1 خْ ؤُينِّي نشّْ، بُولُوسْ، أَقَا أَيِي ذ أَمحْبُوسْ ن يَاسُوع لْمَاسِيحْ، إِ كنِّيوْ إِنِّي إِدْجَانْ زِي ڒڭْنُوسْ، ◘3:‏1 ڒخ. 21‏:‏33؛ أَفا. 4‏:‏1؛ فِيل. 1‏:‏7، 13، 14، 16؛ كُول. 4‏:‏3؛ 2 تِيم. 1‏:‏8؛ فلمن. 1. 2 مَاڒَا زعْمَا أَقَا ثسْڒَامْ خْ ثْسخَّارْثْ ن أَرْضَا ن أَربِّي إِ ذ أَيِي إِمّوْشنْ جَارْ أَومْ، ◘3:‏2 ڒخ. 13‏:‏2؛ رُوم. 1‏:‏5؛ أَفا. 3‏:‏8. 3 بلِّي إِتّْوَاسَّارْڭبْ أَيِي-د سِّيرّْ، أَمْ إِزَّارغْ ؤُرِيغْ أَومْ-د س ذْرُوسْ. ◘3:‏3 ڒخ. 22‏:‏17، 21؛ 26‏:‏16، 17؛ رُوم. 16‏:‏25؛ ڭال. 1‏:‏11، 12. 4 خْمِي غَا ثْغَارمْ مَانْ أَيَا، ثْزمَّارمْ أَذْ ثْفهْممْ ڒفْهَامثْ إِنُو ن سِّيرّْ ن لْمَاسِيحْ، 5 ونِّي وَارْ إِتّْوَاسَّارْڭبْ شَا ذِي ثَارْوَا ن بْنَاذمْ ذِي ڒجْيُوڒْ نّغْنِي، أَمْ مَامّشْ إِتّْوَاعَارَّا خَاسْ ڒخُّو س أَرُّوحْ إِ رُّوسُولْ إِمْقدَّاسنْ نّسْ ؤُ إِ إِنَابِييّنْ نّسْ، ◘3:‏5 ڒخ. 10‏:‏28. 6 أَحقَّا إِنِّي زِي ڒڭْنُوسْ أَذْ إِڒِينْ ذ إِوْرِيثنْ أَكِيذْسنْ ذ إِغزْذِيسنْ أَكِيذْسنْ ن أَرِّيمثْ نّسْ ؤُڒَا ذ إِشْرِيشنْ ن لْوَاعْذْ نِّي ذَايسْ إِمّوْشنْ س لْ-إِنْجِيلْ، ◼3:‏6 ’أَكِيذْسنْ‘ - إِخْسْ أَذْ يِينِي أَكْ-ذ ينِّي ن إِسْرَائِيل إِ يُومْننْ ذِي لْمَاسِيحْ، س مِينْزِي نِيثْنِي ذ إِسْرَائِيل ذ ثِيذتّْ (هُوشْ. 1:2، 12، 2:22). ’ذَايسْ‘ - إِخْسْ أَذْ يِينِي ’ذِي لْمَاسِيحْ‘. 7 إِ زِي ذوْڒغْ ذ أَمْسخَّارْ عْلَاحْسَابْ ثَاوْهِيبْثْ ن أَرْضَا ن أَربِّي إِ ذ أَيِي إِمّوْشنْ عْلَاحْسَابْ جّهْذْ نّسْ إِ ذَايِي إِخدّْمنْ. ◘3:‏7 أَفا. 1‏:‏19؛ كُول. 2‏:‏12. 8 أَقَا إِمّوْشْ أَيِي أَرْضَا-يَا، إِ نشّْ ذ أَمُوقْڒِيڒْ قَاعْ جَارْ مَارَّا إِمْقدَّاسنْ، حِيمَا أَذْ بَارّْحغْ س ڒخْبَارْ أَصبْحَانْ، إِوَا أَڭْڒَا ن لْمَاسِيحْ إِ وَارْ نْزمَّارْ أَذْ نفْهمْ، ◘3:‏8 ڒخ. 9‏:‏15؛ 13‏:‏2؛ 22‏:‏21؛ 1 كُور. 15‏:‏9؛ ڭال. 1‏:‏16؛ 2‏:‏8؛ 1 تِيم. 2‏:‏7؛ 2 تِيم. 1‏:‏11، 15. 9 ؤُ حِيمَا أَذْ سُّوفّْغغْ غَارْ ثْفَاوْثْ إِ مَارَّا، مِينْ إِخْسْ أَذْ يِينِي ؤُوكّڒْ ن سِّيرّْ إِ ثُوغَا إِنُوفَّارنْ ذِي زّْمَانَاثْ ن زِيشْ ذِي أَربِّي، ونِّي إِ د-إِخڒْقنْ كُوڒْشِي، ◘3:‏9 أَمز. 1‏:‏3؛ إِزهد. 33‏:‏6؛ يُوح. 1‏:‏3؛ رُوم. 16‏:‏25؛ أَفا. 1‏:‏9؛ كُول. 1‏:‏16، 26؛ 2 تِيم. 1‏:‏10؛ ثِيث. 1‏:‏2؛ عبر. 1‏:‏2؛ 1 بُط. 1‏:‏20. 