١ يُوسَا-د غَارِي وَاوَاڒْ ن سِيذِي، إِنَّا: ٢ ”شكْ، أَ مِّيسْ ن بْنَاذمْ، مَا ثخْسذْ أَذْ ثْحكْمذْ، مَا ثخْسذْ أَذْ ثْحكْمذْ خْ ثنْذِينْثْ ن إِذَامّنْ؟ سْشنْ أَسْ خنِّي جّْعَايفْ نّسْ، ◘22:‏2 حِز. 20‏:‏4؛ 23‏:‏36 ٣ إِنِي: ’أَمُّو إِ إِقَّارْ سِيذِي إِنُو، سِيذِي: شمْ، أَ ثَانْذِينْثْ، ثنِّي إِسِّيزّْڒنْ إِذَامّنْ ذِي ڒْْوسْطْ نّسْ، أَڒَامِي د-ثِيوضْ ڒْْوقْثْ نّسْ، أَ ثَانْذِينْثْ، ثنِّي إِڭِّينْ إِميْضَا ن لْ-أَصْنَامْ خْ يِيخفْ نّسْ مَاحنْذْ أَذْ زَّايْسنْ ثسّخْمجْ إِخفْ نّسْ! ٤ س إِذَامّنْ نِّي ثسِّيزّْڒذْ، ثْذوْڒذْ س ؤُمَارْوَاسْ ؤُ س إِميْضَا نّمْ ن لْ-أَصْنَامْ نِّي ثڭِّيذْ، أَقَا ثسّْخمْجذْ إِخفْ نّمْ، ثسِّيوْضذْ ؤُسَّانْ نّمْ ؤُشَا ثْرهّْڭذْ أَڒْ إِسڭّْوُوسَا نّمْ. خْ ؤُيَا وْشِيغْ شمْ إِ ڒڭْنُوسْ إِ ؤُسحْقَارْ ؤُ إِ ثمُّورَا إِ ؤُسْثهْزِي. ◘22:‏4 2 إِج. 21‏:‏16؛ حِز. 5‏:‏14؛ 20‏:‏30، 31 ٥ إِنِّي يُوذْسنْ ذ يِينِّي إِڭّْوجنْ أَذْ زَّايمْ سْثهْزَانْ: ‘شمْ، أَ ثَامخْمُوجْثْ ن يِيسمْ، شمْ، ثنِّي إِشُّورنْ س ؤُصدّعْ! ٦ خْزَارْ، ڒْْحُوكَّامْ ن إِسْرَائِيل ثُوغَا أَثنْ ذَايمْ، كُوڒْ إِجّْ خْ ڒحْسَابْ جّهْذْ نّسْ، مَاحنْذْ أَذْ سِيزّْڒنْ إِذَامّنْ. ٧ سّحْقَارنْ بَابَاثْسنْ ذ يمَّاثْسنْ ذَايمْ، ڭِّينْ س ؤُغِيڒْ أَكْ-ذ ؤُبَارَّانِي ذِي ڒْْوسْطْ نّمْ، حْصَارنْ أَيُوجِيڒْ ذ ثَاجَّاتْشْ إِ ذَايمْ. ٨ مِينْ إِدْجَانْ إِقدّْسنْ إِ نشّْ، أَقَا ثسّحْقَارذْ ث، ؤُشَا ؤُسَّانْ ن سّبْثْ إِنُو ثسّْعِيدْجْثذْ إِ-ثنْ. ٩ إِمْشقَّافنْ ثُوغَا أَثنْ ذَايمْ مَاحنْذْ أَذْ سِّيزْڒنْ إِذَامّنْ. نِيثْنِي قِّيمنْ شِّينْ خْ إِذُورَارْ نِّي ذِينِّي غَارمْ، أَقَا ڭِّينْ ڒفْضِيحثْ ذِي ڒْْوسْطْ نّمْ. ◘22:‏9 حِز. 18‏:‏6، 11 ١٠ نِيثْنِي