١ إِنَّا أَيِي سِيذِي: ”وَاخَّا مَاڒَا إِبدّْ مُوسَا ذ شَامْوِيلْ زَّاثْ إِ وُوذمْ إِنُو، عَاذْ وَارْ إِتِّيڒِي ڒعْمَارْ إِنُو أَكْ-ذ ڒْْڭنْسْ-أَ. سِيڭّْوجْ إِ-ثنْ زِي زَّاثْ ن وُوذمْ إِنُو، أجّْ إِ-ثنْ أَذْ ؤُيُورنْ. ◘15:‏1 ؤُف. 32‏:‏14؛ 1 صم. 7‏:‏9؛ حِز. 14‏:‏14، 20 ٢ خْمِي ذ أَشْ إِ غَا إِنِينْ: ’مَانِي غَا نُويُورْ؟‘، خنِّي أَذْ أَسنْ ثِينِيذْ: ’أَمُّو إِ إِقَّارْ سِيذِي: وِي إِدْجَانْ إِ ڒْْموْثْ، غَارْ ڒْْموْثْ، وِي إِدْجَانْ إِ سِّيفْ، غَارْ سِّيفْ، وِي إِدْجَانْ إِ ڒَاژْ، غَارْ ڒَْاژْ ؤُ وِي إِدْجَانْ إِ ڒحْبسْ، غَارْ ڒحْبسْ!‘◘15:‏2 زَاك. 11‏:‏9؛ أَسَا. 13‏:‏10 ٣ أَذْ ثنْ خدْجْصغْ س أَربْعَا ن وبْرِيذنْ، أَمُّو إِ إِقَّارْ سِيذِي: س سِّيفْ أَڒَامِي غَا تّْوَانْغنْ، س يِيطَانْ أَڒَامِي ثنْ جَارّنْ زڭْ وبْرِيذْ، س إِجْضَاضْ ن ؤُجنَّا ذ ڒوْحُوشْ ن ثمُّورْثْ أَڒْ غَا تّْوَاصَارْضنْ ؤُ أَذْ تّْوَاردّْدْجنْ. ◘15:‏3 لَاوِي 26‏:‏16؛ إِرْم. 7‏:‏33 ٤ نشّْ أَذْ ثنْ أَرّغْ ذ إِشْثْ ن ڒْْقشْعثْ ن ؤُنخْڒِيعْ إِ مَارَّا ثِيڭلْذِيوِينْ ن دُّونشْثْ زِي سِّيبّثْ ن مَانَاسَّا، مِّيسْ ن حِيزْقِييَا، أَجدْجِيذْ ن يَاهُوذَا، ذ أَخْڒَافْ زِي مِينْ إِڭَّا ذِي ؤُرْشَالِيمْ.“ ◘15:‏4 أَعَوذ. 28‏:‏25

٥ ”مَاغَارْ مَانْ ونْ ؤُمِي غَا ثزِّيدْجذْ، أَ ؤُرْشَالِيمْ؟ وِي ذ أَمْ إِ غَا إِسّْحِيسّْفنْ نِيغْ وِي د غَا إِفّْغنْ زڭْ وبْرِيذْ مَاحنْذْ أَذْ خَامْ إِسّقْسَا خْ ؤُمدُّورْ نّمْ؟ ◘15:‏5 إِشا. 51‏:‏19 ٦ شمْ ثْسمْحذْ ذَايِي، أَمُّو إِ إِقَّارْ سِيذِي، ثْذوْڒذْ غَارْ ضفَّارْ. س ؤُينِّي إِ غَا سّْوِيژّْضغْ أَفُوسْ إِنُو ضِيدّْ نّمْ ؤُشَا أَذْ شمْ أَردّْدْجغْ. نشّْ ؤُحْرغْ س ؤُحِينِّي خَاومْ.“ ◘15:‏6 إِرْم. 5‏:‏7

