13
أَوَاڒْ غَارْ ؤُنڭَّارْ أَكْ-ذ ؤُسدْجمْ
أجّْ أَذْ ثقِّيمْ ثَايْرِي ن ثَاوْمَاثْ جَارْ أَومْ. 13:‏1 رُوم. 12‏:‏10؛ أَفا. 4‏:‏3؛ 1 بُط. 1‏:‏22؛ 2‏:‏17؛ 4‏:‏8. وَارْ ثتُّومْ شَا أَذْ ثِيڒِيمْ ثشْنَامْ أَكْ-ذ إِبَارَّانِييّنْ، أَقَا زعْمَا س ؤُيَا أَرحّْبنْ شَا س لْمَالَاكَاثْ أَمْ وَارْ سِّيننْ. 13:‏2 أَمز. 18‏:‏1؛ 19‏:‏1؛ رُوم. 12‏:‏13؛ 1 بُط. 4‏:‏9.
خَارّْصمْ ذڭْ إِمحْبَاسْ أَخْمِي كنِّيوْ حبّْسمْ أَكِيذْسنْ، خَارّْصمْ ذڭْ إِنِّي إِتّْوَاحْسَارنْ، أَمْ إِوْذَانْ أَمْ كنِّيوْ، إِنِّي يَارْضنْ أَيْسُومْ ن أَرِّيمثْ. 13:‏3 مت. 25‏:‏36.
أجّْ أَذْ يِيڒِي ڒمْڒَاشْ ذ أَوقَّارْ غَارْ مَارَّا، ذ قَامَا نْسنْ ن ڒمْڒَاشْ ذ أَمزْذَاڭْ، مَاشَا أَربِّي أَذْ إِحْكمْ خْ أَيْثْ ن فَارْقْ-شّْغڒْ ؤُ خْ يِينِّي إِتّڭّنْ زِّينَا.
وَارْ تّڭّمْ نّيّثْ نْومْ ذِي ثنْعَاشِينْ، مَاشَا قنْعمْ س مِينْ غَارْومْ، مِينْزِي سِيذِي إِنَّا:
 
”نشّْ وَارْ شكْ تّجِّيغْ
نِيغْ أَذْ سمّْحغْ ذڭْ ؤُفُوسْ نّشْ.“ 13:‏5 أَمز. 28‏:‏15؛ ؤُف. 23‏:‏8؛ أَعَوذ. 16‏:‏19؛ 31‏:‏6، 8؛ ياش. 1‏:‏5؛ 1 إِم. 28‏:‏20؛ أَوڒن. 15‏:‏16؛ فِيل. 4‏:‏11؛ 1 تِيم. 6‏:‏6، 8.
 
مَانْ أَيَا إِتّْوَانَّا إِ نشِّينْ، مَاحنْذْ أَذْ نِينِي س ثرْيَاسْثْ:
 
”سِيذِي ذ أَمْعَاونْ إِنُو، وَارْ تّڭّْوْذغْ شَا،
مِينْ ذ أَيِي غَا يڭّْ بْنَاذمْ؟“ 13:‏6 إِزهد. 56‏:‏5؛ 118‏:‏6.
 
عقْڒمْ خْ إِمْڭوَّاذنْ نْومْ، إِنِّي ذ أَومْ إِسِّيوْڒنْ أَوَاڒْ ن أَربِّي. بقّْشمْ ڒْغِيدْجثْ ن ثشْرِي نْسنْ ؤُشَا ضْفَارمْ لْ-إِيمَانْ نْسنْ. 13:‏7 عبر. 13‏:‏17.
 
يَاسُوع لْمَاسِيحْ ذ نتَّا نتَّا إِضنَّاضْ ذ يِيضَا، ؤُ إِ ڒبْذَا.
 
