١ إِڒَاغَا يَاسُوع خْ ثنْعَاشْ ن إِمحْضَارنْ نّسْ، إِوْشَا أَسنْ صُّولْطَا حِيمَا أَذْ سُّوفّْغنْ ڒَْارْيَاحْ إِمنْڭَاسْ ؤُ حِيمَا أَذْ سّْڭنْفَانْ مَارَّا ڒعْيُوبَاثْ ذ ڒهْڒَاشَاثْ. ◘10:‏1 [مك. 3‏:‏13‏-‏19؛ 6‏:‏7‏-‏13؛ لك. 6‏:‏12؛ 9‏:‏1‏-‏6] ٢ إِسْمَاونْ ن ثنْعَاشْ ن رُّوسُولْ ذ يِينَا: أَمزْوَارُو نْسنْ شِيمْعُونْ ؤُمِي قَّارنْ بُوطْرُوسْ، إِسمْ وَانِيثَا إِخْسْ أَذْ يِينِي ’أَژْرُو‘، ذ ؤُمَاسْ أَنْذْرَاوُوسْ، ذ يَاعْقُوبْ، مِّيسْ ن زَابْذِي، ذ ؤُمَاسْ يُوحَانَّا، ◼10:‏2 ’رُّوسُولْ' - نِيغْ ’إِمَازَاننْ‘. ٣ ذ فِيلِيبُّوسْ ذ بَارْ-ثُولُومَاوُوسْ، ثُومَا ذ مَاتَّا، ونِّي ذ بُو-ضَّارِيبَا، ذ يَاعْقُوبْ، مِّيسْ ن حَالْفَا، ذ لَابَّاوُوسْ، ؤُمِي قَّارنْ ثَادَّايْ، ٤ ذ شِيمْعُونْ، ونِّي ذ أَمْعسَّابْ، ذ يَاهُوذَا إِسْخَارِييُوطِي ونِّي ث إِسلّْمنْ. ٥ يَاسُوع إِسّكّْ ثنْعَاشْ-أَ، يُومُورْ إِ-ثنْ، إِنَّا: ”وَارْ تّْرُوحمْ شَا خْ وبْرِيذْ ن لْكُوفَّارْ، وَارْ تَّاذْفمْ شَا غَارْ ثنْذِينْثْ ن إِسَامَارِييّنْ، ٦ مَاشَا حْسنْ أَذْ ثْرَاحمْ غَارْ وُودْجِي إِودَّارنْ ن ثَادَّارْثْ ن إِسْرَائِيل. ◘10:‏6 ڒخ. 3‏:‏26؛ 13‏:‏26،46. ٧ خْمِي غَا ثْرَاحمْ، بَارّْحمْ أَمْ ثقَّارمْ: ’ثَاڭلْذِيثْ ن إِجنْوَانْ أَقَا ثِيوضْ-د!‘ ◘10:‏7 لك. 9‏:‏2. ٨ سْڭنْفَامْ إِمهْڒَاشْ، سِيزْذْڭمْ إِنِّي ذِي إِدْجَا ڒْْبَارْصْ، سُوفّْغمْ شّْوَاطنْ. كنِّيوْ ثكْسِيمْ بْڒَا شَا، خنِّي وْشمْ ت بْڒَا شَا. ◘10:‏8 لك. 10‏:‏9؛ ڒخ. 8‏:‏18، 20. ٩ وَارْ كسِّيمْ شَا وُورغْ ؤُڒَا ذ نُّوقَارْثْ ؤُڒَا ذ نّْحَاسْ ذڭْ إِبُويَاسْ نْومْ، ◘10:‏9 مك. 6‏:‏8؛ لك. 9‏:‏3؛ 22‏:‏35. ١٠ وَارْ كسِّيمْ شَا تّسْطِيمْ إِ وبْرِيذْ ڒَْا ذ ثْنَاينْ ن ثْشَامِيرَاثْ ڒَْا ذ سَانْذَالِييَاثْ ؤُڒَا ذ ثَاغَّارْشْثْ نّغْنِي، مِينْزِي أَخدَّامْ إِسْذَاهدْجْ مَاشَّا نّسْ. ◘10:‏10 لَاوِي 19‏:‏13؛ أَعَوذ. 24‏:‏14؛ 25‏:‏4؛ لك. 10‏:‏7؛ 1 كُور. 9‏:‏4، 14؛ 1 تِيم. 5‏:‏18. ١١ مَانْ ثَانْذِينْثْ نِيغْ ذْشَارْ إِ غَا