18؛ 1 كُور. 3‏:‏9، 10؛ 1 بُط. 2‏:‏4؛ أَسَا. 21‏:‏14 ٢١ زَّايسْ إِ غَا إِتّْوَابْنَا ڒبْنِي مَارَّا، أَذْ إِيْمَا ؤُشَا أَذْ إِذْوڒْ ذ إِشْثْ ن زَّاوشْثْ ثَامقّْرَانْثْ إِقدّْسنْ ذِي سِيذِي، ◘2:‏21 1 كُور. 6‏:‏19؛ 2 كُور. 6‏:‏16؛ أَفا. 4‏:‏16. ٢٢ أَمْ زَّايسْ إِ غَا ثتّْوَابْنَامْ ؤُڒَا ذ كنِّيوْ، أَذْ ثِيڒِيمْ ذ ثَازذِّيغْثْ ن أَربِّي ذِي أَرُّوحْ.