1 ؤُمِي إِعْذُو سّبْثْ، ثسْغَا مَارْيَامْ ن مَاجْذَالَا ذ مَارْيَامْ، يمَّاسْ ن يَاعْقُوبْ، ذ سَالُومِي ڒعْطُورْ حِيمَا أَذْ ث ذهْننْثْ. ◘16:‏1 [مت. 28‏:‏1‏-‏8؛ لك. 24‏:‏1‏-‏12؛ يُوح. 20‏:‏1‏-‏10] — مت. 28‏:‏1؛ لك. 24‏:‏1؛ يُوح. 20‏:‏1. 2 غَارْ صّْبحْ زِيشْ ذڭْ وَاسّْ أَمزْوَارْ ن سِّيمَانَا إِوْضنْثْ-إِ-د غَارْ ونْضڒْ، أَڒَامِي د-ثنْقَارْ ثْفُوشْثْ. 3 نَّانْثْ جَارْ أَسنْثْ: ”وِي ذ أَنغْ إِ غَا إِسّقْنُونّْينْ ثَاصْضَارْثْ نِّي إِدْجَانْ خْ وَاذَافْ ن ونْضڒْ؟“ 4 ڒَامِي خْزَارنْثْ، ژْرِينْثْ أَقَا ثَاصْضَارْثْ ثتّْوَاسّقْنُونِّي زڭْ ونْضڒْ، وَاخَّا ثُوغَا ثمْغَارْ أَطَّاسْ. 5 ڒَامِي ؤُذْفنْثْ غَارْ يِيفْڒِي ن ونْضڒْ، ژْرِينْثْ إِجّْ ن ؤُبْڒِيغْ إِقِّيمْ غَارْ ؤُغزْذِيسْ أَفُوسِي، يَارْضْ أَرُّوضْ ذ أَشمْڒَاڒْ، ؤُشَا نِيثنْثِي نّْخڒْعنْثْ. ◘16:‏5 مت. 28‏:‏2؛ يُوح. 20‏:‏12. 6 مَاشَا نتَّا إِنَّا أَسنْثْ: ”وَارْ تّْنخْڒِيعنْثْ شَا! كنِّينْثْ ثَارزُّونْثْ خْ يَاسُوع نَّاصِيرِي ونِّي إِتّْوَاصلّْبنْ. أَقَا نتَّا إِكَّارْ، وَارْ ذَا إِدْجِي، خْزَارنْثْ، أَقَا أَمْشَانْ مَانِي ث سَّارْسنْ. ◘16:‏6 مت. 28‏:‏5؛ لك. 24‏:‏5. 7 مَاشَا رُوحنْثْ، إِنِينْثْ إِ إِمحْضَارنْ نّسْ ؤُڒَا إِ بُوطْرُوسْ، أَقَا أَذْ أَومْ إِزْوَارْ غَارْ لْجَالِيلْ. ذِينِّي أَذْ ث ثْژَارمْ أَمْ مَامّشْ ثُوغَا إِ ذ أَومْ إِنَّا.“ ◘16:‏7 مت. 26‏:‏32؛ 28‏:‏10؛ مك. 14‏:‏28؛ ڒخ. 1‏:‏3؛ 13‏:‏31؛ 1 كُور. 15‏:‏5. 8 فّْغنْثْ ذغْيَا ؤُشَا أَروْڒنْثْ زڭْ ونْضڒْ، مِينْزِي ثْقبْسْ إِ-ثنْثْ ثَارْجِيجِيثْ ذ دّهْشَانْ، ؤُشَا وَارْ ث نِّينْثْ إِ حذْ، مِينْزِي ثُوغَا ڭّْوذنْثْ. ◘16:‏8 مت. 28‏:‏8؛ لك. 24‏:‏9؛ يُوح. 20‏:‏18.

9 غَارْ صّْبحْ زِيشْ ذڭْ وَاسّْ أَمزْوَارْ ن سِّيمَانَا إِكَّارْ-د ؤُشَا إِضْهَارْ-د ذ أَمزْوَارُو إِ مَارْيَامْ ن مَاجْذَالَا، ثنِّي زِي ثُوغَا إِسُّوفّغْ سبْعَا ن شّْوَاطنْ. ◘16:‏9 [مت. 28‏:‏9‏-‏10؛ يُوح. 20‏:‏11‏-‏18؛ لك. 24‏:‏13‏-‏35] — لك. 8‏:‏2؛ يُوح. 20‏:‏14، 16. 10 ثَانِيثَا ثْرُوحْ ؤُشَا ثْخبَّارْ أَيَا إِ يِينِّي ثُوغَا أَكِيذسْ إِدْجَانْ، إِنِّي ثُوغَا إِشضْننْ ؤُ تّْرُونْ. 11 ڒَامِي إِنَا سْڒِينْ بلِّي نتَّا أَقَا إِدَّارْ ؤُشَا إِبَانْ أَسنْثْ، وَارْ زَّايْسنْثْ ؤُمِيننْ. ◘16:‏11 مت. 28‏:‏ 12 أَوَارْنِي أَيَا إِبَانْ-د س يِيجّْ ن وَادُّوذْ نّغْنِي إِ ثْنَاينْ زَّايْسنْ، ؤُمِي ثُوغَا ڭُّورنْ نِيثْنِي غَارْ إِجّْ ن ذْشَارْ. ◘16:‏12 لك. 24‏:‏13. 13 ؤُڒَا ذ إِنَا رُوحنْ عَاوذْ ؤُشَا خبَّارنْ إِنّغْنِي، مَاشَا وَارْ ؤُمِيننْ ؤُڒَا ذ إِنَا.