10 حِيمَا ثِيغِيثْ ن أَربِّي أَكْ-ذ وَاطَّاسْ ن إِغزْذِيسنْ نّسْ أَذْ ثِيڒِي ثتّْوَاسّْننْ س ثْمسْمُونْثْ غَارْ ڒحْكَامَاثْ ذ صُّولَاطَاثْ ذڭْ إِجنْوَانْ، ◘3:‏10 1 بُط. 1‏:‏12. 11 ثِيغِيثْ إِ ثُوغَا إِسّوْجذْ نتَّا زِي زّْمَانْ ؤُشَا إِكمّڒْ إِ-ت ذِي سِيذِيثْنغْ يَاسُوع لْمَاسِيحْ، 12 ونِّي ذَايسْ أَقَا غَارْنغْ ثَارْيَاسْثْ ذ وَاذَافْ أَكْ-ذ تِّيقثْ س لْ-إِيمَانْ زَّايسْ. ◘3:‏12 يُوح. 10‏:‏9؛ 14‏:‏6؛ رُوم. 5‏:‏2؛ أَفا. 2‏:‏18؛ عبر. 10‏:‏19. 13 س ؤُينِّي تّْزَاوَاڭغْ كنِّيوْ، مَاحنْذْ وَارْ تِّيحْڒمْ شَا س ڒمْحَايمْ إِنُو ذِي طّْوعْ نْومْ. أَقَا مَانْ أَيَا إِ ؤُعُودْجِي إِ كنِّيوْ. ◘3:‏13 فِيل. 1‏:‏14؛ كُول. 1‏:‏24؛ 1 تس. 3‏:‏3.

14 أَذْ أَذَارغْ س إِفَادّنْ إِنُو زَّاثْ إِ بَابَاسْ ن سِيذِيثْنغْ يَاسُوع لْمَاسِيحْ، 15 إِ ونِّي ؤُمِي سمَّانْ كُوڒْ إِجّْ ن ثْبَابَاثْ إِ إِدْجَانْ ذڭْ إِجنْوَانْ ذ ثمُّورْثْ، 16 حِيمَا أَذْ أَومْ إِوْشْ عْلَاحْسَابْ أَڭْڒَا ن ؤُعُودْجِي نّسْ ؤُ حِيمَا أَذْ ثتّْوَاسّْجهْذمْ س جّهْذْ س أَرُّوحْ نّسْ ذِي بْنَاذمْ نْومْ ن ذَاخڒْ. ◘3:‏16 أَفا. 6‏:‏10. 17 حِيمَا لْمَاسِيحْ أَذْ إِزْذغْ ذڭْ وُوڒَاونْ نْومْ س لْ-إِيمَانْ، س ثَايْرِي، خْ مِينِّي ثشَّاثمْ إِژوْرَانْ ؤُ ذْسَاسْ نْومْ أَذْ يِيڒِي إِمْثنْ، ◘3:‏17 كُول. 2‏:‏7. 18 حِيمَا أَذْ ثْزمَّارمْ أَذْ ثْفهْممْ أَكْ-ذ مَارَّا إِمْقدَّاسنْ مِينْ ثعْنَا ثِيرُو ذ ثُوزّڭَّارْثْ ذ ڒُوعْڒَا ذ ڒَادْجَاغْ، 19 ؤُ أَذْ ثسّْنمْ عَاوذْ ڒمْغَارثْ ن ثُوسّْنَا ن ثَايْرِي ن لْمَاسِيحْ، ؤُشَا أَذْ ثِيڒِيمْ ثْعمَّارمْ س مَارَّا أَعمَّارْ ن أَربِّي.

20 مَاشَا إِ نتَّا ؤُمِي غَارسْ ثِيزمَّارْ إِفيّْضنْ حِيمَا أَذْ إِڭّْ ذِي طّْوعْ نّغْ سنّجْ إِ مِينْ نتّتَّارْ نِيغْ نتّْخَارّصْ، عْلَاحْسَابْ جّهْذْ نّسْ إِ إِخدّْمنْ ذَايْنغْ، ◘3:‏20 رُوم. 16‏:‏25. 21 إِ نتَّا إِكَّارْ أَسْ-د ؤُعُودْجِي ذِي ثْمسْمُونْثْ نّسْ، ذِي يَاسُوع لْمَاسِيحْ، ذِي مَارَّا ڒجْيُوڒْ إِ ڒبْذَا قَاعْ. أَمِينْ. ◼3:‏21 ’إِ ڒبْذَا قَاعْ‘ - نِيغْ: ’إِ ڒبْذَا ن ڒبْذَاثْ‘.