٧ ”نشّْ أَذْ ثنْ زُوزَّارغْ س دْجُوحْ ذِي ثوُّورَا ن ثمُّورْثْ. نشّْ كشّْضغْ إِحنْجِيرنْ زِي ڒْْڭنْسْ إِنُو ؤُشَا سّْهلّْكغْ ثنْ. نِيثْنِي وَارْ د-ذْوِيڒنْ شَا زڭْ إِبْرِيذنْ نْسنْ إِعفَّاننْ.◘15:‏7 إِرْم. 4‏:‏11 ٨ ثِيجَّاڒْ نْسنْ أَذْ إِڒِينْثْ وسْعنْثْ خْ يجْذِي ن ڒبْحُورَاثْ. ذِي طّْيَا ن وَاسّْ أَذْ خَاسنْ سِّيوْضغْ إِجّْ ن ؤُمْثحَّايْ، خْ يمَّاسْ ذ ؤُحُوذْرِي. ذغْيَا أَذْ خَاسْ وْضِيغْ نشّْ س ثِيڭّْوُوذِي ذ إِنخْڒِيعنْ. ◼15:‏8 ’خْ يمَّاسْ ن ؤُحُوضْرِي‘ - خْزَارْ عَاوذْ إِرْم. 15‏:9. ٩ ثنِّي إِ د-يُورْونْ سبْعَا ن إِحنْجِيرنْ، ثخْسِي. نتَّاثْ ثذْڒقْ إِ بُوحْبڒْ نّسْ، ثغْڒِي ثْفُوشْثْ نّسْ أَمْ إِدْجَا عَاذْ ذ وَاسّْ. نتَّاثْ ثتّْسضْحَا ؤُشَا ثتّطّفْ إِ-ت إِ-د ڒفْضِيحثْ. مِينْ إِقِّيمنْ زَّايْسنْ أَذْ ث وْشغْ إِ سِّيفْ زَّاثْ إِ وُوذمْ ن ڒْْعذْيَانْ نْسنْ، أَمُّو إِ إِقَّارْ سِيذِي.“ ◘15:‏9 عَام. 8‏:‏9

١٠ ”ؤُشْثْ خَافِي، يمَّا، أَقَا شمْ ثُورْوذْ أَيِي-د: إِجّْ ن ورْيَازْ ن ؤُمْشُوبّشْ، إِجّْ ن ورْيَازْ ن ؤُمنْغِي إِ مَارَّا ثَامُّورْثْ. نشّْ وَارْ ذ أَسنْثْ أَرْضْڒغْ ؤُشَا نِيثْنِي وَارْ ذ أَيِي تّتُّورْسنْ، وَاخَّا أَمنِّي مَارَّا نعّْڒنْ أَيِي.“ ◼15:‏10 أَفسَّارْ - أَنَابِي إِرْمِييَا إِسَّاوَاڒْ.  ◘15:‏10 أَيُوبْ 3؛ إِرْم. 20‏:‏14‏-‏18 ١١ إِنَّا سِيذِي: ”أَهْ، مَاڒَا نشّْ وَارْ ثڭّغْ س ثْشُونِي أَكِيذكْ، مَاڒَا نشّْ وَارْ ڭِّيغْ أَذْ شكْ إِحْشمْ ڒعْذُو ذِي ڒْْوقْثْ ن ثشْثِي ثَاعفَّانْثْ ؤُ ذِي ڒْْوقْثْ نْ ڒحْصَارثْ.“ ١٢ مَا إِزمَّارْ بْنَاذمْ أَذْ يَارْژْ ؤُزَّاڒْ، ؤُزَّاڒْ إِ د-يُوسِينْ زِي شَّامَالْ، نِيغْ نّْحَاسْ؟ ◘15:‏12 إِرْم. 6‏:‏28 ١٣ أَڭْڒَا نّشْ ذ ڒكْنُوزْ نّشْ أَذْ ثنْ وْشغْ ذ ثَاكشَّاضْثْ إِ ڒڭْنُوسْ، بْڒَا تَّامَانْ، زِي سِّيبّثْ ن مَارَّا دّْنُوبْ نّشْ ؤُشَا أَيَا ذِي مَارَّا ثَامُّورْثْ نّشْ. ◘15:‏13 إِرْم. 17‏:‏3 ١٤ نشّْ أَذْ شكْ سّعْذُوغْ أَكْ-ذ ڒعْذُو نّشْ غَارْ إِشْثْ ن ثمُّورْثْ نِّي وَارْ ثسِّينذْ شَا، مَاغَارْ س وغْضَابْ إِنُو ثَارْغَا ثْمسِّي نِّي إِ غَا إِقِّيمنْ ثْشمّضْ ضِيدّْ نْومْ.“ ◘15:‏14 أَعَوذ. 32‏:‏22