ثَاذْفمْ، أَرْزُومْ وِي ذَايسْ إِسْذَاهدْجْ، ؤُشَا قِّيممْ ذِينْ أَڒْ ذ ثْرَاحمْ. ◘10:‏11 مك. 6‏:‏10؛ لك. 9‏:‏4؛ 10‏:‏8. ١٢ مَاڒَا ثُوذْفمْ غَارْ ثَادَّارْثْ، سدْجْممْ خْ أَيْثْبَابْ ن ثَادَّارْثْ س ڒهْنَا. ١٣ مَاڒَا ثَادَّارْثْ ثسْذَاهدْجْ، جّمْ خَاسْ ڒهْنَا نْومْ، مَاڒَا وَارْ ث ثسْذِيهدْجْ، خنِّي ڒهْنَا نْومْ أَذْ غَارْومْ د-إِعْقبْ. ١٤ مَاڒَا ثُوفِيمْ شَا ن يِيجّنْ وَارْ كنِّيوْ إِقبّڒْ ؤُ وَارْ إِتّسْڒِي إِ وَاوَاڒنْ نْومْ، فّْغمْ زِي ثَادَّارْثْ نِّي نِيغْ زِي ذْشَارْ نِّي، زّرْزمْ ثَاعجَّاجْثْ زڭْ إِضَارنْ نْومْ. ◘10:‏14 مك. 6‏:‏11؛ لك. 9‏:‏5؛ ڒخ. 13‏:‏51؛ 18‏:‏6. ١٥ س ثِيذتّْ، نشّْ أَذْ أَومْ إِنِيغْ: أَذْ يِيڒِي ڒْْحَاڒْ إِ ثمُّورْثْ ن سَاذُومْ ذ عَامُورَّا إِهْونْ زِي ثنْذِينْثْ نِّي ذڭْ وَاسّْ ن لْحِيسَابْ.“ ◘10:‏15 مك. 6‏:‏11؛ لك. 10‏:‏12.

١٦ ”خْزَارمْ، ڒخُّو أَذْ كنِّيوْ سّكّغْ أَمْ ؤُدْجِي ذِي ڒْْوسْطْ ن وُوشَّاننْ. إِڒِيمْ ثْفتّْنمْ أَمشْنَاوْ إِفِيغْرَانْ ؤُغفّْڒمْ أَمشْنَاوْ إِذْبِيرنْ. ◘10:‏16 [مك. 9‏:‏41، 13‏:‏9–13؛ لك. 12‏:‏2‏-‏9، 12‏:‏51‏-‏53؛ 14‏:‏26، 27؛ 21‏:‏12–17] — لك. 10‏:‏3 ١٧ مَاشَا حْضَامْ إِخفْ نْومْ زڭْ إِوْذَانْ، مِينْزِي نِيثْنِي أَذْ كنِّيوْ سلّْمنْ إِ ثَادَّارْثْ ن شّْرعْ، أَذْ كنِّيوْ هتّْكنْ س ؤُركُّوضْ ذِي ثمْزِيذَاوِينْ نْسنْ. ◘10:‏17 مت. 24‏:‏9؛ لك. 21‏:‏12؛ يُوح. 15‏:‏20؛ 16‏:‏2؛ أَسَا. 2‏:‏1. ١٨ أَذْ كنِّيوْ نذْهنْ زَّاثْ إِ ڒْْحُوكَّامْ ذ زَّاثْ إِ إِجدْجِيذنْ ذِي سِّيبّثْ إِنُو، حِيمَا أَذْ ثِيڒِيمْ ذ شّْهَاذثْ إِ نِيثْنِي ؤُڒَا إِ ڒڭْنُوسْ. ◘10:‏18 ڒخ. 24‏:‏1؛ 25‏:‏4. ١٩ مَاڒَا سلّْمنْ كنِّيوْ، وَارْ كسِّيمْ شَا س ومْنُوسْ مَامّشْ ذ مِينْ غَا ثسِّيوْڒمْ، مِينْزِي أَذْ أَومْ إِمّوْشْ ذِي ثْسَاعّثْ نِّي مِينْ إِتّْخصَّا أَذْ ثِينِيمْ. ◘10:‏19 مك. 13‏:‏11؛ لك. 12‏:‏11؛ 21‏:‏14. ٢٠ مَاغَارْ وَارْ إِدْجِي ذ كنِّيوْ إِنِّي إِسَّاوَاڒنْ، مَاشَا ذ أَرُّوحْ ن بَابَاثْومْ ذ نتَّا إِ ذَايْومْ إِسَّاوَاڒنْ.

