15
أَوَاڒنْ إِوزّْننْ ن سُولِيمَانْ - ثَاسْغَارْثْ 1ج
1 ثْوَارِّيثْ إِفْسُوسنْ
ثسّسْمَاضْ أَخيّقْ،
مَاشَا أَوَاڒْ إِتّقّْسنْ
إِسّكَّارَا-د أَخيّقْ. ◘15:1 أَوڒن. 25:15
2 إِڒسْ ن إِمِيغِيسنْ إِجبّذْ ثُوسّْنَا
غَارْ زَّاثْ،
مَاشَا أَقمُّومْ ن إِبُوهَاڒِييّنْ
إِتَّازّڒْ س ثُوبُّوهڒْيَا. ◘15:2 أَوڒن. 12:23؛ 13:16؛ 15:28
3 ثِيطَّاوِينْ ن سِيذِي ذِي كُوڒْ أَمْشَانْ،
تّْحكَّارنْثْ إِ إِصبْحَاننْ ذ إِعفَّاننْ. ◘15:3 أَيُوبْ 34:21؛ أَوڒن. 5:21؛ إِرْم. 16:17؛ 32:19
4 إِڒسْ نِّي إِسّْڭنْفَانْ ذ ثَاشجَّارْثْ ن ثُوذَارْثْ،
مَاشَا أَرّْهَاجْ نّسْ إِتَّارژَّا بُوحْبڒْ. ◼15:4 ’ثَاشجَّارْثْ‘ - نِيغْ ’أَدَّاڭْ‘ (’إِدَّاڭنْ‘). ◘15:4 أَوڒن. 12:18؛ 13:14
5 أَبُوهَاڒِي إِنطَّارْ تَّارْبِييّثْ ن بَابَاسْ،
مَاشَا ونِّي إِتّْحكَّارَانْ
إِ ؤُوبّخْ، أَقَا إِفْثنْ.
6 ذِي ثَادَّارْثْ ن ؤُمْسڭَّاذْ -
ذَايسْ ڒْكنْزْ إِمْغَارْ،
مَاشَا ذِي مِينْ د-إِتَّاوِي ؤُعفَّانْ
ذَايسْ ثَامَارَا.
7 إِينْشِيشنْ ن إِمِيغِيسنْ تّْبزَّاعنْ ثُوسّْنَا،
مَاشَا ؤُڒْ ن إِبُوهَاڒِييّنْ وَارْ إِدْجِي نِيشَانْ.
8 ثَاغَارْصْثْ إِ إِتّْقدَّامنْ إِعفَّاننْ
ذ نّْعِي إِ سِيذِي،
مَاشَا ثَاژَادْجِيثْ ن إِنِّي إِڭُّورنْ نِيشَانْ
أَقَا-ت إِ نتَّا ذ أَرْضَا. ◘15:8 أَوڒن. 21:27؛ إِشا. 1:11؛ إِرْم. 6:20؛ عَام. 5:21
9 أَبْرِيذْ ن ؤُعفَّانْ ذ نّْعِي إِ سِيذِي،
مَاشَا ونِّي إِضفَّارَانْ ثَاسڭْذَا،
إِتّخْسْ إِ-ث نتَّا.
10 تَّارْبِييّثْ إِقسْحنْ ثْڒقّفْ
ونِّي إِسمْحنْ ذڭْ وبْرِيذْ،
ؤُ ونِّي إِشَارّْهنْ أَوبّخْ،
أَذْ إِمّثْ.
11 ڒَاخَارْثْ ذ ثسْرَافْثْ ن ؤُهلّكْ
أَقَا ذِينْ أَرزْمنْ زَّاثْ إِ سِيذِي،
مشْحَاڒْ عَاذْ وُوڒَاونْ ن ثَارْوَا ن بْنَاذمْ؟ ◘15:11 2 إِم. 6:30؛ إِزهد. 7:10؛ 44:22؛ إِرْم. 17:9، 10؛ يُوح. 2:24، 25؛ 21:17؛ ڒخ. 1:24
12 أَمسْثهْزِييْ وَارْ إِتّخْسْ
ونِّي ث إِ غَا إِوبّْخنْ،
وَارْ إِتّْرِيحْ شَا غَارْ إِمِيغِيسنْ.