وَارْ ثجِّيمْ أَذْ كنِّيوْ غَارّنْ س ثْغُورِيوِينْ إِتّْبدَّاڒنْ ن ذغْيَا، مِينْزِي ڒْحَاجّثْ ن لمْلِيحْ مَاڒَا شبَّارنْ وُوڒَاونْ نّغْ ذِي أَرْضَا، وَارْ إِدْجِي ذِي مَاشَّا، مِينْزِي إِنِّي ثُوغَا ذَايسْ يڒْهَانْ، وَارْ ذَايسْ ؤُفِينْ بُو نّْفعْ. 13:‏9 إِرْم. 29‏:‏8؛ مت. 24‏:‏4؛ يُوح. 6‏:‏27؛ رُوم. 14‏:‏17؛ 16‏:‏17؛ أَفا. 4‏:‏14؛ 5‏:‏6؛ كُول. 2‏:‏16؛ 2 تس. 2‏:‏2؛ 2 تِيم. 4‏:‏3؛ 1 يُوح. 4‏:‏1. 10 غَارْنغْ إِجّْ ن ؤُعَالْطَارْ إِ ؤُمِي وَارْ إِعدّڒْ أَذْ زَّايسْ شّنْ إِنِّي إِتّْسخَّارنْ ذِي ثْزذِّيغْثْ. 11 مِينْزِي زڭْ إِمُودَّارنْ، إِنِّي إِذَامّنْ نْسنْ تّْوَاكْسِينْ غَارْ زَّاوشْثْ إِقدّْسنْ س ؤُفُوسْ ن أَرَّايْسْ ن إِكهَّاننْ، إِتّْوَاسَّارْغْ ويْسُومْ نْسنْ بَارَّا إِ ڒْمَارْڭحْ. 13:‏11 ’إِمُودَّارنْ‘ - نِيغْ ’لْحَايَاوَانَاثْ‘  13:‏11 ؤُف. 29‏:‏14؛ لَاوِي 4‏:‏21؛ 6‏:‏30؛ 16‏:‏27؛ ڒخْڒ. 19‏:‏3. 12 س ؤُينِّي ثُوغَا يَاسُوع إِمَارّثْ عَاوذْ بَارَّا إِ ثنْذِينْثْ، حِيمَا أَذْ إِسّْقدّسْ ڒْڭنْسْ س إِذَامّنْ نّسْ. 13:‏12 يُوح. 19‏:‏17، 18. 13 س ؤُينِّي أجّْ أَنغْ أَذْ نفّغْ غَارْ بَارَّا ن ڒْمَارْڭحْ، أَمْ نَاربُّو ڒْعَارْ نّسْ. 14 مِينْزِي وَارْ غَارْنغْ ذَا ثَانْذِينْثْ ن ڒبْذَا، مَاشَا نَارزُّو خْ ثنِّي إِ د غَا يَاسنْ. 13:‏14 فِيل. 3‏:‏20.
15 أجّْ أَنغْ ڒبْذَا أَذْ زَّايسْ نْقدّمْ ثِيوْهِيبِينْ ن ؤُسمْغَارْ إِ أَربِّي، ڒْغِيدْجثْ ن إِينْشِيشنْ نِّي د-إِتّْوَاينْ أَقَاذِي إِ يِيسمْ نّسْ. 13:‏15 حُوش. 14‏:‏3. 16 وَارْ تّتُّومْ شَا أَرّحْمثْ ؤُڒَا ذ ثشْرِيمثْ إِ إِمژْڒَاضْ، مِينْزِي س ثوْهِيبِينْ-أَ أَذْ يَارْضَا بْنَاذمْ أَربِّي. 13:‏16 فِيل. 4‏:‏18.
17 إِڒِيمْ ذ إِمْثِيقَّانْ إِ يِينِّي إِ كنِّيوْ إِتّْڭوَّاذنْ، طَاعمْ أَسنْ، مِينْزِي نِيثْنِي تّْعسَّانْ خْ ڒعْمُورْ نْومْ أَمْ يِينِّي إِتّڭّنْ ڒحْسَابْ خَاومْ، حِيمَا أَذْ ت ڭّنْ س ڒفْرَاحثْ، وَارْ إِدْجِي س ؤُوحْوحْ، مِينْزِي مَانْ أَيَا وَارْ كنِّيوْ إِنفّعْ. 13:‏17 حِز. 3‏:‏18؛ 33‏:‏8؛ فِيل. 2‏:‏29؛ 1 تس. 5‏:‏12؛ 1 تِيم. 5‏:‏17.
18 ژَتدْجمْ خَانغْ، مِينْزِي غَارْنيْ تِّيقّثْ بلِّي غَارْنغْ ثَانفْسشْثْ ثشْنَا، أَمْ ذَايْنغْ مژْرِي، حِيمَا أَذْ نُويُورْ نِيشَانْ ذِي مَارَّا. 19 تّْزَاوْڭغْ كنِّيوْ س جّهْذْ أَذْ ثڭّمْ أَمُّو غَارْ ؤُمزْوَارُو، حِيمَا خنِّي نشّْ ذغْيَا أَذْ غَارْومْ د-ذوْڒغْ.
20 أَربِّي ن ڒهْنَا ونِّي د-إِسّْنكَّارنْ أَمكْسَاوْ أَمقّْرَانْ ن وُودْجِي، يَاسُوع لْمَاسِيحْ، سِيذِيثْنغْ، زِي ثَادَّارْثْ ن إِمتِّيننْ س إِذَامّنْ ن ڒْعَاهْذْ إِ ڒبْذَا، 13:‏20 إِشا. 40‏:‏11؛ حِز. 34‏:‏23؛ يُوح. 10‏:‏11؛ 1 بُط. 5‏:‏4. 21 أَذْ كنِّيوْ إِكمّڒْ ذِي كُوڒْ ڒْخذْمثْ إِشْنَانْ، حِيمَا أَذْ ثڭّمْ مِينْ إِخْسْ نتَّا. نتَّا أَذْ ذَايْنغْ إِڭّْ مِينْ إِدْجَانْ إِ أَرْضَا نّسْ س يَاسُوع لْمَاسِيحْ ونِّي غَارْ إِدْجَا ؤُعُودْجِي إِ ڒبْذَا قَاعْ. أَمِينْ. 13:‏21 2 كُور. 3‏:‏5؛ فِيل. 2‏:‏13.
22 خنِّي تّْزَاوَاڭغْ زَّايْومْ، أَ أَيْثْمَا إِنُو، قبْڒمْ أَوَاڒْ-أَ ن ؤُسجّعْ س تَّاسِيعْ ن ڒْخَاضَارْ، مِينْزِي ؤُرِيغْ أَومْ-د س ذْرُوسْ.
23 سْنمْ أَقَا أَرْخُونْ إِ ؤُمَاثْنغْ ثِيمُوثِييُو. مَاڒَا يُوسَا-د ذغْيَا، أَذْ كنِّيوْ ژَترغْ أَكِيذسْ.
24 سدْجْممْ خْ مَارَّا إِنِّي إِ كنِّيوْ إِتّْڭوَّاذنْ س ڒحْنَا ؤُ خْ مَارَّا إِمْقدَّاسنْ. مَارَّا أَوْمَاثنْ ن إِطَالْيَا تّْسدْجَامنْ-د خَاومْ س ڒهْنَا.
25 أَرْضَا أَذْ كِيذْومْ يِيڒِي مَارَّا. أَمِينْ.

