١ إِسِّيوڒْ سِيذِي أَكْ-ذ مُوسَا، إِنَّا:

٢ ”أَذْ ثِينِيذْ إِ أَيْثْ ن إِسْرَائِيل: ’كُوڒْ إِجّنْ زڭْ أَيْثْ ن إِسْرَائِيل نِيغْ زڭْ إِبَارَّانِييّنْ، ونِّي إِ غَا إِوْشِينْ زڭْ إِحنْجِيرنْ نّسْ إِ مُولَاكْ، أَذْ إِتّْوَانغْ نِيشَانْ. ڒْْڭنْسْ ن ثمُّورْثْ أَذْ ث يَارْجمْ. ◼20:‏2 ’أَذْ ث يَارْجمْ‘ - س ثْعِيبْرَانِيثْ ’أَذْ ث يَارْجمْ س إِژْرَا‘.  ◘20:‏2 لَاوِي 18‏:‏21 ٣ نشّْ أَذْ قڒْبغْ ؤُذمْ إِنُو خْ ورْيَازْ نِّي ؤُشَا أَذْ ث قضْعغْ زِي ڒْْڭنْسْ نّسْ، مِينْزِي نتَّا أَقَا إِوْشَا زِي زَّارِيعثْ نّسْ إِ مُولَاكْ. س ؤُينِّي ثُوغَا إِسّخْمجْ زَّاوشْثْ إِنُو إِقدّْسنْ ؤُشَا إِسّخْسَارْ إِسمْ أَمْقدَّاسْ إِنُو. ٤ مَاڒَا ثَارْوَا ن ثمُّورْثْ قّْننْ ثِيطَّاوِينْ نْسنْ خْ ورْيَازْ نِّي، خْمِي غَا إِوْشْ نتَّا زِي زَّارِيعثْ نّسْ إِ مُولَاكْ، ؤُشَا نِيثْنِي وَارْ ث نقّنْ، ٥ خنِّي نشّْ أَذْ قڒْبغْ ؤُذمْ إِنُو خْ ورْيَازْ نِّي ؤُ خْ ڒَْادْجْ نّسْ ؤُشَا أَذْ ث قضْعغْ زِي جَارْ ڒْْڭنْسْ نّسْ، نتَّا ذ مَارَّا إِنِّي إِسّفْسَاذنْ إِخفْ نْسنْ أَمْ دّكّْوَاڒنْ أَوَارْنِي أَسْ مَاحنْذْ أَذْ سّْفسْذنْ إِخفْ نْسنْ أَكْ-ذ مُولَاكْ.‘ “

٦ ”بْنَاذمْ نِّي إِ غَا إِقڒْبنْ إِخفْ نّسْ غَارْ يِينِّي إِسَّاوَاڒَانْ أَكْ-ذ إِمتَّانْ ذ إِڭزَّاننْ، مَاحنْذْ أَذْ ذوْڒنْ أَوَارْنِي أَسنْ أَمْ سّْفسْذنْ إِخفْ نْسنْ، نشّْ أَذْ قڒْبغْ ؤُذمْ إِنُو خْ بْنَاذمْ نِّي ؤُشَا أَذْ ث قضْعغْ زِي جَارْ ڒْْڭنْسْ نّسْ.“◼20:‏6 ’بْنَاذمْ‘ - س ثْعِيبْرَانِيثْ ’ڒعْمَارْ‘.  ◘20:‏6 لَاوِي 19‏:‏31

٧ ”سْقدّْسمْ إِخفْ نْومْ، إِڒِيمْ ذ إِمْقدَّاسنْ، مِينْزِي نشّْ ذ سِيذِي، أَربِّي نْومْ! ◘20:‏7 لَاوِي 11‏:‏44؛ 19‏:‏2؛ 1 بُط. 1‏:‏16 ٨ حْضَامْ ثِيوصَّا إِنُو ؤُشَا ڭّمْ زَّايْسنْثْ. نشّْ ذ سِيذِي، ونِّي كنِّيوْ إِسّْقدّْسنْ.“

