18
ونِّي إِعزّْڒنْ إِخفْ نّسْ،
يَارزُّو خْ مژْرِي نّسْ،
نتَّا إِدُّوقُّوزْ خْ مَارَّا
مِينْ إِزمَّارنْ أَذْ يِيڒِي ذ أَذبَّارْ.
أَبُوهَاڒِي وَارْ ذ أَسْ ثتّعْجِيبْ ڒفْهَامثْ،
إِتّعْجِيبْ أَسْ مْغِيرْ أَعَارِّي ن وُوڒْ نّسْ.
 
خْمِي د-إِتَّاذفْ ؤُعفَّانْ،
إِتَّاسْ-د ؤُڒَا ذ أَسحْقَارْ،
ؤُ أَكْ-ذ ڒفْضِيحثْ إِتَّاسْ-د ڒْعَارْ.
أَوَاڒنْ زڭْ ؤُقمُّومْ ن ورْيَازْ
أَمْ وَامَانْ يُودْجْغنْ،
ڒْْعُونْصَارْ ن ثِيغِيثْ ذ إِشْثْ ن ثِيغْزَارْثْ إِتَّازّْڒنْ.
وَارْ إِدْجِي شَا مْلِيحْ أَذْ ثسّْعِيزّذْ أَعفَّانْ،
مَاحنْذْ أَذْ ثسّْحيّْذذْ
أَمْسڭّذْ ذِي شّْرعْ. 18:‏5 لَاوِي 19‏:‏15؛ أَعَوذ. 1‏:‏17؛ 16‏:‏19؛ أَوڒن. 24‏:‏23
إِينْشِيشنْ ن ؤُبُوهَاڒِي ندّْهنْ ث
غَارْ ؤُمْشبّشْ،
أَقمُّومْ نّسْ إِتّْڒَاغَا-د إِ وعْمُوذْ.
أَقمُّومْ ن ؤُبُوهَاڒِي ذ أَهلّكْ نّسْ،
إِينْشِيشنْ نّسْ ذ ڒْفخْ إِ ڒعْمَارْ نّسْ. 18:‏7 أَوڒن. 10‏:‏14؛ 12‏:‏13؛ 13‏:‏3
 
أَوَاڒنْ ن إِخْبَارْجِييّنْ أَمْ حَالَاوِيثْ،
هكّْوَانْثْ ذڭْ إِخَّامنْ
ن ذَاخڒْ ن ؤُعذِّيسْ. 18:‏8 أَوڒن. 26‏:‏22
ونِّي إِدْجَانْ ذ أَمَارْخُو ذِي ڒْخذْمثْ نّسْ،
أَقَا ث ذ ؤُمَاسْ ن بَابْ ن ؤُڒدّدْجْ.
 
10 إِسمْ ن سِيذِي ذ إِجّْ ن لْبُورْجْ إِمْثنْ،
أَمْسڭّذْ إِتَّازّڒْ غَارْ ذِينِّي،
ؤُشَا إِتّْوَاسَّاكّْوَاضْ أَڒْ ذِينْ ذِي ڒَامَانْ. 18:‏10 2 صم. 22‏:‏51؛ إِزهد. 18‏:‏3؛ 61‏:‏4؛ أَوڒن. 29‏:‏25
11 أَڭْڒَا ن بُو-وَاڭْڒَا
ذ ثَانْذِينْثْ نّسْ إِجهْذنْ،
ثَانِيثَا أَمْ يِيجّْ ن ڒْحِيضْ يُوعْڒَانْ قَاعْ
ذِي ڒْبَاڒْ نّسْ. 18:‏11 أَوڒن. 10‏:‏15
 