14 غَارْ ؤُنڭَّارْ إِبَانْ-د إِ حِيطَاشْ أَڒَامِي ثُوغَا قِّيمنْ غَارْ طَّابْڒَا ؤُشَا إِعَايَارْ إِ-ثنْ زِي سِّيبّثْ ن ثِيكّسْثْ ن لْ-إِيمَانْ نْسنْ ؤُ زِي سِّيبّثْ ن ڒقْسَاحثْ ن وُوڒَاونْ نْسنْ، مِينْزِي وَارْ ؤُمِيننْ زڭْ إِنِّي ث إِژْرِينْ أَوَارْنِي ڒَامِي د-إِتّْوَاسّْنكَّارْ نتَّا.

15 إِنَّا أَسنْ: ”رُوحمْ غَارْ دُّونشْثْ مَارَّا، بَارّْحمْ س ڒخْبَارْ أَصبْحَانْ ذِي مَارَّا مِينْ د-إِتّْوَاخڒْقنْ. ◘16:‏15 [مت. 28‏:‏16‏-‏20؛ لك. 24‏:‏36‏-‏49؛ يُوح. 20‏:‏19‏-‏23؛ ؤُف. 1‏:‏6‏-‏8] — لك. 24‏:‏36؛ يُوح. 15‏:‏16؛ 20‏:‏19؛ 1 كُور. 15‏:‏5. 16 ونِّي يُومِيننْ ؤُ إِتّْوَاسّغْضصْ، أَقَا إِدَّارْ، مَاشَا ونِّي وَارْ يُومِيننْ، أَقَا إِتّْوَاحَاسبْ. ◘16:‏16 يُوح. 3‏:‏18؛ 12‏:‏48. 17 ثِينَا ذ ڒعْڒَامَاثْ إِ غَا إِضْفَارنْ إِنِّي يُومِيننْ: أَقَا نِيثْنِي أَذْ سُّوفّْغنْ شّْوَاطنْ س يِيسمْ إِنُو، أَذْ سِّيوْڒنْ س إِڒْسَاونْ ن جْذِيذْ، ◘16:‏17 لك. 10‏:‏17؛ ڒخ. 2‏:‏4؛ 5‏:‏16؛ 8‏:‏7؛ 10‏:‏46؛ 16‏:‏18؛ 19‏:‏6، 12. 18 أَذْ كْسِينْ إِفِيغْرَانْ س إِفَاسّنْ نْسنْ ؤُ مَاڒَا سْوِينْ مِينْ إِنقّنْ، وَارْ ثنْ إِضَّارِّي شَا مَانْ أَيَا، ؤُشَا أَذْ سَّارْسنْ إِفَاسّنْ نْسنْ خْ إِمهْڒَاشْ، أَذْ ڭّنْفَانْ.“ ◘16:‏18 لك. 10‏:‏19؛ ڒخ. 28‏:‏5، 8.

19 أَوَارْنِي ڒَامِي كِيذْسنْ إِسِّيوڒْ، إِمّكْسِي سِيذِيثْنغْ يَاسُوع غَارْ ؤُجنَّا ؤُشَا إِسّْغِيمْ إِخفْ نّسْ خْ ؤُفُوسِي ن أَربِّي. ◘16:‏19 [لك. 24‏:‏50‏-‏53؛ ؤُف. 1‏:‏9‏-‏11] — لك. 24‏:‏50، 51؛ ڒخ. 1‏:‏9. 20 مَاشَا نِيثْنِي فّْغنْ ؤُشَا بَارّْحنْ ذِي كُوڒْ أَمْشَانْ، ؤُ سِيذِيثْنغْ ثُوغَا إِعَاونْ إِ-ثنْ ؤُشَا إِسَّارْسْ ڒْخطْ نّسْ خْ وَاوَاڒنْ نْسنْ س ڒعْڒَامَاثْ إِ يڭِّينْ. أَمِينْ.

أَنڭَّارْ ن لْ-إِنْجِيلْ إِقدّْسنْ أَمْ مَامّشْ ث إِبَارّحْ مَارْكُوسْ. ◘16:‏20 ڒخ. 1‏:‏2؛ 14‏:‏3؛ 1 تِيم. 3‏:‏16؛ عبر. 2‏:‏4.