١ ”شكْ، أَ مِّيسْ ن بْنَاذمْ، كْسِي إِشْثْ ن لُوصَا ن ثْڒَاخْثْ ؤُشَا سَارْسْ إِ-ت زَّاثْ إِ وُوذمْ نّشْ ؤُشَا أَرْشمْ خَاسْ ثَانْذِينْثْ ن ؤُرْشَالِيمْ. ٢ قوَّارْ أَسْ ؤُشَا بْنَا خَاسْ إِجّْ ن لْبَارَاجْ ؤُشَا أڭّْ خَاسْ أَشْبَارْ، أڭّْ خَاسْ ڒمْرَاڭحْ ن ڒْْعسْكَارْ ؤُشَا وّثْ خَاسْ ذڭْ ونّضْ نّسْ ڒقْشُوعْ ن وذْهَامْ. ◘4:‏2 2 إِج. 25‏:‏1 ٣ ؤُشَا شكْ، كْسِي إِشْثْ ن مَارْمِيثَا ن وُوزَّاڒْ ؤُشَا أڭّْ إِ-ت أَمْ يِيجّْ ن ڒْْحِيضْ ن وُوزَّاڒْ جَارْ شكْ ذ ثنْذِينْثْ. أَرّْ ؤُذمْ نّشْ خَاسْ مَاحنْذْ أَذْ ثتّْوَاحْصَارْ ؤُ شكْ أَذْ ت ثحْصَارذْ: مَانْ أَيَا أَذْ ثِيڒِي ذ ڒعْڒَامثْ إِ ثَادَّارْثْ ن إِسْرَائِيل. ٤ ؤُشَا شكْ، أَذْ ثزّْڒذْ خْ ؤُغزْذِيسْ نّشْ أَزڒْمَاضْ ؤُشَا أَذْ خَاسْ ثڭّذْ ڒْْمُوعْصِييّثْ ن ثَادَّارْثْ ن إِسْرَائِيل. أَنشْثْ ن ؤُسَّانْ نِّي ذِي خَاسنْ إِ غَا ثزّْڒذْ، أَذْ ثَارْبُوذْ ڒْْمُوعْصِييّثْ نْسنْ. ٥ مَاغَارْ نشّْ أَذْ خَاكْ ڭّغْ لْعَاذَاذْ ن إِسڭّْوُوسَا ن ڒْْمُوعْصِييّثْ نْسنْ أَمْ لْعَاذَاذْ ن وُوسَّانْ: ثڒْثْ-مْيَا ؤُ-ثسْعِينْ ن وُوسَّانْ أَذْ ثَارْبُوذْ ڒْْمُوعْصِييّثْ ن ثَادَّارْثْ ن إِسْرَائِيل. ◘4:‏5 ڒخْڒ. 14‏:‏34 ٦ خْمِي إِ غَا ثْكمّْڒذْ ؤُسَّانْ نِّي، أَذْ ثزّْڒذْ عَاوذْ خْ ؤُغزْذِيسْ نّشْ أَفُوسِي ؤُشَا أَذْ ثَارْبُوذْ ڒْْمُوعْصِييّثْ ن ثَادَّارْثْ ن يَاهُوذَا، أَربْعِينْ ن وُوسَّانْ. إِجّْ ن وَاسّْ إِ يِيجّْ ن ؤُسڭّْوَاسْ، أَمْ مَامّشْ إِ ذ أَشْ ؤُمُورغْ. ◼4:‏6 ’أَمْ مَامّشْ إِ ذ أَشْ ؤُمُورغْ‘ - س ثْعِيبْرَانِيثْ ’أَمْ مَامّشْ ذ أَشْ وْشِيغْ‘. ٧ أَذْ ثقِّيمذْ ثتَّارّذْ ؤُذمْ نّشْ غَارْ ڒحْصَارثْ ن ؤُرْشَالِيمْ ؤُشَا أَذْ ثْعَارِّيذْ أَغِيڒْ نّشْ، أَذْ ثْنبِّيذْ ضِيدّْ نّسْ. ◘4:‏7 إِشا. ٨ خْزَارْ، نشّْ أَذْ خَاكْ ڭّغْ ثِيسْغُونِينْ أَڒَامِي وَارْ ثْزمَّارذْ أَذْ ثنّْقڒْبذْ زڭْ إِجّْ ن ؤُغزْذِيسْ غَارْ ؤُغزْذِيسْ نّغْنِي أَڒْ غَا ثْكمّْڒذْ ؤُسَّانْ ن ڒحْصَارثْ نّشْ.“