13:1 13:‏1 رُوم. 12‏:‏10؛ أَفا. 4‏:‏3؛ 1 بُط. 1‏:‏22؛ 2‏:‏17؛ 4‏:‏8.

13:2 13:‏2 أَمز. 18‏:‏1؛ 19‏:‏1؛ رُوم. 12‏:‏13؛ 1 بُط. 4‏:‏9.

13:3 13:‏3 مت. 25‏:‏36.

13:5 13:‏5 أَمز. 28‏:‏15؛ ؤُف. 23‏:‏8؛ أَعَوذ. 16‏:‏19؛ 31‏:‏6، 8؛ ياش. 1‏:‏5؛ 1 إِم. 28‏:‏20؛ أَوڒن. 15‏:‏16؛ فِيل. 4‏:‏11؛ 1 تِيم. 6‏:‏6، 8.

13:6 13:‏6 إِزهد. 56‏:‏5؛ 118‏:‏6.

13:7 13:‏7 عبر. 13‏:‏17.

13:9 13:‏9 إِرْم. 29‏:‏8؛ مت. 24‏:‏4؛ يُوح. 6‏:‏27؛ رُوم. 14‏:‏17؛ 16‏:‏17؛ أَفا. 4‏:‏14؛ 5‏:‏6؛ كُول. 2‏:‏16؛ 2 تس. 2‏:‏2؛ 2 تِيم. 4‏:‏3؛ 1 يُوح. 4‏:‏1.

13:11 13:‏11 ’إِمُودَّارنْ‘ - نِيغْ ’لْحَايَاوَانَاثْ‘

13:11 13:‏11 ؤُف. 29‏:‏14؛ لَاوِي 4‏:‏21؛ 6‏:‏30؛ 16‏:‏27؛ ڒخْڒ. 19‏:‏3.

13:12 13:‏12 يُوح. 19‏:‏17، 18.

13:14 13:‏14 فِيل. 3‏:‏20.

13:15 13:‏15 حُوش. 14‏:‏3.

13:16 13:‏16 فِيل. 4‏:‏18.

13:17 13:‏17 حِز. 3‏:‏18؛ 33‏:‏8؛ فِيل. 2‏:‏29؛ 1 تس. 5‏:‏12؛ 1 تِيم. 5‏:‏17.

13:20 13:‏20 إِشا. 40‏:‏11؛ حِز. 34‏:‏23؛ يُوح. 10‏:‏11؛ 1 بُط. 5‏:‏4.

13:21 13:‏21 2 كُور. 3‏:‏5؛ فِيل. 2‏:‏13.