12 قْبڒْ مَا إِ غَا إِتّْوَارْژْ،
إِتّْڭعَّاذْ وُوڒْ نْ بْنَاذمْ،
مَاشَا أَوَاضعْ إِتِّيزْوَاڒْ أَسْ إِ شَّانْ. 18:‏12 أَوڒن. 11‏:‏2؛ 15‏:‏33؛ 16‏:‏18
13 ونِّي د-إِتَّارَّانْ أَوَاڒْ
قْبڒْ إِ غَا إِسڒْ،
ذ مَانْ أَيَا ذ ثُوبُّوهڒْيَا
ذ ڒفْضِيحثْ إِ نتَّا.
14 بُوحْبڒْ ن ورْيَازْ
إِتّْسنّذْ إِ-ث غَارْ ڒهْڒَاشْ نّسْ،
مَاشَا بُوحْبڒْ إِتّْوَارْژنْ،
وِي إِزمَّارنْ أَذْ ث إِكْسِي؟
15 ؤُڒْ ن ؤُفهَّامْ يَارزُّو ثُوسّْنَا،
أَمزُّوغْ ن ؤُمِيغِيسْ يَارزُّو ثُوسّْنَا.
16 ثَارْزفْثْ ن بْنَاذمْ ثَارزّمْ أَسْ ثِيوُّورَا،
ثْندّهْ إِ-ث زَّاثْ إِ وُوذمْ ن إِمقّْرَاننْ.
17 ونِّي ذ أَمزْوَارُو ذِي دّعْوثْ نّسْ
إِتّْبَانْ ذ أَمْسڭّذْ،
مَاشَا خنِّي أَذْ د-يَاسْ جَّارْ نّسْ
ؤُشَا إِتّْنشّبْ ذِي ثْمسْڒَاشْثْ. 18:‏17 أَوڒن. 25‏:‏8
18 ثَاقدُّوحْثْ إِتّجَّانْ إِمنْغَانْ تّْبدَّانْ،
ثْبطَّا جَارْ إِنِّي غَارْ ثدْجَا صُّولْطَا.
19 إِجّْ ن ؤُمَا نِّي ؤُمِي ذِي ڭِّينْ ڒْعِيبْ،
إِتّْوَاطّفْ كْثَارْ خْ إِشْثْ ن ثنْذِينْثْ إِجهْذنْ،
إِمنْغَانْ ڭِّينْ أَمْ زّكْرُونْ ن ڒقْصَارْ.
 
20 زِي ڒْغِيدْجثْ ن ؤُقمُّومْ ن إِجّْ ن ورْيَازْ
إِتّْيَاوَانْ ؤُعذِّيسْ نّسْ،
أَذْ إِجَّاونْ زِي صَّابثْ ن إِينْشِيشنْ نّسْ. 18:‏20 أَوڒن. 12‏:‏14؛ 13‏:‏2
21 ڒْموْثْ ذ ثُوذَارْثْ ذڭْ ؤُفُوسْ ن يِيڒسْ،
كُوڒْ إِجّنْ ونِّي ثنْ إِتّخْسنْ،
أَذْ يشّْ رْغِيدْجثْ نْسنْ. 18:‏21 أَوڒن. 21‏:‏23؛ يَاع. 3‏:‏2
22 ونِّي يُوفِينْ ثَامْغَارْثْ،
يُوفَا مِينْ إِصبْحنْ،
ؤُ نتَّا إِطّفْ أَرْضَا ن سِيذِي. 18:‏22 أَوڒن. 19‏:‏14
23 س ؤُحشّمْ إِسَّاوَاڒْ ؤُمزْڒُوضْ،
بُو-وَاڭْڒَا إِتَّارَّا-د س ڒقْسَاحثْ.
24 أَرْيَازْ نِّي غَارْ دْجَانْ إِمدُّوكَّاڒْ أَطَّاسْ،
أَذْ إِوْضَا ذِي ثَامَارَا،
مَاشَا شَا ن إِمُورنْ
أَمدُّوكّڒْ إِتّخْسْ إِ شكْ
كْثَارْ زِي ثَاوْمَاثْ. 18:‏24 أَوڒن. 17‏:‏17
 
 

18:5 18:‏5 لَاوِي 19‏:‏15؛ أَعَوذ. 1‏:‏17؛ 16‏:‏19؛ أَوڒن. 24‏:‏23

18:7 18:‏7 أَوڒن. 10‏:‏14؛ 12‏:‏13؛ 13‏:‏3

18:8 18:‏8 أَوڒن. 26‏:‏22

18:10 18:‏10 2 صم. 22‏:‏51؛ إِزهد. 18‏:‏3؛ 61‏:‏4؛ أَوڒن. 29‏:‏25

18:11 18:‏11 أَوڒن. 10‏:‏15

18:12 18:‏12 أَوڒن. 11‏:‏2؛ 15‏:‏33؛ 16‏:‏18

18:17 18:‏17 أَوڒن. 25‏:‏8

18:20 18:‏20 أَوڒن. 12‏:‏14؛ 13‏:‏2

18:21 18:‏21 أَوڒن. 21‏:‏23؛ يَاع. 3‏:‏2

18:22 18:‏22 أَوڒن. 19‏:‏14

18:24 18:‏24 أَوڒن. 17‏:‏17