سّْعَارَّانْ ڒْْعَارْ ن بَابَامْ نِّي ذِينْ غَارمْ، ؤُ ثنِّي ثُوغَا ثخْمجْ ؤُمِي خَاسْ إِذَامّنْ، أَقَاغصْبنْ ت ذَايمْ. ◘22:‏10 لَاوِي 18‏:‏8، 19؛ حِز. 18‏:‏6 ١١ إِجّنْ إِڭَّا نّْعِي أَكْ-ذ ثْمطُّوثْ ن وَاجَّارْ نّسْ، ؤُشَا إِجّنْ نّغْنِي إِسّخْمجْ ثَامْغَارْثْ ن مِّيسْ، إِتّڭّْ ڒفْضِيحثْ أَكِيذسْ، ؤُشَا عَاوذْ إِجّنْ نّغْنِي إِغْصبْ ؤُتْشْمَاسْ، يدْجِيسْ ن بَابَاسْ، ذِينْ غَارمْ.◘22:‏11 لَاوِي 18‏:‏15، 20؛ إِرْم. 5‏:‏8 ١٢ أَقَا طّْفنْ ذِينْ غَارمْ أَرّشْوثْ، مَاحنْذْ أَذْ سِّيزّْڒنْ إِذَامّنْ، ثكْسِيذْ أَرِّيبَا ذ أَرْبحْ ؤُشَا ثْبعّْجذْ أَجَّارْ نّشْ س ؤُغِيڒْ، مَاشَا ثتُّوذْ أَيِي!‘، أَمُّو إِ إِقَّارْ سِيذِي إِنُو، سِيذِي.“

١٣ ”خْزَارْ، وْثِيغْ إِفَاسّنْ إِنُو إِجّْ ذڭْ ونّغْنِي زِي سِّيبّثْ ن ؤُبعّجْ إِ ثڭِّيذْ ؤُ زِي سِّيبّثْ ن إِذَامّنْ نِّي إِسِّيزّْڒنْ ذِي ڒْْوسْطْ نّمْ. ◼22:‏13 ’ؤُبعّجْ ... إِذَامّنْ‘ - س ثْعِيبْرَانِيثْ ’ؤُبعّجْ نّمْ ... إِذَامّنْ نّمْ‘.  ◘22:‏13 حِز. 21‏:‏22 ١٤ مَا أَذْ إِقِّيمْ ؤُڒْ نّمْ إِمْثنْ؟ مَا أَذْ إِڒِينْ إِفَاسّنْ نّمْ جهْذنْ ذڭْ وُوسَّانْ نِّي ذِي غَا ڭّغْ مِينْ إِدْجَانْ ضِيدّْ نّمْ. نشّْ، سِيذِي، أَقَا سِّيوْڒغْ ؤُشَا أَذْ ث ڭّغْ. ◘22:‏14 حِز. 17‏:‏24 ١٥ أَذْ شمْ زُوزَّارغْ جَارْ ڒڭْنُوسْ، أَذْ شمْ بزّْعغْ خْ ثمُّورَا، ؤُ أَذْ كمّْڒغْ ثَاخْمُوجِي نّمْ قَاعْ. ◘22:‏15 حِز. 12‏:‏14، 15 ١٦ أَمُّو إِ غَا ثتّْوَاسّْعِيدْجْثذْ زڭْ يِيخفْ نّمْ زَّاثْ إِ ثِيطَّاوِينْ ن ڒڭْنُوسْ ؤُ شمْ أَذْ ثسّْنذْ بلِّي نشّْ ذ سِيذِي.“

١٧ يُوسَا-د غَارِي وَاوَاڒْ ن سِيذِي، إِنَّا: ١٨ ”أَ مِّيسْ ن بْنَاذمْ، إِنِّي ن ثَادَّارْثْ ن إِسْرَائِيل ذوْڒنْ أَيِي أَمْ كُوفُّو. مَارَّا نِيثْنِي ذوْڒنْ ذ نّْحَاسْ ذ إِسْثَانْيُو ذ وُوزَّاڒْ ذ ڒخْفِيفْ ذِي ڒْْوسْطْ ن ثفْقُونْثْ، أَقَا أَثنْ ذوْڒنْ كُوفُّو ن نُّوقَارْثْ.“ ◘22:‏18 إِشا. 1‏:‏22