٩ ”كْسِي إِرْذنْ، إِمنْذِي، إِبَاونْ، ڒعْذسْ، ثَافْسَاوْثْ ذ كَارْصَانَا ؤُشَا أڭّْ إِ-ثنْ ذِي ثبْقشْثْ ؤُشَا أڭّْ زَّايْسنْ أَغْرُومْ إِ يِيخفْ نّشْ. أَذْ ثشّذْ أَيَا أَمْ مشْحَاڒْ لْعَاذَاذْ ن وُوسَّانْ نِّي إِ غَا ثزّْڒذْ خْ ؤُغزْذِيسْ نّشْ، ثڒْثْ-مْيَا ؤُ-ثسْعِينْ ن وُوسَّانْ. ◼4:‏9 ’كَارْصَانَا‘ - نِيغْ ’دُّوخْنْ‘ نِيغْ ’جَاوَارْسْ‘. ١٠ مَاشَّا نِّي إِ غَا ثشّذْ أَذْ ثتّْوَاوْزنْ: عِيشْرِينْ شِيقْلُو إِ يِيجّْ ن وَاسّْ. أَذْ ت ثشّذْ ذِي ثْسَاعّثِينْ إِتّْوَاڭّنْ. ١١ أَذْ ثسْوذْ أَمَانْ س ڒعْبَارْ: إِشْثْ ن ثْسِيتُّوثْ زڭْ إِجّْ ن ؤُهِينُو. أَذْ ت ثسْوذْ زِي ڒْْوقْثْ أَڒْ ڒْْوقْثْ نّغْنِي. ◼4:‏11 ’إِشْثْ ن ثْسِيتُّوثْ زڭْ إِجّْ ن ؤُهِينُو‘ - عْڒَاحَاڒْ أَزْينْ لِيثْرُو. ١٢ أَذْ ثشّذْ إِشْثْ ن ثْخبَّازْثْ ن إِمنْذِي ؤُشَا أَذْ ت ثسّنْڭّْوذْ زَّاثْ إِ ثِيطَّاوِينْ نْسنْ خْ إِژَّانْ إِ د-إِفّْغنْ زِي بْنَاذمْ.“

١٣ إِنَّا سِيذِي: ”أَمُّو إِ غَا شّنْ أَيْثْ ن إِسْرَائِيل أَغْرُومْ نْسنْ إِخمْجنْ جَارْ ڒڭْنُوسْ مَانِي ثنْ غَارْ إِ غَا سُّوفّْغغْ.“ ◘4:‏13 حُوش. 9‏:‏3 ١٤ خنِّي نِّيغْ: ”أَ، سِيذِي إِنُو، سِيذِي، خْزَارْ، ڒعْمَارْ إِنُو وَارْ إِتّْوَاسّخْمجْعمَّارْصْ س مَاشَّا وَارْ إِحْڒِينْ. زِي ثمْژِي إِنُو أَڒْ ڒخُّو نشّْ وَارْ شِّيغْ ڒْْخشْبثْ نِيغْ مِينْ إِمزّْقنْ ؤُعمَّارْصْ وَارْ يُوذِيفْ ويْسُومْ ن جّْعِيفشْثْ غَارْ ؤُقمُّومْ إِنُو.“ ١٥ ؤُشَا نتَّا إِنَّا أَيِي: ”خْزَارْ، أَذْ أَشْ وْشِيغْ ڒغْبَارْ ن إِفُونَاسنْ ذڭْ ومْشَانْ ن ؤُبَارُّوضْ ن بْنَاذمْ. سوْجذْ خَاسْ أَغْرُومْ نّشْ.“

١٦ خنِّي إِنَّا أَيِي: ”شكْ، أَ مِّيسْ ن بْنَاذمْ، خْزَارْ، أَذْ أَرْژغْ ڒعْوتْشْ ن وغْرُومْ ذِي ؤُرْشَالِيمْ ؤُشَا نِيثْنِي أَذْ شّنْ أَغْرُومْ س ڒوْزنْ س ؤُنخْڒِيعْ ؤُشَا س أَرْجفْ أَذْ سْونْ أَمَانْ س ڒعْبَارْ،◼4:‏16 ’ڒعْوتْشْ ن وغْرُومْ‘ - س ثْعِيبْرَانِيثْ ’أَعْمُوذْ ن وغْرُومْ‘.  ◘4:‏16 لَاوِي 26‏:‏26؛ إِشا. 3‏:‏1؛ حِز. 5‏:‏16؛ 14‏:‏13 ١٧ مِينْزِي أَذْ أَسنْ إِتّْخصَّا وغْرُومْ ذ وَامَانْ. نِيثْنِي أَذْ خْزَارنْ أَيَاوْيَا س أَرْجفْ ؤُشَا أَذْ ذوْڒنْ أَرْصُوضنْ ذِي ڒْْمُوعْصِييّثْ نْسنْ.“