٢١ ؤُمَاسْ أَذْ إِسلّمْ ؤُمَاسْ حِيمَا أَذْ إِثْوَانغْ ؤُ بَابَاسْ مِّيسْ، ؤُشَا أَذْ كَّارنْ ثَارْوَا ذ أَغزْذِيسْ إِ لْوَالِيذِينْ نْسنْ، أَذْ ثنْ نْغنْ. ◘10:‏21 مِيخَا 7‏:‏2، 5؛ لك. 21‏:‏16. ٢٢ أَذْ كنِّيوْ شَارْهنْ مَارَّا إِذْسنْ خْ سِّيبّثْ ن يِيسمْ إِنُو، مَاشَا ونِّي إِ غَا إِصْبَارنْ أَڒْ أَنڭَّارُو أَذْ إِتّْوَاسّنْجمْ. ◘10:‏22 مت. 24‏:‏13؛ مك. 13‏:‏13؛ لك. 21‏:‏19؛ أَسَا. 2‏:‏10؛ 3‏:‏10. ٢٣ مَاڒَا ذَارّْشنْ خَاومْ ذِي ثنْذِينْثْ-أَ، أَروْڒمْ غَارْ ثنّغْنِيثْ. س ثِيذتّْ، نشّْ أَذْ أَومْ إِنِيغْ: كنِّيوْ وَارْ ثتّكّمْ شَا خْ مَارَّا ثِيندَّامْ ن إِسْرَائِيل أَڒْ د غَا يَاسْ مِّيسْ ن بْنَاذمْ.“ ◘10:‏23 مت. 2‏:‏13؛ 4‏:‏12؛ 12‏:‏15؛ ڒخ. 8‏:‏1؛ 9‏:‏25؛ 14‏:‏6.

٢٤ ”وَارْ إِدْجِي ؤُمحْضَارْ يُوعْڒَا خْ ؤُمْسڒْمَاذْ نّسْ، ؤُڒَا ذ أَمْسخَّارْ خْ بَابْ نّسْ. ◘10:‏24 لك. 6‏:‏40؛ يُوح. 13‏:‏16؛ 15‏:‏20. ٢٥ إِكْفَا إِ ؤُمحْضَارْ أَذْ يِيڒِي أَمْ ؤُمْسڒْمَاذْ نّسْ ؤُ أَمْسخَّارْ أَمْ بَابْ نّسْ. مَاڒَا ڒَْاغَانْ أَسْ إِ بَابْ ن ثَادَّارْثْ ’بعَالْزابُولْ‘، إِخْسْ أَذْ يِينِي ’إِبْڒِيسْ‘، مشْحَاڒْ عَاذْ إِ أَيْثْبَابْ ن ثَادَّارْثْ نّسْ! ◘10:‏25 مت. 9‏:‏34؛ 12‏:‏24؛ مك. 3‏:‏22؛ لك. 11‏:‏15؛ يُوح. 8‏:‏48. ٢٦ وَارْ تّڭّْوذمْ شَا زَّايْسنْ. مِينْزِي وَارْ ذِينْ مِينْ إِذْڒِينْ أَذْ إِقِّيمْ وَارْ إِتّْوَاعَارِّي، ؤُڒَا وَارْ ذِينْ مِينْ إِنُوفَّارنْ أَذْ إِقِّيمْ وَارْ إِتّْوِيسّنْ.“ ◘10:‏26 أَيُوبْ 12‏:‏22؛ إِشا. 8‏:‏12؛ إِرْم. 1‏:‏8؛ مك. 4‏:‏22؛ لك. 8‏:‏17؛ 12‏:‏2.

٢٧ ”مِينْ ذ أَومْ قَّارغْ ذِي ثَادْجسْثْ، إِنِيمْ ث ذِي ثْفَاوْثْ، مِينْ ثسْڒِيمْ، قَّارنْ ث ذڭْ إِمزُّوغنْ نْومْ، بَارّْحمْ زَّايسْ خْ ثْزغْوِينْ. ٢٨ وَارْ تّڭّْوذمْ شَا زڭْ إِنِّي إِنقّنْ أَرِّيمثْ، مَاشَا وَارْ زمَّارنْ أَذْ نْغنْ ڒعْمَارْ. ڭّْوذمْ ذ أَمزْوَارُو زڭْ ونِّي إِزمَّارنْ أَذْ إِسّْهلّكْ ڒعْمَارْ ذ أَرِّيمثْ ذِي جهنَّامَا. ◘10:‏28 إِرْم. 1‏:‏8؛ لك. 12‏:‏4. ٢٩ مَا وَارْ تّْمنْزِينْ ثْنَاينْ ن ژَّاوشْ س يِيجّْ ن ؤُصُولْذِي ن نّْحَاسْ؟ ؤُڒَا ذ إِجّْ زَّايْسنْ وَارْ د-إِوطِّي شَا خْ ثمُّورْثْ بْڒَا بَابَاثْومْ، ٣٠ مَاشَا ؤُڒَا ذ إِژُوطَّانْ ن ؤُشُوَّافْ ن ؤُزدْجِيفْ نْومْ تّْوَاحسّْبنْ مَارَّا. ◘10:‏30 1 صم. 14‏:‏45. ٣١ س ؤُينِّي وَارْ تّڭّْوذمْ شَا، أَقَا كنِّيوْ ثعْذُومْ ژَّاوشْ أَطَّاسْ. ٣٢ س ؤُيَا كُوڒْ إِجّنْ ونِّي زَّايِي إِ غَا إِشهْذنْ زَّاثْ إِ إِوْذَانْ، ؤُڒَا ذ نشّْ أَذْ زَّايسْ شهْذغْ زَّاثْ إِ بَابَا إِ إِدْجَانْ ذڭْ إِجنْوَانْ. ◘10:‏32 مك. 8‏:‏38؛ لك. 9‏:‏26؛ 12‏:‏8؛ 2 تِيم. 2‏:‏12. ٣٣ مَاشَا ونِّي ذ أَيِي غَا إِنْكَارنْ زَّاثْ إِ إِوْذَانْ، ؤُڒَا ذ نشّْ أَذْ ث نْكَارغْ زَّاثْ إِ بَابَا إِ إِدْجَانْ ذڭْ إِجنْوَانْ.“

٣٤ ”وَارْ تّْغِيڒمْ شَا بلِّي ؤُسِيغْ-د حِيمَا أَذْ أَوْيغْ ڒهْنَا إِ دُّونشْثْ. نشّْ وَارْ د-ؤُسِيغْ شَا حِيمَا أَذْ أَوْيغْ ڒهْنَا، مَاشَا سِّيفْ. ◘10:‏34 لك. 12‏:‏51. ٣٥ ؤُسِيغْ-د حِيمَا أَذْ بْضِيغْ أَرْيَازْ خْ بَابَاسْ، ذ يدْجِيسْ خْ يمَّاسْ، ذ ثسْڒِيثْ خْ ڒَْالَّاسْ. ◘10:‏35 مِيخَا 7‏:‏6. ٣٦ أَيْثْبَابْ ن ثَادَّارْثْ ن بْنَاذمْ أَذْ إِڒِينْ ذ ڒْْعذْيَانْ نّسْ. ◘10:‏36 إِزهد. 41‏:‏10؛ 55‏:‏13؛ يُوح. 13‏:‏18. ٣٧ ونِّي إِتّخْسنْ بَابَاسْ نِيغْ ذ يمَّاسْ خَافِي، وَارْ ذ أَيِي إِسْذِيهدْجْ شَا، ؤُشَا ونِّي إِتّخْسنْ مِّيسْ نِيغْ ذ يدْجِيسْ خَافِي، وَارْ ذ أَيِي إِسْذِيهدْجْ شَا. ◘10:‏37 لك. 14‏:‏26. ٣٨ ونِّي وَارْ إِكسِّينْ صَّالِيبْ نّسْ ؤُشَا أَذْ أَيِي د-إِضْفَارْ، أَقَا نتَّا وَارْ ذ أَيِي إِسْذِيهدْجْ شَا. ◼10:‏38 ’صَّالِيبْ‘ - ذِي ڒْْوقْثْ ن ڒْْحُوكْمْ أَرُومَانِي، ثُوغَا إِرُومَانِييّنْ نقّنْ إِوْذَانْ إِنِّي وَارْ دْجِينْ ذ إِرُومَانِييّنْ ذِي صَّالِيبْ. ذ مَانْ أَيَا ثُوغَا ذ إِجّْ ن ڒْْعِيقَابْ إِقْسحْ أَطَّاسْ.  ◘10:‏38 مت. 16‏:‏24؛ مك. 8‏:‏34؛ لك. 9‏:‏23؛ 14‏:‏27. ٣٩ ونِّي إِ غَا يَافنْ ثُوذَارْثْ نّسْ أَذْ ت إِخْسَارْ، ذ ونِّي إِ غَا إِخْسَارنْ ثُوذَارْثْ نّسْ ذِي طّْوعْ إِنُو أَذْ ت يَافْ. ◘10:‏39 مت. 16‏:‏25؛ مك. 8‏:‏35؛ لك. 9‏:‏24؛ 17‏:‏33؛ يُوح. 12‏:‏25.

٤٠ ونِّي كنِّيوْ إِ غَا إِقبْڒنْ، إِقبّڒْ أَيِي، ؤُ ونِّي ذ أَيِي غَا إِقبْڒنْ، إِقبّڒْ ونِّي ذ أَيِي د-إِسّكّنْ. ◘10:‏40 لك. 10‏:‏16؛ يُوح. 13‏:‏20.

٤١ ونِّي إِ غَا إِقبْڒنْ أَنَابِي مِينْزِي نتَّا ذ أَنَابِي، أَذْ إِطّفْ ڒْْمُونثْ ن ؤُنَابِي، ذ ونِّي إِ غَا إِقبْڒنْ أَمْسڭَّاذْ س مِينْزِي نتَّا ذ أَمْسڭَّاذْ، أَذْ إِطّفْ ڒْْمُونثْ ن ؤُمْسڭَّاذْ. ◘10:‏41 1 إِج. 17‏:‏10؛ 18‏:‏4؛ 2 إِج. 4‏:‏8. ٤٢ ونِّي إِ غَا إِوْشنْ إِ يِيجّنْ زڭْ إِنَا إِمژْيَاننْ إِجّْ ن ڒْْكَاسْ ن وَامَانْ ذ أَسمَّاضْ، مْغِيرْ مِينْزِي نتَّا ذ أَمحْضَارْ إِنُو، س ثِيذتّْ، نشّْ أَذْ أَومْ إِنِيغْ، وَارْ ذ أَسْ ثتّْرِيحْ ڒْْمُونثْ نّسْ عمَّارْصْ.“ ◘10:‏42 مت. 25‏:‏40؛ مك. 9‏:‏41؛ عبر. 6‏:‏10.