١٩ ”س ؤُيَا، أَمُّو إِ إِقَّارْ سِيذِي إِنُو، سِيذِي، مِينْزِي مَارَّا كنِّيوْ ثْذوْڒمْ أَمْ كُوفُّو، س ؤُيَا، خْزَارْ، نشّْ أَذْ كنِّيوْ سّْمُونغْ ذِي  ؤُرْشَالِيمْ. ٢٠ أَخْمِي يَارْونْ نّْحَاسْ ذ إِسْثَانْيُو ذ وُوزَّاڒْ ذ ڒخْفِيفْ ذِي ثفْقُونْثْ، حِيمَا أَذْ خَاسنْ شعّْڒنْ ثِيمسِّي مَاحنْذْ أَذْ سّْفسْينْ مَانْ أَيَا مَارَّا، أَمُّو إِ كنِّيوْ غَا سّْمُونغْ ذڭْ وغْضَابْ إِنُو ؤُ ذڭْ وسْعَارْ إِنُو. أَذْ كنِّيوْ سَّارْسغْ ذِينِّي ؤُشَا أَذْ كنِّيوْ سّْفسْيغْ. ٢١ نشّْ أَذْ كنِّيوْ سّْمُونغْ ؤُشَا أَذْ خَاومْ سُوضغْ س ثْمسِّي ن ؤُذُوقّزْ إِنُو ن ؤُفُوڭمْ أَڒَامِي كنِّيوْ أَذْ ثتّْوَافسْيمْ ذِي ڒْْوسْطْ نّسْ. ٢٢ أَخْمِي سّْفسْينْ نُّوقَارْثْ ذِي ثفْقُونْثْ، أَمُّو إِ غَا ثتّْوَاسّْفسْيمْ كنِّيوْ ذَايسْ ؤُشَا أَذْ ثسّْنمْ أَقَا نشّْ، سِيذِي، سّْفَارْغغْ خَاومْ أَسْعَارْ إِنُو.“

٢٣ يُوسَا-د غَارِي وَاوَاڒْ ن سِيذِي، إِنَّا: ٢٤ ”أَ مِّيسْ ن بْنَاذمْ، إِنِي إِ ثمُّورْثْ: ’شمْ ذ إِشْثْ ن ثمُّورْثْ إِ وَارْ إِتّْوَاسِّيزْذِيڭنْ، إِشْثْ ن ثمُّورْثْ إِ وَارْ إِتّْوَاسُوفّنْ س ونْژَارْ إِجهْذنْ ذڭْ وَاسّْ ن وسْخضْ. ٢٥ أَقَا ذِينْ إِشْثْ ن ثْمعْمُوتْشْ ن إِنَابِييّنْ نّسْ ذِي ڒْْوسْطْ نّسْ. أَمْ ويْرَاذْ إِزهَّارنْ إِسَارْضْ ثَايْمَارْثْ نّسْ، أَمُّو إِ شِّينْ نِيثْنِي ڒعْمُورْ. كّْسنْ مِينْ إِدْجَانْ ذ ثَاخَابشْثْ ذ مِينْ إِغْڒَانْ. نِيثْنِي أَرْنِينْ ثِيجَّاڒْ نّسْ ذِي ڒْْوسْطْ نّسْ. ◘22:‏25 مت. 23‏:‏14 ٢٦ إِكهَّاننْ نْسنْ سّْعِيدْجِيثنْ شَّارِيعَا إِنُو ؤُشَا سّْخمَّاجنْ ثِيمسْڒَايِينْ إِنُو إِقدّْسنْ. نِيثْنِي وَارْ فَارّْزنْ شَا جَارْ مِينْ إِقدّْسنْ ذ مِينْ إِتّْوَاسّْعِيدْجْثنْ، وَارْ سّْشَانَانْ شَا لْفَارْقْ جَارْ مِينْ إِخمْجنْ ذ مِينْ إِزْذِيڭنْ ؤُشَا تّْبلَّاعنْ ؤُڒَا ذ ثِيطَّاوِينْ نْسنْ إِ وُوسَّانْ إِنُو ن سّبْثْ ؤُشَا أَمُّو تّْوَاسّْعِيدْجِيثغْ ذِي ڒْْوسْطْ نْسنْ. ◘22:‏26 لَاوِي 10‏:‏10؛ حِز. 44‏:‏23 ٢٧ ڒْْحُوكَّامْ نّسْ ذِي ڒْْوسْطْ نّسْ ڭِّينْ أَمْ وُوشَّاننْ نِّي إِشَارّْڭنْ ثَايْمَارْثْ مَاحنْذْ أَذْ سِّيزّْڒنْ إِذَامّنْ ؤُ مَاحنْذْ أَذْ أَردّْدْجنْ ڒعْمُورْ، حِيمَا أَذْ طّْفنْ أَرْبحْ وَارْ إِحْڒِينْ. ◘22:‏27 مِيخَا 3‏:‏11؛ صَاف. 3‏:‏3 ٢٨ إِنَابِييّنْ نّسْ ذْڒِينْ ثنْ س جِّيڒْ يُوژْغنْ. نِيثْنِي تّْوَاڒَانْ إِوحَّانْ وَارْ إِدْجِينْ ؤُشَا سَّاوَاڒنْ غَارْسنْ س ثْڭزَّانْثْ إِسّْخَارِّيقنْ. نِيثْنِي قَّارنْ: أَمُّو إِ إِقَّارْ سِيذِي إِنُو، سِيذِي!، أَمْ سِيذِي ثُوغَا وَارْ إِنِي وَالُو. ◘22:‏28 حِز. 13‏:‏7، 9، 10؛ 21‏:‏29، 22‏:‏12 ٢٩ ڒْْڭنْسْ ن ثمُّورْثْ إِڭَّا بزّزْ خْ إِوْذَانْ س ڒخْشُونثْ، كشّْضنْ ثَاكشَّاضْثْ، حصَّارنْ ڒْْمسْكِينْ ذ ؤُمزْڒُوضْ، ؤُشَا ذدْجنْ أَبَارَّانِي بْڒَا مَا غَارْسنْ يِيڒِي ڒْْحقّْ. ٣٠ أَرْزُوغْ جَارْ أَسنْ إِجّْ ن ورْيَازْ نِّي إِ غَا إِسّْبدّنْ إِجّْ ن ڒْْحِيضْ ؤُشَا أَذْ إِبدّْ ذِي ثَازِّيثْ ذِي طّْوعْ ن ثمُّورْثْ أَڒَامِي وَارْ ت تَّارذْدْجغْ، مَاشَا وَارْ ث ؤُفِيغْ. ◘22:‏30 إِزهد. 106‏:‏23 ٣١ خَاسْ ؤُشَا سّْفَارْغغْ خَاسنْ أَسْخضْ إِنُو. س ثْمسِّي ن ؤُذُوقّزْ إِنُو ن ؤُفُوڭمْ قْضِيغْ خَاسنْ، أَبْرِيذْ نْسنْ أَرِّيغْ ث خْ ؤُزدْجِيفْ نْسنْ!‘، أَمُّو إِ إِقَّارْ سِيذِي إِنُو، سِيذِي.‘ “ ◘22:‏31 حِز. 9‏:‏10؛ 11‏:‏21؛ 16‏:‏43