١٥ ”أَ سِيذِي، شكْ ثسّْنذْ ت، إِذَارْ أَيِي ؤُشَا ڒْْهَا-د أَكِيذِي! نْثَاقمْ أَيِي زڭْ يِينِّي ذ أَيِي إِضفَّارنْ! وَارْ ذ أَيِي تّكّسْ، مِينْزِي غَاركْ تَّاسِيعْ ن ڒْْخَاضَارْ أَطَّاسْ. سّنْ أَقَا نشّْ أَذْ خَاكْ كْسِيغْ ڒْْعَارْ ذِي طّْوعْ نّشْ. ◘15:‏15 إِرْم. 11‏:‏20 ١٦ ؤُمِي تّْوَافنْ وَاوَاڒنْ نّشْ، شِّيغْ ثنْ ذغْيَا. أَوَاڒْ نّشْ ثُوغَا-ث إِ نشّْ ذ أَرْشُوقْ ذ ڒفْرَاحثْ إِ وُوڒْ إِنُو مَاغَارْ إِتّْوَابَارّحْ إِسمْ نّشْ ذِي ثِيوَا إِنُو، أَ سِيذِي، أَربِّي ن ڒْْعسْكَارَاثْ.

١٧ نشّْ وَارْ تّْغِيمِيغْ شَا ذڭْ وڭْرَاوْ ن يِينِّي إِسْثهْزَانْ، وَارْ نڭّْزغْ س ڒفْرَاحثْ. زِي سِّيبّثْ ن ؤُفُوسْ نّشْ تّْغِيمِيغْ وحّْذِي، مَاغَارْ ثشُّورذْ أَيِي س وسْخضْ نّشْ. ◘15:‏17 إِزهد. 1‏:‏1 ١٨ مَايمِّي ڒحْرِيقْ إِنُو إِدَّارْ ڒبْذَا ؤُ مَايمِّي وَارْ إِزمَّارْ ؤُيزِّيمْ إِنُوعمَّارْصْ أَذْ إِڭّنْفَا، مَا نتَّا يُوڭِي أَذْ إِڭّنْفَا؟ مَا س ثِيذتّْ أَقَا شكْ أَمْ وَامَانْ إِنْهوْڒنْ إِنِّي وَارْ ذِي إِدْجِي ڒَْامَانْ؟“ ◘15:‏18 أَيُوبْ 6‏:‏15‏-‏30؛ إِرْم. 30‏:‏15

١٩ ”س ؤُيَا، أَمُّو إِ إِقَّارْ سِيذِي: ’مَاڒَا شكْ ثْذوْڒذْ-د، نشّْ أَذْ شكْ أَرّغْ أَذْ د-ثْذوْڒذْ ؤُ أَذْ ثْبدّذْ زَّاثْ إِ وُوذمْ إِنُو. مَاڒَا ثسِّيوْڒذْ مِينْ إِغْڒَانْ ذڭْ ومْشَانْ ن مِينْ وَارْ إِسكّْوِينْ وَالُو، خنِّي أَذْ ثِيڒِيذْ أَمْ ؤُقمُّومْ إِنُو. أجّْ إِ-ثنْ أَذْ غَاركْ د-ذوْڒنْ، مَاشَا شكْ وَارْ ثْزمَّارذْ أَذْ غَارْسنْ د-ثْذوْڒذْ. ٢٠ مَاغَارْ نشّْ أَذْ شكْ ڭّغْ إِ ڒْْڭنْسْ-أَ ذ ڒْْحِيضْ إِمثْننْ ن نّْحَاسْ. أَذْ كِيذكْ مّنْغنْ، مَاشَا نِيثْنِي وَارْ زمَّارنْ أَذْ شكْ أَرنْينْ، مَاغَارْ نشّْ أَكِيذكْ حِيمَا أَذْ شكْ سّْنجْمغْ ؤُ حِيمَا أَذْ شكْ فكّغْ، أَمُّو إِ إِقَّارْ سِيذِي.◘15:‏20 إِرْم. 1‏:‏18 ٢١ نشّْ أَذْ شكْ فكّغْ زڭْ ؤُفُوسْ ن إِعفَّاننْ ؤُ نشّْ أَذْ شكْ فْذِيغْ زڭْ ومْنَاعْ ن أَيْثْ ن بُو-ڒخْشُونثْ.“