٩ ”مَاغَارْ كُوڒْ أَرْيَازْ نِّي إِ غَا إِنعْڒنْ خْ بَابَاسْ نِيغْ خْ يمَّاسْ، أَذْ إِتّْوَانغْ نِيشَانْ. إِنْعڒْ خْ بَابَاسْ نِيغْ خْ يمَّاسْ، إِذَامّنْ نّسْ أَقَا أَثنْ خَاسْ. ◘20:‏9 ؤُف. 21‏:‏17؛ أَوڒن. 20‏:‏20؛ مت. 15‏:‏4 ١٠ مَاڒَا إِجّْ ن ورْيَازْ إِزْنَا أَكْ-ذ ثمْغَارْثْ ن ورْيَازْ نّغْنِي، خنِّي ونِّي ثُوغَا إِزنَّانْ أَكْ-ذ ثمْغَارْثْ ن جَّارْ نّسْ أَذْ إِتّْوَانغْ نِيشَانْ، ونِّي إِزْنَانْ ذ ثنِّي إِزْنَانْ. ◘20:‏10 لَاوِي 18‏:‏20؛ أَعَوذ. 22‏:‏22؛ يُوح. 8‏:‏5 ١١ مَاڒَا إِجّْ ن ورْيَازْ، أَمْ إِطّصْ أَكْ-ذ ثمْغَارْثْ ن بَابَاسْ، أَقَا إِسّْعُورِّي ڒْْعَارْ ن بَابَاسْ، خنِّي نِيثْنِي س ثْنَاينْ أَذْ تّْوَانْغنْ نِيشَانْ. إِذَامّنْ نْسنْ أَقَا أَثنْ خَاسنْ. ◼20:‏11 ’أَقَا ڭِّينْثْ إِ يِيخفْ نْسنْ.‘ - س ثْعِيبْرَانِيثْ ’إِذَامّنْ نْسنْ أَقَا-ثنْ خَاسنْ‘.  ◘20:‏11 لَاوِي 18‏:‏8 ١٢ مَاڒَا إِجّْ ن ورْيَازْ إِطّصْ أَكْ-ذ ثمْغَارْثْ ن مِّيسْ، خنِّي نِيثْنِي س ثْنَاينْ أَذْ تّْوَانْغنْ نِيشَانْ. أَقَا ڭِّينْ إِجّْ ن ؤُخدْجضْ إِفسْذنْ. إِذَامّنْ نْسنْ أَقَا أَثنْ خَاسنْ. ◼20:‏12 ’ثمْغَارْثْ ن مِّيسْ‘ - أَقَا-ت ذ ثَاسْڒِيثْ نّسْ.  ◘20:‏12 لَاوِي 18‏:‏15 ١٣ مَاڒَا إِجّْ ن ورْيَازْ إِطّصْ أَكْ-ذ إِجّْ ن ورْيَازْ نّغْنِي أَمْ مَامّشْ إِتّطّصْ ورْيَازْ أَكْ-ذ إِشْثْ ن ثمْغَارْثْ، خنِّي أَقَا نِيثْنِي س ثْنَاينْ إِذْسنْ ڭِّينْ إِشْثْ ن ڒفْضِيحثْ ثمْغَارْ. أَذْ تّْوَانْغنْ نِيشَانْ. إِذَامّنْ نْسنْ أَقَا أَثنْ خَاسنْ. ◘20:‏13 لَاوِي 18‏:‏22 ١٤ مَاڒَا إِمڒْشْ إِجّْ ن ورْيَازْ شَا ن ثمْغَارْثْ ؤُڒَا ذ يمَّاسْ، أَقَا-ت ذ ڒفْضِيحثْ. أَذْ ث سّْشمْضنْ س ثْمسِّي، نتَّا ذ نِيثنْثِي س ثْنَاينْ، حِيمَا خنِّي وَارْ ثتِّيڒِي عَاذْ ذ ڒفْضِيحثْ ذِي ڒْْوسْطْ نْومْ. ◘20:‏14 لَاوِي 18‏:‏17 ١٥ مَاڒَا إِجّْ ن ورْيَازْ إِصُّورْ إِخفْ نّسْ أَكْ-ذ إِشْثْ ن ڒبْهِيمثْ، خنِّي إِتّْخصَّا أَذْ إِتّْوَانغْ نِيشَانْ. إِتّْخصَّا عَاوذْ أَذْ ثنْغمْ ڒبْهِيمثْ. ◘20:‏15 لَاوِي 18‏:‏23 ١٦ مَاڒَا شَا ن ثمْغَارْثْ ثْقَارّبْ-د غَارْ شَا ن ڒبْهِيمثْ مَامّشْ مَا ثڭَّا، مَاحنْذْ أَذْ كِيذسْ ثْفحّڒْ، خنِّي أَذْ ثنْغذْ ثَامْغَارْثْ ذ ڒبْهِيمثْ. أَذْ تّْوَانْغنْ نِيشَانْ. إِذَامّنْ نْسنْ أَقَا أَثنْ خَاسنْ. ١٧ مَاڒَا إِجّْ ن ورْيَازْ إِطّفْ ؤُتْشْمَاسْ، يدْجِيسْ ن بَابَاسْ نِيغْ يدْجِيسْ ن يمَّاسْ، ؤُشَا إِژْرَا ڒْْعَارْ نّسْ ؤُشَا نتَّاثْ ثژْرَا ڒْْعَارْ نّسْ، أَقَا-ت ذ ڒفْضِيحثْ. أَذْ تّْوَانْغنْ س ثْنَاينْ زَّاثْ إِ ثِيطَّاوِينْ ن ثَارْوَا ن ڒْْڭنْسْ نْسنْ. أَقَا إِسّْعُورِّي ڒْْعَارْ ن ؤُتْشْمَاسْ، أَذْ يَارْبُو ڒْْمُوعْصِييّثْ نّسْ. ◘20:‏17 لَاوِي 18‏:‏9 ١٨ مَاڒَا إِجّْ ن ورْيَازْ إِطّصْ أَكْ-ذ إِشْثْ ن ثمْغَارْثْ ثنِّي خْ إِدْجَا إِذَامّنْ ؤُشَا أَقَا إِسّْعُورِّي ڒْْعَارْ نّسْ، إِسّْعُورِّي أَنُو ن إِذَامّنْ نّسْ، ؤُشَا نتَّاثْ سِيمَانْثْ نّسْ ثسّْعُورِّي أَنُو ن إِذَامّنْ نّسْ، خنِّي أَذْ تّْوَاقضْعنْ س ثْنَاينْ زِي ڒْْوسْطْ ن ڒْْڭنْسْ نْسنْ. ◘20:‏18 لَاوِي 18‏:‏19 ١٩ وَارْ سْعَارِّي شَا ؤُتْشْمَاسْ ن يمَّاشْ نِيغْ ؤُتْشْمَاسْ ن بَابَاشْ، مِينْزِي خنِّي إِسّْفطَّاحْ بْنَاذمْ ڒْْعَارْ ن رَادْجْ نّسْ. نِيثْنِي أَذْ أَرْبُونْ ڒْْمُوعْصِييّثْ نْسنْ. ◘20:‏19 لَاوِي 18‏:‏12، 13 ٢٠ مَاڒَا إِجّْ ن ورْيَازْ، ونِّي إِتّطّْصنْ أَكْ-ذعنْثِيسْ، أَقَا إِسّْعُورِّي ڒْْعَارْ نعمِّيسْ، أَذْ أَرْبُونْ نِيثْنِي ڒْْمُوعْصِييّثْ نْسنْ. أَذْ مّْثنْ بْڒَا ثَارْوَا. ◼20:‏20 %عنْثِيسْ‘ - أَقَا-ت ذ ثَامْغَارْثْ ن ؤُمَاسْ ن بَابَاسْ.  ◘20:‏20 لَاوِي 18‏:‏14 ٢١ مَاڒَا إِجّْ ن ورْيَازْ يِيوِي ثَامْغَارْثْ ن ؤُمَاسْ، أَقَا مَانْ أَيَا ذ أَعذِّي خْ وعْزَاڒْ ن ثمْغَارْثْ. أَقَا إِسّْعُورِّي ڒْْعَارْ ن ؤُمَاسْ. أَذْ إِڒِينْ بْڒَا إِحنْجِيرنْ.‘ “ ◘20:‏21 لَاوِي 18‏:‏16