13 ؤُڒْ إِفَارْحنْ إِتّڭّْ ؤُذمْ إِشْنَانْ،
مَاشَا أَمْنُوسْ ذڭْ وُوڒْ إِسكّفْ بُوحْبڒْ. ◘15:13 أَوڒن. 17:22؛ 18:14
14 ؤُڒْ إِفهّْمنْ يَارزُّو ثُوسّْنَا،
مَاشَا أَقمُّومْ ن إِبُوهَاڒِييّنْ
إِسّشَّا إِخفْ نّسْ س ثُوبُّوهڒْيَا.
15 إِ يِينِّي إِتّْوَاحْصَارنْ مَارَّا ؤُسَّانْ نْسنْ
أَقَا إِعفّْننْ،
مَاشَا ؤُڒْ إِفَارْحنْ
أَمْ إِشْثْ ن زَّارْذثْ وَارْ إِقطِّينْ.
16 إِحْڒَا ذْرُوسْ أَكْ-ذ ثڭّْوُوذِي ن سِيذِي،
خْ إِجّْ ن ڒْكنْزْ ذ أَمقّْرَانْ س ڒحْوڒْ. ◘15:16 إِزهد. 37:16؛ أَوڒن. 16:8
17 إِحْڒَا إِجّْ ن طّبْصِي ن ڒْخُوضَارْثْ
مَانِي ثْحكّمْ ثَايْرِي،
خْ إِجّْ ن ؤُينْذُوزْ إِصحّنْ أَكْ-ذ وشْرَاهْ. ◘15:17 أَوڒن. 17:1
18 أَرْيَازْ إِتَّارُّوجْذُوذنْ
إِسّكَّارَا إِمنْغِييّنْ،
مَاشَا ونِّي غَارْ إِدْجَا تَّاسِيعْ ن ڒْخَاضَارْ
إِسّخْسَايْ أَمنْغِي. ◘15:18 أَوڒن. 28:25؛ 29:22
19 أَبْرِيذْ ن ؤُمعْڭُوزْ
أَمْ شْبَارْقْ أَكْ-ذ إِسنَّاننْ،
مَاشَا أَمسْرُوقْ ن يِينِّي إِڭُّورنْ نِيشَانْ
أَقَا إِتّْوَاسّْڭعّذْ.
20 مِّيسْ أَمِيغِيسْ إِسّْفَارّحْ بَابَاسْ،
مَاشَا بْنَاذمْ أَبُوهَاڒِي
إِسّحْقَارَا يمَّاسْ. ◘15:20 أَوڒن. 10:1
21 ثُوبُّوهڒْيَا أَقَا-ت ذ ڒفْرَاحثْ
إِ ونِّي وَارْ غَارْ إِدْجِي بُو وُوڒْ إِمْثنْ،
مَاشَا إِجّْ ن ورْيَازْ ن ڒفْهَامثْ
إِڭُّورْ نِيشَانْ. ◘15:21 أَوڒن. 10:23؛ 14:9
22 إِنْوَاينْ فشّْڒنْ
مَاڒَا وَارْ ذِينْ إِدْجِي شّْوَارْ،
مَاشَا س وَاطَّاسْ ن إِمْشَاوَارنْ
أَذْ يِيڒِي ونْوَايْ. ◼15:22 ’إِنْوَاينْ‘ - نِيغْ ’إِنكّْوَانْ‘ نِيغْ ’إِخَارِّيصنْ‘. ◘15:22 أَوڒن. 11:14
23 أَرْيَازْ غَارسْ ڒفْرَاحثْ
ذِي ثمْوَارِّيثْ إِصبْحنْ
زڭْ ؤُقمُّومْ نّسْ.
مشْحَاڒْ إِصْبحْ وَاوَاڒْ ذِي ڒْوقْثْ نّسْ!
24 أَبْرِيذْ ن ثُوذَارْثْ إِندّهْ
غَارْ سنّجْ إِ ؤُفهَّامْ،
مَاحنْذْ نتَّا أَذْ إِحيّذْ
خْ ڒَاخَارْثْ سْوَادَّايْ.