٢٢ ”حْضَامْ مَارَّا ثِيوصَّا إِنُو ذ مَارَّا لْفَارَايِيضْ إِنُو ؤُشَا ڭّمْ ثنْثْ، مَاحنْذْ وَارْ كنِّيوْ ثتّْعُوقِّي ثمُّورْثْ مَانِي كنِّيوْ إِ غَا نذْهغْ، حِيمَا أَذْ ذَايسْ ثْزذْغمْ. ◘20:‏22 لَاوِي 18‏:‏26 ٢٣ وَارْ ڭُّورمْ خْ ثبْرِيذْثْ ن ثْوصَّا ن ڒْْڭنْسْ نِّي غَا سُّوفّْغغْ زَّاثْ إِ وُوذمْ نْومْ، مِينْزِي نِيثْنِي ڭِّينْ مَارَّا ثِيمسْڒَايِينْ-أَ ؤُ س ؤُيَا شَارّْهغْ ثنْ. ◘20:‏23 لَاوِي 18‏:‏3، 30 ٢٤ نشّْ نِّيغْ أَومْ: كنِّيوْ أَذْ ثْوَارْثمْ ثَامُّورْثْ نْسنْ ؤُشَا أَذْ أَومْ ت-إِ-د وْشغْ ذ ڒْْوَارْثْ، إِشْثْ ن ثمُّورْثْ إِفيّْضنْ س ؤُغِي ذ ثَامّنْثْ. نشّْ ذ سِيذِي، أَربِّي نْومْ، ونِّي كنِّيوْ إِفَارْزنْ زِي جَارْ ڒڭْنُوسْ. ◘20:‏24 ؤُف. 3‏:‏8

٢٥ خْ ؤُيَا كنِّيوْ أَذْ ثْميّْزمْ جَارْ ڒبْهَايمْ ن ڒحْڒَاڒْ ذ يِينِّي إِخمْجنْ ؤُ جَارْ إِجْضَاضْ إِخمْجنْ ذ يِينِّي ن ڒحْڒَاڒْ. وَارْ سّخْسَارَامْ ڒعْمُوڒْ نْومْ أَكْ-ذ شَا ن ڒبْهِيمثْ نِيغْ أَكْ-ذ شَا ن وجْضِيضْ نِيغْ أَكْ-ذ شَا زِي مَارَّا مِينْ إِتّْبُوعنْ خْ ثمُّورْثْ، مَارَّا مِينْ ذ أَومْ حَارّْمغْ، حِيمَا أَذْ ث ثْحسْبمْ ذ ڒخْمجْ.“ ◘20:‏25 لَاوِي 11‏:‏2؛ أَعَوذ. 14‏:‏4 ٢٦ ”أَقَا كنِّيوْ أَذْ أَيِي ثِيڒِيمْ ذ إِمْقدَّاسنْ، مِينْزِي نشّْ ذ سِيذِي ذ أَمْقدَّاسْ ؤُشَا نشّْ فَارْزغْ كنِّيوْ زِي ڒڭْنُوسْ، حِيمَا أَذْ ثِيڒِيمْ إِنُو.

٢٧ مَاڒَا إِجّْ ن ورْيَازْ نِيغْ إِشْثْ ن ثمْغَارْثْ غَارسْ بُوحْبڒْ ن ؤُعزّمْ ن إِمتَّانْ نِيغْ ن ثْڭزَّانْثْ، خنِّي أَذْ تّْوَانْغنْ نِيشَانْ. أَذْ ثنْ أَرجْمنْ. إِذَامّنْ نْسنْ أَقَا أَثنْ خَاسنْ.“ ◘20:‏27 أَعَوذ. 18‏:‏10؛ 1 صم. 28‏:‏7