25 ثَادَّارْثْ ن بُو-نّْفَاخثْ
أَذْ ت إِقْڒعْ سِيذِي،
مَاشَا أَيْمِيرْ ن ييَّارْ ن ثَاجَّاتْشْ
إِسّمْثَانْ إِ-ث نتَّا. ◘15:25 أَوڒن. 2:21، 22؛ 12:7؛ 14:11
26 إِخمِّيمنْ ن ؤُعفَّانْ ذ نّْعِي إِ سِيذِي،
مَاشَا أَوَاڒنْ إِشوَّارنْ ذ إِمزْذَاڭنْ. ◘15:26 أَوڒن. 6:18
27 ونِّي يَارزُّونْ خْ أَرْبحْ
إِغطّڒْ ثَادَّارْثْ نّسْ ذِي أَرّْژِييّثْ،
مَاشَا ونِّي إِشَارّْهنْ ثَارْزِيفِينْ، أَذْ إِدَّارْ. ◘15:27 أَوڒن. 1:19
28 ؤُڒْ ن إِمْسڭَّاذنْ إِتّْخَارَّاصْ
مَاحنْذْ أَذْ د-يَارّْ،
مَاشَا أَقمُّومْ ن إِعفَّاننْ
إِتّْفيّضْ س ڒْغَارْ.
29 إِڭّْوجْ سِيذِي خْ إِعفَّاننْ،
مَاشَا ثَاژَادْجِيثْ ن إِمْسڭَّاذنْ إِتّسْڒَا أَسْ. ◘15:29 إِزهد. 10:17؛ 34:19؛ 145:18، 19
30 ثَافَاوْثْ ذِي ثِيطَّاوِينْ ثسّْفَارّحْ ؤُڒْ،
ڒخْبَارْ أَصبْحَانْ إِسّْيُومَا إِغْسَانْ. ◘15:30 أَوڒن. 25:25
31 أَمزُّوغْ إِتّسْڒَانْ
غَارْ ؤُوبّخْ إِ ثُوذَارْثْ،
أَذْ إِسّنْسْ ذِي ڒْوسْطْ ن إِمِيغِيسنْ.
32 ونِّي إِنطَّارنْ تَّارْبِييّثْ،
إِسّحْقَارَا إِخفْ نّسْ،
مَاشَا ونِّي إِتّسْڒَانْ غَارْ ؤُوبّخْ،
إِسّْيَاوَانْ ؤُڒْ نّسْ. ◘15:32 أَوڒن. 13:18
33 ثِيڭّْوُوذِي ن سِيذِي ذ تَّارْبِييّثْ غَارْ ثِيغِيثْ،
ؤُ أَوَاضعْ إِتِّيزْوَارْ إِ شَّانْ. ◘15:33 أَوڒن. 1:7؛ 9:10؛ 18:12
◘15:1 15:1 أَوڒن. 25:15
◘15:2 15:2 أَوڒن. 12:23؛ 13:16؛ 15:28
◘15:3 15:3 أَيُوبْ 34:21؛ أَوڒن. 5:21؛ إِرْم. 16:17؛ 32:19
◼15:4 15:4 ’ثَاشجَّارْثْ‘ - نِيغْ ’أَدَّاڭْ‘ (’إِدَّاڭنْ‘).
◘15:4 15:4 أَوڒن. 12:18؛ 13:14
◘15:8 15:8 أَوڒن. 21:27؛ إِشا. 1:11؛ إِرْم. 6:20؛ عَام. 5:21
◘15:11 15:11 2 إِم. 6:30؛ إِزهد. 7:10؛ 44:22؛ إِرْم. 17:9، 10؛ يُوح. 2:24، 25؛ 21:17؛ ڒخ. 1:24
◘15:13 15:13 أَوڒن. 17:22؛ 18:14
◘15:16 15:16 إِزهد. 37:16؛ أَوڒن. 16:8
◘15:17 15:17 أَوڒن. 17:1
◘15:18 15:18 أَوڒن. 28:25؛ 29:22
◘15:20 15:20 أَوڒن. 10:1
◘15:21 15:21 أَوڒن. 10:23؛ 14:9
◼15:22 15:22 ’إِنْوَاينْ‘ - نِيغْ ’إِنكّْوَانْ‘ نِيغْ ’إِخَارِّيصنْ‘.
◘15:22 15:22 أَوڒن. 11:14
◘15:25 15:25 أَوڒن. 2:21، 22؛ 12:7؛ 14:11
◘15:26 15:26 أَوڒن. 6:18
◘15:27 15:27 أَوڒن. 1:19
◘15:29 15:29 إِزهد. 10:17؛ 34:19؛ 145:18، 19
◘15:30 15:30 أَوڒن. 25:25
◘15:32 15:32 أَوڒن. 13:18
◘15:33 15:33 أَوڒن. 1:7؛ 9:10؛ 18:12